7 DAYS OF MY NIGHTMARE JOURNEY
By ~ Denny Paite Munluah
{ Based on true story }
Zingchiang dak bangzah a gari pai hun ding chi a ka dot leh dak 5:30am chi'n hotel manager pa'n hon dawng a kei leng ka vante khep in bag sung ah ka guang a atazoulou teng bag neusung ah ka guang a ihmut kon sawm thei khong hi.
Kisilkhin lumdia kong kisak leh ka mangngilh khat a om ziak in a kintheipen in Taxi in Aizawl Millinium Centre kon delh chenchen a dak 9pm bang a na gintak ziak in kinohna in ka pumdim hi. Taxi fair pia ka hia , pelou chih le theimanlou khop in ka dianglut a ATM naihpah in 2000 ka lakhia a bangtan hiam ka etkual nung in numei van kizuakna showroom khat ah kong dianglut tei ringot hi.
Eng e i duh ? Ken le (eipau a) Guwahati a pai ding huai a ka zinpaak ding deih ka hihdan ka gen leh hon nuihsan heuhau a , ken le zumhuai sathak sim in tui ka vadawn ding chi a potkhe dia ka kisak leh, " hiai ah leng a om chih toh piak hon thuah ngal a. " Tthanks ka chih leh bangmah genlou in hong en-en nilouh hi. Ken leng bang e non hichi et ? ka chih leh kiguih dekphial zen in Fb ah khan kan muh pa kha i ni om e. . . . . . Hon chi guih mawk a . Ken leng chiamnuih hun hilou leh zingchiang a ka pai nang zekai thei ding ka hihdan ka gen leh hon ngaihsak kei a fb a ka limlak hon en sak mawk hi. Oh ! Aizawl a Khiangte neivoi maw ? ka chi a aman leng " ni e" hon chi a, chibai kong kikhonung buuk ek uh hi.
Ka van deihdan leh ka Darling meldante hong dong a atawptawp in a store room lam ah a valut a sawtkuam simtak a va om nung in pack sa in vankhat hong tawi a nang leng na etlouh ding hichia napiak ding .Kua hon choose sak hiam ? a chih leh a vek in gen in a poimoh leh leng nawn call theireng hong chih san hi.
Mi vanpiak ding en le muhlouh lawmlawm ka chimulmul a alangkhat ah pasal sang in numei in thei zaw mah inteh chi in ka lung a kimthou hi. A man ka dot leh 2500 hon chi a kei leng kiguih zizen in, " Dot soisuh aw Eli. "Ka chih leh a puan-ak tual chiah lou khat hon lakhia a aman(price) hon ensak a ka nuihsan hi. Ken leng ka ATM card ka piak leh 1500 in kon bawlsak di " as a gift " hon chi a , kipahthu gen in ka hohnawn chiang a kimuh nawn theih lamen in Aizawl te kisaktheihpih mahmah dawr kon nuseta hi.
Ka phone ka lakhia a ka et leh , " U khup, damtak in hong pai in aw . Non phone haklua a , ka na ihmu mai ding aw. Zingchiah station ah kon na ngak ding. Mangpha love u , muuah !" chih ka mu a houpih sawmsim mah leng zingchiang a kimuthou ding chi'n a thoh chiang a a muh ding in " nuamtak in ihmu in aw D, na kiang ah ka om gige. Lov u too sweetdream " chi in msg. ka khak thoh mai hi. Trafic jam a hihman in ei kintat thu a bangmah phatuamlou ahihman in dak kal 2 bang kong tuan nung in leng sau ka pai nai hetkei uhi. Taxi fair ka pia a khe in kong paithoh tamai hi. Gimsim leng le ka vantawi ka en a zingchiang a kum 1(khat) val kimulou kimu ding chih khawng ka ngaihtuah chiang in ka lampai leng mangngilh phial top a hatpai deuhdeuh khawng ka na hi mai ding e. . . . Hey ! Ngairoh, tung e i nih, kalkong i mhulou em ni ?? Ngaihdam ka ngen a ka pai theinawn vanglak hi.
Ka giahna ka tun in gate a na kikalhta ahihman in Raju chi'n manager pa ka aw neih tawptawp a ngaih in kon sam kongkong tamai hi. A kiang ah bike tung a tangval nou mi 3 (thum) kileensiam golh zen a polythene kipe lehleh leng a mulou ka hituankei. Sawtsim ka sap nung a zaning gop uh a hi ngei ding a khat pan awldeuh a gentheilou mo ? Hong chi phong a, a ziak zaw ka theilua YMA/Police te lauh huaidan uh ka theilua. Ken leng a zalou dandan in Raju gate hong roh" chin siamlou sasa kawm leh thaneih in kon gennawn teitei mai hi. A ma a awl gendeuh aw hong chi pa'n hong naihphei a direct hit ka hi ngalmai. Ka van tawi gate nuai ah ka guangphei zok a ka peekphei ngal leh a koilak pek kha ka diam ah kisat goihgoih a a lawmte gel in hon delhphei ua ka kisialpi nawk tamai ua a thawmging in leng manager pa phawngzouta ahingei ding a gate hong kihongta hi. Vaite a hih ziak in Mizo pau kei sang in a siam zaw tham a, kin a kin a lut ding in theihsak in ka om ngal hi.
Ka van ka tawm a room ka hong a lupna tung ah ka tusuk nawlh mai hi. Mins 15 khawng ka tutzoh in ka van leiman ka taxi fair kon calculate a asum bangzah mawngmawng a om lai de aw ! chin ka sakhau kon sawk leh nu aw vokaden ! Its gone. Kin a kin in manager pa ka vaphawng a gate tabi ka ngen a kindeuh in,
Gate ka vahong a kinep phak hetlouh himahleh den a zu dawnte a na om nawnkei vanglak uh hi. Ka wallet chu chih taktak in kon zong a a tawptawp in muding a leng kigingta nawnlou ka hihman in ka lutsanta hi. A sumzaw tamkei ka guest house om man valzek a hi. Himahleh ka ATM card omlou in ka bangchi khosak dia?? Passbook lah polou,chequebook lah polou. Ka buaipet mah a lupnatung ah chikmah a ka gentheihna ka kipahna Pathian kiang a tun mengmeng lou pa'n thumna peuh kon nei thepthup hi. Lunggimtak a deek a khut kilhtuah zen a kong kingaihtuah lai in ka lungsim ah SSPP te kiang ah kingen himhim leh sumo fair ding beek hon pena un teh chi'n kong kikhamuan a himahleh zingchiang zingkal a paithei nailou ding chih ka ngaihtuah khak chiang in ka ning bang a kitel top hi. Lampi dang omlou ahihman in ka khualzinna nikhat hiaibang in kon zangliamta hi. Dak 12 a na pelh man ziak in ihmut teitei tum in zanpuan kilukhuh zen in kong kithawi a, sawt kihallou a ihmu ka na hiding e.
Ni 2(nih) ni zang ding in kong kize khesam hi. Sana ka-et leh 7am a na ging a mis kol 2 toh msg khat a na om a , ka en nuamkei. Thouphet ka ipsung a 150 chiah ka wallet a ka guan khaklouh teng toh top-up kon thun a SSPP Aizawl branch president pa houpih theih nang kon ngaihtuah ngal hi. Sawt simtak ka buaipih nung in kong kihoutuah thei ua himahleh tu leh tu a man nailou a hihdan hon gen a , ka lungsim a nuamtuam petmah a zing an ka nek man ding om chi'n ka 100 puak bang ka en thakthak zezen hi. Dak 11 lak in zing an kon ne a huaizoh sawtlou in president pa apat call hong pai a, " Na pa min bang ? Koitak a om? Nang min bang ? Na pa bang nasem?" chi in hon dong vek hi. Ken leng imm khat leng neilou in singtang kotawng a teng ka hihdan uh leh ka pa'n leng louna mah sem a Lamka a mi innluah a khosa ka hih dante uh khat leng imm neilou in ka gen vek hi. A chih leh Na pa No. Hon pia in hon chi a ka pan phone A tawisam a ! Bang ka pe dia. Phone ka leisak dek lai a Singtang a phone zatnang ka theikei hon chihlai bang ka ngaihtuah a ka hehtha khong a suak petmah mai hi. Ka a/c No. Ah nasung kuante'n hon khak le uh a fee om lou in kon hihsak ding hon chi a ken leng ka nuneu a pasal Jugali khat ka phone a ka gen leh a sum neihlouh dan uh hon gen a, ken leng a na houpih himhim in chi'n SSPP president pa numbat ka pia a anung sawtlou in lohsam ahihdan thu hon hilh hi ( ka SSPP fund piak zaw tamkei mah in teh ka pa leng officer a hikei . Himahleh ki-inteek sakdeuh tak a " EI A " chi a ka ngaihtuah khak ziak a hi zaw. Na ngaihdamna uh kon ngen.SSPP Aizawl). Mangbang tak leh lungdawng panpihtu bei mahni pau ngoihngoih a pau a mah ni Pawlpite'n leng panpihtak hon salou uh chih khong ka ngaihtuah chiang in ka biang ah kham vuallouh in mangbat na khitui hong luangkhe suk hi.
