HIROSHIMA ATOM BOMB KHIAKKHUM POIMOH MAH A DIAM ?
By ~Lian John Munsong Guite
Aug 6,1945 in US Airforce lenna khat
in Hiroshima ah atom bomb zat masakpen ding in vakhia a, mel 4 kimkot
nuaimat in mi singtampi hinna va nuaimit hi. A nung in Nagasaki khopi ah
a nihveina ding in vakhe nawn uhi… Khopi tegel ah a kigawm in mi nuai
nih valtham sihloh hi.
Hiai atom bomb khiak pen a poimoh mah hia
chih tu nitan debate omlai hi. US Army tampi hinna humbit nadia jat
poimoh chih a pansan pawl om ua, kidouna huaise lawlai, zat ding mah ahi
chi uhi.
Ahitak in bel 1945 bul apat in Japan a
chau mahmah lam ahita hi. A Tui sepaih (Navy) thupitak mai a zakia lam
ahita, a Huihkhua galkap (Air force) te le a tul gai lam ahi ua, a
Galkap (Army) tele a langlang a kinungkik kia sikhop uhi.
US te bel Pearl Harbour phuba la ut in
hat dedeuh ua, lenna tam pipi toh Japan te khopite bomb va khol zou gige
uhi. Awl-awl in zou hiaihiai ua, Japan Kumpi pa nangawn le kipiakkhiak
utmaita mahleh, a Galkap uliante utdek nailou lai uhi.
Atom Bomb khiak madeuh tan ahle lemna
bawl dia mansa himahle, a utlou pawlte maivilna in kidou toulai uhi.
Atom Bomb khiak a om nung nangawn inle pan sawmlai tel uhi.
US te’n a thazoh nung ua Atom Bomb a
khiak teitei upen kidouna tawpsak baih mah leh poimoh lawnawnlou bang
hi. A bomb bawl thakliklek uh etkhiak ut himhim uh hiding in a
gintakhuai. Banah Japanese Imperial Army te haigumna ziak a, atuah louh
dipi uh tuakkha in kilang hi. A vuallelh lam kiphok in lemna delh le uh,
kua a apelou di.
Note : Hiroshima leh Nagasaki a site a silou dingpi mawk sih a hi di uh, chihnop huai hi.
©Siamsinna leh Vakiangbu
Comments
Post a Comment