SELUNG MAWL VANG HIAM LEL LIANG LUAT VANG
By ~ Mun Muanlian
Unau mi 5 ka pha ua pasal 3 leh numei
2 ka hi uhi. Kei ka hih leh ka sanggam teng lak ua alianpen ka na hi
sam hi. Ka min bel Chingboi ahi. Ka pa in primary teacher a na sem a,
neih leh lamlam ah vang haulua ka hi kei na ua, mi ka na englua het kei
uhi.
Ka nu ka pa’n haksa sa pumpum in ka
neu apat in school hong na kai sak chenchen uhi. Pawl X ka zoh tan in cu
ka na upat pian simta na a lawm ngaih cih himhim mang in zong ka na man
kha het kei hi. Pawl X ka zoh tunglai in nurse lam lunglutna lian tak
nei ka hih man in Hydrabad a training din ka na kuankhia a kumthum val
vingveng training ka na la hi. Haksa ka sak hun bang om sam a, lungkiat
hun ka hau mahmah mai hi. Huai kawmkal ah Pasian hehpihna toh ka tuppi
pen mualsuah tum in pan ka na la chenchen hi. Ka training zoh kuan un
nidanglai a ka khua lamte uh khat in hong ngai ahihdan vel hong gengen
mai a, hua lai in bel nungak a simtheih mahmah hi leng jong lawm ngaikha
ngei himhim lo ka hihman in ka nuih bang za in ciamnuihna khong in ka
na laksak maimah hi.
Aman le hon gen tawp tuan mahmah lo
ahi a, lehkhathon bang hong tung mun mahmah mai a, kal khat ah 2 vei
bang sim ding om a thukkik di’n hon ngen mah leh khat bek ka thukkik
ngei kei hi. Amah taksa mahmah in zong hong ngen ngutngut a, kei zong
zankhat hong pawt a painung in ka lungsim ka gel vengveng ta. Lawm ngaih
ding ka cih cia ka nuih bang a za mai. Himahleh a om dan teng ka et
vengveng cia nial vual ahihlouh dan ka phokkhia a, dawn ding leh zong
kei kia in thutanna ka bawl kei ding ci’n ka kingaihtuah a, khua vak in
ka vengte nupi amau toh kinai deuh khat ka guk dot a, aman leng amah toh
na kingaih tak un a hoih lua ke ci’n hong gen hi. A ziak chu tulai
tangval dia mi hoih mahmah duang cing tak suankham mahmah mai zaa teplo,
ku va hailo, zudawn lo, khamtheih, guihtheih himhim na ciam kha ngeilo,
ban ah sepaih khat hi zomah ci’n hon gen a, suti innlam pai tuak ka hi
ua, kei leng finai exam na ding bang naisimta ahihman in aman leng lai
khat hon pia a, hih lai thukkikna ka muh kei leh hong itdan in kong na
ngai ding hi ci’n a itna thu teng hong gelh dipdep ta hi. Kei lah zing
mah cia zin ding hi ta. Zan in khensatna ka la ta a thukkikna leh dawnna
lai ka nusia a ka omna lam ah ka kuanta hi. Hua lai pen hi bang in ka
gelh hi.
Note: A tangval min ahi leh Pauboi kici hi.)
“Itluat Upau.
Amasa pen in Pasian kiang ah hi bang
lai gelh thei dia damna hong piak ziak in kipahthu ka gen hi. Upau tuni a
na kiang a ka gen ut pen ahihleh na itna thu nawng gen a, kei bang
leltak numei mawlcik mi itdan theilo khat nawn it man in ka kipak.
Tunitan kong gen khiat louh ka lungguk thusim nang kiang ah kong gen ta
ding hi. Upau nang hong it zah mah in kong it hi. Himahleh ka kisuanlah
man in tuni tan bangmah thu hong genlo mah ka hi. Hun paisa a na tung ah
ka bawl khialh teng mawh maisakna kong ngen hi. Nong itnate ka phok
gige a, nang zong na zinsuk na zintouhna ah nang a ka hi cih thei gige
di’n kong ngen hi.Kei zong August kha a exam final zou ding ka hi ta a, a
lem theih leh hua lam ciang in kimukik sawm ni maw. Gen ut tam mahmah
ahihman in gelhgelh le zong laipuan in daihlo ding ahihman in hih tan ah
hun sak phot ni.
Nang a dia hing gige kei mah
Cingboi.”
ci’n ka khak a, khua hong vak in ka
omna lam mahnawh in ka paita hi. Lenna bang ah tuang ut mah leng zong
neihsa in zillou ahihman in train ah ka pai hi. Nitaklam khua hong mial
kuan in nidang a Upau in ong nuihsan laite bang lungsim mit in hong lang
dundun mai a, itluat na lam in tu’n hong zouta hi. Lawmte toh pai ka
hihman un mittui bang hong tak kelhkelh maimah hi. Lawmte chu nu leh
pate khialah lua dan in hong gingta sim uhi. Lawm ngai utlo ka hihdan
hong thei uh ahihman in.
