LOH SAPNA TUNG AH LOH CHINNA LAMPI A OM THEI KHA HIAM? tAKKHEH!
By ~ Mun Muanlian
Tukum in pawl sawm leh nih sim pan in ka thei, amah min ahihleh Davidson a kici hi. Singtang khuaneu cik khat a kipan ahi a, amau unau 7 lak ah amah a milai pen ahi. Aneu tunglai in akhua ua Jb school khat ah a nute'n na kaisak ua, amau ahi leh mi hausa lau ahi kei uhi.
Pawl 2 a sim tan a khuasung ua na kai a, hua school pawl 5 tan kia na om ahihman in a ute 2 pawl ding om nawnlo ahihman in apate'n khuapi lam ah na kaisak ua, amah tan a ute toh kaikhawm uhi. Lamka ah school kai in unaute hong om ua, mi inn luah tawm in na khosa uhi. A nute'n lou khoh huankhaite toh a tate na chom chenchen uhi. A nute hoh manloh ciang in mehnei lo cii(salt) kia toh an anek hun bang uh tam mahmah mai hi. A upa a tungchet apa toh lawm hoih mahmah bang in a paina lam teng ua na kizui kawikawi uhi. Lehkha siam tak leh naupang hoih tak in mite theih in na om ua saptuam buppi theih suak naupang hi'n na kigen hi. Amau unau teng ahihleh Pasian thei mahmah innsung ah na khang khia uh a, mineih bang nei zou kei mah le uh, amau huntawk in nuamsa ua, kholak vel a mi toh a kinial khak lam uh kuaman theilo uh a, a unau teng in zong kizahdan a siam mahmah mai ua, midang toh kipawlse lo in amau zong hon cing sim ua, nuam a sa thei khop ua, fel zong a fel mahmah mai uhi.
Kuamah amau unau gensia cih himhim kam kek lam ka thei het kei hi.Christmas ciang bang in nuam a sa petmah ua kuamah dang phok pha hetlo in mite'n lawm leh vual toh kipawlh limna in zang mah le uh, amau'n biakinn sung khong a zang ziahziah lel uhi. A papen ahihleh mi damthei khollou natna kumlui nei mi ahihman in a nu hoih tak in na a seppih thei ta kei a, a nu kia in naute school fee ding toh nek ding toh ngah haksa sa mahmah mai a Davidson in pawl 5 a sim zoh in amah apat a tunglam teng school kaisak zoulo in tate mai zum tak in koih mah le uh, a lianpenpa leh anuai chet anu nungak tangval in a sim theih pianta a, kingai sia kuamah om hetlo in anu apa a kithuahpih siausiau ua, kum 3 zoh in a u te'n panthak la in amah leh a upa chom tei sawm ua ahih theih bang un panla thak in anau tegel uh school hong kaisak nawnta uhi. Davidson in sotkhol sim ahihman in lehkha lam lunglutna bei pian sim man ahi diam ah, pawl 6 nihvei hong bawl a, akum nihna in hong zoukheta a, a ute'n lungkia lou tak in chom tentan ta uhi.
Hong kai tou zel nemnem ua, lehkha cu hong paisim nawn pianta hi. Lehkha pai dek kisa pan in pawl 8 a simkum in kumlang sung bang class topper bang hong la zel a, asanggamte theilouh in nungak hoih saksim bang hong nei pian a, a itna thu bang va gen kha thethup in a khatnu zong ahi theih ding leh hih theihlouh ding hilhse lou in kingai dan in hong om man sim ua, a numeinu'n mizong nektawm zong ahihlam uh a theih in kingai man zaw hinapi in kumtawp exam kuan in ka hi thei kei ding, ngaihzong ka nei cihsan mawk a, amah zong kingaisia lua kha in hong failed nemnom zomah hi. A sanggamte'n kai sak thouthou ua, amah leng kibawl thak in lehkha sim hong kipanthak a, kuamah nuai ah a leng kha ngei nawn sam ta kei a, a pawl 8 a outstanding in hong zou a, pawl - IX zong a class te aphazou kuamah om ta kei uhi. Huakum in a unu'n pasal neita ahihman in a nu toh a upapen kia in a chom ta ua, haksa sa sim in chom uhi. Pawl -X hong sim in cu akum zong hong upa simta a, a upa'n leng lawmngaita ahihman in amau' unau himahle uh lawmta bang in ki-im nei se lou uhi. Amah leng nungak khat toh hong kingai petmah ta uhi. Amau geel ki itna sang petmah ta ahiman in imm vual ahi nawn ta kei a, anuai pa'n zong theihpih ua lawmngaih a siat louhdan leh ahoih louh dan genpih zel uhi. Hua nu toh kha 7 vel a kingaih zoh un, alawm nu'n vangsiat huai tak in pasal neihsan a, amah ut thu ahih louhdan teng le thu omdan teng gen a hong paikik hi ta leng nawng kitenpih ngam diam ? cih tan in na dawng hi.
