BETHELEM PANGPAR
By ~ Lian Khuptong
PAK tampi om mahleh a kilawmna uh
tuamchiat hi. Bethelem pangpar bangziak a kicise adiam agelhtu pa’n le a
theih gintak huailou hi. A pak a kilawm mahmah himaleh, koi a tam a koi
om hiam? Koipan hong kipan hiam thei bekh khang, ahihhang hiai pak
tungtawn in thu kikum leng chi hi zaw ingh.
Bethelem pangpar pen a cituamna khat bel a
paak chiang in, zan dak 9pm bang ahihkeh dak 12am peuh in paak a mu
nuamte’n tua hun lakvel in, a pakpalh ding ngak kuul hi.A pak hun pen
hun tomnou sung bek vuai pahpah a gelh tu in zong a paak lim toh hong
lak nuam na pi’n hithei lou phot . Poisa mah in teh. Bang teng hileh
hiai paak tuh et in kilawm hi.
Gintakdan in Bethlehem mun khoh omdeuh di
hileh kilawm bang mahleh ana huchi kei hi. Eigam ah leng vang mahmah in
ka thei. A tang (seed) hia, A nou akisuan hia? chih bel thei tuan
khang. A pak hun sawt kei mahleh kilawm in, mite’n nalhsa in lou zel
mahleh a kilawmna tuh sawtlou in thengzel hi.
Bethelem pak mite’n deih in hoihsa’n lou
zel mahle uh a kilawmna’n sawt a daihkei. A vul pah hi. Ka en zel a,
leitung mihingte i hinkhua zatdan uh I gamtat khoheidante uh, A chang in
hiai Bethelem pak peuh toh ka tehkhen hi.Khenkhat mite et a thupi deuh
bang om khenkhat lah nuaisiah huaitak mai a om, khenkhat lah get lah
genthei hinkhua zangtak, nek ding khotuah zou hamham pawlkhat om taget
lah niang leh tai kisa khovel zaph kisa in, nuamleen kei uhi.
Mihing hinkhua bel kibang kei hial a
gente genthei den ding mo? A haksate haksa den ding a nuamsate nuamden
ding tang lungmawl in ngaihtuah buun khang. A lamdang khat bel Sian hawm
simthu naubang sang siamte di’n mihing hinkhua lampi hakte tot nuam kei
mahleh kipahna thuguk khat ana om in, kiselgu mitampite muhlouh thil a
vak khat ana om mah a diam? Ngaihthuah thamching khat om hi.Huai tuh
kipahna thuguk genseng vuallouh huai ziak khong mah hinteh huai a dai
kilkal nektom zong a khosa pa, kho-ul nisa nuai a kipaktak a annkhing
tuibuk ne a, dawn a a nuih hamham mawk thei Sian aw! Na itna hawm a
sangkha takte di’n lungnuam taktak mawk mah ve aw! Itna na omlou hileh
amaute, koute, noute bang i chih tel duam hamphatna kipahna leitung
mite.Suimoh hang gen lai ding hihang.
Chingno te’n zong tua Bethelem pak nei
uhi. Aman zong deih thoh kisa in va veel den a, apaak tam kei mahleh
apaak sunte etlawm mahmah sam hi. Chingno in leng a paakte va zuunzel in
tuibang in va buakzel a, phatuam di le a diam? A kung a pichinnung ateh
akeute va botkhe matmat zel in, apaak bang kuamah loh ding leng phallou
in iit mahmah hi. A chang in naupangte’n iplah in chiang peuh in ana
zeph sak chiang un Chingno heh thei mahmah hi.Chingno in ahinna toh
tehkhin ahih theihtan in tua paakte kembit hi. Apaak chiang bang in
akim-apam etlawm sak in Chingno lawmte bang leng huaipak kilawm en ding
bang in va hoh sek uhi.Chingno in huai pak en in nikhat singliim nuai ah
hong tu hi.
A nunlui liamsa a hun zatdante hon
ngaihtuah leh nidang a kolez kai hunlai in nungak naupang hong khangkhe
dek pan cih mahtak mite’n hoih a sak theihdante uh phawksak mahmah hi.
Tangvalte’n bang apaina lamlam a mit uh taisak dandan tazen uhi.Huchituk
a melhoih mite etlah leh mit hiip theitak himahleh kuaman zi di’n ana
en kei vanglak uhi.Chingno kisaktheih man hia? Ahihkeh mite’n amah toh
kingaihna zen ding in, phulou kisa uhia? Kuamoh a ? Akpi moh sak maini…
Himahleh tu in kum tampi pailiamta
hi.Chingno tuh amel a kidang kei hial a, ahoih ngei in ahoih lai mawk hi
! Ahihhang nidang bang zen in mite’n a maimit un suan nonlou uhi. Amah
leng lamdang kisa in liimlangh khong in ki-en zel hi.Chingno in a
thilmuh khiak thak bel a hunlui mualliam sate, a pallut hunlaite, mite
ngaihsang a omlai hunte, hihkhial kisa sam hi. Mite amah ngai a amah a
dangtaak a hinkhua zangte ana nawlkhin khak dan bang hong kiphokkhia in
kisik mahmah hi.
Tua lah kuamah theihlouh in a luankhi
puanbang nul mahleh, a nul ding tangpaal zatam khatbek om nonlou mihing
nopsak hun kipah hun tom a sakdan bang alungsim a lian hi.Huaiziak in
hiai Bethelem pak toh amah hinkhua kinaisa in tu’n ahun lui a paithei
ding hi leh Chingno in abawl khelh, asak khelhte bawldik ut mahmah
napi’n hun in lah ciau tuipi’n luan mangsanta mawk! aluankhi a nul mai
tuh atan hita hi.Ching in a lehlam ah hon ngaihtuah a,Mihing hinkhua
pakbang mai toh tekhinta leng leitung a i damsung hun tomchik lel i thil
theih siamna i thupinate bang hang kisaktheihpih ding mo? ahidan bang
hon mukhe thakthak hi.
Chingno in a hinkhua bangtan hiam leitung
a zatnung a amah melhoihna leh thupi a kisaknate bangmah lou ahihdan
muchian hi.Pallai hun nuam zangmah ni nuamsa ni, tuate’n na tunung hun
kipahna bukim na mu na diam! Na bawlthei na kisaknate nasep theih lai
nite hun tom na e. . ! Tuate’n na lungnopna ah hong pi henlan kiletsakna
leh kithupi saknate taisan in, na mi na sate hambang huai in lampi dik a
pi in. . Lawm na pilna, na siamnate pan in, mite’n nang a bang
hamphatna amuthei diam? chih kidong in ki-en thak mah.
Bawl thei kisa ken.. Bethelem pak bang in
khatvei tei vulding lah na hi ngal a.. Thou ni innlam ni. Hun a omlai
in. Denchiang tungsuuni lenmual a kiak ma’n….gen ning sasa ning chi leng
batali hong bei kha dia meimit toh charge khalou zomah.. Thoukang tam
toh kisil hun zomah hi.Annek hun dia khua mial dia nungak hel nang toh
kare! Kerom kap manlou zel d ahahaai…
Chingnou singlim nuai a tu ahihlam hong
kiphokguih! a Bethelem pak lah tuh na vuaikhinta. Nilah tum non ding
hita. Thakhat in hong dingkhia a, atui buahna toh annhuan hun chi in,
Chingno in a hunluite pamsa’n ngai vongvong hi. Nitak a tua paak
kilawmte a hong pakpalh ding ngak ut in annbang huanpah sim hi.
BEITA
©Siamsinna leh Vakiangbu
Comments
Post a Comment