ROME KHOPI A NGUIZOU HIAL

By ~ Lian Khuptong

Tomkal melmuh zong sinlai guling dou nuamtuam hive mo? Koi a sawlbang hong kibang na ta mai a khatvei bek hong kilak laive. . .

Italy pen Europe gambup ah, neupen bangmah leh ana maimai tuan samkei Gofut lampi bawl ua gammite siam huntawk tam om uhi. A gam mite a sakmel uh lah hoih thei in elah tham leng a ching uh. A tangpi in a sam uh a sau veksim mawk hi. Anu-apa chih om lou’n a gam uh aneu mahmah hang in, kimawlna lam a mite nuai ah, a leng kei hial uh. Rome khota Napoli khua a pat in nungaknou melhoitak Julia kicih niteng in, Biakinn huangsung a paakte enkoltu in pang hi. Nisial zing leh nitak in paktui pe gige hi. Tua pakte etlawm ding leh a hoih ding amah khut a kinga hi. Julia ahihleh mifel tak le taima, aman pakte ngaina leh apakte etlawm in, Biakin huang etlawm sak thei mahmah hi. Tua pakte a kep zoh hang mah hi’n teh mite a en ding bang in, gamtuam mibang hong vaklut khazel uhi.

Pakte ahihleh jem tuamtuam~ asan deuh, ahing bang, a ngou, nalh thei mahmah hi. Khatvei Julia hun-awl a neihkal in va pawtzual a, a nna lakloh kha in hong zekai kha sim a, apaktui lah buah hunta kintak in, nitum kuanlah hita Biakinn lam manlangtak in hong tai tungpah hi. Julia in zekai sim toh pakte bang leng na vulsim pian tui hong buah dek laitak in, gintak louhpi’n a gal a mikhat lungkham meltak in natu hong muguih hi! Lamdang sakawm leh lausim pi’n mipa va houpih khong hi.

U, aw banghang hiai pakhuan ah, phalna omloupi’n na hong lut mawk? Mipa’n leng lungkham meltak leh dahmel tak in Julia lam kisuanglah tak in, hong dak tou in hichin dawng hi. Ka lungkham mangbatnate ziak in beidong tak leh panpihtu neilou ka hi man in hiaimun ah, Pak kilawmtakte ka muh chia kipahna nei ka hi.Kei leng nang bang a pak ngaina leh zuun a kem nuam mi ka hi. Huai in kipahna hon guan. Kei leng nang bang a zuun tu hi nuam ing. Julia in nang kon panpih thei kei ding. Hiai pakte zuun ding in, ken kon pom thei kei ding. Ka siampupa uh kiang a va kingen in hong nuse mai in lan ana kihepkhiaksan in, ci’n dawng hi. Mipa leng lungliaptak in awl in kihemkhia hi. Julia in leng a ngaihtuah thak chia hihkhial kisa in, “lawm na min non hilh thei diam?”ci a, Mipa’n zong, “Romeo ka hi.

Den in kon hih henghang kha a na hehsim di e? Kei leng pak enkaitu ka hi kon ngaina thou hi. Himahleh ka siampu pa un bang ngaihdan nei ding hiam? Kei thu hileh kon na ngaina mawh tuan kei. Pak lam lunglut mi na hihdan kon thei a, ka kipak. Hun na neih leh hong pha zel in aw! Julia in kamdam in Khakhe thei khong hi.

A zinglam in ngeina dan in Julia leng paktui buah leh ateh vulsate lakhia in nasep pan non hi. Romeo leng hong pai nawn in, Julia nasep bang bang feltak in va panpih Julia leng kisuanglah in na tawldam in cih mahle khouzou samlou hi. Tua bang in hun teng leh a vangkim in va phah zel in, Romeo leh Julia te’n pakkepna pan naktak in hong lakhawm in hong kineel thei khong uhi.

Juilia in a U Romeo hong pai kal bang nangak lah thei mahmah sam hi. Romeo bang hong kuanhak khak cia na hehsan man phialphial hi.

Tua bang nuamsatak in a omlai un Nikhat siampu in va galmuh kha’n a ngaih phalou in Romeo omkal in Julia a pindan ah. Sam in thuhilh in tai hi. Huai nung sang Julia in Romeo na nolh bawlta hi. Hiaite ziak in khasia kisa Romeo in khelahtak in, pak huan etlawmtak mai khelahtak in nuseta hi.

Julia leng ki-awisam lou in Romeo hong kilaklouh pen pawna mahmah sam in tangkhat kisa veve hi. Amah vuah in nidang a sep kei bang in, pakte enkawl touh zel mahleh lungnopna bukim neithei non taktak lou hi. A pak kepte lah nidang banglou in tul dedeuh mai, Julia in leng lamdangsa hial hi. Theihtop suah in pakte enkawl mahleh gintak sa siatlam manoh in, vuai deuhdeuh in mu hi. Julia leng hong lungke khong in Siampu pa pindan a va lut in nasepna apat khol ding simthu va lel hi.

Siampupa’n leng pakte amuh chia? Gintak bang salou nidang toh teh theih salou hi. Lungliap mahmah sam uhi. Julia tawp ding pen lah ngaingam samlou Siampupa’n nikhat mang hong nei hi. A manglam in mipa mu hi. Mipa siampupa kia va pai in, tunung na pakte uh a vulkhin dia? Na hon poimoh ding ua, lah muhphak ka hita kei ding chi’n kìhei mangsan hi. Hiai bang teng ziak in Siampupa lunghimoh in Julia a pindan a sam in, Romeo tungtang thute mang amuh dan bang a hun masate peuh kikumkhom uhi.Julia Romeo pen nidang in

Titanic longpi tuahsiatna ah a sungte’n sihsan uhi. Romeo leng tangkhat kisa’n Italy lam manoh in, maban etna toh kal hon suan hi. Nikhat a lunglen luat ziak in i biakinn huang ua hong lutkha hi. Romeo pen mi ginom leh chitak, kuhkal, taima ngaihnathuai in ka mu hi, chi in Julia in siampupa kiang ah hong hil ngiatngiat lai hi. Romeo pen ken leng ahinkhua haksatna a tuahte awlmoh kisa’n ana kithuahpih mah ka hi. Himahleh, kei leng nang thu lou a gamta ngamlou mah ka hihman bek in, na nolh kha mah hi ing, mi kingaineu mahmah in mu ing siampupa aw! Hiai bangteng hong gen teh Siampupa zong a lungkuai in mipapen Italy gambup sung hong dapkual uhi.

Mu zoulou in mite buai peuhmah uhi. A khekhap zong zui thei samlou uhi. Hiaite ziak in mipite lung himoh in Siampupa kiang ah hong tai non uhi. Siampu in leng hiai bangthu hong tung ding ana mukhol ahihdan mipte hilh in khamuan hi.

Huai nung sang sawm nonlou uh. Julia lah tangkhat kisa a hunluite uh ngai thei sam hi. A pakte uh la vulkhinta a kilawmna muh ding om non talou hi. Julia in Romeo a zalmang bek in kilak ding sa mahleh muh ahikei hi. A ngaihluat man in U Romeo mintam in, Rome khopi phuak uh. Hiai bang Romeo theih gigena din Rome khopi hong piangkheta. Tuni dong in Rome khopi i cih pen uh hi e? Julia aw!

BEITA

©Siamsinna leh Vakiangbu