KIAKLOUHTA
By ~ Vz Vualnam
Note : Zanlam a The Wild Flower, lapau in
Tuan a vaituunnu’ ni bang lutna
Lumsuang sausuan va veh ing e
A kum sawt in khang kiveita na
Siangnuai khuai bang lumlai bang e
Sausuan dung asuun lai hi e
Laam bang veel ve’ng vaituunnu’ lutlai
Maimit laukha ah hong lang e
Al bang man kum zatam liam nu’a
Hichi liang a luunlai aw
Ni bang lut gamsing bang maanlai
Bangzahta’n aluun diam chi’ng e
Ami zata’n nichin luimang bang bawm
Zata’ leelleel a leelchimlouh hi e
Saumang limlian laam bang ka veel lai in
Aneen ah kiaklouhta sil bang na paal ve’n
Kiaklouh hita hal in paalluun sa’ng e
Ka veellai saumang ngilhloh ngawn ing e
Saumang lah kum zatam kiplai ding a aw
Aneen kiaklouh lenkawlni suah in
Tum bang avuai mai ding hi e
Zata’n kumsawt kip ding saumang
Laam bang hon veel dih uhen aw
Ke’n kawlni suah a vul ding kiaklouhta
Laam bang na veelveel ning e
Simlei gua bang i hin sung in
A liimlian peuh maimit i suankaal in
Etlawm malneu kiaklouh dungsuun a paal
Puan bang taan khanaak hang e
Vual aw aliimlian kumsawt kip ding a aw
Malneu kawlni sua a mei bang theng ding
Maimit suan zel dih ni e
Ginlouh nunkhua i nop na’ng hithei e
---------------------------------
©Siamsinna leh Vakiangbu
Note : Zanlam a The Wild Flower, lapau in
Tuan a vaituunnu’ ni bang lutna
Lumsuang sausuan va veh ing e
A kum sawt in khang kiveita na
Siangnuai khuai bang lumlai bang e
Sausuan dung asuun lai hi e
Laam bang veel ve’ng vaituunnu’ lutlai
Maimit laukha ah hong lang e
Al bang man kum zatam liam nu’a
Hichi liang a luunlai aw
Ni bang lut gamsing bang maanlai
Bangzahta’n aluun diam chi’ng e
Ami zata’n nichin luimang bang bawm
Zata’ leelleel a leelchimlouh hi e
Saumang limlian laam bang ka veel lai in
Aneen ah kiaklouhta sil bang na paal ve’n
Kiaklouh hita hal in paalluun sa’ng e
Ka veellai saumang ngilhloh ngawn ing e
Saumang lah kum zatam kiplai ding a aw
Aneen kiaklouh lenkawlni suah in
Tum bang avuai mai ding hi e
Zata’n kumsawt kip ding saumang
Laam bang hon veel dih uhen aw
Ke’n kawlni suah a vul ding kiaklouhta
Laam bang na veelveel ning e
Simlei gua bang i hin sung in
A liimlian peuh maimit i suankaal in
Etlawm malneu kiaklouh dungsuun a paal
Puan bang taan khanaak hang e
Vual aw aliimlian kumsawt kip ding a aw
Malneu kawlni sua a mei bang theng ding
Maimit suan zel dih ni e
Ginlouh nunkhua i nop na’ng hithei e
---------------------------------
Nidang lai a vaite’ lutlai a a innte uh ka va veh a, akum asawt
mahmahta na a, ahoih mahmahlai a, a nopchi lai mahmah hi. Ka etlai in a
thupi lai ua a thupi didan uh ka mitkha ah a hong lang hi. Mite’n niteng
in a bawm lutlut ua, athu a genchim kei uhi. Huchia inn thupi ka etlai
in a nawl ah loupa khat ana paak a, loupa paak maimai himahleh a kilawm
mahmah a, ka etlai inn thupi bang ka mangngilh loh zezen hi. Innthupi
lah kum tampi ding lai ding a, mite’n huai ana en uhenla, ke’n hiai
loupa paak ka en ding. Leitung i hin sung in thil thupi leh liante a i
mit uh i koih nilouh lai un thil neu chikchikte i maihkha naak uhi. Thil
thupi leh liante zaw sawtpi om ding ahi ua, thil neu chikchik amang
pahpah dingte akaal laklak in en/limsak zelzel ni, i gintaak hetlouh a i
kipahna ding hong hithei ahi.
©Siamsinna leh Vakiangbu
Comments
Post a Comment