TURKEY ROSE
By ~ Lian Khuptong
Kidoupi ni(II)Na hunlai khong ahi.
Chimah bang in Turkey gam tuh gamnuamtak leh thautui kichinna gam leh
gam etlawmtak nek le tak kichinna gam le ana hibawk a, amite khualzin
mite vaidawn a siam ua, kipezou mahmah uhi. Tua hunlai in galbuai ziak
in pasal tangvalnou Nasri tuh French gam
apat’n khosakna haksat ziak in, galbuai toh a gam ua Anu-apan lah sihsan
uh toh mangbang kisa’n a hotel (restaurent) a nasepna kholsan in,
Turkey gamzuan in khual hong zinkhia hi.
ZAMIR kichi
Turkey gam a mihausa hotel (restaurent) thupitaknei in, lun thei mahmah
sam hi. Mi a hotel a lut kitatsatlou’n gamdang mun tuampan hong pai
bang tam thei in, tawlngalou sim in khualzin mite na vaidawn gige khasim
hi.
Zamir hotel minthanna
guk bel bangdang hilou in, a hotel ‘miuziik’ tumging siamtak a neiziak a
tua bangte khovel kilcih dengkha’n mite’n hon naih siausiau hi. Zamir a
hotel a lutna nawnna khat ahihleh nek bawl siam ban ah a nasem muanhuai
nungak Juda mi Rosny melhoitak hang
in, mite mittai sak in tua Juda numei ziak mai inle sumtam khopluak man
hi. Tua bang a Zamir khovel zang kisa nuamtak in a omlai’n a tumging
tumsiam a neipa lah a taksa upata deih bang in, hatnawn samlou’n mite
hipzou nawnlou a, tua bangte’n Zamir lungzingsak in, tumging tumsiam
lakthak di hon gel in mibangzah hiam tumging siamtak tak hong paikhom ua
huailak a Nasri tuh hon telkha laizang hi.
Tulai in mite’n piano a chite uh a
tumging ziahziah tamai uhi. Nasri in leng huai tumging hong tum petmahta
hi. Lungzuan huaitak leh khasiat huaitak mai a hong tum laitak in Rosny
tuh annhawm a diang koikoi laibang hong kholphut in limtak in Nasri lam
hon naih phei a nihgel bang limtak hong ki-en kha zozen uhi.
Nasri inle itna mit toh Rosny ana en
in, amau gel kal a tuh itna chii kituh ut pianpah mawk hi. Mipinte’n
siamsa in khutbeng kei uh. Zamir in leeng hiai mipa siamna e cih toh
lakpah sawm in, a khom in a kipatna teltak in, dawng pah in a na semnu
toh kituak mahmah le uh kilawmsa hi.
Alehlam pang a i etleh tuh Rosny pen
Juda gam apat galtai’n Zamir in suak bang a, a etkol, tuchiang a zi’ va
chi thei deuhlou lel hi.
Huchi mahbang in Nasri tuh hotel a
nisim in, tumging siamtak in lungleen huaitak in tum gige ta hi. Rosny
toh bang kimelh tuah in hong kinel mahmah ta uhi.
Hiaibang thute Zamir inle theihna
khat hon neita. Nihgel a kihou dek pat chiang bang un Zamir in, va
subuai zel hi. Thukhat ah Zamir tuh mipolhnuam leh maitai lungsim zaupi
nei le ahisam zel. Nasri toh Rosny toh a thum un a kithutuak mahmah uhi.
I gentak sa mahbang in Rosny tuh a
melhoinate ziakma’n mite’n ngai thei’n amah hang bek in, zong hotel a
hong khualzin bang om hi.
Tua bang in Nasri leng na maimai
samlou, a tumging siamna ziak in mite’n ngaisang in, a ‘muzik’ te ngai
nuam in milungleeng taktakte Italy, German gampeuh apan bang in, a
ngaikhe di’n hong kuan hial uhi.
Hiaite khong ziak ma’n Zamir in tuh a mizatte gel a ngaihsangna lian diak in kithutuak tak in nasemkhom helhe lpih hi.
Nikhat tuh German sepaih sap khat hong khual zin’n Rosny hon muh leh hoihsalua kisa’n a zi’ ding bang in ana dawp hi.
Tua banga a kihou Nasri in hon muh
chiah a lungsim naa mahmah sam hi. Tua German sap pa’n Zamir kiah va
ngen mah leh Zamir in, ka nasemtu muanhuai hon pe theilou ding ana
chihsan nate ziak’n mipa’ bang in naa sa’n Rosny a ngaihluat ziak in,
leitung a khat ah kitawmkhia’n, Zamir bang in va panpih kha zezen in
damtak in a gamlam uah kipaktak in, paisak thei hamham hi.