Ka D( Duatlai) in hon phone a ka dawng theikei ka dangtawng a bang hiamkhat taang mah abang. A tawptawp in ken leng D ( Duatlai) lampi sia in chin nitak lam in kong kipankhe thei maithei uh chi'n ka gen sukmaita hi. Ka D hön muan dan ka thei a, himahleh huai zaw excuse bawllou theilou ka hi kei. Aman leng ka kidik ging za ahi ngei ding a, a lam pipi hong om na ding a hi UKhup hong chi a a aw nemtak leh chiangtak a a hong gen in hatna hong pezou hial khop in ka thei hi. Sawtlou kong kihou zoh un " tangbang dam in dawnbang kituak ni aw, D na sakmel muh kal ngaklah lua ingh, Om nuam" ka chihzoh in khatvei try thak himhim ding chi in kong kisathak a . . . . A TEUHLOU MAI, A ZIALOU LOTUK...kei maimai Hi chibang a ka buai hun a hon houpih nop ziak a kipahthu gen in ka off hi. Ka guest house fee ding in ka phone 1000 in ka zuak a pammaih zaw sasim dan ka hi ding. Ka pia a an ka ne nawn a nitak lam dak 1 hong gin in sumo counter ah ka vapai a abat a hon tuangsak ding uh leh amun tun chiang a BAHARA piak ding in zum leh zah khuallou in ka vangenta phut hi. Ka gintak sang in hon na phal vanglak ua nitak lam dak 3 a counter a pai ding a theihsak in ka om hi. Ka giahna ah ka paikik a manager pa phone a ka sim thuah in ka D 1min khong ka houpih a ka kipat khiak hun ding uh ka gen zohzoh in ka buailua chih paulam in om nuam ka chi a , ka koih hi.
Nitak lam dak 3 in counter ah ka va ki report a himahleh a gari hong tung thei zoklou a hihman in ka buai gop a ka va dot leh traffic jam huaiziak a hong zekai ahi hon na chi a, kei leng a ngakzou ten thupha ngah chi'n ka ngak ringot ta hi. Dakkal nih khawng ka ngak nung in hong tung khongkhong a ka vante a tung ah a kankhawm in a sung ah a last line ah kigaktak in mi 4(li) kong kihen threpthrap uh hi. Traffic jum a chi uh i sak leh Full speed in Aizawl kholai ah hong kikhoh pihta mai a Khodungsei phei Kolkulh toh Keifang kikal a driver zukhamsa hek a ka tuan sang in zaw ka taw ka awl iip zaw ve. Buaina bangmah omlou in Aizawl a minute a sim a dakkal a sim in kong gamlat hiaihiai ta uh hi. Lampi zaw Manipur toh teh theihlouh a hoih himahleh tehtheih louh ding khop mah in aneu hi. Dolsing/singdol kung thupi taktak leh gam lian pipi a poute khawng ka et-et chiang in eigam toh teh in a felna uh a taimakna uh a kimu khin hi. Lamdang ka sak khat a YMA branch min khong a leng Dolsing farm a bawl uh a hi.
Kong taizel ua Vairengte phakma khuakhat ah ann hon nekpih ua huainung sawt simtak ka khawl nung un kong kipankhe nawn ua Assam state i hong naih hiaihiai a driver pa zong nam philphel a tai/ hek ahihman in speed 100/120km/hrs a himai huchi in ka ni nih na kong zang zouta hi.
Cachar phaizang ah kong kitholh khesuk ua a gam lum petmah leh sat a sa petmah a hihman in kei gari window ah ka dakkhia a hon hehsan mah le uh bangmah a phatuam tuankei hi. Silchar kong tung khawngkhawng ua huai ah Punjab hotel ah kong kinga ua ann ne ding in lawmte hong kithawi nawn uh hi. Kei leng kuva beek hai ding chi'n kong kithoikhia a kuva ka va lei leh Rs.12 a na sa tazen ve uh aw !! Gari sung a ihmut theih khak leh chia ka lut nawn leh driver pa'n beer a nasung a kei a ding toh kei leng ka dawn ngeikei ka chih leh dawn leteh kholum thuak nuamtuam ahi hon chi a setan khemna a diam ka beer dawn masakna penpen huai ni a hi tamai ve. Zu vadawn uh a hi ngei ding a ka tuanpihte khat a maban kalsuan ding a ut nawn bikbek kei hi. Driver pa'n kham salua ahihman in a tuang ngamlou a hi ding. Dak kal 3(thum) khong kong khawl nung un khua a vakta.
Assam state sung nitum ma a kheng teitei ding chi hi leh kilawm in Tuiluang (Barak river) pang ah kong kikhoh zenzen uh hi. Sawt kuamtak ka tai nung un Bangladesh phaizang leng kigalmuh theita a, ken leng Meghalaya kilut dekdek ta ka chih leh a map a etthoh toh zaw kikhai mah ei. Nitak dak 10:30 in Meghalaya gam ah an hon nekpih nawn ua, gari tuan ka peih nawn mahmah kei hi. Lamka a pat Aizawl ka paina leng ka taw dulhlai a tua ka tuan zel ding ka ngaihtuah chiang in ka tawbou a UI-LUTPI (MEIMA TUM) nei mah ka bang hi. Ann nekzoh in driver pa kiang ah sumpia in chih toh pawt ka thuah a kei ut thu hi leh varandah khawng a lup le poi ka sa nawn kei. A lou theilou ahih chiang a gari sung mah kitung zel. Zugim leh laizial/zanah gim mahmah in leng hon gentheisak diak hi. Happy valley ka lut un dak 12:30 a pelhta . Huai Mizo skul kiang a counter ah driver hong kikheng ua, awl in Assam state mah manoh in ka nithum ni gari sung, ka mai a bang thil hong tung ding hiam chih leng gelpeih lou khop a gim in kong zang beita hi.
Shillong ka pelh ma un driver pa mi pautam petmah khat a hi chih kitheikhin hi. Ka kiang a Mizo papi kham huntawk vaipau kizeisek deuh sepaih pension ka hi chikhat tu hiven huaipa'n driver pa kiang ah "taxi na heek sang in Aizawl toh kikawl ah gari service le teh a lawk/met zaw ding" a chih leh driver pa'n leng " khatvei ka service kha a Aizawl counter Thuampui(genkhel leh ngaihdam) veng ah Mizo tangvalte'n pau ka theihlouh ziak in hong vua uh" hon chih leh Mizo papi pa kinaak Christian sak lotel heh a hong heh mai ka tuanpihte uh Bihari te lah om gaugau phet uh. Gari kham(stop) zen in hong kina ua i gim toh ken leng ning law petmah ka hihman in Mizo papi pa kiang ah " a tawktoh Christian zu rui poh ka thre ngailou, a zahthrak. Eng ang Christian nghe i nih? Ron kalroh" ka chi'a gari sung ah ka kai lutphei a driver pa lah nak hehlua gari ngoh hileh kilawm awmtak in lenna a tuang leng khe ding a hong kihei a thakhat thulou a hong kikhoh zut bangmai in hong taipih tamai hi. Saulou ka tainung un gim lopetmah ka hiding aBarapani ka tun lamlam uh leng phawkpha nawnlou k ahi ding e. Hong kiphong a Gauwhati a Big BAZAAR mai ka na tung uh hi.
Ken leng ka sana(watch) ka et leh dak 2:30am a na ging a hattai petmah ka hihdan uh ka thei khethak hi. Ka zotnang ka gensa a hihman in driver pa ka kawkmuh a LAMKA GUEST HOUSE mai ah kongkhawl ua ka van ka va lakkhiak dek leh driver pan bahara hong pephot in hon chi a ka hehtha bang a suakdek tak hi. A Ziak driver masa pa kiang a zingsun dak 12 in hong la in la nong lakman kei ding leh Mizoram house ah dak 1 in kong pe ding ka chih a hihziak in. Kei leng ihmu thou-phang chih mahtak ka van hon penuamlou na hih leh pua in la'n zingchiang in kong la ding koi ah na om dia? Paltan bajar hon chi a, ken leng ka zattawm ding teng lakhia in ka van pua in hon taisanta uh hi. Ka phawng ka phawng a a tawptawp in waiter pan mit nuaikawm threuthrau in eh! Nang mo? Chi'n kong hong hon a , ken leng Thang hong hon hak na chia ka chih leh zan nitak ka ihmu gina kei a hi hon chih kawm in waiting room ah ka lut ua single room khat aw ka chih leh a vek a full hong chi gaih a ken leng zanlam a leng na bawlbeh uh hilou maw chih toh kisilnuam ka hih dan ka gen leh sahbon hon pia a kisilzoh in waiter te room ah hong giaksuk a ka kipak veve hi. Zinglam khua vaknuam phial ta ding in ihmu ding in lupnatung ah kong lumta hi.
