SINGTANG GOVT. SIKUL APAN LAIKHAK
SHARED BY~Bk Suan
Writer~ Mwan Tonshing Doulun Zomi
Tung Sianmang huaina a zoutang bang na dam ngei ka lamen a lungdam lua ing.
Awle, kei zong gibang i khenna kumkhua sawt mahleh ka na dam khiaikhiai sam hi. Umbang i kholh louhna a sawttak toh hiai ah na vangngaihman a ka zuan simthu vaimang siamsil nahnel tung pan tongkong luan hi. Ka pu thak/pu neute zong ana hilhsawn in aw.
A mualliamsa hunte a Seinou zatamte toh vaimang Siamsil sut a, Vangkhua vang la nunnuam a ngabang lenlai hunnuamte ka gelkik chiang in, Nu masa Ta tuambawl ka bang a sanggah kei aw ka luankhi gialbang kia e. . Maanlai hun a i kholhkhawm lai nite uh ka gelkik chiang in, Ken hon ngai taktak ding kon na sakha a, huchi ana hilou a, nou angsung ding na khualman lel uh ana himaimah chih ka khonung phokphing a lah a kikhel vekta. .
Vangtah hina maizen ing e!!! Tua hunlai a zaw ka kim ka pam ka sung ka laite ngil vikvek hiven maw . . Tu'n lah zuunlouh khohlouh, pamtul bangmai in tulta maiveng... Pute aw, nidang a ka melmuh batlouh huangvulh gantate tu'n lah nisi'n a ka lawmhoih pen suakta mai uh. A zun, a ek uh toh ka dim a, Sun leh zan chih omlou in Thousi thouvai toh ka kikhawlta mai uhi. Noute'n lah kon ngai chikawm in, melmuh phak in leng na om kei ua. Ka Pute kua tete hi a bangzah phata uh ahia chih leng ka theichian kei a, ka muhlouh leng tampi a na om ahi chih zaw migen in zazel sam mah veng aw. Ka Puthakte leng na melbek uh zaw hon munuam losam zaw hi ing a ! Kon poimoh luatman in ka Punoute ka sak ding chi in midang sum a guaizen in na hon sawl sek ua; himahleh ka Pu taktak loute zaw ken leng a na theisam ing a, amaute'n leng hon awlmoh taktak zoulou uh eive. Ka Pu na hihna ulah ki-awngsut tuanlou a Singdang ang hon vakawm san na hi ua hia leh! Tulvuah hong luang a huihpi hong nung a, kei aw hambang hon huai ding lah neizou nawn keng. Sanggah liangvai hina lawmlawm tel ing e.
Heiha...Singgam lei a vaimang siamsil suutnate hichi sam a di'uam aw... ! Kei bangchi ka hi maimah a. . ! Lailung a ka gel simthu za in tam hi na e. Leikhate lah gamlim gelhbang in a kisan thei mahmah ua, ka nung ka ma leh ka pangteng khong ah Inde MAP, Asia gam buppi leh Europe gamlim bangbang khong a kizik/gial henghung tamai hi. Kei kia in hichibang thuakkha ka hihiam aw! Khodak theih lah hita kei. Ka sisan kizoppih kou Zoudawn a te vangtah hituam na maizen ung e . .
Eh! ka Pu mohpuakna lian zaw nei thupi taktak Kumkhat a khatvei khong hong pai ka galmuh zel MLA/Minister te leh a kaihzatamte un, koulawi hichi nepnuap a om dia hon deih leh hon phal mah ahi di'uh maw ? Amaute thuthu zaw hikha maithei hi a, a lunglutna lam uh hikhakhollou a diam ah. En zaw theiban tellou i hi.... Kei Pu taktakte mah in hon awlmoh bek le u zaw, midangte lunglut kei le u le, officer, laisiam mipil zattak ding tampi zaw suangta khamoh lou ding hi'ng a! A lenna uh pupa gamlei a seinou zatamte'n vaimang siamsil a suutsiam ding uh awlmoh zoulou hi ding ua maw? I gamlei khang a mipite'n, Ningzu bang a Gamlei palzu a tawpna ding uh zaw a sawttuak laitelmai ! Eikhong lah mi Gil maipuang bang a suliante lak a kitel kha lel mahbang. Hey, pute aw i gam, i vangkhua leh i saumangte bangchik chiang a hong khanglou a, hong pallun ding ka hi ua? Mualdawn vontawi zanggam a SIKUL kai zoulou teng adia zaw phatuam kha ding hing a. Kei mahmah Govalmen(Government) Sikul na nek muhna ding kia a hon zang chin a, na kivakna hinapi in vehtaak, dontaak omnataak a le hon ngailou u chin ua, Vangsel lua kisang. "Vangsel zoulei" chi a La a sak uh diktoutou ding mah bang ei.