Rosny in tuh apu Zamir a zahtak ziak
in a thu selngamlou’n a chih dan mah zui ham tangpi hi. Nasri a tumging
tumsiamna ziak in mite lungzuan hehnem napi’ khenkhat bang kingaisia in,
kithat kha zezen uhi. Aman ka tumging siam pen mite kipahna hilou
ahihle chi in alaa gelhte bang balzaak in pai ding in, kisa a, hucih
laitak in Zamir hong pai a va hehnem hi.
Rosny in tuh Nasri na ngai taktak mah
ahi. Himahleh apu Zamir pen a lauhziak in bangma’ kum nuam lawlou hi.
Hiaite thuaklah in, Nasri tuh a nasep bang tawpsan bang le ut mai hi.
Zamir in lah nihgel ki-itna pen khentheih tan in, panla gige a, amau gel
kigawm le uh kei ka nasem ding omlou ding. Ka sum muhna kise ding
huaite ngaingam lou mah ana hi.
Khatvei tuh hunlem khat ah Nasri in
Rosny kiang ah nang kei nawn it zou hiam? Rosny in tuh hiai mun a na
hong pai ni apat ka itna thuktak tuh nang adi’n ka na pekhin. Khovel a
nang bang a sakmelhoih leh lungkuai thei ding ka muh le kilamen nawn
vetlou ka hi. Himahleh suak ka hi a, ka pu Zamir thu mah ka zuihzek
kisamlai ka sa hi.
A zing in bangthu om hiam nidang bang
in, amau nna chiat sem in hotel sung ah hong buai lingling nawn panta
uhi. Tua bang in mite hotel a hong lut in tumging hon tum sak in cih
uhi.
Zamir in tumging kitumlou mawk pen
mak sa in hotel lam hong daksukta hi.Alehlam a, agal hotel a ‘miuziik’
ngainuam a hong pai German khualzin mihausapa’n Nasri tuh nolhbawl pian
hi.
Khualzinmite tuh miuziik ngainuam in
dak hiuheu mai sam uhi.Nasri tuh a tumging tum ziak in mite’ adia
lunglen luatman a si’te hang a aman tuh kisiamtan nawnlou mah hi.
Zamir in tawpsan ding pen phallou hi.
Huai bang miteng in Nasri lam mitsuan ua a om tak un Rosny leng
kisuanglah tak leh mite mai a a zahlak ding deih samlou’n a khut a ann
tawilai dawm in, koihkhia in Nasri lam va naih in, kei ziak in tummai in
chi in va kuun hi.
Nasri le itna tangzou kisasam lou’n
ana ut tuan samlou hi. Rosny hial in, va ngen mah leh. Huchi in, Rosny
in Nasri a itna thu Juda pau’n hong sa khong hi.A biang a mittui kia zen
in hon sak laitak in, Nasri in leng a lungsim teng toh a kha’ teng in
ana en hi.
Khualzin mite leh Zamir bang in leng
maksa mahmah uh; a hang bel Rosny kuaman hibang in, a lasak lam zak
ahihlouh ziak in mite’n siamsa in khutbet khum zungzung mai uhi.
Zamir in tuh hicih vingveng pen athu
omdan theisiam mahmah hi.Nasri toh Rosny ki-itna a neipen uh ana gil
mahmah ahihdan hih tungtawn in muchiang hi. Hiaite kal a va kihel kei
leng ka summet bawlna niamkiak ding a cihcia naa sa zel, himahleh
tuabang a Nasri in hinkhua a zat pen chimtak gop ana hita hi.Rosny tuh a
lasak khitphet in room lam ah tailut in va kap hi. Khualzin mite’n
lamdangsak na’n dim uhi.
Rosny dahna pen thuakpih nuam kisa’n
huai German khualzin mipa leng a ann nekna sikkeu kung in, kidawt di’n
hong kisak laitak in, Nasri in kei hang hi. Cih mipa siik laksak in ama’
le amah tuh sikkeu’n hong kidawt lumta mai hi.
Zamir tuh höng kap zoihzoih tamai.
Rosny in leng a kap lakloh laitak in, lamdangsa a hong tai pawt leh
Nasri na hi maimah. Amah le dahlua kisa’n hong kap hithit tamai hi.Hunte
hong paizel in Zamir in tuh nuamtak in, hotel bawl sutzop sawm mahleh
ahithei nawnta kei. Mite’n lah loihta. Tumgim siam omlou’n kuamah ut non
samlou uhi.
Nasri tuh itna angtang kisalou ban ah
a miuziik tumsiam hang in, mite’n lungkuailua’n sihna di khop in pan
alak ngamte uh ziak in, hamsiatna bang a, angaihziak in, Nasri in ahinna
le ki it zoulo khop in, deihthu samlou tak in sih le khokna salou mah
hi.
