BANG DOH AI HIAM????????
By ~ Sang Hilsia
Mulsum kai thiithiai leh zan daitui te'n lampi khuh in, lamlian tung meizun in sunom tiptiap a, lamsiik a, eliktik vak ten lampi te sak sial2 hi. Zan hong sawt deuh deuh in, kha a vak deuh deuh a, ka lungzuang mah mah mai hi. Kha vak nuai a ka iitpen leh ngaigpen Chingnu toh khut kilen a ka vak khawm hel hel lai te uh ka mit kha ah a hong lang dun dun mai hi. Ka theihlouh kal in ka khitui luang ana hi a, ka lawm Lianpu in, "Thang bang ci e, kap la na bang a?" hon ci a. "E Lian, bang ka ci kei, ka lungzuang lua a ahi", ka ci a. Lianpu'n, "lumta ni zansawt ta", a ci a, huciin, ka hosteel room uah ka lut ua, ka lum ta uhi. Ka lungzuang mahmah a, ka ihmu zok thei kei hi. Ka ngaihnou mah ka lungsim ah a tham den a. Aman le huci dan a hon ngaihtuah din ka ka ngaihtuah na ah a om hi. A tawp tawp in cu ka ihmu khong khong ta hi.
Chingnu toh bel, neucik ka hih lai ua pat a ki thuah ka hi ua, ka ki ngaina mah2 uhi. Ka neu lai un skul khat ah ka kai khawm ua, kuan-le-pai in ka kiton gige uhi. Kei ka pawl a sang zo a, skul kaitawp ciah skul kong ah ka ki ngak tuah gige ua, midang om lam2 le ka phawk kei hial uhi. Skul kai bang ka ki thalawp thei mah2 ua, nuam kasa thei mah2 uhi. Skul kai louh ni/ khawl ciang bang in a inn uah ka va hoh zel a, suun ni leng2 in ka kimawl khawm sek uhi. Kei pawl 7 ka hih in amah pawl 5 ahi a, khat vei2 lai a theih louh ciang bang in ka hilh zel a, a nu-le-pa bang a kipak thei mah2 uhi.
Chingnu te tuh ka khua ua mihausa pawl a hi ua, apa Officer lian tak ahi a, ka pa pen Chingnu pa' gari hektu ahi. Hucih ziak mah le a hi dia, ka inkuan un hon deihsak mah2 ua, kei houh amau inn ah cu ka ki neisak in ka ki maingal sak mah2 hi. Ka Pa, a Boss pa(Chingnu Pa) a din a ginom mah2 a, a khem ngei kei him2 hi. Chingnu pa'n le a muang mah2 a, ka haksat ni uh, a diak in, sum-le-pai ah ka taksap ni un hon panpih khial kei hi. Amah bel ka leitung Pathian uh ahi.
Mihausa ta cih mah tak, Chingnu bel a biang san ciuciau in, a melhoih mah2 a, a mukha phot in a pakta ua, a deihthoh mah2 uhi. Chingnu tuh, tulai paua i gen minthang mah2 uh LUCK cih tanglou vual a hi kei. A melhoih na in mite mit a la mah2 hi. Mi polh nuam leh kamsaim tak leh mi maitai ahi a, a hoih na ziak a kisathei leh hou hak lou hial tuh, mite etlah pen hong suak hi.
Hun-le-nite hong pai zel zel in, ka hong khang lian hiaihiai ua, ka iitna a lian deuh deuh a, himahleh ka gen ngam ngei kei hi. Neu a pat a ki thuah cih louh din ah, ka iitna thu gen di ka zum mah mah mai hi. A ziak bel aman hici bang kungsim ne dia ka gintak louh man in. Iim vual louh leh gen lou thei lou a ka kingaih ziak in gen mai di ahi ci in ka lungsim ka bawl hi. Nikhat cu Chingnu te inn a ka va hoh a, amah kia ana om a, siam ana gaan hi. "Nang kia lah nana om zenzen a, tangval teng koi a om vek ahi ua", ciin ka ciamnui lut hi. "Uthang nang la na hi a, hong tu in. Eh! nang le tangval lou dan in na ki gen a, zi neita na mo?", ciin hon na ciam nuih thuk hi. Bang tan hiam thuvantang ka houlim nung un, phalbi ziing vot tak nuai a om bang mai in, liing kokouh kawm in, "Ching, hon gen di lah ka kisuanglah a, hon gen louh ding lah........", ka cih pat leh, "Kisuanlah na di bang mah om kei, gen lelve", hon na ci a, hiai aw suak in, hangsanna hon pia hi. Huciin kei le kisa thak in, "Ching, nang hon iit leh hausa tampi kal ah, kei na mit a niin-neng tu zou hikei mah leng, mikhat a ana piang khe sam ka hih man in, kon na iit mahmah a, bang ngaihdan na nei diam ah", ka ci khe puap ta mai hi. Chingnu bel kuun in a dai dide lel a, "Nang hon iit leh hon ngai te mi neizou ngen, neih-le-lam masuan di nei ngen a hih uh ka haih kei, himahleh, kei pilna, siamna leh hauhna masuan di nei lou, kon iitna lel masuan a hon geen ka hi", ka cih behlap hi. Ka thil gen in Chingnu ngiahtuahna tampi pe din ka ging ta hi.