Davidson cu buai petmah in a buai a, amah thu in thupukna la ngamlo ahihman in kong kingaihsun phot dia zingciang in ka thupukna bangbang kong thei sak ding hi ci'n a gen a, mangpha kikhak in a phone uh a koihta ua, hua zan cu bang cilak ding theizou mahmah lou zankhuavak in kingaihtuah a, lah imu theilo lumngim theilo in zuntha in a kivialleh kawikawi sam hi. Zingkhua hong vakta thupukna la theilou ann lah nelou tui lah dawnlou in om a, a nu'n lamdang sa mahmah in dawmdoi zong in kivial leh kawikawi sam hi. Amah a di in cu hua laitak in damna ding damdoi a ngai poi(kei), "Nu, ka lungdeih va kou tan" cih ding ut huai zaw hi. Sunni hong tum ding hi ta, lungdeih kiang a bangthu gen ding thei zoulou. Khat veivei bang a lupna tung ah mihai bang in kikoukhia kha zel hi. Muikhua hong zing, zankhua hông mialta a, lungdeih kiang ah bangthu gen maita ding ! Thei zoulou in a kapkhia kha ek a, a tunnu in,"bang a boi ?" ci'n a va dong a, aman zong thil om zia a gen a, anu in, 'mizi sa it taktak a, na na ngai ta cih ka thei, himahleh, na hinkhua kisuksiat zen a damsung a melma nei khat na suah sang in ngaihtuah nawnta ken, boi' ci'n a nem hi. A kihou laitak un Davidson phone hong ging lengleng ta a, a et leh unknown number na hi a, lalou in a koih chat a, anu'n a tai petmah ta hi. Houpih himhim phot in ci'n a gen a, call kik di'n sawl a, aman leng a call back dek laitak in ngaihno number apan phone hong pai a, ahoupihta hi. Kapkawm in hong kihou uh a, anu in a kihouna teng uh zavek a anih un kap tuak uhi.
Gen ngamlo sasa in aw bang suak zoulou zen in hi theilo ding ahihdan hong gen a, akap lualua ta mai uhi. A khatnu pen pasal nei ahihman in akah cimtan uh ka hut himahleh hun nei nonlou ahihman in a phone a koihta hi. Zankhovak in mittui nul in taikhua a val zel hi. Kalkhat bang khitui naptui toh kithuah in ann nelou tui dawnlo in hun a zangta hi. Kingaihsiatna in apum dimta a, sangkah ding zong phok phalo in khovel nopsakna ah a unau un hong kibualta uhi. A u in zong a nau thuaknate thuakpih a, naa satak in khovel hun hong zangta ua, aneulai vua mihoih a mite theihte chu kholak a mite gensiat pen leh khosung khovai ah zukham in vial vaktak ta uhi. Lehkhaden peuh kineih in apa kineppih tapate gel chu mantheihlouh a suak ta uhi. A min in school a kai khemkhen ua, heutute deihsakna teng a subei vek ua, a pa'n anaute toh school kai dia a koih uh hi napi in, amau'n noptalna in hun zang maimahta uhi.
A uanau un pate thumanglo zu ne sa ne in om uh a, huailai in zukham sa in unaute nungak hel di'n hong kuankhia ua, vangsiat huai tak in migílou pawl khat toh kiphu kha in amau' zong zukham ahihman un pelh khiat sawm tuanlou in hong kisual ua, a u in vangsiat huai tak in kisual sung in zousim mahle uh a langlamte'n suang toh deng in a taisan ua, a uzong khua phoklou in kipuk a, gim mahmah mai a, lamkal ah haipau gop in anau sulungkham mahmah a, amah kia a loh dingdan thei samlou in a nute phone apan a theisak a, a nu leh pa'n kintak in hong delh ua, damdoi in hong tun uh sawtlou in, a u hong laitat gaugau in si diin kisa a, huai laitak in zaw a pa hong kapkhia a pasal na hi boi na si ta zong in naa ci ken, nu leh pa thu manglo na lai na sim mai le teh hitan tunglo mah ding hi ve cin maw á cih laitak in khovel nusiata a, amah zong a hailoh dek tak a, khovel ah a om na peuh ah a sanggam it tak leh a itluat nungakno khat suun na in a hun tam zaw tham a subei ta hi.
Kingaisia tak in a hunte hong sumualliam ta a, kum khat bang napai kheng man in matric exam bawllo in a hun a subei nawn ta hi. Kingai sia lua in kholak bang pot zou nonlo in alawm avual ding cih cu haksapi ahi mai ta hi.