Lawmte an a nek ciang un ann duh na
himhim a om ta kei. Lawm ngai ngeilo cih mahtak a ngaih vanglak tak in
chu buai huai petmah ahi ta . A zing ni in Guwahati ka tungsuk ua, hua
ni mah in train ah ka tuang uhi. Train sung ah kei sit ah tu in Upau
ngaihtuah kawm in mittui bang ka nul suksuk a, hua bang a ka om laitak
in mang bang ka na nei kha thehthup hi.
Ka manglam in ka Upau toh nuamsatak
in ka kikholkhòm ua amah leng suti hong pai, ken airport a va dawn huai
pat a resturant khat zuan a ka kholkhom uh aman a uniform te khek manlo a
hong pai ahihdan hong gen hi. Kipak tak a ka nuihkhawm laitak un ka
Upau ka en phei a Upau na puan toh kilawm samcia ci a amuk top dek chet a
ka kisak leh t t te ticket check dia hong pai uh a chiang toh hong na
to keukeu a hong phongchet leh mumang thou ka et leh uniform silh mawk
Upau bang cikha dek zezen in ka om hi.
Aman zong ka ticket teng dik na hiam
ci’n en a, dik zaw ahi ngei sam ding hong paisan pah vanglak hi. Tua hun
pen nitak lam dak 7 vel ahi. Kei leng ka tutna (sit) ah tu in nidang a
ka ngaihsak louh hong gen lai a ka thusim ut ngeilouh ciamnuihna bang a
ka laksak zel pa ngaihtuah in ka buai mahmah mai ta hi. Lungsim bang
suangtuah zel in hong it taktak mah ahi diam? Ken ka itna pen thutak in
hong laksak diam cih khong bang ngaihtuah nilouh in ka buai vengvung mai
hi. Ka kingaihtuah laitak in train sung a ann zuakte hong pai ua kuang
khat ka na laksaks am a, ne dia ka kisak laitak in Upau bang mitkha ah
luaiden mai veh o. . . Ne theilo in ka koihkhia kik a, aman ka pia hi.
Bangtan hiam zoh in miteng hong dai vekta ua kuamah pau bang ka zakhol
kei uhi. Dak ka et leh zinglam dak khat na pelmanta hi. Imu thei mahmah
lo mitsin suk cia zong Upau hong hel lai a, a omdan kheukhau te vel
mitkha ah hong lang a, ka nuikhia kha zozen hi. Tukvelh a ka dakkhiat
phei leh Khapi tang singseng ka mu a, lung bang hong phong ciaiciai
maimah hi. Khapi ka en vengveng a neulai hun bang phokkha thethup in ka
om a, neulai a Khavak nuai a lawmte toh Kabaddi te kimawl lai khong phok
in ka lung aleng petmah hi. Nidang a zaw bangmah zong phok ngeilo himah
leng hua nitak zaw hunlui leh Upau ngaihna in ka pumdimta ve. Dak ka et
leh zinglam dak2 bang na pel in ka puanza puak ka kikhuh leh gimsim ten
zaw ka hi ngeita ding, ka imu vengveng ta hi.
Lawmte’n zong imu thei khollouh lam
hon thei ahi sam ding vúa kuaman ong phong kei ua, ka khanloh a sana ka
etleh dak 9 bang na pel man, a kianglak ah ‘kala’ te singpi zuak
breakfast ding zuak in na au vengvung mai ua, chai–chai—chai.. garam
chai ci pawl toh biryani…biryani…biryani ci pawl toh na au vengvung ua;
kei tutna (sit) pen ahihleh a nuainung pen ahihman in lawmte’n bang hong
na ngaklah sim mahmah mai uhi. Ka thoukhia a, haa nawt, maiphiat khit
in breakfast ka sam ua, kong ne ngal uhi.
Lungzuan nate hong bei deuh simpian a
lawmte toh ciamnuih vel suah in ka nui suk ziahziah ta ua, sunnung dak 1
vel in zing ann ding hong kipia a, hua ka nek khit un houlim suk kawm
in ka na taitai ua khua bang hong mial kuanta Upau hong lenglat hun hong
tung zel amah ong pawtlai vel ka ngaihtuah suk vangvang ta hi.
Huci’n zan ka imu ua theihlouh kal in
ka om na mun uh ka tung ta uhi. Train station apat in auto la in ka
hostel uh ka tung ta ua kihahsiang in ka tawldam hithiat ua, ka lawmte
khenkhat in class a na panta ua, kou a tonkhom teng hua ni ka tawldam
uhi. Tomkha lou in lampaina hang lawmte zong gimlua zaw ahi ngei ding uh
hong imutsan pah uhi. Kei pen ka imu thei zok kei a, ka Upau ka
ngaihtuah kha nak hi. Ka Upau ngaihtuah kawm a ka om laitak in tawl lua
zaw ka hi ngei ding ka imusuk kha a, class la te bang hong topta ua,
ciak vengvung uh ahihman in ka imu thei nawn kei ua ka thou vek ta uhi.
Lawmte toh suti sung enjoy dan khong
ka kikum khawm nainai ua, a khénkhat in a ngaihzongte toh a hun zatdan
vel uh gen uh a, kei zaw ka zum. Upau toh kingai ka hihlam uh ka gen
khia ngam mahmah kei. Nitak ann nekkhit in TV en ut ten ka en ua kou zaw
gim mah ka hi ngei ding uh, ka lupna ciat vuah lum in ka imu pah
vingveng uhi.
