MELMUL' ITNA

By Melmul Ngaihte Pa

Pawl xii zillai, pawl viii naupang khat ka hon bei mawk chu aw...ahaksa kher mai! Hostel a om ahia, zo tangval(?) Khat toh ki ngai la balang, ki ngailou la balang a a omlaitak uh ahi. Ngaih petmah a ngai ka hi mawk hi. A omdan peuh, a kam pau peuh, a puansilh peuh, a tat dan peuh kei di'n itna tui a luan ahi mai! Pawtlah vakipawt ngam lou, ka innsak ua Palian teh tv ka enkhawm kha veu ua, ka zum tei ringot, ka houpih nual sam hi. Amahle zum kisa sim adiam a hon dawng nual zel sam hi.

Hucih cia bang HOPE iki piakna ana kibehlap tou tou,a p.c ana khang tou tou hilim! A tawp tawp in lawmte hasotna toh letter (huai lai a SMS cihte painailou a'ih maimah cia) kon gelh tei mai chu... Gelh fuh deuh ka hi d... 'Ulian, chi'n hon dawnna ahon kipan! Itna laipuan a gelh, itna ball pen tui a luan a hon gelh khiak na na chu sim nop tel mai. Ka sim khin a mahleh kipahluat na di thu a hikei lim veh!! 'hon ngailou ka hikei a...' Hun sawtlou nungin ahostel uah hon kiksan.

Itna in a dohzou, a thuakthei, a ngaklah kei, a huhuamkei chi'n lawmte'n hon hehnem uhi. Ke'n bel hon pailiam san na lampi, huai haikung bul mahmah ka en run mai! Nui selsal kawma hon kik mai ding in ka kinem mai hi. Amah pai hita, om nonlou, kei lah amah ngaihtuah tuah mai..ngai ihih mawk chia...!! Aman le zaw hon mu nuam (miss) thou hi'n teh sunday chiah van lei di nei chi'n a hon pha zel hi. Ka ki mu zual zel ua, lah bangmah thupi gen ngamlou ka hihchiah huchi'm itna khumtak mai cheplouh in a beizel. A tawp in hon pai nawn hun2 chia piak di chi'n,a khum thei pen di'n itna laipuan mah toh itna ballpoint pen zang in, a itna mit hah nemtaka a sim di'n ka gelh nawn hi. Kal nih nung vel in hon pai petmah. Ka pia bang chu aw... Ka lungsim teng teng pekhia hi'n ka ki ngai mai... A nitak bang 'a simta d o...' a sim hun hun chu hon kipahpih lawkei lele, a mit kha a ka va kilang zual him him ding, ka bang chih lai pentak hon mu d o...peuh chi'n ka suangtuah den hi. A master copy(letter) ka kep pen kana sim tuan tuan khemkhem hi.

Mel kimulou a, kum kim khong i hon zang tak tak zaw hun a hek keitel! Nikhat lam-et louh pi'n ka gal muh hi. Innsung ah ka tailut pah a, a lawmnu kintaka muh didan ka room sungah nui vevu kawmin ka ngaihtuah pah sawksawk hi. Ngaklah ka hitop tamai...ann nek d, pawt d... Nekhin phet ka va pawt a, a lawmnu kia ka dot leh exam zou suty hon paiahihdan hon hilh a, 'nuamlua!' chia, kikou khelou chauh ka hi.Seasional luv hikei mah leh luv session kipan nawn ding hi peuh mah!!

Kei chu ki lam-en petmah ta! Ki hou cheuh cheuh-kimelh cheuh cheuh itna pung hulhul. Hon pai hial lele ama a kana sawm dan in ka nel ngam tuan sam kei. Sun chia tangvalnou 3/4 vapawt theizel uh ahi chih report ka mu hi. A mate te, lai a zilpih te adu e..ka cisim. A hihtak uh lehle exam zou bang dia, amah hon mu mu mawk uh a?? Hicituka sawtki ngol a, hon subuai buai kei uh heh! A fair kei chi'n ka lungsim ah ka hang loi loi sam hi. Hun haksa ahimai. Bang teng hileh ngaimah ka hih chiang in chi'n gen ka sawm nawn a, ka gen ngei a... Kare! Love is hanging on the sky..

Melhoih na na chu midang inle ana thei thei thou uh ahilel. Delh zoh deuh, um zoh deuh, kipumpiak deuh leng ngai ahi kha ding! Melhoih kasak ziak lel a kipawngpaw lawp houh ka hizaw lim hiale?? Itna petu leh sanna a om ki lam en tu'n chu supna zek toh it ngai ana hilim hiale?? Mibang a talab ka puak zihzeh, phetlouh a nek diale ka phallouh chu bang di'n ka puak mah dia(ka kampau in bel ka khamkei)mibang in nektheih na duh hia? Chi kawm kawm in nitak zansawt nung in pawt di'n le ka zawn khe ngam mahmah sam a! A nu le ute adi'n BABA ek-shaw-bish lel le ka leisak zou sam a, mi bang in a sungte kipahna ding thute bang le ka gensiam kei a, a ngaihuai a omdan vel ka siamlouh ziak hive'n maw?? Itna zuitu SUM ahiset maimah! It i chihleh a prove nang sum ngai..!! Khat vei houh shillong a college kailai a mizo chicks khat ka classmate te uh hoih kasak dan lawmpa kiah ka gen vialleh, 'a jeanskhekol di P.B Bazar ah va singpih phot ou...' hon chi geih! 'Kahase!! Sungte'n UITAL vaka hon vak ua... Ngai mah mah khang ei... Ngailouhial...' chih phing in om.

Ki ngaihsun dua, atam zaw in x chih d kinei chiat inteh. B'a chia x hithei mawk? Itna a ngaihsa, na piaksa, na ki ngaih tung bang unle 'kon it den ding' chi peuh in iki chiam zaw mah du chu ahihleh itna bei/mang a hunlui hon suak thei mawk?! A hun lai alah itna dik a hon it ka hi bang chi phen phan zaw mah! B'a...ba'chia hichi hithei...itna tak kichi omlou hilim hiale?? Khatvei lawmte kia, 'I don't believe in love...!' ka chih khiak leh hon sel na sa thou uh ei... HA HA HA :D

Khatvei lawmte toh kiciknik(picnic) in ka hulum khop mai uhi. Tamzaw thupuk na toh debate nei di in, group 2 ikisuah ding ua, kuamah hehlouh d chi'n ka kilem uhi. A thupi ahihleh, ' Itna sang in Sum a poimoh zaw...' chih ahi. Ka hong kisel tak2 ua... Sou sang khop mai...Ann ne di bang ka sawm2 hang un, ka nekhe zou kei dek uhi. A nitak in 'bonfire' bawl in ka sunzawm thak thak laitel uhi. Gen bei mawk di thu ahi kei. Nuam lou pi in ka tawp kha ua, Ka ki cold war kha sim lai uhi. Tun bel ahi nawn kei... Ahunlai in bel nuam chiah kei. Itna thu gen a kikup ngam vual di le a bang nawn kei huaiziaka hon gelh thoh ka'i chu...

©Siamsinna leh Vakiangbu