Nikhat zaw cim lua petmah ahi ngei dia, sunkhat veng sung a apawt hauhau leh nungakno pan dukan ah a mu kha a hoihsa petmah in anung et tum vengveng ta a, hua nu a ngaihtuah ciah a hun mualliamsate ngil thei zou ding khop in a kilang maimah hi. Hua nungak nu koi ah kimu kik thei ding hiam cia a buai pihpih lai tak in, lungleng deuh mai in phone ah laa ngai in varanda a a tut laitak in a lawmte khat hong pawttou a, lunglen tuak na cia le lawm ci'n a ciamnuìh a akiang ah va khol in hong houlim ta ua, hua ni a pan dukan a ka muh nu hoih ka sa petmah a koi ah kimu kik thei ding ka hi uh hiam ka lungsim hong la mahmah mai hi, cia a gen leh a lawm pa'n a mi hong ngaihsun a hua ni a thei ngei louh nungak ACTIVA a tai dukan a zarda hai in thei ding ci'n hong ngaihtuah a a class te uh khat hi sam di'n a muangmoh sim ta hi.
Nikhat a en ding in school ah a tonpih ta hi.Aman leng alawmpa nikhat a sangkahna ah a va zuita a, gingta khollo sim a pai zaw ahi ngei dia, a school uh a tun in nungakno vom maam hithet khat hong nui phei siusiau a mu ta a, huai laitak in zum petmah in kibuk a sawm zezen hi. A lawmpa toh hong kihou ua amah leng zuntha ding kineih in innlam kipaisuak vingveng a, alawmpa tunkal cu a ngaklah petmah mai ta hi. A lawmpa hong tung a, bangdia napai na hiam? ci'n tai ma leh a muhnop nungakno khat mu khin a kipaklua ta hi a, itna thu gen khiak thei teitei dingdan ngaihtuah in na sun buai a alawmpa kia a it dan thu teng gen in a lawmpa'n leng a phone No. pia in phone apan hong kihou thei zel ta ua, genkhiak cu ut mahmah hileh zong gen ngam ngeilo in a om a, akhat nu'n zong hong maingap pianta hong kinel sim mahmah ta ahihman un a tawptawp in cu a kidek zou non mahmah kei a, a tancin teng lah nungaknu'n a vek in theisuakta. Nikhat cu phone apat in a itna thu hong gen khia ek ta mai hi.
Khat nu'n le ngaihzong kici himhim ana neih ngeilouh ban ah neih leng nei utlo ahihdan a hilh a, himahleh ahinkhuate en vengveng in hehpih thou sam ahi dia, nak gen lua petmah ahihman in, hong kingaita ua, a laisim pammaih sak pih lua in school kai thak di'n sawl a, amah leng a nungaknu a itluat man in hong kaithak a Pawl-X hon zou khia khongkhong ta hi.
A innkuante'n kipahpìh luasam ahihman un gamdang ah kai di'n sawlkhia ngal ua, a lawmnu leng XII zouta ahihman in GNM nursing zil di'n kuankhiata a, kimukha thei hetlo in phone kia ahi petmah ta hi, a kithuzak theihna omsun uh. Munkhat a om khawm ahihlouh man un, thu atam ta mahmah mai hi.
Nikhat cu a lawmpa'n leng a phone number a ngen a, aman cu alawmpa muang mahmah ahi sam dia ana pia a akal uh bang hong buai loh mansim uhi. A lawmpa'n Davidson lungkia gop ahihaman thakhat thu a lah nang hon khen ngamlo hon khen ut dan vel hon gengen mai eive hong bawlsiat sawm ahi. Amah toh kikhen inla kei toh kingai mai ni. Ken hong khen lo ding zong hong bawlsialo ding ka hi, ci'n ana gen ek mawk a, Davidson toh kihou khalopi in hiai thu teng a zak ciang in, heh petmah ahi dia a phone cia la ngei mahmah lo, aman leng msg 100 vel a thotna ah khat ki riply a hi ci'n na kigelh hi. Na lungkiat leh leng mi kia genlo in kei kiang hong gen lel ve. Bang ziak a mi teng kiang a gen na hihiam? Hong phone nawn ken la message zong hong khak nawn ken ci'n a kigelh chu a muta mai a, lamdangsa lua in kuan bang hong gen ahi hiam? Ci'n dongdong mah leh dawn na a za nawn ta kei hi. Zankhovak in a msg. khat pen en zel in akap a, khuavak kuan lam in hai loh dek piansim a a phone bang paisia thethup kha zozen hi. A phone a siat vang in sim pen hoih lai sam ahi dia kalkhat vel kingaihtuah dedu in kahna leh dahna toh hun a zat bei nung in, a nute ngaihna hong pawt a, kisik thak in phone hoih lualou khat hong lei thak a.