Zingkhua hong vakta a class la dia
kisak ngaita hi. Thou phet maiphiat, breakfast bawl; hua khit in dak 12
tan class ka nei ua 12-2 pm kikal zing ann nekna hun ahi a, 2:15 in
class ka pan nawn zel uhi. Class lak chu nidang a bang nawnta kei.
Sinsak tute bang mawk nuihsan ek kha nepnop in ka om hi. White board
sung ah Upau ka kiang a lungkham gen ding bang theilo zezen a a tutlai
nite bang hong lang hi. Tu’n chu Upau ka na simmawh bawl a ka nuihsan
ek-ekh lai nite a guktak in ka kisik mahmah mai hi. Khakhat bang hong
beita ngailua petmah, mawk om leh lamet louhpi in madam in na phone ding
hong pai ci’n hong pia a, ei zong papate hi ding cia nui hemham kawm a
va houpih ek leh, itluat Upau ana hi a akipahdan thu vel hong gen a,
laisimna lam hong pibawl in ci’n hong hilh hi. Ken leng ka kipahdan kei
bang leltak hong itluat ka kipahdan gen vual ahi kei ci’n ka gen suk
mialmial hi. Final exam bawl hun ding vel ka hilh a aman zong hua hun a
kimuh theihna din panlak a sawm dan hong gen hi. Hua lai in zaw mobile
phone omta mah ve o. . . Himahleh mi hausa mahmah lou khong in a toi zou
khol kei uhi. Ken zong ka nei zou nai kei, himahleh lawmte No. Ka pia a
hih a hong phone zel ta in ci’n ka gen hi. Hua pat in ka kihou zelta
uhi, hua ban. Ka lawmnu toh lawmta ki it diak ka hihman un ka thuteng ka
gen vek hi. Aman zong hong theihpih mahmah mai hi. Kha 2 lel pai nailou
in ka performance hong kikhek mahmah mai a, ojapute nasan in lamdang
hong sa hial uhi.
Hua bang in huntam petmah ka subeita a
final exam na ding kal 2 bek in sam ta hi. Hua lai tak in Upau in hong
phone kha a, ka kihou uhi. Exam dek ka hihlam uh ka hilh a, certificate
lak khit cia innlam zuan dek ka hih lam ka hilh a inn lam ah kimu tuah
din ka kihou ta ua, ka ki it dan thu ngen uh ka kikum ua, theilouh kal
in dakkal khat vel ka ki hou nung un a balance bei dek ta ahiman in ka
hunsak ua mangpha ka kikhak ta uhi. Hua zan zo Upau aw kizasam ahih cia
imut bang leng anuam mahmah mai hi. Exam zou certificate lak ding kal
ngak in ka om a hun awl kihau mahmah ahihman in Upau ngaihtuah den in ka
om a innlam paikal ka upau toh nuamtak a hinkhua zat ding kal ka
ngaklah mahmah mai ta hi. Lai teng sufel inn lam kong zuan ta a phur
mahmah ka hihman in, nidang banglou tak in train hita zong in, bus sung a
tuang leng zong gim huai mahmash na ven hua lai ak in zaw phurna toh
kipai ahihman in gimluat lam theilou in Upau toh kimuh ding kal kinem
tak in innlam manoh ka hihman in ka tung pah uhi.
Ahi tak in zaw ahun lut dan nidang
toh kibang thou mah veh o. Nitak khua hong mui laitak in mei san
singseng hong suak a Upau mel bang hong lang liang veh o. Khua hong mial
a Upau hong pot ding kinem sim gaugau in ka na ngak a, himahleh huai
nitak zaw Upau mel muh in a om ta kei a, lunggel bang hong kidang mawk
a, zan khuavak in ka kingaihtuah a, ka Upau in ka muh ut luat lam thei a
hong itna cia muang a diam, ahi keh hong ngailoupi genkha ta vanglak
cía thangpaih pan a hong a de o. Ci’n ngaihtuahna hoihlou tuamtuam bang
ka suangtuah ek mawk hi.
Ahi tak a chu kei ma a innlam pai
di’n kigen ahihziak a lunggel hoihlou tengpi nei kha ek mawk ka hi.
