PENGLAM LAST LETTER

By ~ Hoyh Guite 

Lung a itluat Ukhual......

Huai inn nuai a tuilawng iva hukbing laite, ka khedap taw sia nonbelhsak laite, Kisil a ikuan ua ka puan nuai teng tawi khalou zenpi ka suk kiat di sa a, lampi pam a puansan huai di sa a i naupangpa i topsak laite, Ka khi a i kimawl a kanak non keihsak lainite nang adin bangmah hi nonkei mahleh kei adinzaw huaite chauhle hai pihtham hial hin kathei hi. I hunluite ngaihtuahin akhenchiangin kuamah thawhlouh pi'n nungak dek panpan biangzau tunglai mah bangin keikia'n kanuih pihpih a, a khenciah lah huaite ziak mahin Si suun mah ka bang dedu zel a, Ka biang ah khitui kham vuallouh in hongluang zungzung zel hi. A khenchiangin tua i dinmun toh i hunlui mualliamsate ka tehkak zel a a kikhiatdan zaw genlouh in nangle na theisiam mai di.

Ukhual Khovel a ka itpen leh kinepna kaneihsunsun Nang nahi a, nahi gige denlai di aw... Nang nahi itna diktak honhilhtu, Nangtoh kitheikhalou bang ana hileng itna a nopdan, a haksatdan, a gu hatdan leh itna ziaka tua ka zilkhiat tampite thei khalou di kana hi maimah hi. Ka neu apat kana lunggulh gige nang tungtawn a chiam kha ta kahihmanin tunzo si lengle lungkimtakin ka si theita di. A langkhat inlah kon itluat ziakin kon sihsan ngamkei zel a (Nangle kei bangin Sensitive deuh lechin chih ahi ka ut).

Non duat dante khong kangaihtuah zel a, AW huailai inzaw a nuamtel mai, ka lung akim tel, khovel ah kuamah dang ka eng kei hi, tunzo nidanga kei bangbang a na itpen kei adin ka engpen a suak daihta hi. Hinkhua bang atelhiam aw Thianmang???

Kon itluat ziakin thikthu siatna in hon bawm a, huaiciah non hehsan zel. Huaile dikmah mawhsak takmah kahi hilele kon itdan hiaisah neuchik theihbeh lechin le huai, ka thikthusiat theihtheih nadin na gamtang hetkei di chih ka gingta. Huai malak mi lungsim sia, hehbaih khusak in ka om loh hi. Kon itna zaw minsiatpih petmah keive maw ka it...???Kon itdan theisiam taktak hi inla, ka sisan luanglai nangawn in nang hon poimoh ahihdan theichian taktak lechin kamel hoih vekvuk kholkei henla, ngaihhuai bembom kei lengle na damsunga na tulpihdin KEI, KEIMAH leh KEI MAHMAH nontel ngeingei di chih ka gingta. Tunle hiai nasim kha a lamdang nasa maithei a ziak ahihleh Mel leh puam zaw khatveitei tul di sa ahia, Itna dikbel a sawt deuhdeuh leh kibehlap deuhdeuh ki-it deuhdeuh ahihman ahi, Khovel a na tulpihdin melhoih kia poimoh nasa kha maithei himahleh huaite tengteng ni in hon tumpih dia itna dik mah ahi na kingakna di. Ka itpen aw kei bangmah hikei lengle ka itna sit huai khol hetlou ahi aw.

Ka pianthak khit a sihkhamuanna kaneihtukin hiai khovel a huih kadik theih laiteng nang itna ah khamuanna nei theileng ka utlua. Nanglah kei a kipan na gamla deuhdeuh mai  

Kei namel mu a kipak a ka omlai in nangzaw kamel gentaklouh agal a ka aw nazak maimai inle meimatum khoihdam theihlouh veimah na bang geigui sek hi. Gengen lele kikhiatna sang deuhdeuh mai maw itpen?? Gendah thei maileng ka utlua

Na kamsiam a non khamuanna te ziaka damsawt theidi hileng zo khovel a piang tengteng lakah a si hakpen di ka bang hi, Kamsiam maimai a ki hehnep tawh lah a taktak te Van leh lei bangin ki lamdang zel a maw!

Nang ziaka ka khitui luangte'n DAM bawl theih hileh i khopi neihsun a om, i kisaktheihpih mahmah uleh a neu alian, a tek a khang, a mei a pa in isiatpih uh KHUGAM DAM a tui tengteng tum zouta dia, tua i Dam tuipen uh Piyaj (Onion) na at ciah na mitsip ziaka na mittui tamlou luangkhete banglel ahi khamoh kei ding hi.

Pau uang le honchi se dahmai inla, hiaiteng in gen tampi nei ahichih natheih kon deihsak, Kon itna a thupi luat ziak leh na theihsiam di ka deihluat man a munteng gamteng hon huamkha kahi zaw.

Keile mihing khat a piang sam kahi a, Gamsa, Meng, Vok, Ui leh Kel chihte a piang kahihlouh ziakin a sia a pha khen theihna khuak zat ngellouh lah a hun leh mun zir a hoihtaka ki-function thei thou neisam kahi. Hehpihtakin thudiktak honhilh maive maw Ka itpen?? tua na kamsiamna pen mah hia ka sihpih di?? Aihkeh na itna diktak pen toh? Kei adia non deihsaksak ka damsunga ka hinpih di hita ahi aw, Deihtel di nih konpiak pilvangtakin hontel in aw..

Huchi ahihkei a non engbolnate thuak zoulou a kasih khak tak leh keizo sawtlou chik chiangin leikha kasuakpah dia himahleh hiai a ka thugelh penin beini nei ngeikei henla, na damsung a mang nonlou di leh hiai nasim laitengin kon itdan na theihsiamna hileh chih kakinepna leh hiai tungtawn mahin na koppih di na zongciah hon it taktak leh taktak lou (Nang theihsiam zawngdin BUHTAK LEH BUH LEM) nana khen siam theidia hileh Zizi na neih di chiah hon itpenpen leh hon it taktak nei kha di nahi... Sau le sa dah mai aw lungsim a luanglet kam in genkhia ahi. (Matthew 12:34)

Hun maiheh aw ka pentui a beidek, bangteng hileh hon it gige kahi chih thei in aw. For whom i really concerned  Pelpoll's 

 

©Siamsinna leh Vakiangbu