A simcard a thuah leh a innkuante lungkham dan leh abuaidan thu uh a mu a aman leng a innkuante kiang ah bangmah thu omlo ahihdan thu kintak in theisak a, a sungkuante toh lungmuang tak in mangpha kikhak ua zan hong sawt hiaihiai a, imu thei mahmah lo ahihman in angaihno hong phone a himahleh a call cu lak ahi tuan kei hi. Lamdang sa tak in om a kingaihtuah in msg khat akhak a bangziak himhim ahiam na hehna kihou tawpna di ahi ta zong in a tawpna ding bek in hong houpih mai in cih a khak leh aman leng hong kithukkik ding kilamen khollo a akhak himahleh sawtlo cik in a message ding hong pai a, a et leh ngaihno apan ahihman in a sim ma in laam zozen a, a sim suk leh na theih ut leh! Cih mai kigelh a lamdang satak in om heuhou nawn a, hua laitak in msg. tone hong ging kik a aman leng kintak a a et leh a lawmpa gen teng mah na ki forward hi. Aman leng ngaihdam ngen in a phone leh ana kilaa vanglak ta a hong kihou ua ngaihdam bang hong ngen a hua zoh amah pa leng kapkhia kha a hong kihou thei nawnta uhi. Hua ni a kipan a lawmpa a upna teng cu bei vek ta hi. A ki-it ngeina un hong ki-it tha ta ua, Christmas zang khawm di'n innlam hong zuan tuakta ua nuamtak in zang ua hua kum Christmas cu amaute gel in a zangnuam khop mai ta uhi. Pawi teng hong beita a a omna lam tuak uh hong zuan nonta uhi.
Hunte hong pai tou zel a kum kim vel hongtungta ahi man in hualai tak in davidson in damloh na lianpi tak hong tuak ta a inn lam hong zuan ta hi,asungten hoih tak a en kol in school lam ah leave a la ta hi. Inn lam ah anu apa kiang ah khamuang lungmuangtak in hong awm ta a dam lam hong ma noh ta hi damkhia siang ciah nai lo in a itpen a pan thu lamdan tak khat aza zel hi bang thu za adiam leng thei zolo in uson heh pih tak in ki ngaih siat na in laa ken la tuni a pan nang toh ki gamla deuh ta mai ni pasian lemgeel ahih nak leh nang a di mah in hongbol ding hi cin thu a za mawk ta mai a amah leng a hai loh dekliang a adam loh na bang hong khang a a itpen phone inbang thu bangla za zel hiam cin kankan mah leh agen khia ngei nawn ta kei hi.
Aman leng thu aguk kan2 sam a cih leh anungaknu uh vengte khat amau veng a hong mou thak khat awm a huai in thu man thei loh teng na gena hun pai sa a agamtat hoih loh na teng tuale hua bang mah a gamta dan ingen ahi lam thei khia a thu dik gen ut sam in a lawm nu a phone le switchoff ki cih san a tulai a i zat lel2 uh fb a le ana ki block mai mah a ki ngaisia lua in dam sung a sangkah cu topsan na tum ta a khovel nopsakna ah hong ki bual nawn ta hi. Kum 2 lam zin koikoi in vak thap tak in hun hong mang ta a ni khat a zin na lam a park sung a a tut lai tak in vasa nou khat leng kisin tung khat hong mukha a en vengveng in akha sia mawk in amittui bang hong kia nepnup a.
Hua vasa no a et vengveng apat pan hong la thak a hinkhua thak hong bol ta a kolgam vai gam a nulehpa nusia a zin mangpa cu zogam ah anu apa kiang a ngai dam ngen din hongkuan ta a.anuapan nangaidam a amah lengpan hongla thak a sangkahna hongki pan thakta hi pawl XI khat ah hongpan thak leuleu a amah tupna toh ki pan ahih man in lehkha zong hong pai mahmah a kumbang zah hiam kholsa hi mah leh haksa sa het loin a zo ta a tun bel XII sim lellel ahi ta hi.
Hih thu hong ki gelh na ziak ahi leh katualai pih khangthak te aw izogam puah din pan lathak ciat ni nungak tangval ziak in na hinkhua uh ki dom un saupi hongtun ma in izogam it takpi ihih uh leh siamsin nalam ah pan la thak a haksat natampi na tuak ta zong un nang ading in loh cina kalbi ahi cih phok kom in lungkia lo tak in panthak laa a thathak laa thei ciat din iki cial uhi, kuamah sehsa na awm het lo ahi nangleh kei mahmah ihi panthak laa igam khan na din han ciam ni. Suk khial bol khial a awm leh ngaidam hongsimsak tengtung ah lungdam mahmah ing. Zosuan vontawi kidom kidom.