Tua bang khong ngaih tuahtuah a ka omlai in lampaina gimlua ka hi ngei
ding a, ka imu suk ta hi. Zingkhua hong vak in thou in ka guk kan leh
hong tung na sawtta paikik lam hi zaw in teh ong kicihsan a, lungsim a
chu ong ngailou a ka tunma a kik ahi ngei ding ci’n ngaihtuahna ka nei
mawk ta hi
A zing ni in zong hong pot tuan kei
a, kinepna thawn bang in ka kingaihtuah ta hi. Hong pawt nawn ding cu
gingtat huai nawn kei hi . Lawm dang ngai dan in ka koihta mai hi, cih
leh kingai siat tak a ka om lai in gingtat louhpi in kal khat phial
cing kuan in upau hong pot a, ka na nuak beubuau mai hi. Nuaksan in room
lam a ka lutsan leh ka nu’n hon tai zomah hi. Ngai kei le teh zong
houpih bek in ci’n hon sawlsawl a ka hehtha lah suak mahmah, amah kia a
tutsak ek di ka cih leh pai ngei mahmah lo atawp in ka va tutpih khong
sam hi. Cih leh dah mel tak in Cing bang ziak a hon hehsan mawk na hi
hiam? Ci’n hon dong a, nuak kawm tak in ka heh kei ci’n ka kihei
khiatsan a, ka liang ah hon koiphei a, van khat hong pia a, ken le na
nungaknu va pia ve, bang hong hih na hi hiam ? Na ngaihzawng nu’n hong
thei leh nang a ding in hoihlo ding hi . Paita in ci’n ka gen khum ek a,
lungsim khat a hong paisan taktak d cu ka lau gu mahmah mai hi. Aman
zong Cing kong pawt manloh ziak a heh na hi hiam ? Huaziak ahihleh zaw
kei heh hi leng kilawm zaw di’n ka um hi , hon ci mawk a, lunggel khat
cu hon tuam mahmah mai hi. Ka pa’n nang hong tun ni chet in hon omloh
san a, na mel muh ding kinem tak a ka na om leh na mel leng ka mu kei a,
aw ! Heh na hih leh ahoih ve kon na paisan. Kei mawhna dan a koih
teitei lai na hihleh ci’n hong ding vat a, kni zong a khut man thak in
Upau sorry lua aw, hon ngaidam in aw . Nang lam thei phalopi in kong
itluat ziak in kon na hehsan kha hehpihtak in……. Ka cih leh amah zong
thumang tak in hong tu nawn a, avan puak pen hong pia thak a, ken zong
ka sang a atuamna thupi mahmah ahihman in ka en ngam pah kei zezen a
kipaktak in ka nui khawm helhel ua; ka ki itdan thu khong uh ka kikum
ua, zan sawtsim ta ahihman in kipaktak in hon na paisanta a, ken zong
Upau zingcia hong pawt nawn in aw ci’n ka kimangpha ta uhi.
Kei zong insung ah ka lutphei a Upau
hon van puak ka en ngal hi. A hoih tuam mahmah mai a, a phel bang a hak
sim zezen hi. A sung ka et leh cikmah a neih ngeiloh mang a zong matphat
louh et leh a navak sengsang ngal a, et lawm mahmah mai. Phone khat a
na om hi. A wall a Upau lim ana tuang ngal a, nei pan cih mah tak
akhoihdan ka siam mahmah kei hi .Ka mekmek leh a sung ah Upau no. kia om
ahihman in call vel ka va bawl kha thethup zozen hi. Sawtlou cik in
hong ging lengleng a, phone hong pai ding khong sa in hello khong ka ci
thethup a, kuaman hong dawng ta kei a, et thak leh 1message recived cih
na kigelh a, kizephok mahmah zaw ka hi ngei ding, ka guk nuih treutrau
hi. Et leh Cing imuta maw den a nong om dan ka lunggim lua man eive tu’n
zaw non thei siam thak a ka kipak. I love you Cing. Dam mang man ni maw
cih na kigelh a, ken leng thukkik ddan zong thei siam nai vetlo ka
hihman in lungsim in zaw awle hi phot mai heh zingcia hong pawt sawm
teitei in maw ka ci sam hi. Nei thak pan cih mah tak zan khuavak dek zen
in a khoihdan ka kisin ek mai hi. Zinglam dak3 in zaw hak zou nawn
mahmah lo ka hi dia, ka imu khata a, zingkhua vak in ka innkuan te’n mi
imut hak lam theilo in hon zing phongphong mah le uh phong zoh vual louh
in ka imu dingdeng hi. Ann nek hun in bel ka pa zaw heh piansim ahi
ngei dia amah hong kuan khong a, hua in zaw ka thoukhia nomnom sam hi.
Maiphiat ann nekkhit in sep ding bawl
ding teng ka sem a, sepkhit in imu thak dia ka kisak leh Upau in
munkhat ah pawt din hon zawn a, na kisa in hong ci a awle cin ka na kisa
citcet a, ka innkuante’n cu koi a hohdek le ei diam maw ci’n ong
buaipih mahmah ua kuamah kia ka hohna di gen selou in Upau in kingak d a
cihna mun ah ka kingak ua, hua pat in ka hohna di lam uh ka zuanta uhi.
Mun awngthol deuh tak mai khat ah hon paipih a, kei leng huai laitak in
cu ka lungsim a thawmhau sim hi. Ka ngawng ah hon kawi a, ka muk hon
tawpsak hi.