Pute aw, Nisim ahih theih mahmah kei hial lehleng Khasim hiam, Kumsim bek in kikhawl thei le ka uttel mai. Kikhawl zel ta mahmah maini aw. Pu, Ngaih leng hon ngailua mahmah ka hi! I nunlui phamsate ngilh ding chi leng, maimit laukha ah luaiden a, ngilhni tuangtung ngeilou ding hi. Ka lung ngaihngaih na in nisim in ka teek hulhul tamai hi. Pu nanglou zaw hitheilou ahi. Na sik/tang a non sawl zelte'n leng hon neem zou mahmah lou ahi. Nanglou zaw simlei ah kinepna dang ka nei thei tuan kei.
Bangteng gengen lengle, kei a dia phattuamna omlou dingpi houh a maimah diam ah. Ka Kongkhak Kopza khawnglah tui-ek gawpta . Akalhna leng panna beisuakta. A tuak teng in lah hon tuan pawl toh hon deng pawl toh ka genthei telmai! Kawlgit ek a ka pumdim ziak hia, Thoukang bang in hon gimneih mahbang. Kawlgit ek Ngou phiakphuakte thoulou zaw hihetlou hia. Nou ka Pu a upa pen apan a neupen tanpha in PENSION loh la na bang maita ua hiven. Kei lah hon thudon ban mahmah lou in na puak pengpang geuh ua. Na mam henhawn ua. Saptuam upa khong a pang in Biakinn khong ah thu bang genta zauzau laitei uteh. A khente lah Zu thau a gil bang lian pepaw zezen. Pute aw. Na mohpuakna uh hon ngai poimoh thak un aw. Kon ngen tuan lai ahi. Hon poimoh lua mahmah ka hi. Aw, bangchik chiang a kep leh puah a om a, Luahlum a om nawn ding ka hia! Ngaklah hina maizen ing e!!
Heiha...!! Bangteng gengen lele huih nungdelh batkhak di ka lau. Bangteng hileh Kou singtang, Govt. School te'n Pu Hoih, Haksa gentheihna a hon taisan lou a hon thuakpih a, itna toh honpi a ka mite sinsaktu ding, Mi chitak etton tak mohpuakna theichian a gin omtak a semmi ka poimoh uhi.
Kakipak.
©SIAMSINNA LEH VAKIANGBU
Writer~ Mwan Tonshing Doulun Zomi
Tung Sianmang huaina a zoutang bang na dam ngei ka lamen a lungdam lua ing.
Awle, kei zong gibang i khenna kumkhua sawt mahleh ka na dam khiaikhiai sam hi. Umbang i kholh louhna a sawttak toh hiai ah na vangngaihman a ka zuan simthu vaimang siamsil nahnel tung pan tongkong luan hi. Ka pu thak/pu neute zong ana hilhsawn in aw.
A mualliamsa hunte a Seinou zatamte toh vaimang Siamsil sut a, Vangkhua vang la nunnuam a ngabang lenlai hunnuamte ka gelkik chiang in, Nu masa Ta tuambawl ka bang a sanggah kei aw ka luankhi gialbang kia e. . Maanlai hun a i kholhkhawm lai nite uh ka gelkik chiang in, Ken hon ngai taktak ding kon na sakha a, huchi ana hilou a, nou angsung ding na khualman lel uh ana himaimah chih ka khonung phokphing a lah a kikhel vekta. .
Vangtah hina maizen ing e!!! Tua hunlai a zaw ka kim ka pam ka sung ka laite ngil vikvek hiven maw . . Tu'n lah zuunlouh khohlouh, pamtul bangmai in tulta maiveng... Pute aw, nidang a ka melmuh batlouh huangvulh gantate tu'n lah nisi'n a ka lawmhoih pen suakta mai uh. A zun, a ek uh toh ka dim a, Sun leh zan chih omlou in Thousi thouvai toh ka kikhawlta mai uhi. Noute'n lah kon ngai chikawm in, melmuh phak in leng na om kei ua. Ka Pute kua tete hi a bangzah phata uh ahia chih leng ka theichian kei a, ka muhlouh leng tampi a na om ahi chih zaw migen in zazel sam mah veng aw. Ka Puthakte leng na melbek uh zaw hon munuam losam zaw hi ing a ! Kon poimoh luatman in ka Punoute ka sak ding chi in midang sum a guaizen in na hon sawl sek ua; himahleh ka Pu taktak loute zaw ken leng a na theisam ing a, amaute'n leng hon awlmoh taktak zoulou uh eive. Ka Pu na hihna ulah ki-awngsut tuanlou a Singdang ang hon vakawm san na hi ua hia leh! Tulvuah hong luang a huihpi hong nung a, kei aw hambang hon huai ding lah neizou nawn keng. Sanggah liangvai hina lawmlawm tel ing e.
