TUALVUAH LEH PHAMNA

By ~ Vz Vualnam

Laikeek kia a thangvan amau chia’n
Tulvuah luang ding hilna hi e
Tulta nahsawl i beel zaw maw
Tem bang muan sauliim i beel zaw maw
Tulvuah luan ma’n tuangtung hang e
Hizong tulvuah luang achih kihil na’n
Laikeek kekimlou e thangvan maukimlou
Khohma ah vai bang lap e
Belh ding nahsawl leh sauliim i tun ma’n
Tulvua’n dai bang thahzou e
Laikeek kia leh thangvan ging achih
Tulvua’n sul ah zuikimlou e
Phamna aw tulvuah toh teh in lawm sa’ng e
Omlai vei laikhun i belh leh aw
Kha bang pham ding hilna hi e
Siangsung ziingvai hawm in
Pham ding vai bang man hang e
Hizong phamna achih kihil na’n
Omlai i siang hong lailenglou e
Tang bang phat a ni bang lutlai
Pham na’n tui bang lathei e
Omlai vei laikhun belh chih
Pham na’n sul ah zuikimlou e
Khuahun kidang tuuktui hong nai nawn e
Tulvuah luang ding hil na’n laikeek ake zaw maw
Kelou in dai bang ei thah zaw maw
Lenkum kivei machiang suanzel hang e
Pham ding hilna’n omlai hong laileng zaw maw
Lailenglou in va bang ei phawng zaw maw
——————
Vanpi ging a keek akiat chiang in vuah zu ding hilhkholhna ahi. Singliim i beel zaw ding hiam, innlum i delh zaw ding hiam, vuah zuk ma in i belh dingding i beel uhi. Himahleh vuah zu tengteng van ging leh keek in a hon hilh khol kei a, a hong zu phut ua, i belh ding mun i tunma in i kawtkhin uhi. Ahi a, vanging leh keekke teng leng vuah in a zui samkei hi. Sihna tuh vuah toh teh ding in a kilawm mahmah hi. China/Damlou a lupna ngak a i om leh sih ding hong kihilhkholhna ahi a, i innsung vaihawm in sih ding ngak in i om uhi. Himahleh sihna tengteng hilhkhol ding in natna in a hong veh gige kei. Chidam leh hat mahmah a i omlai in leng sihna in a hong la phut thei hi. Ahi a, natna tengteng leng sihna in a zuikim kei zel hi. Khua hun hong kikheng zel a, tuuk a hong nai nawnta a, vuah zu ding van ging leh keek kete’n a hon hilhkhol ding uam ? Hilhkhollou a hon pha in i kawtgawp ding uam? Khovel a hinkhua i zatzel lai un sihna hilhkholhna ding in natna in a hong veh masa diam? Veh masalou in thakhat in ahong phawng zaw diam???

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more