BEITA
©Siamsinna leh Vakiangbu
Tukum in pawl sawm leh nih sim pan in ka thei, amah min ahihleh Davidson a kici hi. Singtang khuaneu cik khat a kipan ahi a, amau unau 7 lak ah amah a milai pen ahi. Aneu tunglai in akhua ua Jb school khat ah a nute'n na kaisak ua, amau ahi leh mi hausa lau ahi kei uhi.
Pawl 2 a sim tan a khuasung ua na kai a, hua school pawl 5 tan kia na om ahihman in a ute 2 pawl ding om nawnlo ahihman in apate'n khuapi lam ah na kaisak ua, amah tan a ute toh kaikhawm uhi. Lamka ah school kai in unaute hong om ua, mi inn luah tawm in na khosa uhi. A nute'n lou khoh huankhaite toh a tate na chom chenchen uhi. A nute hoh manloh ciang in mehnei lo cii(salt) kia toh an anek hun bang uh tam mahmah mai hi. A upa a tungchet apa toh lawm hoih mahmah bang in a paina lam teng ua na kizui kawikawi uhi. Lehkha siam tak leh naupang hoih tak in mite theih in na om ua saptuam buppi theih suak naupang hi'n na kigen hi. Amau unau teng ahihleh Pasian thei mahmah innsung ah na khang khia uh a, mineih bang nei zou kei mah le uh, amau huntawk in nuamsa ua, kholak vel a mi toh a kinial khak lam uh kuaman theilo uh a, a unau teng in zong kizahdan a siam mahmah mai ua, midang toh kipawlse lo in amau zong hon cing sim ua, nuam a sa thei khop ua, fel zong a fel mahmah mai uhi.
Kuamah amau unau gensia cih himhim kam kek lam ka thei het kei hi.Christmas ciang bang in nuam a sa petmah ua kuamah dang phok pha hetlo in mite'n lawm leh vual toh kipawlh limna in zang mah le uh, amau'n biakinn sung khong a zang ziahziah lel uhi. A papen ahihleh mi damthei khollou natna kumlui nei mi ahihman in a nu hoih tak in na a seppih thei ta kei a, a nu kia in naute school fee ding toh nek ding toh ngah haksa sa mahmah mai a Davidson in pawl 5 a sim zoh in amah apat a tunglam teng school kaisak zoulo in tate mai zum tak in koih mah le uh, a lianpenpa leh anuai chet anu nungak tangval in a sim theih pianta a, kingai sia kuamah om hetlo in anu apa a kithuahpih siausiau ua, kum 3 zoh in a u te'n panthak la in amah leh a upa chom tei sawm ua ahih theih bang un panla thak in anau tegel uh school hong kaisak nawnta uhi. Davidson in sotkhol sim ahihman in lehkha lam lunglutna bei pian sim man ahi diam ah, pawl 6 nihvei hong bawl a, akum nihna in hong zoukheta a, a ute'n lungkia lou tak in chom tentan ta uhi.
Hong kai tou zel nemnem ua, lehkha cu hong paisim nawn pianta hi. Lehkha pai dek kisa pan in pawl 8 a simkum in kumlang sung bang class topper bang hong la zel a, asanggamte theilouh in nungak hoih saksim bang hong nei pian a, a itna thu bang va gen kha thethup in a khatnu zong ahi theih ding leh hih theihlouh ding hilhse lou in kingai dan in hong om man sim ua, a numeinu'n mizong nektawm zong ahihlam uh a theih in kingai man zaw hinapi in kumtawp exam kuan in ka hi thei kei ding, ngaihzong ka nei cihsan mawk a, amah zong kingaisia lua kha in hong failed nemnom zomah hi. A sanggamte'n kai sak thouthou ua, amah leng kibawl thak in lehkha sim hong kipanthak a, kuamah nuai ah a leng kha ngei nawn sam ta kei a, a pawl 8 a outstanding in hong zou a, pawl - IX zong a class te aphazou kuamah om ta kei uhi. Huakum in a unu'n pasal neita ahihman in a nu toh a upapen kia in a chom ta ua, haksa sa sim in chom uhi. Pawl -X hong sim in cu akum zong hong upa simta a, a upa'n leng lawmngaita ahihman in amau' unau himahle uh lawmta bang in ki-im nei se lou uhi. Amah leng nungak khat toh hong kingai petmah ta uhi. Amau geel ki itna sang petmah ta ahiman in imm vual ahi nawn ta kei a, anuai pa'n zong theihpih ua lawmngaih a siat louhdan leh ahoih louh dan genpih zel uhi. Hua nu toh kha 7 vel a kingaih zoh un, alawm nu'n vangsiat huai tak in pasal neihsan a, amah ut thu ahih louhdan teng le thu omdan teng gen a hong paikik hi ta leng nawng kitenpih ngam diam ? cih tan in na dawng hi.
