ZOMI MAH AHI DUAM?

By ~ Thangchinkhup Samte

I zogam a thupuaktu i neih MANIPUR EXPRESS & LAMKA POST te i sim chiang in a nuam thei mahmah a,i kisaktheihpih na mah a kisaktheih pih tham eimah ve chih tuzing ka news sim in ka ngaihtuah na ah hon dawk zual hi. A sem tute’n tha leh zung tam tak seng a asep uh leh hoih a sak theih pen ua hon bawl hiven, kisaktheih pih di mah leng ahi hi.Tulai in news hoih pipi i TV ua pat ettheih a detail taktak leng muh thei hina zen pi in Manipur Express & The Lamka Post te chuh a ngei in a pai ua a awl tuan kei uhi. Huai ziak in phat huai uh ka sa.Spelling mistake a om mun deuh a hiven.

Kar paisa khong niteng tanchinbu i et leh Shillong lam ate a buai vengvung mai uhi.A buaina uh le i theihlouh ahi kei ILP mah ahi.Tu khonung phing a skul khol zen a kiphin hial sang in tuh a bul apat in ana kiphinpah uh hileh chih huai mahmah.Enbel khonung pil sawm nailou i diam, damdoi inn a ann kivaaksak hithiat lai.Chik chia hon nawm valh duam! Hiai toh kisai ka ngaihtuah chiah “Paite khonung pil” chih leng amau tung ah ana dik losaam chih ka mu a ka nuih bang a zaa hial hi. Huai ziak in amau tuh “Khasi khonung pil” ka na chi daih ve.

Tuma in damdawi inn ah thilnuamlou pi a hong tun in chu facebook khong ah i hang thei mahmah mai uhi. Khat veivei comment bang ana piak khelh a fb khong a hon kivuak huan ding uh le lau huai hun ton a tam hi! Ahi a naupang chikchik hichi khong ‘uingol gamphut’ bang a ana hai pau chiang un i heutute nasepna muihsak hin ka mu! A ziak bel amau hai man a heutute mok mohsak chih peuh ahihman un. Huaiziak in i kampau ah leng pilvang huai ka sa. I gam i nam i iit luatna lam a zuak kha thei i hi chih thei leng a se kei di!

Hospital incident leng veng nailou in adang in hon buak non a lamdang ka sa! Tunglam a pan sinlai hon pe ut ahi de aw ka chi hial ve! A thu update lua in chin a si man bang om hial a chi uh aka ! Thu theilou i mok paupau na pen i nam suk zahlakna khat hin ka mu! Hiai toh kisai in mipi’n hoihlou i sak thu i gen vengvung ua khat veivei eksuak mah bang in a zak nin huai dekdek.Huai Maj.Vikas 46Assam Rif. te leh a heute i suankhe zou na dua hia? Suankhe zoulou ding leng ka chi kei. Luang man Lakh 5 lak a Lakh 1 ah lungkimte i hihziak un i lungkimna hong niamluat khak ding lau ka hi zaw ve.

I khotang i et leh siatna muh theih in pung hulhul hi leh kilawm hial hi. Huai kawmkawm in Association leh adangdang leng hong pung ua, dou ek-ek sam uhi. Hichia i dou sung a kei mimal a ka na ngaihtuah chuh “A khamtheih dou maw aihke a mi? A mi dou maw aike a khamtheih? A doupen sia ka chi kei a, himahleh i khotaang hoihna dia pan i laak kawmkawm a, i innvengpa, innveng nu adia hoih hetlou ana hi maithei. Huaiziak in a khamtheih dou i hia aihke a mi dou i hia chih kingaihsut poimoh ka sa. YPA te’n uniform toh kisai leh hair style toh kisai hon etkai zet uh leh tu GUU LAU kitam hilou hia.Tangval khat in hichin a gen “Nu leh Pate’n ka hair style uh le ka uniform uh non buaipih sung un na tate uh computer age ah ding kei ve ua” a chih leh gen dik ka sa mahmah. YPA te mohsa le ka hi pah kei, himahleh i tate lungtang i piikawi khak ding lauhuai ka sa hi. Huaiziak in kum nawn apat in YPA in le Uniform code skul naupangte te adi a tuam liuliau in bawl henla, khangsawnte’n le a zat touh ding un.

Hichia i khotang a ei leh ei i kibuaipih sung un Vai Bihari or gamdang mi hong tam dia , tu leh ta hon nei ding ua i gam hon thuneihkhum dua. ….Huchi ahihlai a, AMAU LENG ZOMI MAH HI DING MO? chih dotna toh ka zou ta maive

©Siamsinna leh Vakiangbu