Chingnu leng awl in hong dak tou in, "Uthang, na gen bang in iitna mah zo a thupi pen ahi a, na thugen in hon kipaksak mah leh, iitna hici mai a kipaik theih hilou a hih man in, tua hon ddawng thei lou hi ing!! Ngaihsiat in le ngai kenla, hun lem dang ah kon dawng mai di aw, hon theisiam phot in aw", hon ci hi. Nileng kai ta ahih man in, kei le inn lam zuan in ka paita hi. Ka puak gik khat bung khezou ka hih man in zaang tuan in ka ki thei hial hi, alehlam ah ka ngaihtuah ciah, hon dawng lou bang hi leh, ka zum di dan leh a zum huai di dan khong ka ngaihtuah a, ka gen khak bang ka kisiik tuntunn zel hi. Bangteng hileh, ka iitna thu gen zou cu ka hi peuh mah a!!!!!
Nikhat tuh Chingnu lawmte Siamte kici khat in laithem neucik hong pia a, Chingnu apat ahih dan leng hon hilh hi. "Uthang, i neu apat a ki thuah a, kei a dia non khualdan leh non hehpih dan ka ngaihtuah a, kakipak lua hi. Hiai kia leng hilou, na iitna thu non gen a, sang lou vual ka hi kei. Non iitna mah ka mitsaun ahi. Tuni apat nang a ka hi a, nang le kei a na hi. Laiaat, Chingnu.", cih ten hon gelh leuh lauh a, ka kipak mahmah a, tawp tonton bang a ut huai hi. A nuam mahmah cih louh gen di dang tuan le a om kei. Huciin in hun bang tan hiam hong pai a, ka hon ki iit mah mah uhi. Ka om da ua pat a nu-le-pa'n ka ki ngaih lam u a thei ua, amau le hon deihsak in, a ki pak mah mah uhi. Ki-iit tawntung a, kum taawn a dia ki ciam ding cih ka lungtup uh ahi.
Hunte, nite hong pai zel a, ka siamsin na sun zom tou in, PAWL XII bang kon zou a, ka kipak mahmah uhi. Ka khua ua maban sutzop trheih na di om lou ahih man in, mundang a ka pai a ngai ta hi. Ki khelah tak leh kingai mah mah hi mah le ung, om mun suan a, ka kikhen u a ngaita!!!!! Haksa ka sa mah mah tuak ua, GINOM TAK IN AW.. ciin khitui naptui toh ka kikhenta uhi.
Ka zilna te hoihtak a sunzom tou in, zou thei di dinmun in ka om ta a. Kumtawp lam a paithei di ka hih man in ka kipak mah mah a, ka phur mahmah mai hi. ka iitpen Chingnu mu ding ka hih man in ka phur diak hi. Hucia ka om lai in, nikhat, hostel a ka lawmte toh ka kimawl lai un, ka warden pa un hon sam a, ka phone di hong pai a hih thu hon gen hi. Kei leng phur tak in ka tai pah a. "Hello?". Chingnu pa ahi a, "Thang, Chingnu a dam kei a, a gim mahmah, a kin thei lam in hong pai in", hon ci mawk a, ka lamet louh dan tak a hih man in, ka lungtang a na mahmah mai hi. A loh ngaihna thei lou in bang tan hiam ka ki ngaihtuah dedu hi. Huciin, awl a ding tou in, zingkal a gari pai masa pen a pai din ka kisa hi.