Zingkal in aw ngaihsim tak khat in hiai a lum kua e !!? hon chih in hong phawng a kei ka chih leh hong en gega a sana ka et leh daak 9 ging a hihman in ken leng bank phak a sum lak khiat dingdan ka ngaihtuah masak ngai a hihman in lakhe thei kei leng bang ka chih ding chih khawng ka ngaihtuah hi.Himahleh ka bag a ka van poimoh dang kikhek nang ka liamnate damdawi nuh ding om vek a hih man in ka buailua a inn neinu kiang ah sum nget ding ka chih leh a na zin zaw mah(kitheisa ka hihziak un) inn teekpa lah omlou zel ahihman in a tanu nu mohpuak a nusia a na hi ua ken leng zum leh zah khual zoulou in 2000 khawng hon zang sakve dak 10 in bank ka vapha dia kon pe na ding ka chih leh sum om lou ! Eh! Roomfull hilou a maw bang chidan a 2000 le lel leng om lou" ka lungsim a chi kawm in ka pawtkhia a. Dak 10 ginchet in ann ka va ne a abat in na gelh vou chih toh pawt ka thuah hi. Ka bank a/c honna a office uh ka dong a ka va mupah vanglak hi. A sung ah ka puannak nin toh ka lutsuk a bangmah tawilou a sum draw khiak sawm zaw ka himai. Table om masa penpen naihpah. Your passbook? Sir, i lost it. Where? Then do you remember your a/c number? Phone number leng ki byhard peihlou a. No, sir i've lost my pasbook, chequebook, atm card. Thats the reasion why i came at The office. Ka chih leh manager pa kiang a gen ding in hön sawl hi . Adung, avai, abul, alai, atawp, hon dot nung a ka buaidan ka gen nung in na min bang a? a/c na hon na koitak branch? Ken leng ka gen zoh in withdrawer form ah ka a/c number hong gelh a sign thumvei mawngmnawng hon bawlsak zoh in a computer mai enzel kei hong enkik zel a a tawptawp in bangzah e na draw khiak nop hon chi a ken leng 7k ka chipah a So careless be careful next time chihtoh ka houpih masakpa sam a thuah a huai zoh in huaipa'n a sum hon pia a cheque book khat hon piak beh uh hi. UCO bank a a/c hongte'n natheimai ding uh, a lamdang a hikei. Kipahthu gen in Paltan bajar auto in kon delh vengveng a a number ka gelhna lai lakhia in ka en a auto pupa'n Rs.150 hon la a tam ka salua a bus ah ki paikha leh sum save zaw ding dan eive chih lungsim toh piak ka thuah a sum sik(coin) poimoh lua ka hihman in a nen cheng 5 nih ka ngen a teng 10 ka leh piakthak hi. PCO zongzong a tawptawp a huai sumo parking kiang ah va mu a, ka phone leh ka kiangzek a a na om dan a na hi. Sum ka pe-ngal a ka bag a vante a kim na hiam chih ka etzoh in ka pai a huai PCO mah ah ka D ( Duatlai) kon phone nawn chenchen hi. A ring ging maimai leng a zak nuamtuam leh halh huai ka bang hial hi.
Hello ! D ( Duatlai) bang hih e? Pick up hak na chia. Kisil lai ka man dek warden nu kiang ah zuau ka bang chi gen ding e U ? Ken leng a zuaugen dingdan ka hilh a (hahaha) a khonung in dak 11:30 a ka om na hong tung ding in ka hilh hi.
Huai nung sawtlou in ka pai ngal a kimuh tuahna ding mun a ka genna mun uah ka ding nilouh hi. Sawtsim ka sak taak man in lungliap kawm pi leh thazoi kawmpi in ka tunna guest house manoh in ka paikik maita hi. Amah lah melmuh khak ding a om lou tuun leh zua hal nihgel Itna zaw bah leh ngui ding mah hi e, chikawm in lungliap tak in maban a guest house tunzok a kihahsiang ding kia ka ngaihtuah a, ka trolly bag ka kaipuak thrapthrap a kinohtak a ka pai vutvut lai in mikhat bang ka phu thal khadek hial hi. Huai a ka ma a painu en-en ka hìhlam kuamah a thei na om kei ding uh e? Eimi ding a lah hoihlua nam dang ding a lah hoihlua et mai a leng Chimul thouthei leh duangching tak a kizem nu chuh "GARDEN PAA HOIH" nu himai in teh. Ka etlam leng theilou khop a pai ka hi ding e huai pasal pa ka va phutkhak chitchiat. Ka makhelh phei vauh a, Eh ! Eh! Eh! E. . . .. . . . . Pathein semfuh lanuu a na hidan a hi. Oh! U bang dia huai tantan nong kingaksak eita?? Kileh heikawm a ka et leh kei aw vangsel lelliang a ding in pam ve chia, chìh louh ngaìhna a om kei ei. Ka kiguihzot zezen a kei leng kihehsak in gimlou hon sa maw ? Bangdia na zuau na gen a ? ka chih khum lela hi. Amah leng hong zonna gimlua petmah a hiding a, a biang a kho-ul kai hethet kawm in ngaihdam aw, sawt kong zong lua a hi a U, hong chi a, huaithu ka zak tak in ka lungsim bang a höng tuam hial a ngaihdam ka ngenthak hi.
Ka van gik mahmah mai hong pua bangchu. . . . . . A nunglam apat ka en a ka engbawl mai aka.
Sawtlou in ka kingakna guest house kong tung ua huai ah ka vante hon sawpsak a dakkal 3 (thum) chauh om khawp hun ding nei ka hihman un a kinthei bangpen in Zoo Road ah ka kikhoh phei ua, Zoo ah hun tomchik ka neih sunsun uh a manpha theipen in kong zangta uh hi. A numei a bel kitambaih deuh chih mahtak a mit a san gige a himahleh a theilou lem kineih in ka hun neihsun uh a manpha pen a zat a ginomna chii tuh ka sawmpen mai hi. Hun a paikin khopmai e. . . . . . Dak 3pm hong ging a et leng ka en ngam hetkei a kuamah omlam leng a thei nawnlou a diam a kap ek-ek maita hi. Kei leng kihehsak in ka hou ek a huai in a lungsim suna hinteh ka kiokhe thei khongkhong uh hi. A ma om natan ka kha nuamkei a lampi a khitui luang kawm in leh kimuh nawn hun ding theilou in kong kikhen tamai uh hi. Kei leng a kinthei pen in ticket ka va la a, zingchiang a pawtkhe thei ngal ding in kong kisa ngal hi.
Huai nitak a hong la msg khah
~Westlife : Just close your eyes~ chih la hon khak a ka ngai taktak chu. . . . . . .
Nitak a va peg cheuh ka hiding e ka paunuam mahmah a an nekna a Paite te genkhasim mi 3 toh ka kibuai dektak ua ka kihoulem thei vanglak uh hi. Huai nung in Sohpihte nupa kitaipih nih toh giakkhawm kha ding dan in ka om ua, ka kihouhou uh leh sum tengkhat leng neilou dan a na hi uh chu. . . . .. . . . Hong ngen uh ken leng ngaihsak nawnlou. Amau hong ngen nawn uh ken leng ka hun paisa kon ngaihtuah vengveng a 2000 piak toh ka thuah a ken 1000 ka kem hamham hi. Huai teng chauh a na hunlou uh a giahman uh a ann neekman uh leng daihlou dan eive. Ken leng lungkham lou ding leh ka panpih theih dandan a panpih ding ka hihdan ka hilh a huaihun a mel ka muh KIPAHNA MEEL ka mu nuamlai.
