ZAILA KUIZIL
By ~ Vz Vualnam
Writer’s note :Hiai khawng ana sim maimai un e…
Zaila kuizil zaap in ngaih aw
Zokuam ah ka hon lenpih ding
Lentumang tung a kuizil zaap in
Zo siktui siang a luanna a
Zokuam ah ka hon lenpih ding
Lentumang tung a kuizil zaap in
Zo siktui siang a luanna a
Zanchiang tungsolkha tangnuai a
Huihkhi sem a laam heisate’n
A chiin lianu hai bang hon ngak uh
Akaina uh tulsing sang ah
Huihkhi sem a laam heisate’n
A chiin lianu hai bang hon ngak uh
Akaina uh tulsing sang ah
Etlawm zolei mual tumtai in
A chiin lianu nang tellou in
Sil bang palkim zoulah ing chi e
Nanglou in etlawm zoula’ng chi
A chiin lianu nang tellou in
Sil bang palkim zoulah ing chi e
Nanglou in etlawm zoula’ng chi
Tua mun nuam ah lungtuak nihgel
Nunnuam limnga bang i bual dia
Tullel heisa bang i palkhawm dia
Mualdawn tumtai bang thangkhawm ni
Nunnuam limnga bang i bual dia
Tullel heisa bang i palkhawm dia
Mualdawn tumtai bang thangkhawm ni
Sian in nihgel hon siam ding a
Zang kawlni suak dawn bang tuah
Khangthei lohlouhna zalmang a hei
An bang ki-it kumtuang ta ni
Zang kawlni suak dawn bang tuah
Khangthei lohlouhna zalmang a hei
An bang ki-it kumtuang ta ni
(pansan: Auf Flügeln des Gesanges by Heinrich Heine)Auf Flügeln des Gesanges kilet hilou in sukthathoh a kiphuak ahi.——–———————–
La (song) khazaap a leng in ngaih aw
zokuam ah ka hon lenpih ding. Gammang tung ah ka hon lenpih dia,
zosiktui siang aluanna mun ka hon tunpih ding.
Nitak a khavaak nuai a huihmuut a vuang ngelngel saheite’n a unaunu uh ahon ngaak uh, akaina uh singleek ah.
Kilawm tumtai paak in a unaunu nang tellou in ka kilawmna abukimkei achi. Nang tellou in ka etlawm zoukei achi.
Tua mun a lungtuak eigel, nuamtak in i
omkhawm dia, sahei bang mai in i kaikhawm dia, mi’n a kilawmna a gen
vengvung uh tumtai bang mai in i thangkhawm ding.
Pathian in eigel ahon kem dia, nisuah
teng kipaak tak in i na vaidawn dia, khanglou ngeilou in mang ah i
khosa ding a, i ki-it den ta ding.
©Siamsinna leh Vakiangbu
Comments
Post a Comment