Huchi in, ka awm hon sawk dek a, ken
zong a khut ka man a, Upau nawn it taktak na hiam? ci’n ka dong a, aman
zong Cing kon it leh itlouh nang na thei hon ci a, cih leh Upau nong it
taktak a ahihleh hehpihtak in hi lam zaw hi dah phot hen, nang a di mah
ah,i ngaklah lou tak in ngak le cin a hun hong tung na ding hi. Nang a d
in ka na kikem siangthou gige ding a, siangthou tak in i kiteng zaw
ding ka cih leh, aman zong Cing nungak piltak leh teitak mai na hi kon
it lua mahmah a, na thu ka mang ding hi, ci’n hong gen a, hua ka kholhna
ua vakhu a kop a hong leng deldel ka mu ua, Upau in zong Cing hua
vakhute kizui bang a kizuih kal ka ngaklah e… Amau leng a sihtan ua
kizui hia, ei leng huate bang in lung kituaktak in kizui den ni maw,
ci’n hon gen a, ken zong hi tham e, Upau ka ci hi. Sihna in hong khen
louh buang singta in hong khen kei ta hen aw ci’n hon gen a, ken leng
ciampel kei ni maw Upau ci’n a tung ah ka kingamsuk hi. Ni bang hong
niam sim ahihman in inn lam zuanta ni ci’n ka pai ua, ka kikhen kuan un
ka kitawp chenchen ua, Cing a lem leh nitak cia hong pawt ning maw, nek
lim ni ci’n ka kikhen ua innlam ka zuan ta uhi. Intung kihahsiang, ann
nekkhit in Upau ngak in ka na om threnthran hi. Khua mial in ka phone
hong ging a, ka et leh Upau ana hi a, ka houpih leh Cing tuni tak kong
pawt man kei ding hon ci a, ken leng poi kei ka ci hi. Sawtlou cik in
kong hong kikiu a, ka hon leh Upau ana hi a, kong pawt man kei ding na
ci a, ka cih leh buai zae buai thou mah ingh hileh zong hong ngai lua
ka hih cia, hong pawt teitei ka hi hong ci a, hua di’n nong tung baih
ngei ka cih leh na dahlua man hiam cia na lungsim hong en ka hi, a ci a
dah thou mah ke na buai luat leh ka ci a eifoi ka ci a, nui thremthram
kawm in ka kihou ua, zan bang hong sawtsim ta a, pau tam khollou ahihman
in ken leng Upau hong pau zel ve, eh sory na min in kon samkha chih dan
vel in ka ciamnui a, ka nui nalhnalh uhi. Aman leng a suti bei dekta
paidek sim ahihdan hon gen hi. Ken leng nurse training kizou sam Govt.
Job lah kimu zoklou, private khong a sem di gamdang a cih vel ka gen a,
aman cu Govt. a mu leng zong sep ding hon phal teuh lou dan hong gen a.
Omkhawm nailou i hihman in, na nu na pa lah tekta na inn ua na om sung
zaw ahi theithei sep ding mah ahi. Ci’n hong genpih a himahleh Govt. Job
try lou himhim din thupiak in ka om ta hi. Bangbang hiam kikum kum ua,
zan bang sawt simta ahihman in mangpha ka kikhak ua apaita hi.
Kei zong ka lupna lam zuan in ka lum a
ka imu ngal hi, zingkhua vak in ka thoukhia a cih leh innkuante lam pat
in kitaina tuamtuam ka za a, himahleh kuamah deihsakloh ziak a ka Upau
khen thei vual ka hi ta kei hi. Ka innkuante’n apu, apa khang ua mi
citak omlo ahi uh. A hih thei leh ahun lai pet in kikhen zaw mai un,
himahleh khen teitei in hong cicu ka hi tuan kei uh na ki itna kal uh
hong subuai ut ka hi kei ua, na maban ding hong khaulpih ka hi ci khong
in hong taihilh zialzial uhi. Himahleh ka itna pung deuhdeuh mai a khen
theilo ding ka hihdan ka gen a, ka pate’n nang thuthu ahi na maban a na
tuah cia ong mawhsak ken maw, ci’n hong hilh ua, paulo phunlo in ka om
a, ka it mahmah ka Upau cu ka ngaih tha bang hong suak vungvung mai hi. A
nitak in ka Upau hong pot a, zing mah a zin ding ahihdan hong gen ta a
ka ngaihna zaw a pung hulhul mai. Upau na nasepna lam ah lia zatam apal
zong in kei din na itna khuambang khauh sak den in maw, ka ci a, amel ka
et phei gaugau leh a hoih deuhdeuh mai a kei zong kidek zou nawnlo in
amuk ka tawpsak hi. Zan bang hong sawt sim kikhialah mahmah mai lei zong
kikhen hun zel hong paisan dekta a, ken zong ka kelkong bul tan uh ka
va kha a, Upau zingciah lah hong kha manlo ding ka hih ciang in mangpha
man ni maw cin mangpha khakna din khatvei ka kitawp lailai ua, aman zong
Cing na heina peuh ah kei din khuambang na kip in maw ci’n hon paisanta
a, kei zong lutphei in lupna tung ah phone ka mek a Upau msg. ka khak
hi. Itluat Upau na vangngai in zaal khun tung ah maimit sing thei kei
veng ka siang a naubang kipom a i nuihlaite maimit a luai den e,
singdang ang na koi mahmah ken maw kon ngai lua Upau mangpha man in maw
ci a ka khak leh aman leng Cing bangmah ngaihtuah ken na imuta in khovel
nek zonna ding in zin phamawh ahihman in ka va zin dia kong tungkik lam
ciang in lak kon sawm ta ding. Na imu ta in, ken le kon ngai ei mangpha
imut lim na mang ciang hong na man sawm in maw ci’n hong khak kik hi.