Ni 5 (nga) ni zing nisuak kilawmtak mai muh ka kinep leh dak 9am in ka thou a flight ticket cancel ding in ka paipah a train ticket kong lakpih trep maita hi. MUNDANG A HUAI BANG A NGAIHTUAHNA NEI MIHAI TAWP KHOK AHI. Huai leng ka pai nang tan uh daih hamham ahihziak in ka lung a buai gusim ngal hi. Train ticket ka lak uh Malda Town tan chauh reservation ka muh ziak un aban a general a a lemthei dandan a kiguan ding in kong tawldam nawnta uh hi. Huchi a lungsim nuamlou leh lungbuai a ka om laitak in call hong pai a ka lunggimna leh amah theihlouh a ka buaiguk dan gen ngamkei mahleng a AW ka zak in lungsim kipahna khat hong pia hi. Ka tupdan a pai ding hileng ka zot nang mun nikhat a tung ding ka hi a, himahleh UPA te'n THUPI GEN LEH SAZAANGKAAP A VAAL a chihte uh sinkhak ding ziak hiam aw ka buai mahmah mai hi. Bangziak a sum neilou a kiteng mawk? Bangziak a sum omlou a gamdang naih e? Bangziak a kiteng ding kisakhol lou na hi ua?? Thu tampi ka lungsim ah ka dong a, ticket ka lakpih nung in leng ticket ka piak tuam leh leng hong meilet tamai ua, PU Nungzuih in hong zui lailai uh hi. A himhim a kei pai nana a nou hong pai dek mawk, kei om kei leng bangsuah sawm uh e? ka chi leh; "Bhai a kho hih e na cheh nana ah chehkhom hitin, na ka hinto phat u leh sum vang ka hinpeh kit diu ahi e." . hon chi uhi. Ken leng panpih mailouh a lampi dang omlou chih ka ngaihtuah ziak in ka towel khat ka pia a, zingchiang a dak 6:30am a kipankhe ding ka hihdan uh ka gen zoh in chance ka pe theita hi.
Ni 6(guk) ni zangding in zingkal 5am in hongphawng ua keileng ka ihmut suahluat manpi in "a helou na hinsah u'h hai m? Ka nachikha mawk a kanui leiluai hi. Dak 5:30am in auto ah kong kihen ta uh hi. Train station tungta buaikipan hi zelmai. I nungnung a hongzui uh I paina lamlam a hong UI PU NUNGZUIH thohmai uh. A tawptawp in ka seat uh keichauh in zongleng mubaihzaw dia kaki gingtak man in munkhat ah a nih un kavan tengtoh kanusia a kei a Tangval laizawdeuh chi'n kong taileh vauhvauh hi. A tawptawp inzaw va mukhawng mahingh ei. Kavasam a lungmuang tak in ka om ua a lumluat ziak in ken tuivot kavala a nahtang tamlou toh kavapia hi. Kenleng theihngei a om himhim hiam chi'n kongkhak a name list teng kava ban check a next apartment ah unau Vaipheite David kichi kava mu a kalungsim a nuamtuam mahmah hi. Kou kongkhak kava et thak leh Sister Mary Naulak Kichi kava muhbeh a eh! Eh! Eh! E. . . . . . . . . Pute innsung a om mah bang in kakikoih tops mai hi.Kenleng a seat number kava et leh Sister Mary a Pa bangleng katheih ngeiluat a na hi zomah lai. . . . . Ka lungsim a kapuak gik hongdawn zangkhai mahmah hi.Hi! Sister(a sisterform a silhziak a hi) Nang maw Mary?Himah ingh e? Nangkua na?Bangtan hiam kakihou nung un buaina tuakleng a mah loungal belh dingdang muding a ka kiging taklou ziak in kalungsim noplouh na leh ka thiltuah tamlou ka hilh a, a manleng a mite kamunuam kong ending hongchi a ka seat uh bangtan hiam hong om nung in "ka seat nathei navoi maw" hong dingkhiak san hi.
Awle, dak 6:54am in ka Train uh Liing nelhnelh kawm leh AW ngaihpi a kikou chiaichiai in kong ki pankheta uh hi. Keibel kalungsim a nuamthei hetkei hi. A ziak Malda Town tanchauh reservation nei ka hihman un. Himah leh paikhawm tavang lak TAKCHAPA chihtoh ngaihtuah na a ki tawngtawng hi. Sun dak 12pm in ann ka order pih a a lawmnu a gil a nakial manlo dan a hi.Malda tunma a TT pa houpihngai a hihman in keileng huai buaipih in ka taw in leng katu mankei hi. A tawptawp in kava muthei khong a english a siamlouh ziak in ka sanggam(sister) nu kava sam hi. A mahzaw english/hindi a dawmteuh kei a kiang ah kana etthoh heuhou kha zizen hi. TT pan hongphal talou ka sum un lah Howrah tan tunnang leng hongdaih diam ah chih hita. U naunu Mary in hong buaipih petmah mai a phone a pat e a lawmte a pat e. Kei miziak in kabuai a a mah keiziak in hongbuai a ka kisuanglah petmah. A ma hong panpih na ziak liuliau in Kolkata a om saptuam pastor khat number kong neithei khongkhong ta hi. Lawmgel ka et maimai chiang nasan in kagim toh ka hehsattha bang a suak a kei haiman a ki tuisabuah ka hi maw. "ka haiman gah neseng kei nang e" chihkhawng ka ngaihtuah hi. Malda Town katuntan uh kakiang ah hongtu a kalungsim a nuamtuam mahmah mai hi. Malda a pat general a pai a Howrah tan tunghimhim photding in lung kagel hi.
Malda katung un dak 11pm a pelta a Unau nu'n a ma painang gamlapipek himah leh a purse a pat in ₹600 hong khenkhia a kasang ngamkei hi. Himah leh nong sankei leh keimoh a hikei. Nakiang a nangpau a pau na zaknawn hunding nathei a hia? Kin a kin in kala a ka kipaklua ka chi a Malda station ah mangpha kikhak in kou kong kumkheta uh hi.
Kenleng ticket counter kanaih pihpah a Howrah tan a ding in general ah ticket khat a ₹300 in kongla ua a gil uh a kial leh kiallouh kadong a huaizoh in momo kava nekpih hi. Kenbel kalungsim ah ma baandiing theihlouh sum mawk zatzat louh a hoihzaw hong chiding uh kasak a hi. Huaizoh in bathroom ah mikhat a teng 5 pia in kongki hahsiang uh hi. Train lah zinglam dak 3am a hongpai ding chi uh platform ah katutu tamai uh hi. Eh! Kongkik thakzual aw ticket kalak lai ua Unau nu hong sumpiak a kikhepna a nakeek zat theihlouh, Lungsim nuamloutak in ka om a himah leh dawr 5(nga) khawng ka try nung in sih leh hin kikal ah kava pepaisuak theisam hi.
A manleng A siatlam theileh hongpe hetkei ding. Train hongtun ma in kenleng ka numeinu (mouthak) pen kiang ah sum om laitengteng kakemsak hi. Huaibel a awn nadeuh zong a i pai lehleh chiang a sum sukmang khakding kalauhman a hi. Train hongtung veisang lengleng a pawtsuah/uihzou deh aw. . . . . .!! Chihtheih khophial ding in hong bupha petmah hi. Kouleng kahtou in a banban in kong zong ua a tawptawp a a awn nadeuhkhat ekbuk kiang a nakhawl ding in ka gen a ken a mundang kava zong a huai ah sleepery class a mikhat ₹50 piak a tut theinang kava mu a huah ah kavapi a, kong ki entuah ua kong TUIKE NUIH kha zizen uh hi. A vangphat huainawnkhat bel huai a katutpihte khat un mizopau nengchik a nathei. Zuau gensuk football pekdia West Bengol a selection mu ka hi uh chih leh kituitum ei. Lawmpa bang a samsaute hilai. Huaidan a ka kihounung uh sawtlou in lawte gel hong ihmuthei vanglak uh hi.
A zingkal khovak nung sawtlou in a minthang Howrah station " KAPAU THEI KHANA OM UH LEH HONG NAI UN, A GAMMANG DANDEUH HING EI. , ." chi'n kua hiamkhat a kikou tuaituai a chihna mun uh leh khudoh tamna mun leh India a ding a station lianpen kongtung uh hi.
Ticket counter a ticket kalak dek a kava ki line leh a diklou khat ah kavading kha zomah lai hi. Himah leh general counter ah mi a natam naikei ua kava tangkha pah a sum hong gen leh kapuaklouh lam ka theikhe thak a lawmte kasam a sum ka chih leh a pauzawsam om lou in a mai in a kimai ua a sawtgop tak ziak in kinve ua chia kagenphei leh SUM MANG!!
NGAIHDAM : hiai tangthu ziak a kinakna leh ki tuahlouhna a natuak khate tung ah, gelhsuak ding ka chih lai a kuate hiamkhat lungsim khoihkhak luatziak in.
KIPAHTHU : U naunu Mary in hiaithu hoihtak in hong gelh in chia hong ngetna hun awl neitak leh siamneltak in gelhzou keimah leng 50% beek na theisiam na inteh chi in. Hong nasim suaksakte tung ah. Laigelhdan siamlou sasa himah leng mittang ke leh leng tawm manlou khopding a hong na etkaisak Adminte tung ah.
HIAI KA THILTUAH KUM 2010 KUM A HIHZIAK IN KUAMAN PRESENT IN HONG NALAKSAK NAWNKEI UN AW. No more inbox just because of Gauhati context. LUNGDAM.
