NAWLKHIIN ITNA : KAHTAM
By~Vz Vualnam
Khawng chi ngeiingai le....
Itna in dai dide in, theihlouh kaal in
Lungtang ah zung a kha a
Hun-le-nite a liamzel lai in
A zungpi thukpi ah a kha a
A zungzaam kiptak in a zalh hi
Theihkhiat ahihchiang in
Bohkhiat zohvual ahi nawnkei
Huchi in gah ahon suang a
A gahkhum a piak mi in
Deihlou in nawlkhin taleh
Kua ahia naa salou ding?
Kua ahia vulpihlou ding?
Nawlkhin itna’ natdan
Kua ahia atheilou?
Atuaklou mi’ theihzoh vual ding ahikei
Atuaklou mi’n a theih ut leh
A ang a apomlai a ta-ngeek
Tua a ta-ngeek suun minu
Tua minu kiang va hoh hen
A lungkhamna va mu hen
Sul ah naungeek tuisik in ahong kisiam a
Ahun ahong tun in ahong piang a
Maizen, anu kipak hina tel e!
A ang ah apom a, a lungsim tengteng
Ata’ tung ah a sungkhin hi
Sun in a don a, zan in a ching a
Ata’ ding a gimthuakna ah
Kipahna leh nunnopna a mu hi
Huchi in nikhat tuh a ang a apomlai
Ata a naak nawnta kei a
Maizen, anu dah hina tel e!
A nemzou ding kua a om tel dia!
Ata a vuiliam ding a
Himahleh a lungtang apan
Chikni chiang in a liam ngei dia?
Thum ziak a ata hong kiik ding hileh
Chiklai in ahia thum a khawl ding?
Sap ziak a hong kiik ding hileh
Chiklai in ahia a minloh a tawp ding?
Zon a muhkiik ding hileh
Koilai ahia a zonlouh ding?
Koilai ahia a daplouh ding?
Hunte ahong paizel ding a
Ta-ngeek ahon pom nawn ding a
Tua in a mangngilhsak ta kei ding maw?
Mangngilhsak louhial ding
Ata a en ding a, a lungsim a na ding
Ata masa aphawk ding ziak in
A kipah hun in a lungsim ah
A dah hun in a lungsim ah
A ta ahong lang zelzel ding a
A lungtang khitui in a nel tawntung ding
Hunte ahong paizel ding a
A lungsim ah ahong dau khathei
Himahleh a sul a piang a ta
A lungtang a hin laiteng
Mangngilh ni a omkei ding
Itna hi’ven Aw itna!
Tua bang na hi maw!
Awl in na hong kisiam a
San ding hiam nawlkhin ding hiam in
Lungtang apan na hong pawt a
Aw nang nawlkhin itna
Kua ahia hon pozou ding?
Kua ahia hon douzou ding?
A nemzou ding kua a om tel dia?
Thum a muh ding hilechin,
Aw itna Chiklai in ahia thum ka khawl ding?
Zon a muh ding hilechin,
Aw itna Koilai ahia ka hon zonlouh ding?
Sep a muh ding hilechin, Aw itna
Chiklai in ahia ka tawlngak ding?
Itna zaw genhakpi ahi
Kua hiam’ hehnep a om sang in
Kua hiam’ hihnat a teel zaw a
Kua hiam’ kamkhum sang in
Kua hiam’ kamkhaa a teel zaw
Khenkhatte zing a thoh uleh
A kiang uah itna ana om a
Damsung anunnopna ding un
Khenkhatte a ding in lah
Delhdelh a leng delh phaklouh in a om D
amsung alungngaihna ding un
Itna in ahon nial leh
Sap in lah hong pai kei ve’n chin
Zon in lah hong kilaak kei ve’n chin
Thum in lah hon dawng kei ve’n chin
Kap lechin lah hon khem ke’n chin
Pathian tung ahna vui ding a
Thilteng na hoihna ding in ageel
Chihlah na pom ut ngalkei a
Itna khat in ahon nial nung in
Adang khat in ahon sangthei a
Na itna masa na mangngilh loh ding maw?
Na lungtang a suak itna
Mangngilh tum in na peek ding a
Himahleh chiklai mah in
Ahon taisan kei ding
Na kipah hun in ahong suak zel ding a
Na dah hun in ahong suak ding hi
Huchi in lungtang tawngnung ah
Na mel leh na min ka koih ding a
Pathian in ahon sap a
Akiang a ka pai hun chiang in
‘Toupa khovel ah hiai minu ka it’ ka chi ding
‘Himahleh nang ka hoihna ding ngen a
Vai hon hawmsak zel pa’n
Khovel ah na hon pekei a
Nang a ziak theipa’n hon hilh dih ve’ Ka chi ding.
Aw Nawlkhin Itna!
