SWEET FALL

By ~ Lian Khuptong

 

Note : Tua tangthu kigelh dekpen phuahtawm bulbal neilou mihing lungsim a hong lut maimai ahi.

Awle a theite’n a gendan un nidang in Shillong vangkhua kici na om hi. A gampen vuah ciinden sim vot in a gam in phalbi, kholum khenvet lou in vuah zuden sim mawk dan ahi. Gamnuam tak leh gamhing dipdip na mun mite’n lunggulh in ngaina uhi. Gamdang mite zong a vangkim in hong pha zeuzeuh thei zel sam uhi.

Siamsinna mun bang hoih in mite’n lunggulh in ngaina thei mahmah ua, adiak in polam mite’n tuamun pan in mite’n siamna tak sangpi muhna mun leh kiseek khiatna leh lohchingna bulkiphuh khiakna in zang thei tam khop piangkhia hi. Amun pen single loute muh thei etnop tamtak om hi.

Hunnuam zat nang in leng siit huailou hi. A gam mite lah zindou siam. Mite’n ngaina in, hun nuam manphatakte va zang zel uhi. Tuate hang mah in gam hausa khat a suahloh uhi.

Gamthuk lampan in tangvalno leh nungak khat suty zang di’n hong khualzin khia laizang uhi. Tua minihte bel ki -iit kingai na mahmah, French gam pan hong pai uhi. Hotel lianlou a hong tung uh sawtlou taam di lel a gam leitang, sing leh louhingte hong enkhe a kikmai sawm uhi.

Tui kikhoh khiakna mun lamzuan in hong paitung petmah uh a, khuamun apat gamla lawlawm lou hi.

Sweety leng kipanpah limla ding chi in a tunglam ah kaltou pah in va ki post zatzat in, Lucly in leng a khut ah Camera puak a liangnuai awlchiik in hong lakhia in hong kimeek ziahziah maibang uh tuh Calendar a bawl louh ding in pamlua hi.

A gam tuh gintak sang in na etlawm vanglak mei lah kiai threthriai mai lungzuanna ngen himai, khua lah niim demdum vuah lah zu ut in kisasa mai hi.

Tawlkhat hong kilak nung un Sweety leh alim kilakna uh gimsim zaw ahi dia tawldam ding in, singphung lam hong manoh uhi.

Neek ding a puak teng uh lakhia in ne chapchap uhi. Dak 3pm bang hong gín leh Lucly in leng pai ding simthu hon lel dekh pat leh Sweety in tomno khat va kila lai ding chi in, tui kikhohk hiakna mun tung a va ding zehzah nawn hi.

Huai tak in bang hong chi hiam? Lucly leng mangbang sim mi lah muh ding mel om nonlou ni lah muphak hinawnta lou, kikmai uh mah leh thuman hang in, Awl in hong kisa in camera höng dawk khia’n Sweety limlak sawm in pan hon la nawn hi.

Tua laitak in theih kholh louhpi’n lamdangtak mai in Sweety suang heng siik khialkhah ahi ngei dia leeng khesuk volvol tamai. Lucly leng huai hun laitak in a lungsung thangvan sang a kikhai in a delhphei toh kituak, bang palkhah hiam! Chih ding mel theilou in kipuksuk hi. A kipanpih ding om samlou in nih gel tuh lamdang tak hici maidan ahi uhi.

Poi mahmah panpih ding omlou hehneem tu bei zaw himai uh. A kiang a Life guard te bek na omkha le uh zaw chih phet in om hi. Akim-akiang ua mikhat leh nihbeek na omkhalai le uh zaw a chih huai a ka. . . Tel lawmlawm tuahsiat ding leng huaisia a e. . . Chowkidar dan beek amun enkol ding bek na om hi leh zaw a chih huai tel a ka. Mikhual khualzin mi hizaw mah uh.

Lucly leeng sunkhat chim lua kisa in mun thoveng tuipi mun a va tawldam ut hong paiphei in tutna kidawhte khat ah va tu’n lungleeng meltak in tuipi tuh en vengvang hi.

Huailai a thiltuah uh a ngaihnou in a nutsiat dante panpih beitak a omlai huhthei dinmun a omlai nite poisa mah le amah leng a thiltuah pen lamkhat a puaksiamna pi’n Sweet water fall a kiakna amah di’n tuh chik leh mangngilh ni a om dia ?

Om nawn kei ding Lucly leng hithei om sa nonlou in tua mun min ding in a ngaihnou mintamsak in Sweet fall a gam mite va phuak tawp uhi. Lucly lungsim ding i ngaihtuahna bang chi in a naa phet diam? Amah a ding in tua munpen na omlou hihleh utna’n chia. Huai tui kikhoh etlawmtak munuam mah le uh amah a ding in, a iit mahmah a ngaihno a suunna hong suak tamai hi.

Tua bang in Sweety tungtawn in mite’n theisiam in tua mun va pha nonken teh chih himahleh tua mun pen kilawmlua mahmah ahih ding a mite’n va veh zel lailai in, a hinna uh va pe kha nak uhi.

A lamdang pikhat hong suak mawk huai mun pen hamsiatna mun suakna pi in, mite’n taisan thei mamah samlou in thudeih huailou pipi tungsek ana hi. Lamkhat deih tel theih hileh kuaman huaimun a va si utsam lou ding hi. Lucly leng hihthei nei samlou a lungzuanna toh a tutna pan in thazoi tak in kilehkik mai louh ngal.. Sweety mualliam mah leh bang lungsim a neizen diam! Panpihtu bei a kisa diam? Ahihkei leh Lucly in a luang va phonglou mah a diam huaite mah pawna a diam itna ziak a sih nung a kitaisan pen puak haksa satakpi mah a diam !

Beita

©Siamsinna leh Vakiangbu