BEITA
©Siamsinna leh Vakiangbu
{ Based on true story }
Zingchiang dak bangzah a gari pai hun ding chi a ka dot leh dak 5:30am chi'n hotel manager pa'n hon dawng a kei leng ka vante khep in bag sung ah ka guang a atazoulou teng bag neusung ah ka guang a ihmut kon sawm thei khong hi.
Kisilkhin lumdia kong kisak leh ka mangngilh khat a om ziak in a kintheipen in Taxi in Aizawl Millinium Centre kon delh chenchen a dak 9pm bang a na gintak ziak in kinohna in ka pumdim hi. Taxi fair pia ka hia , pelou chih le theimanlou khop in ka dianglut a ATM naihpah in 2000 ka lakhia a bangtan hiam ka etkual nung in numei van kizuakna showroom khat ah kong dianglut tei ringot hi.
Eng e i duh ? Ken le (eipau a) Guwahati a pai ding huai a ka zinpaak ding deih ka hihdan ka gen leh hon nuihsan heuhau a , ken le zumhuai sathak sim in tui ka vadawn ding chi a potkhe dia ka kisak leh, " hiai ah leng a om chih toh piak hon thuah ngal a. " Tthanks ka chih leh bangmah genlou in hong en-en nilouh hi. Ken leng bang e non hichi et ? ka chih leh kiguih dekphial zen in Fb ah khan kan muh pa kha i ni om e. . . . . . Hon chi guih mawk a . Ken leng chiamnuih hun hilou leh zingchiang a ka pai nang zekai thei ding ka hihdan ka gen leh hon ngaihsak kei a fb a ka limlak hon en sak mawk hi. Oh ! Aizawl a Khiangte neivoi maw ? ka chi a aman leng " ni e" hon chi a, chibai kong kikhonung buuk ek uh hi.
Ka van deihdan leh ka Darling meldante hong dong a atawptawp in a store room lam ah a valut a sawtkuam simtak a va om nung in pack sa in vankhat hong tawi a nang leng na etlouh ding hichia napiak ding .Kua hon choose sak hiam ? a chih leh a vek in gen in a poimoh leh leng nawn call theireng hong chih san hi.
Mi vanpiak ding en le muhlouh lawmlawm ka chimulmul a alangkhat ah pasal sang in numei in thei zaw mah inteh chi in ka lung a kimthou hi. A man ka dot leh 2500 hon chi a kei leng kiguih zizen in, " Dot soisuh aw Eli. "Ka chih leh a puan-ak tual chiah lou khat hon lakhia a aman(price) hon ensak a ka nuihsan hi. Ken leng ka ATM card ka piak leh 1500 in kon bawlsak di " as a gift " hon chi a , kipahthu gen in ka hohnawn chiang a kimuh nawn theih lamen in Aizawl te kisaktheihpih mahmah dawr kon nuseta hi.
Ka phone ka lakhia a ka et leh , " U khup, damtak in hong pai in aw . Non phone haklua a , ka na ihmu mai ding aw. Zingchiah station ah kon na ngak ding. Mangpha love u , muuah !" chih ka mu a houpih sawmsim mah leng zingchiang a kimuthou ding chi'n a thoh chiang a a muh ding in " nuamtak in ihmu in aw D, na kiang ah ka om gige. Lov u too sweetdream " chi in msg. ka khak thoh mai hi. Trafic jam a hihman in ei kintat thu a bangmah phatuamlou ahihman in dak kal 2 bang kong tuan nung in leng sau ka pai nai hetkei uhi. Taxi fair ka pia a khe in kong paithoh tamai hi. Gimsim leng le ka vantawi ka en a zingchiang a kum 1(khat) val kimulou kimu ding chih khawng ka ngaihtuah chiang in ka lampai leng mangngilh phial top a hatpai deuhdeuh khawng ka na hi mai ding e. . . . Hey ! Ngairoh, tung e i nih, kalkong i mhulou em ni ?? Ngaihdam ka ngen a ka pai theinawn vanglak hi.
Ka giahna ka tun in gate a na kikalhta ahihman in Raju chi'n manager pa ka aw neih tawptawp a ngaih in kon sam kongkong tamai hi. A kiang ah bike tung a tangval nou mi 3 (thum) kileensiam golh zen a polythene kipe lehleh leng a mulou ka hituankei. Sawtsim ka sap nung a zaning gop uh a hi ngei ding a khat pan awldeuh a gentheilou mo ? Hong chi phong a, a ziak zaw ka theilua YMA/Police te lauh huaidan uh ka theilua. Ken leng a zalou dandan in Raju gate hong roh" chin siamlou sasa kawm leh thaneih in kon gennawn teitei mai hi. A ma a awl gendeuh aw hong chi pa'n hong naihphei a direct hit ka hi ngalmai. Ka van tawi gate nuai ah ka guangphei zok a ka peekphei ngal leh a koilak pek kha ka diam ah kisat goihgoih a a lawmte gel in hon delhphei ua ka kisialpi nawk tamai ua a thawmging in leng manager pa phawngzouta ahingei ding a gate hong kihongta hi. Vaite a hih ziak in Mizo pau kei sang in a siam zaw tham a, kin a kin a lut ding in theihsak in ka om ngal hi.
Ka van ka tawm a room ka hong a lupna tung ah ka tusuk nawlh mai hi. Mins 15 khawng ka tutzoh in ka van leiman ka taxi fair kon calculate a asum bangzah mawngmawng a om lai de aw ! chin ka sakhau kon sawk leh nu aw vokaden ! Its gone. Kin a kin in manager pa ka vaphawng a gate tabi ka ngen a kindeuh in,
Gate ka vahong a kinep phak hetlouh himahleh den a zu dawnte a na om nawnkei vanglak uh hi. Ka wallet chu chih taktak in kon zong a a tawptawp in muding a leng kigingta nawnlou ka hihman in ka lutsanta hi. A sumzaw tamkei ka guest house om man valzek a hi. Himahleh ka ATM card omlou in ka bangchi khosak dia?? Passbook lah polou,chequebook lah polou. Ka buaipet mah a lupnatung ah chikmah a ka gentheihna ka kipahna Pathian kiang a tun mengmeng lou pa'n thumna peuh kon nei thepthup hi. Lunggimtak a deek a khut kilhtuah zen a kong kingaihtuah lai in ka lungsim ah SSPP te kiang ah kingen himhim leh sumo fair ding beek hon pena un teh chi'n kong kikhamuan a himahleh zingchiang zingkal a paithei nailou ding chih ka ngaihtuah khak chiang in ka ning bang a kitel top hi. Lampi dang omlou ahihman in ka khualzinna nikhat hiaibang in kon zangliamta hi. Dak 12 a na pelh man ziak in ihmut teitei tum in zanpuan kilukhuh zen in kong kithawi a, sawt kihallou a ihmu ka na hiding e.
Ni 2(nih) ni zang ding in kong kize khesam hi. Sana ka-et leh 7am a na ging a mis kol 2 toh msg khat a na om a , ka en nuamkei. Thouphet ka ipsung a 150 chiah ka wallet a ka guan khaklouh teng toh top-up kon thun a SSPP Aizawl branch president pa houpih theih nang kon ngaihtuah ngal hi. Sawt simtak ka buaipih nung in kong kihoutuah thei ua himahleh tu leh tu a man nailou a hihdan hon gen a , ka lungsim a nuamtuam petmah a zing an ka nek man ding om chi'n ka 100 puak bang ka en thakthak zezen hi. Dak 11 lak in zing an kon ne a huaizoh sawtlou in president pa apat call hong pai a, " Na pa min bang ? Koitak a om? Nang min bang ? Na pa bang nasem?" chi in hon dong vek hi. Ken leng imm khat leng neilou in singtang kotawng a teng ka hihdan uh leh ka pa'n leng louna mah sem a Lamka a mi innluah a khosa ka hih dante uh khat leng imm neilou in ka gen vek hi. A chih leh Na pa No. Hon pia in hon chi a ka pan phone A tawisam a ! Bang ka pe dia. Phone ka leisak dek lai a Singtang a phone zatnang ka theikei hon chihlai bang ka ngaihtuah a ka hehtha khong a suak petmah mai hi. Ka a/c No. Ah nasung kuante'n hon khak le uh a fee om lou in kon hihsak ding hon chi a ken leng ka nuneu a pasal Jugali khat ka phone a ka gen leh a sum neihlouh dan uh hon gen a, ken leng a na houpih himhim in chi'n SSPP president pa numbat ka pia a anung sawtlou in lohsam ahihdan thu hon hilh hi ( ka SSPP fund piak zaw tamkei mah in teh ka pa leng officer a hikei . Himahleh ki-inteek sakdeuh tak a " EI A " chi a ka ngaihtuah khak ziak a hi zaw. Na ngaihdamna uh kon ngen.SSPP Aizawl). Mangbang tak leh lungdawng panpihtu bei mahni pau ngoihngoih a pau a mah ni Pawlpite'n leng panpihtak hon salou uh chih khong ka ngaihtuah chiang in ka biang ah kham vuallouh in mangbat na khitui hong luangkhe suk hi.