Zingkhua hon vaak a, kei leng gari om na lam zuan in ka pai pah venveng a, ticket la in, inn lam zuan in gari sung ah ka tuang ta hi. Ka ngaihtuah na a pai sau mah mah a, ka mittui ka nulnul mai hi. Gari bang hat ka sa kei a, ka heh tha bang a suak maimah a, lah kei hih thei bang mah om lou ahih dan ka thei a. Sawt pi gari a ka tai nung un, ka khua uh ka tung ta hi. Ka khua uh nidang bang kasa kei a, a daai mahmah a, lamdang ka sa mahmah hi. Ken le ka inn lam uh ka zuan a, ka van koih khia in, Chingnu te inn lam manoh in ka tai pah vengveng hi. A inn uh ka tun tak in, ma ana tam sim ua, kipak tak leh maitai tak a hon na dawn di a om ta kei. Kuamah a pau kei ua, a daai khipkhep uhi. Hhuciin, innsung a ka lut leh, Chingnu nu'n khitui-naptui toh hon koi ton ton a, "Thang, kon ngak na uh sawt lo ta eive", hon ci a, Chingnu lupna lam ah hon lut pih hi.
Chingnu bel, a mel a daang dildel a, kuaman dam zou din a koih kei uhi. Awl in Chingnu kiang ah ka tu suk a, a khut ka let sak hi. Awlawl in Chingnu a hong halh a, hon muh in a kap top mai hi. "Uthang, i kamciam te tangtung lou ding hi ta mo, damzou non lou di ka hi ta", ciin hong kap khe keuhkeuh a, kei la ka pasal zou non kei. Ka khasiat tha a suak mahmah mai a, ki deek a hahsa mah mah mai hi. Zan dak 7:00 vel a hi a, a hong gim deuhdeuh a, pau le a pau zou non kei sim hi. "U....uttt....thang, si...ingdang aaaa.........ang ah ...........zaal in, siingta vo.......vontawi na ta.......wi zong, hon mangngilh.............. ngei ken aw...", a ci a, a mit a si a, a hinna a khah ta. Ka lungtang ana mah mah a, ka kap huphup mai hi. "Ching aw......, I kamciam te tangtung zou louin, sihna in hon khen mai mo, BANG DOH AI HIAM? Sian gawm louh hiam, ziin gawm louh hiam",ciin ka kap keuhkeuh a, poi kasa mahmah a, thawmhau leh neemtu bei ka kisa mahmah hi. Ka om dan di le ka thei kei a, ka ki pasal sak zou mahmah kei a........................
Beita
©Siamsinna leh Vakiangbu
Mulsum kai thiithiai leh zan daitui te'n lampi khuh in, lamlian tung meizun in sunom tiptiap a, lamsiik a, eliktik vak ten lampi te sak sial2 hi. Zan hong sawt deuh deuh in, kha a vak deuh deuh a, ka lungzuang mah mah mai hi. Kha vak nuai a ka iitpen leh ngaigpen Chingnu toh khut kilen a ka vak khawm hel hel lai te uh ka mit kha ah a hong lang dun dun mai hi. Ka theihlouh kal in ka khitui luang ana hi a, ka lawm Lianpu in, "Thang bang ci e, kap la na bang a?" hon ci a. "E Lian, bang ka ci kei, ka lungzuang lua a ahi", ka ci a. Lianpu'n, "lumta ni zansawt ta", a ci a, huciin, ka hosteel room uah ka lut ua, ka lum ta uhi. Ka lungzuang mahmah a, ka ihmu zok thei kei hi. Ka ngaihnou mah ka lungsim ah a tham den a. Aman le huci dan a hon ngaihtuah din ka ka ngaihtuah na ah a om hi. A tawp tawp in cu ka ihmu khong khong ta hi.
Chingnu toh bel, neucik ka hih lai ua pat a ki thuah ka hi ua, ka ki ngaina mah2 uhi. Ka neu lai un skul khat ah ka kai khawm ua, kuan-le-pai in ka kiton gige uhi. Kei ka pawl a sang zo a, skul kaitawp ciah skul kong ah ka ki ngak tuah gige ua, midang om lam2 le ka phawk kei hial uhi. Skul kai bang ka ki thalawp thei mah2 ua, nuam kasa thei mah2 uhi. Skul kai louh ni/ khawl ciang bang in a inn uah ka va hoh zel a, suun ni leng2 in ka kimawl khawm sek uhi. Kei pawl 7 ka hih in amah pawl 5 ahi a, khat vei2 lai a theih louh ciang bang in ka hilh zel a, a nu-le-pa bang a kipak thei mah2 uhi.
