LUNGTANG’ DEIHLAM LAAKMANG THU A VUINA : KAHLA
By ~ Vz Vualnam
Writer’s Note: Jeremia kia a kahkah tel di le ngaihngam huaikei, kahpih ni ei….
Lungtang’ Deihlam Laakmang Thu A Vuina : Kahla
Toupa aw, ka muan Toupa aw
Bang hang a ka lungtang’ deihlamte
Gamlapi a hon koihsak na hiam?
Bang hang a ka batphakna apan
Gamlapi a suanmang naak na hiam?
Ngai in na sikha’ lungtang a tamkhamta
Adeih amuhlouh ziak in a ngui khin hi.
Nang lah ‘Kipak in ka ta’ na hon chi ngal a
Adeihlam tellou in bangchi’n hiai lungtang
Khovel ah a kipak thei mahmah dia?
Bangchi’n lungtai in na inn ah akhawlthei dia?
Toupa aw, ka muan Toupa aw
Na sikha’ tung ah nidang bang in
Zahngaihna hon suah nawn in
Ka lungtang deihlam hon pe ding in
Na deihsakna kei’ dia khaam hikei hen
Nang lah ‘itlou leh tailou’ a pepa na hingal a
Tu in ka lungtang’ deihlam kiang hon tun in
Huai ah lah ka lungtang teng ka sungkhin ngal a
Ani in halsak nawn ke’n la
Akha in halsak nawn sam ke’n
Tu mahmah in gamtang in,Toupa aw
Toupa aw, ka it Toupa aw
Nang ngei in lah khovel na siamlai in
Na en a, kilawm na sa mahmah ngal a
Tu a bangchidan a na lungtang in
Na sikha’ lungtang’ gentheihna a
Kilawmna muthei mahmah ding na hiam?
Tu in ka lungtang’ deihlam hon pikiik in
Huchi in khovel kilawmna in dim nawn hen
Nang lah kilawmna Pathian na hi ngal a
Toupa aw, ka it Toupa aw
Zing nisuak kei a ding in bang ahia?
Paakte apaak un leng bang ahi tuan a?
Zing nisuak lah lungdonna lel ahi a
Paakte’ kilawmna lah lungngaihna lel
Tuuktui hon pua huihte a kiiknawn bang un
Tu in ka lungtang deihlam hon pikiik in
Na hon pikiik kei ding leh zaw
Khaal huihte’n ka lungtang mut theng mai uhen
Tuukvuah in ka lungtang luanmang mai hen
Ka kahla na hon ngaihkhiat kei ding leh
Toupa aw, lungduai Toupa aw
Na tung a ka vuui ni in
Ka tung ah lung hilou mahmah ke’n
Nang lah langbei itna no’n pe ngal a
Ka lungtang in lah a pozou ngalkei a
Naungek in anu’ anglumlou koi ah
Kha muanna amu a hiam?
Himahleh anu’ ang a a om lai in leng
Khasia in a kap naak ngal a
Naungek a nu’ ang a akah bang in
Toupa aw na anglum ah ka kap hi.
©Siamsinna leh Vakiangbu
Writer’s Note: Jeremia kia a kahkah tel di le ngaihngam huaikei, kahpih ni ei….
Lungtang’ Deihlam Laakmang Thu A Vuina : Kahla
Toupa aw, ka muan Toupa aw
Bang hang a ka lungtang’ deihlamte
Gamlapi a hon koihsak na hiam?
Bang hang a ka batphakna apan
Gamlapi a suanmang naak na hiam?
Ngai in na sikha’ lungtang a tamkhamta
Adeih amuhlouh ziak in a ngui khin hi.
Nang lah ‘Kipak in ka ta’ na hon chi ngal a
Adeihlam tellou in bangchi’n hiai lungtang
Khovel ah a kipak thei mahmah dia?
Bangchi’n lungtai in na inn ah akhawlthei dia?
Toupa aw, ka muan Toupa aw
Na sikha’ tung ah nidang bang in
Zahngaihna hon suah nawn in
Ka lungtang deihlam hon pe ding in
Na deihsakna kei’ dia khaam hikei hen
Nang lah ‘itlou leh tailou’ a pepa na hingal a
Tu in ka lungtang’ deihlam kiang hon tun in
Huai ah lah ka lungtang teng ka sungkhin ngal a
Ani in halsak nawn ke’n la
Akha in halsak nawn sam ke’n
Tu mahmah in gamtang in,Toupa aw
Toupa aw, ka it Toupa aw
Nang ngei in lah khovel na siamlai in
Na en a, kilawm na sa mahmah ngal a
Tu a bangchidan a na lungtang in
Na sikha’ lungtang’ gentheihna a
Kilawmna muthei mahmah ding na hiam?
Tu in ka lungtang’ deihlam hon pikiik in
Huchi in khovel kilawmna in dim nawn hen
Nang lah kilawmna Pathian na hi ngal a
Toupa aw, ka it Toupa aw
Zing nisuak kei a ding in bang ahia?
Paakte apaak un leng bang ahi tuan a?
Zing nisuak lah lungdonna lel ahi a
Paakte’ kilawmna lah lungngaihna lel
Tuuktui hon pua huihte a kiiknawn bang un
Tu in ka lungtang deihlam hon pikiik in
Na hon pikiik kei ding leh zaw
Khaal huihte’n ka lungtang mut theng mai uhen
Tuukvuah in ka lungtang luanmang mai hen
Ka kahla na hon ngaihkhiat kei ding leh
Toupa aw, lungduai Toupa aw
Na tung a ka vuui ni in
Ka tung ah lung hilou mahmah ke’n
Nang lah langbei itna no’n pe ngal a
Ka lungtang in lah a pozou ngalkei a
Naungek in anu’ anglumlou koi ah
Kha muanna amu a hiam?
Himahleh anu’ ang a a om lai in leng
Khasia in a kap naak ngal a
Naungek a nu’ ang a akah bang in
Toupa aw na anglum ah ka kap hi.
©Siamsinna leh Vakiangbu
Comments
Post a Comment