Ka D( Duatlai) in hon phone a ka dawng theikei ka dangtawng a bang hiamkhat taang mah abang. A tawptawp in ken leng D ( Duatlai) lampi sia in chin nitak lam in kong kipankhe thei maithei uh chi'n ka gen sukmaita hi. Ka D hön muan dan ka thei a, himahleh huai zaw excuse bawllou theilou ka hi kei. Aman leng ka kidik ging za ahi ngei ding a, a lam pipi hong om na ding a hi UKhup hong chi a a aw nemtak leh chiangtak a a hong gen in hatna hong pezou hial khop in ka thei hi. Sawtlou kong kihou zoh un " tangbang dam in dawnbang kituak ni aw, D na sakmel muh kal ngaklah lua ingh, Om nuam" ka chihzoh in khatvei try thak himhim ding chi in kong kisathak a . . . . A TEUHLOU MAI, A ZIALOU LOTUK...kei maimai Hi chibang a ka buai hun a hon houpih nop ziak a kipahthu gen in ka off hi. Ka guest house fee ding in ka phone 1000 in ka zuak a pammaih zaw sasim dan ka hi ding. Ka pia a an ka ne nawn a nitak lam dak 1 hong gin in sumo counter ah ka vapai a abat a hon tuangsak ding uh leh amun tun chiang a BAHARA piak ding in zum leh zah khuallou in ka vangenta phut hi. Ka gintak sang in hon na phal vanglak ua nitak lam dak 3 a counter a pai ding a theihsak in ka om hi. Ka giahna ah ka paikik a manager pa phone a ka sim thuah in ka D 1min khong ka houpih a ka kipat khiak hun ding uh ka gen zohzoh in ka buailua chih paulam in om nuam ka chi a , ka koih hi.
Nitak lam dak 3 in counter ah ka va ki report a himahleh a gari hong tung thei zoklou a hihman in ka buai gop a ka va dot leh traffic jam huaiziak a hong zekai ahi hon na chi a, kei leng a ngakzou ten thupha ngah chi'n ka ngak ringot ta hi. Dakkal nih khawng ka ngak nung in hong tung khongkhong a ka vante a tung ah a kankhawm in a sung ah a last line ah kigaktak in mi 4(li) kong kihen threpthrap uh hi. Traffic jum a chi uh i sak leh Full speed in Aizawl kholai ah hong kikhoh pihta mai a Khodungsei phei Kolkulh toh Keifang kikal a driver zukhamsa hek a ka tuan sang in zaw ka taw ka awl iip zaw ve. Buaina bangmah omlou in Aizawl a minute a sim a dakkal a sim in kong gamlat hiaihiai ta uh hi. Lampi zaw Manipur toh teh theihlouh a hoih himahleh tehtheih louh ding khop mah in aneu hi. Dolsing/singdol kung thupi taktak leh gam lian pipi a poute khawng ka et-et chiang in eigam toh teh in a felna uh a taimakna uh a kimu khin hi. Lamdang ka sak khat a YMA branch min khong a leng Dolsing farm a bawl uh a hi.
Kong taizel ua Vairengte phakma khuakhat ah ann hon nekpih ua huainung sawt simtak ka khawl nung un kong kipankhe nawn ua Assam state i hong naih hiaihiai a driver pa zong nam philphel a tai/ hek ahihman in speed 100/120km/hrs a himai huchi in ka ni nih na kong zang zouta hi.
Cachar phaizang ah kong kitholh khesuk ua a gam lum petmah leh sat a sa petmah a hihman in kei gari window ah ka dakkhia a hon hehsan mah le uh bangmah a phatuam tuankei hi. Silchar kong tung khawngkhawng ua huai ah Punjab hotel ah kong kinga ua ann ne ding in lawmte hong kithawi nawn uh hi. Kei leng kuva beek hai ding chi'n kong kithoikhia a kuva ka va lei leh Rs.12 a na sa tazen ve uh aw !! Gari sung a ihmut theih khak leh chia ka lut nawn leh driver pa'n beer a nasung a kei a ding toh kei leng ka dawn ngeikei ka chih leh dawn leteh kholum thuak nuamtuam ahi hon chi a setan khemna a diam ka beer dawn masakna penpen huai ni a hi tamai ve. Zu vadawn uh a hi ngei ding a ka tuanpihte khat a maban kalsuan ding a ut nawn bikbek kei hi. Driver pa'n kham salua ahihman in a tuang ngamlou a hi ding. Dak kal 3(thum) khong kong khawl nung un khua a vakta.
Assam state sung nitum ma a kheng teitei ding chi hi leh kilawm in Tuiluang (Barak river) pang ah kong kikhoh zenzen uh hi. Sawt kuamtak ka tai nung un Bangladesh phaizang leng kigalmuh theita a, ken leng Meghalaya kilut dekdek ta ka chih leh a map a etthoh toh zaw kikhai mah ei. Nitak dak 10:30 in Meghalaya gam ah an hon nekpih nawn ua, gari tuan ka peih nawn mahmah kei hi. Lamka a pat Aizawl ka paina leng ka taw dulhlai a tua ka tuan zel ding ka ngaihtuah chiang in ka tawbou a UI-LUTPI (MEIMA TUM) nei mah ka bang hi. Ann nekzoh in driver pa kiang ah sumpia in chih toh pawt ka thuah a kei ut thu hi leh varandah khawng a lup le poi ka sa nawn kei. A lou theilou ahih chiang a gari sung mah kitung zel. Zugim leh laizial/zanah gim mahmah in leng hon gentheisak diak hi. Happy valley ka lut un dak 12:30 a pelhta . Huai Mizo skul kiang a counter ah driver hong kikheng ua, awl in Assam state mah manoh in ka nithum ni gari sung, ka mai a bang thil hong tung ding hiam chih leng gelpeih lou khop a gim in kong zang beita hi.
Shillong ka pelh ma un driver pa mi pautam petmah khat a hi chih kitheikhin hi. Ka kiang a Mizo papi kham huntawk vaipau kizeisek deuh sepaih pension ka hi chikhat tu hiven huaipa'n driver pa kiang ah "taxi na heek sang in Aizawl toh kikawl ah gari service le teh a lawk/met zaw ding" a chih leh driver pa'n leng " khatvei ka service kha a Aizawl counter Thuampui(genkhel leh ngaihdam) veng ah Mizo tangvalte'n pau ka theihlouh ziak in hong vua uh" hon chih leh Mizo papi pa kinaak Christian sak lotel heh a hong heh mai ka tuanpihte uh Bihari te lah om gaugau phet uh. Gari kham(stop) zen in hong kina ua i gim toh ken leng ning law petmah ka hihman in Mizo papi pa kiang ah " a tawktoh Christian zu rui poh ka thre ngailou, a zahthrak. Eng ang Christian nghe i nih? Ron kalroh" ka chi'a gari sung ah ka kai lutphei a driver pa lah nak hehlua gari ngoh hileh kilawm awmtak in lenna a tuang leng khe ding a hong kihei a thakhat thulou a hong kikhoh zut bangmai in hong taipih tamai hi. Saulou ka tainung un gim lopetmah ka hiding aBarapani ka tun lamlam uh leng phawkpha nawnlou k ahi ding e. Hong kiphong a Gauwhati a Big BAZAAR mai ka na tung uh hi.
Ken leng ka sana(watch) ka et leh dak 2:30am a na ging a hattai petmah ka hihdan uh ka thei khethak hi. Ka zotnang ka gensa a hihman in driver pa ka kawkmuh a LAMKA GUEST HOUSE mai ah kongkhawl ua ka van ka va lakkhiak dek leh driver pan bahara hong pephot in hon chi a ka hehtha bang a suakdek tak hi. A Ziak driver masa pa kiang a zingsun dak 12 in hong la in la nong lakman kei ding leh Mizoram house ah dak 1 in kong pe ding ka chih a hihziak in. Kei leng ihmu thou-phang chih mahtak ka van hon penuamlou na hih leh pua in la'n zingchiang in kong la ding koi ah na om dia? Paltan bajar hon chi a, ken leng ka zattawm ding teng lakhia in ka van pua in hon taisanta uh hi. Ka phawng ka phawng a a tawptawp in waiter pan mit nuaikawm threuthrau in eh! Nang mo? Chi'n kong hong hon a , ken leng Thang hong hon hak na chia ka chih leh zan nitak ka ihmu gina kei a hi hon chih kawm in waiting room ah ka lut ua single room khat aw ka chih leh a vek a full hong chi gaih a ken leng zanlam a leng na bawlbeh uh hilou maw chih toh kisilnuam ka hih dan ka gen leh sahbon hon pia a kisilzoh in waiter te room ah hong giaksuk a ka kipak veve hi. Zinglam khua vaknuam phial ta ding in ihmu ding in lupnatung ah kong lumta hi.