Davidson cu buai petmah in a buai a, amah thu in thupukna la ngamlo ahihman in kong kingaihsun phot dia zingciang in ka thupukna bangbang kong thei sak ding hi ci'n a gen a, mangpha kikhak in a phone uh a koihta ua, hua zan cu bang cilak ding theizou mahmah lou zankhuavak in kingaihtuah a, lah imu theilo lumngim theilo in zuntha in a kivialleh kawikawi sam hi. Zingkhua hong vakta thupukna la theilou ann lah nelou tui lah dawnlou in om a, a nu'n lamdang sa mahmah in dawmdoi zong in kivial leh kawikawi sam hi. Amah a di in cu hua laitak in damna ding damdoi a ngai poi(kei), "Nu, ka lungdeih va kou tan" cih ding ut huai zaw hi. Sunni hong tum ding hi ta, lungdeih kiang a bangthu gen ding thei zoulou. Khat veivei bang a lupna tung ah mihai bang in kikoukhia kha zel hi. Muikhua hong zing, zankhua hông mialta a, lungdeih kiang ah bangthu gen maita ding ! Thei zoulou in a kapkhia kha ek a, a tunnu in,"bang a boi ?" ci'n a va dong a, aman zong thil om zia a gen a, anu in, 'mizi sa it taktak a, na na ngai ta cih ka thei, himahleh, na hinkhua kisuksiat zen a damsung a melma nei khat na suah sang in ngaihtuah nawnta ken, boi' ci'n a nem hi. A kihou laitak un Davidson phone hong ging lengleng ta a, a et leh unknown number na hi a, lalou in a koih chat a, anu'n a tai petmah ta hi. Houpih himhim phot in ci'n a gen a, call kik di'n sawl a, aman leng a call back dek laitak in ngaihno number apan phone hong pai a, ahoupihta hi. Kapkawm in hong kihou uh a, anu in a kihouna teng uh zavek a anih un kap tuak uhi.
Gen ngamlo sasa in aw bang suak zoulou zen in hi theilo ding ahihdan hong gen a, akap lualua ta mai uhi. A khatnu pen pasal nei ahihman in akah cimtan uh ka hut himahleh hun nei nonlou ahihman in a phone a koihta hi. Zankhovak in mittui nul in taikhua a val zel hi. Kalkhat bang khitui naptui toh kithuah in ann nelou tui dawnlo in hun a zangta hi. Kingaihsiatna in apum dimta a, sangkah ding zong phok phalo in khovel nopsakna ah a unau un hong kibualta uhi. A u in zong a nau thuaknate thuakpih a, naa satak in khovel hun hong zangta ua, aneulai vua mihoih a mite theihte chu kholak a mite gensiat pen leh khosung khovai ah zukham in vial vaktak ta uhi. Lehkhaden peuh kineih in apa kineppih tapate gel chu mantheihlouh a suak ta uhi. A min in school a kai khemkhen ua, heutute deihsakna teng a subei vek ua, a pa'n anaute toh school kai dia a koih uh hi napi in, amau'n noptalna in hun zang maimahta uhi.
A uanau un pate thumanglo zu ne sa ne in om uh a, huailai in zukham sa in unaute nungak hel di'n hong kuankhia ua, vangsiat huai tak in migílou pawl khat toh kiphu kha in amau' zong zukham ahihman un pelh khiat sawm tuanlou in hong kisual ua, a u in vangsiat huai tak in kisual sung in zousim mahle uh a langlamte'n suang toh deng in a taisan ua, a uzong khua phoklou in kipuk a, gim mahmah mai a, lamkal ah haipau gop in anau sulungkham mahmah a, amah kia a loh dingdan thei samlou in a nute phone apan a theisak a, a nu leh pa'n kintak in hong delh ua, damdoi in hong tun uh sawtlou in, a u hong laitat gaugau in si diin kisa a, huai laitak in zaw a pa hong kapkhia a pasal na hi boi na si ta zong in naa ci ken, nu leh pa thu manglo na lai na sim mai le teh hitan tunglo mah ding hi ve cin maw á cih laitak in khovel nusiata a, amah zong a hailoh dek tak a, khovel ah a om na peuh ah a sanggam it tak leh a itluat nungakno khat suun na in a hun tam zaw tham a subei ta hi.
Kingaisia tak in a hunte hong sumualliam ta a, kum khat bang napai kheng man in matric exam bawllo in a hun a subei nawn ta hi. Kingai sia lua in kholak bang pot zou nonlo in alawm avual ding cih cu haksapi ahi mai ta hi.
