THIL HOIH HIH TEITEI…
By ~ Shyam Guite Fspa
"Thil dik leh hoih ahi chih l theihnung a leng hih teitei ngaplou sek
mihingte a kihi. Thilhoih hih lam ah kithadah suah a baihlam mahmah.
Kipat chiil a thanuam leh kilawp tak kihi chiat mahleh thanop paisuak a
haksa khanak. A hihhang a, lung ke lou a, thanop ngeingei suah a pang
teitei te mah banglam peuh ah a lohchingte ahi zel uhi.
Paul in, “Thil hoih hih teitei a, thupina leh pahtawina leh manthat
theihlouhna zong mite kiang ah, khantawn hinna a pe ding”(Romete 2:7)
ana chi hi. Pathian in a gensa bang in, nikhat tei, “Mi chih a thil hih
bang zel un vai a hawm sak” hun a hong tung ding (Romete 2:6). Huai
ni’n, thadah leh lungkiat theihna tampi lak a, thilhoih hih ana tawpsan
lou a, ana pang teitei te’n “Tangtawn hinna”a tang ding uh. Huaiziak in,
Vangam kai tuh, a chi tatak te, apang ta-takte leh lung ke lou a thanop
suah zou gige te adia lim-siit ahi chih a chiang hi. Bible ah leng thil
hoih ahihte uh ana sunzom nawn lou, a na pang teitei zou nawnlou Kris
‘saptuam ana om uhi. Ephesa khua a te’n, “Itna masa ana tawpsan uh”
(Kil.2:5). Huaiziak in, Jesu’n, a “thilhih masapen” hih nawn di’n a
thuhilh hi (Kil.2:5). Huan Sardi khua a saptuam te’n a thilhihte uh a si
bang tuk a koih dap in, hih paisuak zoh himhim ana nei kei uh. Huaiziak
in, Jesu’n “kiveng in, thil om sun te, si dia kisate, tung ding nawn
in…na muh dan leh na zak dan thei gige in, kem inla, kisik in..”chi’n
ana taihih hi (Kil.3:2-3).
A lehlam ah, Philadelphia a
Kris’saptuam te bel kuhkal tak in ana pang teitei ua, Jesu’n pahtakna
thu hiai bang in gen hi. ” Thilhihtheihna neuchik na nei a, huan ka thu
na kem ta a, huan ka min na pai kei a, ka dohzohna thu na kep ziak in,
ze-et a na om chiang in ken leng ka hon kem ding” (Kil.3:8,10) . Ahi,
thudik tak bel, kuhkaltak a thilhoih hih teitei zouloute’ van khopi ah
muh in a om kei ding uh. Kua man lamdik I zuih hon zuihpih ut nawnlou
chiang ua leng, zuih teitei. Thutak kia mah hon guppih ngam nawn louh
chiang ua leng, khovel itlou a pan teitei tuh tangtawm hinna tan theihna
lampi om sun ahi. Kuhkaltak a thilhoih mah hih teitei te kiang ah
hasotna leh thuciam kipahhuai tamlou I enlai ding.” Thilhoih hih chimtak
kei ni; I lungkiak kei leh ahun tak ah i aat ngei ahi ngal
a,”(Gal.6:9). “Pathian deihlam na hoih hih nung un thilchiam na muh
theihna ding un kuhkalna na kiphamoh uhi” (Heb.10:36). “Khemna thuak
teitei mi a hampha hi; ze-et a a om nung in hinna lallukhu, Toupa’n amah
itte kiang a achiam, amuh ding ziak in “(Jak.1:12). Huan, Thukhunthak a
a na-nung pen Kilakna laibu ah, hiai hasotna I mu uhi: “Kuapeuh mi
diktatlou in diktatlouhna hih nalai hen: huan kuapeuh mi nin, nin nalai
hen: huan kuapeuh mi kizen in, kizenna hih nalai hen: huan kuapeuh mi
siangthou tuh, siangthou nalah hen, Ngai in, ka hong paipah ding; huan a
thilhih bang zel ua piak ding in ka kiang ah kipahman a om hi”
(Kil.22:11-12). Va pan teitei dìa tuak nawnlou abat hun chiang a leng
pan teitei a, lung ke lou a i hihna leh l gup thute kepbit teitei tuh
van khopi malutna ahi. l kim-l kiang a om tengteng in a tawpsan nung ua
leng, thilhoih hih chimtak mai lou a, Pathian thuchiam a kinga kawm a l
pan leh, sepgimna l zoh hun chiang in, phatna, pahtawina leh tangtawn
hinna l mu ngei ding. Hiaidi’n l kisa thak chiat ding uh.
©Siamsinna leh Vakiangbu
Comments
Post a Comment