Zingkal in aw ngaihsim tak khat in hiai a lum kua e !!? hon chih in hong phawng a kei ka chih leh hong en gega a sana ka et leh daak 9 ging a hihman in ken leng bank phak a sum lak khiat dingdan ka ngaihtuah masak ngai a hihman in lakhe thei kei leng bang ka chih ding chih khawng ka ngaihtuah hi.Himahleh ka bag a ka van poimoh dang kikhek nang ka liamnate damdawi nuh ding om vek a hih man in ka buailua a inn neinu kiang ah sum nget ding ka chih leh a na zin zaw mah(kitheisa ka hihziak un) inn teekpa lah omlou zel ahihman in a tanu nu mohpuak a nusia a na hi ua ken leng zum leh zah khual zoulou in 2000 khawng hon zang sakve dak 10 in bank ka vapha dia kon pe na ding ka chih leh sum om lou ! Eh! Roomfull hilou a maw bang chidan a 2000 le lel leng om lou" ka lungsim a chi kawm in ka pawtkhia a. Dak 10 ginchet in ann ka va ne a abat in na gelh vou chih toh pawt ka thuah hi. Ka bank a/c honna a office uh ka dong a ka va mupah vanglak hi. A sung ah ka puannak nin toh ka lutsuk a bangmah tawilou a sum draw khiak sawm zaw ka himai. Table om masa penpen naihpah. Your passbook? Sir, i lost it. Where? Then do you remember your a/c number? Phone number leng ki byhard peihlou a. No, sir i've lost my pasbook, chequebook, atm card. Thats the reasion why i came at The office. Ka chih leh manager pa kiang a gen ding in hön sawl hi . Adung, avai, abul, alai, atawp, hon dot nung a ka buaidan ka gen nung in na min bang a? a/c na hon na koitak branch? Ken leng ka gen zoh in withdrawer form ah ka a/c number hong gelh a sign thumvei mawngmnawng hon bawlsak zoh in a computer mai enzel kei hong enkik zel a a tawptawp in bangzah e na draw khiak nop hon chi a ken leng 7k ka chipah a So careless be careful next time chihtoh ka houpih masakpa sam a thuah a huai zoh in huaipa'n a sum hon pia a cheque book khat hon piak beh uh hi. UCO bank a a/c hongte'n natheimai ding uh, a lamdang a hikei. Kipahthu gen in Paltan bajar auto in kon delh vengveng a a number ka gelhna lai lakhia in ka en a auto pupa'n Rs.150 hon la a tam ka salua a bus ah ki paikha leh sum save zaw ding dan eive chih lungsim toh piak ka thuah a sum sik(coin) poimoh lua ka hihman in a nen cheng 5 nih ka ngen a teng 10 ka leh piakthak hi. PCO zongzong a tawptawp a huai sumo parking kiang ah va mu a, ka phone leh ka kiangzek a a na om dan a na hi. Sum ka pe-ngal a ka bag a vante a kim na hiam chih ka etzoh in ka pai a huai PCO mah ah ka D ( Duatlai) kon phone nawn chenchen hi. A ring ging maimai leng a zak nuamtuam leh halh huai ka bang hial hi.
Hello ! D ( Duatlai) bang hih e? Pick up hak na chia. Kisil lai ka man dek warden nu kiang ah zuau ka bang chi gen ding e U ? Ken leng a zuaugen dingdan ka hilh a (hahaha) a khonung in dak 11:30 a ka om na hong tung ding in ka hilh hi.
Huai nung sawtlou in ka pai ngal a kimuh tuahna ding mun a ka genna mun uah ka ding nilouh hi. Sawtsim ka sak taak man in lungliap kawm pi leh thazoi kawmpi in ka tunna guest house manoh in ka paikik maita hi. Amah lah melmuh khak ding a om lou tuun leh zua hal nihgel Itna zaw bah leh ngui ding mah hi e, chikawm in lungliap tak in maban a guest house tunzok a kihahsiang ding kia ka ngaihtuah a, ka trolly bag ka kaipuak thrapthrap a kinohtak a ka pai vutvut lai in mikhat bang ka phu thal khadek hial hi. Huai a ka ma a painu en-en ka hìhlam kuamah a thei na om kei ding uh e? Eimi ding a lah hoihlua nam dang ding a lah hoihlua et mai a leng Chimul thouthei leh duangching tak a kizem nu chuh "GARDEN PAA HOIH" nu himai in teh. Ka etlam leng theilou khop a pai ka hi ding e huai pasal pa ka va phutkhak chitchiat. Ka makhelh phei vauh a, Eh ! Eh! Eh! E. . . .. . . . . Pathein semfuh lanuu a na hidan a hi. Oh! U bang dia huai tantan nong kingaksak eita?? Kileh heikawm a ka et leh kei aw vangsel lelliang a ding in pam ve chia, chìh louh ngaìhna a om kei ei. Ka kiguihzot zezen a kei leng kihehsak in gimlou hon sa maw ? Bangdia na zuau na gen a ? ka chih khum lela hi. Amah leng hong zonna gimlua petmah a hiding a, a biang a kho-ul kai hethet kawm in ngaihdam aw, sawt kong zong lua a hi a U, hong chi a, huaithu ka zak tak in ka lungsim bang a höng tuam hial a ngaihdam ka ngenthak hi.
Ka van gik mahmah mai hong pua bangchu. . . . . . A nunglam apat ka en a ka engbawl mai aka.
Sawtlou in ka kingakna guest house kong tung ua huai ah ka vante hon sawpsak a dakkal 3 (thum) chauh om khawp hun ding nei ka hihman un a kinthei bangpen in Zoo Road ah ka kikhoh phei ua, Zoo ah hun tomchik ka neih sunsun uh a manpha theipen in kong zangta uh hi. A numei a bel kitambaih deuh chih mahtak a mit a san gige a himahleh a theilou lem kineih in ka hun neihsun uh a manpha pen a zat a ginomna chii tuh ka sawmpen mai hi. Hun a paikin khopmai e. . . . . . Dak 3pm hong ging a et leng ka en ngam hetkei a kuamah omlam leng a thei nawnlou a diam a kap ek-ek maita hi. Kei leng kihehsak in ka hou ek a huai in a lungsim suna hinteh ka kiokhe thei khongkhong uh hi. A ma om natan ka kha nuamkei a lampi a khitui luang kawm in leh kimuh nawn hun ding theilou in kong kikhen tamai uh hi. Kei leng a kinthei pen in ticket ka va la a, zingchiang a pawtkhe thei ngal ding in kong kisa ngal hi.
Huai nitak a hong la msg khah
~Westlife : Just close your eyes~ chih la hon khak a ka ngai taktak chu. . . . . . .
Nitak a va peg cheuh ka hiding e ka paunuam mahmah a an nekna a Paite te genkhasim mi 3 toh ka kibuai dektak ua ka kihoulem thei vanglak uh hi. Huai nung in Sohpihte nupa kitaipih nih toh giakkhawm kha ding dan in ka om ua, ka kihouhou uh leh sum tengkhat leng neilou dan a na hi uh chu. . . . .. . . . Hong ngen uh ken leng ngaihsak nawnlou. Amau hong ngen nawn uh ken leng ka hun paisa kon ngaihtuah vengveng a 2000 piak toh ka thuah a ken 1000 ka kem hamham hi. Huai teng chauh a na hunlou uh a giahman uh a ann neekman uh leng daihlou dan eive. Ken leng lungkham lou ding leh ka panpih theih dandan a panpih ding ka hihdan ka hilh a huaihun a mel ka muh KIPAHNA MEEL ka mu nuamlai.