Nikhat zaw cim lua petmah ahi ngei dia, sunkhat veng sung a apawt hauhau leh nungakno pan dukan ah a mu kha a hoihsa petmah in anung et tum vengveng ta a, hua nu a ngaihtuah ciah a hun mualliamsate ngil thei zou ding khop in a kilang maimah hi. Hua nungak nu koi ah kimu kik thei ding hiam cia a buai pihpih lai tak in, lungleng deuh mai in phone ah laa ngai in varanda a a tut laitak in a lawmte khat hong pawttou a, lunglen tuak na cia le lawm ci'n a ciamnuìh a akiang ah va khol in hong houlim ta ua, hua ni a pan dukan a ka muh nu hoih ka sa petmah a koi ah kimu kik thei ding ka hi uh hiam ka lungsim hong la mahmah mai hi, cia a gen leh a lawm pa'n a mi hong ngaihsun a hua ni a thei ngei louh nungak ACTIVA a tai dukan a zarda hai in thei ding ci'n hong ngaihtuah a a class te uh khat hi sam di'n a muangmoh sim ta hi.
Nikhat a en ding in school ah a tonpih ta hi.Aman leng alawmpa nikhat a sangkahna ah a va zuita a, gingta khollo sim a pai zaw ahi ngei dia, a school uh a tun in nungakno vom maam hithet khat hong nui phei siusiau a mu ta a, huai laitak in zum petmah in kibuk a sawm zezen hi. A lawmpa toh hong kihou ua amah leng zuntha ding kineih in innlam kipaisuak vingveng a, alawmpa tunkal cu a ngaklah petmah mai ta hi. A lawmpa hong tung a, bangdia napai na hiam? ci'n tai ma leh a muhnop nungakno khat mu khin a kipaklua ta hi a, itna thu gen khiak thei teitei dingdan ngaihtuah in na sun buai a alawmpa kia a it dan thu teng gen in a lawmpa'n leng a phone No. pia in phone apan hong kihou thei zel ta ua, genkhiak cu ut mahmah hileh zong gen ngam ngeilo in a om a, akhat nu'n zong hong maingap pianta hong kinel sim mahmah ta ahihman un a tawptawp in cu a kidek zou non mahmah kei a, a tancin teng lah nungaknu'n a vek in theisuakta. Nikhat cu phone apat in a itna thu hong gen khia ek ta mai hi.
Khat nu'n le ngaihzong kici himhim ana neih ngeilouh ban ah neih leng nei utlo ahihdan a hilh a, himahleh ahinkhuate en vengveng in hehpih thou sam ahi dia, nak gen lua petmah ahihman in, hong kingaita ua, a laisim pammaih sak pih lua in school kai thak di'n sawl a, amah leng a nungaknu a itluat man in hong kaithak a Pawl-X hon zou khia khongkhong ta hi.
A innkuante'n kipahpìh luasam ahihman un gamdang ah kai di'n sawlkhia ngal ua, a lawmnu leng XII zouta ahihman in GNM nursing zil di'n kuankhiata a, kimukha thei hetlo in phone kia ahi petmah ta hi, a kithuzak theihna omsun uh. Munkhat a om khawm ahihlouh man un, thu atam ta mahmah mai hi.
Nikhat cu a lawmpa'n leng a phone number a ngen a, aman cu alawmpa muang mahmah ahi sam dia ana pia a akal uh bang hong buai loh mansim uhi. A lawmpa'n Davidson lungkia gop ahihaman thakhat thu a lah nang hon khen ngamlo hon khen ut dan vel hon gengen mai eive hong bawlsiat sawm ahi. Amah toh kikhen inla kei toh kingai mai ni. Ken hong khen lo ding zong hong bawlsialo ding ka hi, ci'n ana gen ek mawk a, Davidson toh kihou khalopi in hiai thu teng a zak ciang in, heh petmah ahi dia a phone cia la ngei mahmah lo, aman leng msg 100 vel a thotna ah khat ki riply a hi ci'n na kigelh hi. Na lungkiat leh leng mi kia genlo in kei kiang hong gen lel ve. Bang ziak a mi teng kiang a gen na hihiam? Hong phone nawn ken la message zong hong khak nawn ken ci'n a kigelh chu a muta mai a, lamdangsa lua in kuan bang hong gen ahi hiam? Ci'n dongdong mah leh dawn na a za nawn ta kei hi. Zankhovak in a msg. khat pen en zel in akap a, khuavak kuan lam in hai loh dek piansim a a phone bang paisia thethup kha zozen hi. A phone a siat vang in sim pen hoih lai sam ahi dia kalkhat vel kingaihtuah dedu in kahna leh dahna toh hun a zat bei nung in, a nute ngaihna hong pawt a, kisik thak in phone hoih lualou khat hong lei thak a.
