MASALA MIX

~Elray Tungnung Zou
 
Sameh huan cia Masala poimoh dan atheilo kuamah omdin leng i kigingta kei hi. Masala hihna takbel (adding flavour) a taste su limtu hiam or gim hatlua sumangtu ding khongin meh lakah kikhak tangpi hi. Upaten akmat dan chi khat chauh a omkei acih dan deuh un, Meh lim saktu ahihna lampang tunin gen i sawm kei hi, huai sangin kampau lama i zat uarna lampangin a gen tumpen bang hiding hiam cih lam i gen ut zaw hi. Tulai khovelah kampau kilawm taktak leh changkang taktak ten hon tuam kimvelna khovel ahita, naupang neuchik ten leng lu le taw theiha a theih ngen uh hita, paudan tangpite laka khat ahong suakta hi.Neu apatin sanga upa zaw leh lianzaw te toh ana kithuahsek kahih manin, lom leh gualte leng zi le ta nei khinsa ngen ana hideuhta uhi, huaiin kei leng batch khatin promotion hon musak hi.

Mun tuam tuam ah khualzin gamvakna uah Papi ahihlam uh kuamah theih ding utlo in, pasal chu khopua akan leh tangval ahi, ana cisek uhi. Khotuam i hong lut zaw, nidanga zankhua a nasep form toh meigei a tukawma statement a lehkha zial tepsek pa cu, tangvalte sangmahin limlang maiah hun sawt hong zangzaw mawkta hi. (asau dek sim man ve)Bang ziak ahidia khovel paal aamna ngen a i dim uh?, zi le ta neisa te lah, paallak theih a om khak leh cia phii buai den, nungak leh tangval kalah lah kawp cih a than mahmah? hiaite khong hinteh maw masala i cih uh ? Hiaite ziak mahin nupa kalah kilemlouhna ki khennate hongtunin, nu or pa hiam dam zenpi tagah genthei taka taten hun azat sek uh. Nungak tangval kalah le filim tuanlo, nungak khenkhat ka theih ngawih2 it mahmah toh kiten khakloh ziaka pasal nei nonlo top cihbang leng ana om hi. Achihleh hiate koi apan hong kipan ahidia le...?

Khat i neiha hun salouin mix na di iva zonzon te ziak mah hiveh mate??. Ka manghilh theihloh khat kon gen mawk mawk deh, lawmte khat a tangval laiin ngaihzawng thum leh li nei gige, angaihzongte bang melhoih huntawk mahmah uh, enbang ana ki eng sim zi hong nei cu azi mel a melhoihlo khat hon nei maimah, nidanga a nungakte lah melhoihlo kuamah om hetlo uh, azi lah no kik den mai, a pi kik ciang ua le apasal thuzawh mahmah lai lamdang mahmah khat ahi. Tunah intum lotum kichup tak leng suang theilo in omloh hial hi. Hiaite khong nidanga masala duha ana taitai nate kha apaap pua ahi diam...? Hiaibang thil neucik leh houchik ici maithei, hiaite khong mah ahi nupa kal, nungak leh tangval kala khuamkipsa sawi liing sawm gige te, na chi uhia lawmte...?

Masala zaw meh lakah mix leng lim petmah ding hi. Hiai thu in ka lungsim hon neh mahmah zaw ahidia, nitak nih leh thum bang ka ihmut mawh pih hial hi. Huci kom komin kenleng Mizoram khopi a ka masala tun lian mahmah cu ka call ta a, lawm banga ki en dingin thuciam ka bol pihta, huciin ka it mahmah leh ka ngaih mahmah ka NANAU chauh adingin ka lungsim cu ka sengta. Masala zaw tuban mehlak chauhah mix ta ni uh maw...?(adiakin sa lakah cideuhse ni), gelh siamlo pipi in kon thai noknoka, simdan siam maini uh.

Kipaks......

©SIAMSINNA LEH VAKIANGBU

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more