Kei leng ka sim khit in ka imu pah vingveng hi. Khua vak in ka Upau in
Ching ci taktak in na pang in maw, kei zong nang adin ka na pang den
ding bus ah ka tung ta om nuam, sweet heart ci’n hong khak a, ken zong
nang leng kuan nuam Upau nang a di hing na ngaihno Chingboi ci’n ka khak
ta hi.e
Khua hong mial a Upau hong potlai
nite cu a ngaihhuai thei khop mai ta a, zan ciang bang in ka lung a leng
thei mahmah mai hi. Ni te hong bei zel a ka pa bang le a sepna hong
pension ta a ka khuasakna uh cu hong buai deuhdeuh ta mai hi. Eibang le
nurse training zou kihisam na a sepna neilo in ka mawk om a, lung ka gel
a niteng khuasakna le buaita ka hihman un Delhi lam ah private hospital
bek ah a sep thei khak leh ci’n ka khuate uh khat om ahihman in amah
bel din kuan khiat ka tumta hi. Zin dia ka kisak laitak in ka Upau in
hong phone a thil omdan teng ka gen a, zin dek ka hihlam leng ka thei
sak a aman leng lem hon sak pih a, zinkhia di’n ka kaunta hi. Delhi ka
tun in cu mi inn bel in tawm kha sepna ding ka zong a, sawtlo cik in ka
mupah vang lak a, hostel a om kawm ding ahihman in ka mibelhte zong ka
subuai non khol kei hi. Hucia kilohtawm in ka om, a ka summuh sun teng
leng ka duh ka deih leina ngamlo in inn lam ka thon zel ta hi. Upau toh
kihouna ding hun leng ka nei vang mahmah mai hi. Ngai thei lua petmah ka
hihman in ka hun neih sunsun ciang bang in ka kihou zel sam uhi. Hunte
hong pai tou zel a kumte bang hong bei zel a Upau toh inn lam ah nuam
tak a X-mas zang khawm din ka kikum ua, X-mas naita ahihman in X-mas
zang khawm din ken leng suti ka laa a innlam ka zuan ta hi. X-mas in
Upau toh vengsung khat hi kei mah le ung nuam tak in ka zangkhawm ua,
hua kum ka X-mas zatna teng lak ah nuam ka sapen hi. Banglampang pen
nuamsa ka diam cih zong gen ding ka thei tuan kei hi. Ahi tak in ka
gintak dan in Upau toh nuam tak a kizui khawm dialdial a ka zat khong uh
hi in teh. X-mas te hong bei in kumte hong thak ta ahihman in lunglen
cu hong kipan nawn sim ta mai hi. Innsung khosakna haksa ahihman in ut
in ut ta kei lei kikhen hong ngai zel ta a, aman leng a omna lam zuan in
kei leng ka omna lam ka zuan ta hi. Ka sepna private hospital himahleh
senior sim ta ka hihman in inn pansan a sep theita cih ka hihman in
lawmte bang zah hiam toh ki share tuah in inn saap ka la ta ua hua apat
kileh in ka sem ta a, nikhat ah dakkal 7 sung duty tang ka hihman in hun
awng cu ka hau sim ta a, Upau toh ka kihoumun sim ua aman leng nikhat a
sungkuante’n hong deihsaklo ahihdan hong gen a, hua kawm kal ah ginom
tak a pang din ka kichiamta uhi.
Kougel ki it mahmah ka hihman un, kua
deihsak louh a pian thei ding zong ka hi takei ua, gentheih haksatna
tampi kawmkal ah kong kingai tou ua, kum 3 lam bang na pha man hi, ka
kingaihsung uh. Ka lawmte ka room mate te khat leng a ngaihzongpa’n
zidang neihsan a, huai lai in zaw ka nuihsan heuhau lel hi. Mi’n bangtan
tuak a cih theiloupi in a ngaihzongpa zi neihsan lai bang in ka thusim
het kei a, amah lah kapkap mai ahih cia pau leng ka paupih nawnta kei a,
awl-awl in a lungzuan khongaihna teng hong bei hiaihiai a ciamnuih in
ka nui khawm nalhnalh thei zel ta uhi. Kei pen ka Upau toh kal ah melma
za in atam zong ka kip laitak uh ahi hi. Ka Upau zong suti vel apai
ciang in Delhi ah hong kibang malam a, hua khong ciang bang in hun anuam
thei pen in ka zang ua mun tuamtuam ka va etpih zel a, kou gel cu ka
kihou nak uh leh atam zaw itna thu ngen kihou ka hi uhi. Ka mel a nong
muhna din ci’n suitcase khat hong present hi. Hua kum in X-mas zang din
ka pai nawn leuleu a, Upau toh zang himah le ung a kum masa apen khel
ding a om sam kei hi. Nuam cu ka sa veve thou sam hi. Kumlui nitak khapi
fullmoon ni toh kituak kha a, Upau toh kumlui khakhawm din ka kizon ua,
nek ding bangbang hiam pua in lawmte toh kumlui ka khakhawm nainai ua,
kei toh Upau pen khavak amlah lua ka hihman un a pamlam ah singphung ah
khavak en in ka kikawi treptrap uhi. Lawmte’n bang hon hehsan pian sim
ua, kou bel a theilo ka kipang thouthou ua, kiten hun ding bang ka kikum
khawm ua ken bel 12-12-12 hoih ka sakdan ka gen a, Upau in zong hong
lem sakpih a kum 2 in samlai ci’n ka kiciamnui ua, ka biang hong mek sak
a ken zong, se ! nuam mawh teh, ci’n nui heuhau kawm in Upau ka et leh,
kha vak in a salh khakna teng hoih diak in ka mu a, etlawm sa lua in
Upau na mit sing zual di, ka cih leh a si pah a, ken zong a muk ka
tawpsak a hua nitak a hon eng bawlna khat ka mangngilh thei mahmah louh
cu nang le tun na mit si awle ci’n hon sawl a ka sin leh lung nou khat
hon pia a, kipak tak a ka et leh lungnou ana hi. Lau lua mahmah ka
hihman in ka kikou ciaicuai kha zezen a, lawmte bang hon na laupih man
mahmah zaw ahi ngei ding ua hong delh pah uhi. Cih leh kou kiciamnui ka
hihlam uh ka gen ua, kou zong lawmte toh kikhol in a nuam thei pen in ka
zang ta uhi.