Heiha...Singgam lei a vaimang siamsil suutnate hichi sam a di'uam aw... ! Kei bangchi ka hi maimah a. . ! Lailung a ka gel simthu za in tam hi na e. Leikhate lah gamlim gelhbang in a kisan thei mahmah ua, ka nung ka ma leh ka pangteng khong ah Inde MAP, Asia gam buppi leh Europe gamlim bangbang khong a kizik/gial henghung tamai hi. Kei kia in hichibang thuakkha ka hihiam aw! Khodak theih lah hita kei. Ka sisan kizoppih kou Zoudawn a te vangtah hituam na maizen ung e . .
Eh! ka Pu mohpuakna lian zaw nei thupi taktak Kumkhat a khatvei khong hong pai ka galmuh zel MLA/Minister te leh a kaihzatamte un, koulawi hichi nepnuap a om dia hon deih leh hon phal mah ahi di'uh maw ? Amaute thuthu zaw hikha maithei hi a, a lunglutna lam uh hikhakhollou a diam ah. En zaw theiban tellou i hi.... Kei Pu taktakte mah in hon awlmoh bek le u zaw, midangte lunglut kei le u le, officer, laisiam mipil zattak ding tampi zaw suangta khamoh lou ding hi'ng a! A lenna uh pupa gamlei a seinou zatamte'n vaimang siamsil a suutsiam ding uh awlmoh zoulou hi ding ua maw? I gamlei khang a mipite'n, Ningzu bang a Gamlei palzu a tawpna ding uh zaw a sawttuak laitelmai ! Eikhong lah mi Gil maipuang bang a suliante lak a kitel kha lel mahbang. Hey, pute aw i gam, i vangkhua leh i saumangte bangchik chiang a hong khanglou a, hong pallun ding ka hi ua? Mualdawn vontawi zanggam a SIKUL kai zoulou teng adia zaw phatuam kha ding hing a. Kei mahmah Govalmen(Government) Sikul na nek muhna ding kia a hon zang chin a, na kivakna hinapi in vehtaak, dontaak omnataak a le hon ngailou u chin ua, Vangsel lua kisang. "Vangsel zoulei" chi a La a sak uh diktoutou ding mah bang ei.
Pute aw, Nisim ahih theih mahmah kei hial lehleng Khasim hiam, Kumsim bek in kikhawl thei le ka uttel mai. Kikhawl zel ta mahmah maini aw. Pu, Ngaih leng hon ngailua mahmah ka hi! I nunlui phamsate ngilh ding chi leng, maimit laukha ah luaiden a, ngilhni tuangtung ngeilou ding hi. Ka lung ngaihngaih na in nisim in ka teek hulhul tamai hi. Pu nanglou zaw hitheilou ahi. Na sik/tang a non sawl zelte'n leng hon neem zou mahmah lou ahi. Nanglou zaw simlei ah kinepna dang ka nei thei tuan kei.
Bangteng gengen lengle, kei a dia phattuamna omlou dingpi houh a maimah diam ah. Ka Kongkhak Kopza khawnglah tui-ek gawpta . Akalhna leng panna beisuakta. A tuak teng in lah hon tuan pawl toh hon deng pawl toh ka genthei telmai! Kawlgit ek a ka pumdim ziak hia, Thoukang bang in hon gimneih mahbang. Kawlgit ek Ngou phiakphuakte thoulou zaw hihetlou hia. Nou ka Pu a upa pen apan a neupen tanpha in PENSION loh la na bang maita ua hiven. Kei lah hon thudon ban mahmah lou in na puak pengpang geuh ua. Na mam henhawn ua. Saptuam upa khong a pang in Biakinn khong ah thu bang genta zauzau laitei uteh. A khente lah Zu thau a gil bang lian pepaw zezen. Pute aw. Na mohpuakna uh hon ngai poimoh thak un aw. Kon ngen tuan lai ahi. Hon poimoh lua mahmah ka hi. Aw, bangchik chiang a kep leh puah a om a, Luahlum a om nawn ding ka hia! Ngaklah hina maizen ing e!!
Heiha...!! Bangteng gengen lele huih nungdelh batkhak di ka lau. Bangteng hileh Kou singtang, Govt. School te'n Pu Hoih, Haksa gentheihna a hon taisan lou a hon thuakpih a, itna toh honpi a ka mite sinsaktu ding, Mi chitak etton tak mohpuakna theichian a gin omtak a semmi ka poimoh uhi.
Kakipak.
©SIAMSINNA LEH VAKIANGBU
Comments
Post a Comment