SELUNG MAWL

By ~Keats Izaki Hanghs

 'Lawmta bang in om mai ni aw uthang, Pathian in lem asak leh i kingaikik theilaw thamtham di, hilehle hon thuzak gige in aw plis' Heh di hia, kipah di.. agen dan siam kasa dieiduai sim ve!

Kum 3 paisa a alawmte kiang a ka contact no. la a, zan sawt pipi nung tan ale ihmut ding ngaihsun lou a hon message gige.. mangpha ka chih matan akhutpi in mangpha chih gelh theilou adiam ka chinuam phial.. School kaina kibang, ka junior ahi lel chihmanthu!. Hon naupang ngaihzaw hi peuhmah.. Kum kimkhat bang mel kimulou in (aman hon mu, ken mulou/theilou?) ka ki text charchar ua, tulai kampau dan in genleng, 'HOPE' (Orgn. lou pen) honpe lua ana hi. Numei nu chu muh ka ut dan ka zasak a, kimuh theihna ding lampi ka ngaihtuah ta hi.

Nikhat a limlak (photo) ka nget hon piak sawm ziak in ut leh utlouh genlou in kava kimuhpih sawm tei hi. Mel et in hoih kisa hetkei mahleng, Pathian in mihing mit (eye) atuamtuam a hak sak zaw ahingei dia hoih hon sa vanglak ahi chih lungsim a thei kelkul kawm leh bang chi kichei di.?..bangci pau ding.. bang chi om leng hon etdan or ka title ka keep up zou dia chih teng ka ngaih tuah a kuamah theihpih louh in ka khuak aki tok lutlut hi.

Awle, ut leh utlouh thu hilou, ahunchiam himawk eihcia va pai ngai petmah ding ahihciah chi in.. ka chapal Aqualite brand nawtngou velval in, ka puanak ngawng khep zozen lou in ding sak geugau (cool deuh khak leh) in ka kisawi tou neknek ta hi. Gintaak sang in amah ana tung masa zaw ahi dia, gamla pi akipan ka paitouh hon gal-et suk nilouh ahihman in ka kalsuan ding dan peuh buai in bawng-ek ka pal tou malam a, zumsim lah zumlam kithei sak udlou in lamnawl a loupa lak a iva taat laizang leh Lhahou (nahteh isuk khakcia thak velvul te) va sukha tazel.. kamchip chenchen lah naa salaw petmah ka mai chu a aam tou vivel ta a...

Kifuhsak sim in ka kipan tou tei neknek chu, nalh honsa hia?.. ka hihkhelh om hia?.. ka dress zokal lua hia? ka theizoukei, hon nuihsan sersur hi. Zumpipi a kizumlou sak in, 'ee, Ching ann nezou maw?, kong paihak lua hia'chi in kava hihdeuh fafat hi. Nezou ta ahih dan hon gen in alimte hon lakhe pah a, khat kia di kasak leh 5 tak hizaw mah!. deihdeih tel di. .hmmm..nuam e.. Maitai tak leh etlawm tak a anuih siasua na ka laksak a paimai sawm a kipahthu ka genleh a tangvalpa Sonpu hon pai vatvat a Chingboi hong kaikhe vat hi! Eh! ka mei (tail) ka khup pah a, ka hi KULH zawzen hi. Ki paa sak deuh in ka ding lai a, sawtlou hong kihou nung un Chingboi hong pai kik a, kisuanlah mel deuh in ngaihdam hon chi siausiau hi. Kihou panpan aw khauh deuh in, 'Ching, hong pai oug', hong kichi gugu zel a, ka tension engine ki-start dia kisa in a kisat letlet panta hi. Ki mu panpan a a tangvalpa'n hon hichih mawk bang zah veitak atangvalpa kiang a kei thu (hoih hon sak dan) ana genta adiam maw?..Chi in keileh kei ka kiguk phat vakvak hi. Thagum thatang a kaihchu a ut leh utlouh genlou in apai phei namnam ta hi. Keileng hehlua kìsa in ka kikhiinsuk nawn hi. Ka ngaihtuah suksuk leh ka engine hon kistart ta a, ka phone dok khia in Chingboi ka call pah lamlam hi. "halo! Ching, na tangvalpa pia ou"...'hei, bangziak a Chingboi na huchi bawl e?' "ka nungaknu eivele, hon tuhkhiak sawm maw?" "kou lawmta kei ve uale, hon tuhsawm leng tuhkhe khin di.." Amahle hong heh ahi dia a aw hon sangsak a, hon pau gemgam hi.. kei le lungtom toh hehpah.."non chou leh ana om aw" Chi in ka delh tou pah fatfat hi. Kipahhuai takin ana omkei vanglak ua...nuam kasa himhim!.

©Siamsinna leh Vakiangbu