Rosny toh Zamir kal bang le nidang
sang in kisezaw in, nuam thei taktak nonlou’n a thum ua pangkhom a
anasep laite mah uh Zamir in ngai mahmah sam hi.Hiai mithumte kal bang
thuguk kisel hiam i cihleh, Rosny pen Zamir in ken hiai hotel nang min
in ka koih dia. Kei ahihleh gamdang a pem ut ka hi.
Zamir in thuchiam a bawl ziak mah
leng adiam? Rosny le hiaite khong ziak mah adiam Nasri lamet bei kisa,
amah leng ki-itna tellou khop a ahinna aphal mai tel. Nasri tu’n khovel
ah om nön kei mahleh mite gen leh sak pen hong suak hi.A lakaih bawlte a
miuziik te deih in mite’n Zamir bang va mai vil kha zozen zel uhi.Zamir
leng mi lungsim se pumlum ahihsam kei hi.
Nasri leh Rosny toh a kipolh chiang
un nuamsa thei mahmah sam uhi. Nikhat tuh gintak louhpi in Zamir zing
thouhak sa’n Rosny in a va etleh sisa in mu hi.Akim apam hong vel leh
‘poison’ ana dawn mah a na hi.Lekha themkhat le nusia hi. Rosny in
mittui takkhe keuhkeuh kawmpi in, hon sim a bang kigelh. . . . .
“Ka it’ Rosny na tung a bawlkhelh sakkhelh ka neihte mah pozoulo’n hiai sihnaliim ana zotsan ta ing. Na ngaihdam kon thum hi.“
Rosny tuh tangkhat in nutsiat in hong om mai hi.Lungleeng thei mahmah sam hi.
(Hiai ah lekik zual ta le)
Rosny tuh Juda mi a gam ua gentheitak
a khosa, anu-le-pa a omlouhsan hang mah in khualzin mite Zamir hehpihna
ziak in, suak di’n ana lakha mah hi.Hiaiteng hang mah in Rosny in Zamir
pen pampaih thei maimai samlou hi.Rosny in tuh Nasri bang a alungkuai
thei dang omlou hiai in a lungsim subuai mahmah hi. Nasri sih ni ciang
hong tun ciang in a hanmun vaveh gige hi.
Khatvei nidang a ginomtak a hotel a
hong khualzin gige sepaih pa hong tung nawn dek leh Rosny kia na om mawk
pen mipan le lamdangsa hi. Tua bang in mapa na tungsak hi. Mipa’n amah
lamen mah’ a hong tung ahi hi.Tua German pa’n tuh ka gam ua hon zui in
ka zi’di’n hon sitkei lua ing chi in, mipa’n kuun hi.
Rosny in hampha kisa mahmah in ka
sang gampa va dong phot ning chi hi. Tua bang in a sanggam pasal neihsun
Hasansas in, “U Aw, nang hiaimun nuam na sa kisa mah lechin dencia
tekvuai a na hong om chia kuan hong kem di hong enkol di ? Va zui mai in
kei lah ka zi’ ka tate toh hong kinaih thei gige samlou ahihcia” hon
chi leh a sanggampa thugen bang in, tua German sappa va zuikhong hi.
Munich khopi hong tung petmah uh. Tua
hunlai in Galpi-ii na hong om zawmah vangsiat huaitak in galmun ah
Rosny pasal va si zawmah ! Tua bang in Rosny tuh beidöngtak in dahmel
takmai in, Turkey gam a hong kik nawn mai hi.
Damlou in hong tek mahmah ta hi. Tua
bang a sihkuan in Hasansas a sanggampa’n hon delh hi.Rosny in a
sanggampa kiang ah a sih chiang a khovel a a it’ mahmah Nasri hanmun a
vuidi’n ngen hi.
Sawtlou nung in khovel haksatnate pan
Rosny in ahinna manphatak tuh khahta in amah deihtelna mun a vuiliam
ahita. Hiaini na nana tuh Turkey gam pumpi’n suty puang hial a hanmun ah
paak kilawmtak mai tuh/suan uhi.Amin ding in Rosny mintam in Turkey Rose minvuah uhi.Nihgel ki-ittak mai tuh thangvan laizawl ah gibang kikhen omlou, nun khonuam in laitual ngabang lengkhomta uhi.
Himahleh khovel mi khualzinmite’n
amau gel hanmun vaveh zel ua, a thei gige a mangngilh theihlouh uh, apak
nalhsa in achi atang la’n agam ua pua zel mah le uh a hing theisiam kei
hi.
Huaiziak in hiai Turkey paak in ciituamna mah nei hi.Vansin nuai a tua rose pak gimsi theng mawh e.
Beita … beita
©Siamsinna leh Vakiangbu
Comments
Post a Comment