Khuate hong vak a, kumte hong thak ta
ahihman in innlam ka zuan ciat ta uhi. Kum thakta khiaklah Upau toh
kikhen khiat hun zel. Ka kuan lam un ka omna tan uh hon kha a, hua pat
in amah omna lam a zuan ta hi. Ka nasepnate sem zomzel in Upau ngaihna
toh nna ka sem trentren a, nasep bang anuam thei khop mai. Upau
ngaihtuah kawm a i sep leh cu hunte hong dang tou zel a, ka naupa’n bang
zi hon neihsan ta hi. Kou lah ka hunciam uh tung nailo ahihman in
naute’n hong na neihsan kha hi. Sawtlo cik in ka naunu’n le hong neihsan
a kilengkul pian sim zozen eita ve maw cih lung gelna ka nei hî. Hua
kum cu lungdam pawi inlam ah ka kihelthei takei hi. Naute zi nei, pasal
neih toh insung ah sum senna d tam deuhdeuh mai a, hua ziak ahi. Ka
kihellouhna. Upau in hon zon mah leh hua kum lemtheilo ding ka hih dan
ka gen ta hi.
Tua bang in ka upau in zong a awm
nalam zuan in ka sep ka bol ngeina te uh ka bol ta uhi, ka upau toh ki
it mahmah ka hih man un a ki thang vengvung ta mai a inn kuan ten hon deih
sak kei mah le uh singta khen zo vual ka hi ta kei ua ka innkuante uh a
phun apau awm lo in upau alamte hi in kou alam te hi ta leh a et in
hong et thoh uhi. Upau zong a awm na pan in delhi ah hong hoh thei zel a
nuam tak in hun ka zang uhi hualai ka hun zat uh a nopdan naupang pau
thei tung bang mah theinai lo ki mawl bang in mawlcik in nuam kasa thei
pet mah uhi, keipen upau mel amuh aka muh ciang in ka lungdam top hi.
Kanaupan lengzi nei ta ahi man in cin innlam kavapha zual a hua tung in
zo upau hong pai lo ahi man in a thom hau huai khopmai. Kanun nikhat
hoih tak in honghou pih ngaungau a boi nanau in zi hong nei ta a nangzong
naupau toh khen zo vual na hi kei uh cih kong thei a,nikhat ni ciang
nakhitui na nul ma in pasal nei mai in cin hong sol a kenlengbang mah
gen se loin ka awm dingdeng lel hi. Suti sot nei lo ka hi man in ka kuan
nawn pah dingdeng hi ka awmna delhi tualpi ka tun chet leh innlam apan
phone khat ka ngah a nanau in pasal nei zantak aki tai uh cih thu ka za a
zum huai kasa sim mahmah ta hi. Mite thei a nungak gina lo pasal zong mu
zolo numei hangsan anauten le nei ta amah agina kei a a muh lo hi,cih
kong min hon ngaituah dia kua man mi in leng hon mu ken cin cih vel
kangai tuah kha den mawk hi. Ka tup na cu kanau tumpen pa uh pawl X azoh
mapasal nei lo di cih ka lungsim in atup ziak in neicu ka sawm na him2
kei ahi tak in genlei zo kei leng upau in kitai dia hong zon mun thou
eive.hunte hong mualliam zel a upau toh kaki ngaih na uh kum 4 pai khin
ta a akum5 na lut lel ka hi ta ua,upau in hong houpih cia atangpi cu
itna thu ka gen ua aman cu itna thu leh damdawi vel atangpi in hong kan
sek hi. Kaupau cu mi dam thei lua ahi lo man in damdawi poi moh den mi
ahi. Gen siam hi mai leng aw ka upau toh ka ki na uh kuatan gibang khen
ngam din ka um kei mai hi.