A simcard a thuah leh a innkuante lungkham dan leh abuaidan thu uh a mu a aman leng a innkuante kiang ah bangmah thu omlo ahihdan thu kintak in theisak a, a sungkuante toh lungmuang tak in mangpha kikhak ua zan hong sawt hiaihiai a, imu thei mahmah lo ahihman in angaihno hong phone a himahleh a call cu lak ahi tuan kei hi. Lamdang sa tak in om a kingaihtuah in msg khat akhak a bangziak himhim ahiam na hehna kihou tawpna di ahi ta zong in a tawpna ding bek in hong houpih mai in cih a khak leh aman leng hong kithukkik ding kilamen khollo a akhak himahleh sawtlo cik in a message ding hong pai a, a et leh ngaihno apan ahihman in a sim ma in laam zozen a, a sim suk leh na theih ut leh! Cih mai kigelh a lamdang satak in om heuhou nawn a, hua laitak in msg. tone hong ging kik a aman leng kintak a a et leh a lawmpa gen teng mah na ki forward hi. Aman leng ngaihdam ngen in a phone leh ana kilaa vanglak ta a hong kihou ua ngaihdam bang hong ngen a hua zoh amah pa leng kapkhia kha a hong kihou thei nawnta uhi. Hua ni a kipan a lawmpa a upna teng cu bei vek ta hi. A ki-it ngeina un hong ki-it tha ta ua, Christmas zang khawm di'n innlam hong zuan tuakta ua nuamtak in zang ua hua kum Christmas cu amaute gel in a zangnuam khop mai ta uhi. Pawi teng hong beita a a omna lam tuak uh hong zuan nonta uhi.
Hunte hong pai tou zel a kum kim vel hongtungta ahi man in hualai tak in davidson in damloh na lianpi tak hong tuak ta a inn lam hong zuan ta hi,asungten hoih tak a en kol in school lam ah leave a la ta hi. Inn lam ah anu apa kiang ah khamuang lungmuangtak in hong awm ta a dam lam hong ma noh ta hi damkhia siang ciah nai lo in a itpen a pan thu lamdan tak khat aza zel hi bang thu za adiam leng thei zolo in uson heh pih tak in ki ngaih siat na in laa ken la tuni a pan nang toh ki gamla deuh ta mai ni pasian lemgeel ahih nak leh nang a di mah in hongbol ding hi cin thu a za mawk ta mai a amah leng a hai loh dekliang a adam loh na bang hong khang a a itpen phone inbang thu bangla za zel hiam cin kankan mah leh agen khia ngei nawn ta kei hi.
Aman leng thu aguk kan2 sam a cih leh anungaknu uh vengte khat amau veng a hong mou thak khat awm a huai in thu man thei loh teng na gena hun pai sa a agamtat hoih loh na teng tuale hua bang mah a gamta dan ingen ahi lam thei khia a thu dik gen ut sam in a lawm nu a phone le switchoff ki cih san a tulai a i zat lel2 uh fb a le ana ki block mai mah a ki ngaisia lua in dam sung a sangkah cu topsan na tum ta a khovel nopsakna ah hong ki bual nawn ta hi. Kum 2 lam zin koikoi in vak thap tak in hun hong mang ta a ni khat a zin na lam a park sung a a tut lai tak in vasa nou khat leng kisin tung khat hong mukha a en vengveng in akha sia mawk in amittui bang hong kia nepnup a.
Hua vasa no a et vengveng apat pan hong la thak a hinkhua thak hong bol ta a kolgam vai gam a nulehpa nusia a zin mangpa cu zogam ah anu apa kiang a ngai dam ngen din hongkuan ta a.anuapan nangaidam a amah lengpan hongla thak a sangkahna hongki pan thakta hi pawl XI khat ah hongpan thak leuleu a amah tupna toh ki pan ahih man in lehkha zong hong pai mahmah a kumbang zah hiam kholsa hi mah leh haksa sa het loin a zo ta a tun bel XII sim lellel ahi ta hi.
Hih thu hong ki gelh na ziak ahi leh katualai pih khangthak te aw izogam puah din pan lathak ciat ni nungak tangval ziak in na hinkhua uh ki dom un saupi hongtun ma in izogam it takpi ihih uh leh siamsin nalam ah pan la thak a haksat natampi na tuak ta zong un nang ading in loh cina kalbi ahi cih phok kom in lungkia lo tak in panthak laa a thathak laa thei ciat din iki cial uhi, kuamah sehsa na awm het lo ahi nangleh kei mahmah ihi panthak laa igam khan na din han ciam ni. Suk khial bol khial a awm leh ngaidam hongsimsak tengtung ah lungdam mahmah ing. Zosuan vontawi kidom kidom.
BEITA
©Siamsinna leh Vakiangbu
Comments
Post a Comment