Ni 5 (nga) ni zing nisuak kilawmtak mai muh ka kinep leh dak 9am in ka thou a flight ticket cancel ding in ka paipah a train ticket kong lakpih trep maita hi. MUNDANG A HUAI BANG A NGAIHTUAHNA NEI MIHAI TAWP KHOK AHI. Huai leng ka pai nang tan uh daih hamham ahihziak in ka lung a buai gusim ngal hi. Train ticket ka lak uh Malda Town tan chauh reservation ka muh ziak un aban a general a a lemthei dandan a kiguan ding in kong tawldam nawnta uh hi. Huchi a lungsim nuamlou leh lungbuai a ka om laitak in call hong pai a ka lunggimna leh amah theihlouh a ka buaiguk dan gen ngamkei mahleng a AW ka zak in lungsim kipahna khat hong pia hi. Ka tupdan a pai ding hileng ka zot nang mun nikhat a tung ding ka hi a, himahleh UPA te'n THUPI GEN LEH SAZAANGKAAP A VAAL a chihte uh sinkhak ding ziak hiam aw ka buai mahmah mai hi. Bangziak a sum neilou a kiteng mawk? Bangziak a sum omlou a gamdang naih e? Bangziak a kiteng ding kisakhol lou na hi ua?? Thu tampi ka lungsim ah ka dong a, ticket ka lakpih nung in leng ticket ka piak tuam leh leng hong meilet tamai ua, PU Nungzuih in hong zui lailai uh hi. A himhim a kei pai nana a nou hong pai dek mawk, kei om kei leng bangsuah sawm uh e? ka chi leh; "Bhai a kho hih e na cheh nana ah chehkhom hitin, na ka hinto phat u leh sum vang ka hinpeh kit diu ahi e." . hon chi uhi. Ken leng panpih mailouh a lampi dang omlou chih ka ngaihtuah ziak in ka towel khat ka pia a, zingchiang a dak 6:30am a kipankhe ding ka hihdan uh ka gen zoh in chance ka pe theita hi.
Ni 6(guk) ni zangding in zingkal 5am in hongphawng ua keileng ka ihmut suahluat manpi in "a helou na hinsah u'h hai m? Ka nachikha mawk a kanui leiluai hi. Dak 5:30am in auto ah kong kihen ta uh hi. Train station tungta buaikipan hi zelmai. I nungnung a hongzui uh I paina lamlam a hong UI PU NUNGZUIH thohmai uh. A tawptawp in ka seat uh keichauh in zongleng mubaihzaw dia kaki gingtak man in munkhat ah a nih un kavan tengtoh kanusia a kei a Tangval laizawdeuh chi'n kong taileh vauhvauh hi. A tawptawp inzaw va mukhawng mahingh ei. Kavasam a lungmuang tak in ka om ua a lumluat ziak in ken tuivot kavala a nahtang tamlou toh kavapia hi. Kenleng theihngei a om himhim hiam chi'n kongkhak a name list teng kava ban check a next apartment ah unau Vaipheite David kichi kava mu a kalungsim a nuamtuam mahmah hi. Kou kongkhak kava et thak leh Sister Mary Naulak Kichi kava muhbeh a eh! Eh! Eh! E. . . . . . . . . Pute innsung a om mah bang in kakikoih tops mai hi.Kenleng a seat number kava et leh Sister Mary a Pa bangleng katheih ngeiluat a na hi zomah lai. . . . . Ka lungsim a kapuak gik hongdawn zangkhai mahmah hi.Hi! Sister(a sisterform a silhziak a hi) Nang maw Mary?Himah ingh e? Nangkua na?Bangtan hiam kakihou nung un buaina tuakleng a mah loungal belh dingdang muding a ka kiging taklou ziak in kalungsim noplouh na leh ka thiltuah tamlou ka hilh a, a manleng a mite kamunuam kong ending hongchi a ka seat uh bangtan hiam hong om nung in "ka seat nathei navoi maw" hong dingkhiak san hi.
Awle, dak 6:54am in ka Train uh Liing nelhnelh kawm leh AW ngaihpi a kikou chiaichiai in kong ki pankheta uh hi. Keibel kalungsim a nuamthei hetkei hi. A ziak Malda Town tanchauh reservation nei ka hihman un. Himah leh paikhawm tavang lak TAKCHAPA chihtoh ngaihtuah na a ki tawngtawng hi. Sun dak 12pm in ann ka order pih a a lawmnu a gil a nakial manlo dan a hi.Malda tunma a TT pa houpihngai a hihman in keileng huai buaipih in ka taw in leng katu mankei hi. A tawptawp in kava muthei khong a english a siamlouh ziak in ka sanggam(sister) nu kava sam hi. A mahzaw english/hindi a dawmteuh kei a kiang ah kana etthoh heuhou kha zizen hi. TT pan hongphal talou ka sum un lah Howrah tan tunnang leng hongdaih diam ah chih hita. U naunu Mary in hong buaipih petmah mai a phone a pat e a lawmte a pat e. Kei miziak in kabuai a a mah keiziak in hongbuai a ka kisuanglah petmah. A ma hong panpih na ziak liuliau in Kolkata a om saptuam pastor khat number kong neithei khongkhong ta hi. Lawmgel ka et maimai chiang nasan in kagim toh ka hehsattha bang a suak a kei haiman a ki tuisabuah ka hi maw. "ka haiman gah neseng kei nang e" chihkhawng ka ngaihtuah hi. Malda Town katuntan uh kakiang ah hongtu a kalungsim a nuamtuam mahmah mai hi. Malda a pat general a pai a Howrah tan tunghimhim photding in lung kagel hi.
Malda katung un dak 11pm a pelta a Unau nu'n a ma painang gamlapipek himah leh a purse a pat in ₹600 hong khenkhia a kasang ngamkei hi. Himah leh nong sankei leh keimoh a hikei. Nakiang a nangpau a pau na zaknawn hunding nathei a hia? Kin a kin in kala a ka kipaklua ka chi a Malda station ah mangpha kikhak in kou kong kumkheta uh hi.
Kenleng ticket counter kanaih pihpah a Howrah tan a ding in general ah ticket khat a ₹300 in kongla ua a gil uh a kial leh kiallouh kadong a huaizoh in momo kava nekpih hi. Kenbel kalungsim ah ma baandiing theihlouh sum mawk zatzat louh a hoihzaw hong chiding uh kasak a hi. Huaizoh in bathroom ah mikhat a teng 5 pia in kongki hahsiang uh hi. Train lah zinglam dak 3am a hongpai ding chi uh platform ah katutu tamai uh hi. Eh! Kongkik thakzual aw ticket kalak lai ua Unau nu hong sumpiak a kikhepna a nakeek zat theihlouh, Lungsim nuamloutak in ka om a himah leh dawr 5(nga) khawng ka try nung in sih leh hin kikal ah kava pepaisuak theisam hi.
A manleng A siatlam theileh hongpe hetkei ding. Train hongtun ma in kenleng ka numeinu (mouthak) pen kiang ah sum om laitengteng kakemsak hi. Huaibel a awn nadeuh zong a i pai lehleh chiang a sum sukmang khakding kalauhman a hi. Train hongtung veisang lengleng a pawtsuah/uihzou deh aw. . . . . .!! Chihtheih khophial ding in hong bupha petmah hi. Kouleng kahtou in a banban in kong zong ua a tawptawp a a awn nadeuhkhat ekbuk kiang a nakhawl ding in ka gen a ken a mundang kava zong a huai ah sleepery class a mikhat ₹50 piak a tut theinang kava mu a huah ah kavapi a, kong ki entuah ua kong TUIKE NUIH kha zizen uh hi. A vangphat huainawnkhat bel huai a katutpihte khat un mizopau nengchik a nathei. Zuau gensuk football pekdia West Bengol a selection mu ka hi uh chih leh kituitum ei. Lawmpa bang a samsaute hilai. Huaidan a ka kihounung uh sawtlou in lawte gel hong ihmuthei vanglak uh hi.
A zingkal khovak nung sawtlou in a minthang Howrah station " KAPAU THEI KHANA OM UH LEH HONG NAI UN, A GAMMANG DANDEUH HING EI. , ." chi'n kua hiamkhat a kikou tuaituai a chihna mun uh leh khudoh tamna mun leh India a ding a station lianpen kongtung uh hi.
Ticket counter a ticket kalak dek a kava ki line leh a diklou khat ah kavading kha zomah lai hi. Himah leh general counter ah mi a natam naikei ua kava tangkha pah a sum hong gen leh kapuaklouh lam ka theikhe thak a lawmte kasam a sum ka chih leh a pauzawsam om lou in a mai in a kimai ua a sawtgop tak ziak in kinve ua chia kagenphei leh SUM MANG!!
NGAIHDAM : hiai tangthu ziak a kinakna leh ki tuahlouhna a natuak khate tung ah, gelhsuak ding ka chih lai a kuate hiamkhat lungsim khoihkhak luatziak in.
KIPAHTHU : U naunu Mary in hiaithu hoihtak in hong gelh in chia hong ngetna hun awl neitak leh siamneltak in gelhzou keimah leng 50% beek na theisiam na inteh chi in. Hong nasim suaksakte tung ah. Laigelhdan siamlou sasa himah leng mittang ke leh leng tawm manlou khopding a hong na etkaisak Adminte tung ah.
HIAI KA THILTUAH KUM 2010 KUM A HIHZIAK IN KUAMAN PRESENT IN HONG NALAKSAK NAWNKEI UN AW. No more inbox just because of Gauhati context. LUNGDAM.
BEITA
©Siamsinna leh Vakiangbu
Comments
Post a Comment