©Siamsinna leh Vakiangbu
Khawng chi ngeiingai le....
Itna in dai dide in, theihlouh kaal in
Lungtang ah zung a kha a
Hun-le-nite a liamzel lai in
A zungpi thukpi ah a kha a
A zungzaam kiptak in a zalh hi
Theihkhiat ahihchiang in
Bohkhiat zohvual ahi nawnkei
Huchi in gah ahon suang a
A gahkhum a piak mi in
Deihlou in nawlkhin taleh
Kua ahia naa salou ding?
Kua ahia vulpihlou ding?
Nawlkhin itna’ natdan
Kua ahia atheilou?
Atuaklou mi’ theihzoh vual ding ahikei
Atuaklou mi’n a theih ut leh
A ang a apomlai a ta-ngeek
Tua a ta-ngeek suun minu
Tua minu kiang va hoh hen
A lungkhamna va mu hen
Sul ah naungeek tuisik in ahong kisiam a
Ahun ahong tun in ahong piang a
Maizen, anu kipak hina tel e!
A ang ah apom a, a lungsim tengteng
Ata’ tung ah a sungkhin hi
Sun in a don a, zan in a ching a
Ata’ ding a gimthuakna ah
Kipahna leh nunnopna a mu hi
Huchi in nikhat tuh a ang a apomlai
Ata a naak nawnta kei a
Maizen, anu dah hina tel e!
A nemzou ding kua a om tel dia!
Ata a vuiliam ding a
Himahleh a lungtang apan
Chikni chiang in a liam ngei dia?
Thum ziak a ata hong kiik ding hileh
Chiklai in ahia thum a khawl ding?
Sap ziak a hong kiik ding hileh
Chiklai in ahia a minloh a tawp ding?
Zon a muhkiik ding hileh
Koilai ahia a zonlouh ding?
Koilai ahia a daplouh ding?
Hunte ahong paizel ding a
Ta-ngeek ahon pom nawn ding a
Tua in a mangngilhsak ta kei ding maw?
Mangngilhsak louhial ding
Ata a en ding a, a lungsim a na ding
Ata masa aphawk ding ziak in
A kipah hun in a lungsim ah
A dah hun in a lungsim ah
A ta ahong lang zelzel ding a
A lungtang khitui in a nel tawntung ding
Hunte ahong paizel ding a
A lungsim ah ahong dau khathei
Himahleh a sul a piang a ta
A lungtang a hin laiteng
Mangngilh ni a omkei ding
Itna hi’ven Aw itna!
Tua bang na hi maw!
Awl in na hong kisiam a
San ding hiam nawlkhin ding hiam in
Lungtang apan na hong pawt a
Aw nang nawlkhin itna
Kua ahia hon pozou ding?
Kua ahia hon douzou ding?
A nemzou ding kua a om tel dia?
Thum a muh ding hilechin,
Aw itna Chiklai in ahia thum ka khawl ding?
Zon a muh ding hilechin,
Aw itna Koilai ahia ka hon zonlouh ding?
Sep a muh ding hilechin, Aw itna
Chiklai in ahia ka tawlngak ding?
Itna zaw genhakpi ahi
Kua hiam’ hehnep a om sang in
Kua hiam’ hihnat a teel zaw a
Kua hiam’ kamkhum sang in
Kua hiam’ kamkhaa a teel zaw
Khenkhatte zing a thoh uleh
A kiang uah itna ana om a
Damsung anunnopna ding un
Khenkhatte a ding in lah
Delhdelh a leng delh phaklouh in a om D
amsung alungngaihna ding un
Itna in ahon nial leh
Sap in lah hong pai kei ve’n chin
Zon in lah hong kilaak kei ve’n chin
Thum in lah hon dawng kei ve’n chin
Kap lechin lah hon khem ke’n chin
Pathian tung ahna vui ding a
Thilteng na hoihna ding in ageel
Chihlah na pom ut ngalkei a
Itna khat in ahon nial nung in
Adang khat in ahon sangthei a
Na itna masa na mangngilh loh ding maw?
Na lungtang a suak itna
Mangngilh tum in na peek ding a
Himahleh chiklai mah in
Ahon taisan kei ding
Na kipah hun in ahong suak zel ding a
Na dah hun in ahong suak ding hi
Huchi in lungtang tawngnung ah
Na mel leh na min ka koih ding a
Pathian in ahon sap a
Akiang a ka pai hun chiang in
‘Toupa khovel ah hiai minu ka it’ ka chi ding
‘Himahleh nang ka hoihna ding ngen a
Vai hon hawmsak zel pa’n
Khovel ah na hon pekei a
Nang a ziak theipa’n hon hilh dih ve’ Ka chi ding.
Aw Nawlkhin Itna!
©Siamsinna leh Vakiangbu
Comments
Post a Comment