Chingnu te tuh ka khua ua mihausa pawl a hi ua, apa Officer lian tak ahi a, ka pa pen Chingnu pa' gari hektu ahi. Hucih ziak mah le a hi dia, ka inkuan un hon deihsak mah2 ua, kei houh amau inn ah cu ka ki neisak in ka ki maingal sak mah2 hi. Ka Pa, a Boss pa(Chingnu Pa) a din a ginom mah2 a, a khem ngei kei him2 hi. Chingnu pa'n le a muang mah2 a, ka haksat ni uh, a diak in, sum-le-pai ah ka taksap ni un hon panpih khial kei hi. Amah bel ka leitung Pathian uh ahi.
Mihausa ta cih mah tak, Chingnu bel a biang san ciuciau in, a melhoih mah2 a, a mukha phot in a pakta ua, a deihthoh mah2 uhi. Chingnu tuh, tulai paua i gen minthang mah2 uh LUCK cih tanglou vual a hi kei. A melhoih na in mite mit a la mah2 hi. Mi polh nuam leh kamsaim tak leh mi maitai ahi a, a hoih na ziak a kisathei leh hou hak lou hial tuh, mite etlah pen hong suak hi.
Hun-le-nite hong pai zel zel in, ka hong khang lian hiaihiai ua, ka iitna a lian deuh deuh a, himahleh ka gen ngam ngei kei hi. Neu a pat a ki thuah cih louh din ah, ka iitna thu gen di ka zum mah mah mai hi. A ziak bel aman hici bang kungsim ne dia ka gintak louh man in. Iim vual louh leh gen lou thei lou a ka kingaih ziak in gen mai di ahi ci in ka lungsim ka bawl hi. Nikhat cu Chingnu te inn a ka va hoh a, amah kia ana om a, siam ana gaan hi. "Nang kia lah nana om zenzen a, tangval teng koi a om vek ahi ua", ciin ka ciamnui lut hi. "Uthang nang la na hi a, hong tu in. Eh! nang le tangval lou dan in na ki gen a, zi neita na mo?", ciin hon na ciam nuih thuk hi. Bang tan hiam thuvantang ka houlim nung un, phalbi ziing vot tak nuai a om bang mai in, liing kokouh kawm in, "Ching, hon gen di lah ka kisuanglah a, hon gen louh ding lah........", ka cih pat leh, "Kisuanlah na di bang mah om kei, gen lelve", hon na ci a, hiai aw suak in, hangsanna hon pia hi. Huciin kei le kisa thak in, "Ching, nang hon iit leh hausa tampi kal ah, kei na mit a niin-neng tu zou hikei mah leng, mikhat a ana piang khe sam ka hih man in, kon na iit mahmah a, bang ngaihdan na nei diam ah", ka ci khe puap ta mai hi. Chingnu bel kuun in a dai dide lel a, "Nang hon iit leh hon ngai te mi neizou ngen, neih-le-lam masuan di nei ngen a hih uh ka haih kei, himahleh, kei pilna, siamna leh hauhna masuan di nei lou, kon iitna lel masuan a hon geen ka hi", ka cih behlap hi. Ka thil gen in Chingnu ngiahtuahna tampi pe din ka ging ta hi.
Chingnu leng awl in hong dak tou in, "Uthang, na gen bang in iitna mah zo a thupi pen ahi a, na thugen in hon kipaksak mah leh, iitna hici mai a kipaik theih hilou a hih man in, tua hon ddawng thei lou hi ing!! Ngaihsiat in le ngai kenla, hun lem dang ah kon dawng mai di aw, hon theisiam phot in aw", hon ci hi. Nileng kai ta ahih man in, kei le inn lam zuan in ka paita hi. Ka puak gik khat bung khezou ka hih man in zaang tuan in ka ki thei hial hi, alehlam ah ka ngaihtuah ciah, hon dawng lou bang hi leh, ka zum di dan leh a zum huai di dan khong ka ngaihtuah a, ka gen khak bang ka kisiik tuntunn zel hi. Bangteng hileh, ka iitna thu gen zou cu ka hi peuh mah a!!!!!
Nikhat tuh Chingnu lawmte Siamte kici khat in laithem neucik hong pia a, Chingnu apat ahih dan leng hon hilh hi. "Uthang, i neu apat a ki thuah a, kei a dia non khualdan leh non hehpih dan ka ngaihtuah a, kakipak lua hi. Hiai kia leng hilou, na iitna thu non gen a, sang lou vual ka hi kei. Non iitna mah ka mitsaun ahi. Tuni apat nang a ka hi a, nang le kei a na hi. Laiaat, Chingnu.", cih ten hon gelh leuh lauh a, ka kipak mahmah a, tawp tonton bang a ut huai hi. A nuam mahmah cih louh gen di dang tuan le a om kei. Huciin in hun bang tan hiam hong pai a, ka hon ki iit mah mah uhi. Ka om da ua pat a nu-le-pa'n ka ki ngaih lam u a thei ua, amau le hon deihsak in, a ki pak mah mah uhi. Ki-iit tawntung a, kum taawn a dia ki ciam ding cih ka lungtup uh ahi.
Hunte, nite hong pai zel a, ka siamsin na sun zom tou in, PAWL XII bang kon zou a, ka kipak mahmah uhi. Ka khua ua maban sutzop trheih na di om lou ahih man in, mundang a ka pai a ngai ta hi. Ki khelah tak leh kingai mah mah hi mah le ung, om mun suan a, ka kikhen u a ngaita!!!!! Haksa ka sa mah mah tuak ua, GINOM TAK IN AW.. ciin khitui naptui toh ka kikhenta uhi.
Ka zilna te hoihtak a sunzom tou in, zou thei di dinmun in ka om ta a. Kumtawp lam a paithei di ka hih man in ka kipak mah mah a, ka phur mahmah mai hi. ka iitpen Chingnu mu ding ka hih man in ka phur diak hi. Hucia ka om lai in, nikhat, hostel a ka lawmte toh ka kimawl lai un, ka warden pa un hon sam a, ka phone di hong pai a hih thu hon gen hi. Kei leng phur tak in ka tai pah a. "Hello?". Chingnu pa ahi a, "Thang, Chingnu a dam kei a, a gim mahmah, a kin thei lam in hong pai in", hon ci mawk a, ka lamet louh dan tak a hih man in, ka lungtang a na mahmah mai hi. A loh ngaihna thei lou in bang tan hiam ka ki ngaihtuah dedu hi. Huciin, awl a ding tou in, zingkal a gari pai masa pen a pai din ka kisa hi.
Zingkhua hon vaak a, kei leng gari om na lam zuan in ka pai pah venveng a, ticket la in, inn lam zuan in gari sung ah ka tuang ta hi. Ka ngaihtuah na a pai sau mah mah a, ka mittui ka nulnul mai hi. Gari bang hat ka sa kei a, ka heh tha bang a suak maimah a, lah kei hih thei bang mah om lou ahih dan ka thei a. Sawt pi gari a ka tai nung un, ka khua uh ka tung ta hi. Ka khua uh nidang bang kasa kei a, a daai mahmah a, lamdang ka sa mahmah hi. Ken le ka inn lam uh ka zuan a, ka van koih khia in, Chingnu te inn lam manoh in ka tai pah vengveng hi. A inn uh ka tun tak in, ma ana tam sim ua, kipak tak leh maitai tak a hon na dawn di a om ta kei. Kuamah a pau kei ua, a daai khipkhep uhi. Hhuciin, innsung a ka lut leh, Chingnu nu'n khitui-naptui toh hon koi ton ton a, "Thang, kon ngak na uh sawt lo ta eive", hon ci a, Chingnu lupna lam ah hon lut pih hi.
Chingnu bel, a mel a daang dildel a, kuaman dam zou din a koih kei uhi. Awl in Chingnu kiang ah ka tu suk a, a khut ka let sak hi. Awlawl in Chingnu a hong halh a, hon muh in a kap top mai hi. "Uthang, i kamciam te tangtung lou ding hi ta mo, damzou non lou di ka hi ta", ciin hong kap khe keuhkeuh a, kei la ka pasal zou non kei. Ka khasiat tha a suak mahmah mai a, ki deek a hahsa mah mah mai hi. Zan dak 7:00 vel a hi a, a hong gim deuhdeuh a, pau le a pau zou non kei sim hi. "U....uttt....thang, si...ingdang aaaa.........ang ah ...........zaal in, siingta vo.......vontawi na ta.......wi zong, hon mangngilh.............. ngei ken aw...", a ci a, a mit a si a, a hinna a khah ta. Ka lungtang ana mah mah a, ka kap huphup mai hi. "Ching aw......, I kamciam te tangtung zou louin, sihna in hon khen mai mo, BANG DOH AI HIAM? Sian gawm louh hiam, ziin gawm louh hiam",ciin ka kap keuhkeuh a, poi kasa mahmah a, thawmhau leh neemtu bei ka kisa mahmah hi. Ka om dan di le ka thei kei a, ka ki pasal sak zou mahmah kei a........................
Beita
©Siamsinna leh Vakiangbu
Comments
Post a Comment