A kum ngana bang ka lutta ua
sungkuante’n lah hong deihsak omlo kawmkal ah itna mitdel bang mai in
kong ki-it ta ua, amah sungkuante leng Upau adi’n a thuak khop ten mai
a. himahleh hong it lua ahihman in khen ding simthu pen hong lel ngei
vetlo hi. Zankhat cu ka imu thei ta kei a, ngaihtuahna ka suangtuah den
a, Upau toh kiteng a ta lèh nau bang neita le ung alang alang ah ka buai
thou ding ua, kuamah deihsaklo a kiteng ding ka hihman un cih bang ka
ngaihtuah a zan bang imu theilo dek pian sim in kong om a imu theilo zaw
hi cia sam khang khuavak kuanlam in ka mit ka sin leh ka imu vanglak a
mangbang ka man nianuai maimah hi. Ka mang in Upau toh munkhat ah ka
pawtkhawm ua hua ka potna lam vua guah (rain) thakhat in hong zu a, ka
kawt dildil ua, vot cu ka sa sim mahmah mai uhi. Vot sa ka hihman un
singphung nuai khat ah ka kikawi tiktek mai ua. Guah theu in innlam zuan
di’n kong paita uhi. Cih leh guah tamsim ahihman in ka kuan lam vua lui
neucik khat paltan himah le ung ka palam un tui na khang a, alui na hat
sim buabua hi. Upau ka saklam ah pai a ka khut hong len in lui paltan
kong sawmta ua, pal galkai dia ka kisak laitak un thakhat thu in suang
nal a nal khat ka sik kha vat a, ka kipuk hi. Tui hat sim mahmah ahihman
in Upau in zong ka khut a hong len den hinapi in thakhat a kipuk ka
hihman in hong khah suahta a, tui in kei hong tai sukta hi. Upau in
hutkhiat hong sawm mah leh hong honkhia zolou in akap lualua a, Ching
tua kei bang ci khosak ding ka hiam nang tello in, ci’n luipang ah hong
nung delh a si nailo deuh ka hihman in thakhat in Upau ka mu a, a mittui
a naptui toh pum dim in delh zong hong delh zou nawnlo in mukhat ah
tusuk in akap a, hua laitak in ka lawm nu a nasepna duty dia kuan dek
ahihman in hong phong a ka khanglo ta hi. Dak ka et leh dak 9 bang na
ging man hi. Ka mang ka lung nuam thei mahmah lo ahihman in ka lawmnu
pawtkhit in ka tha nguai mahmah in awl-awl in ka kap hithit a, Upau ka
phone leh lamdang asa mahmah mai hi. Bangthu om ahi hiam nidang a kihou
ciang in na kam tei mahmah mai a, nui den hilo na hi hiam ? Tua na kah
aw nawng zak sak mawk bang thu om hiam? Ci’n hong kan a, ken zong ka gen
leh hua mang ahi lel hi. Hong khahsuah ngei peuhmahlo ding hing ci’n
hong nem a, kipak tak in na om in. Koimun ah ka om zong in nang a ka hi.
Ngaihtuah nawn ken ci’n hong gen a kipaktak in ka hun sak uhi.
Tua dan in ka koih ua himahleh ka
lung cu anuam thei hetkei hi. Lung geelgel a om ka laitak in duty bang
ana hun man thethup a, kin a kin in kithoi in hospital lam ka delh a,
dawmdoi inn a patient te etdan mumal zong ka neithei kei hi. Lung nopmoh
tak in ka om a, ka lung bang leng ciaiciai mai a, nunu, papate bang a
ngaihhuai thei khop mai. Nasepna ah lawmte’n bang lamdang hong sa mahmah
mai ua, damlote sukkhial khak ding bang hong lauhpih petmah uhi.
Himahleh vangphat huaitak in bangmah sukhial kha lou in ka om vang lak
a, duty timing bei in ka omna lam zuan in bus sung ah ka tuan laitak in
ka lungleng mahmah mai a, ka mittui bang hong gel a ka nute toh phone in
ka kihou ua, ka kap kha zozen hi.
Nunu kong ngailua ci’n ka om nelnul
mai hi. Inntung kihahsiang in ka om a, lunglen tha suak lua ahihman in
laa bang ka ngai a, Tunnu Zogam vangkhua tual nuam a ngailo lah hi tun,
zua laizomte a ngailo zong hilo ci’n gamngaih la khong ngai in lungleng
tak in ka om a, mittui bang hong pot nolnol maimah a, ka lawmnu hong tun
in bangmah theilo dan in ka na om a, ka mang bang ka gen pah hiauhuau
hi. Hon thulak khol kei a, na lawmpa toh kitengkhalo di na hi, hong ci
a, ka hehtha khong a suak mahmah hi.
Heh sim beubau in ka om hi. Zankhua
hong mial in ka Upau in hong phone a kipaktak in ka kihou uhi. Kha 2
khong in samta a December kha bang hong tung dekta a, Upau toh kitenna
ding naita ci’n kipak sim tak in ka ngak threnthran a, lunghimoh sim mah
leng Upau aw ka zak ciang in ka lungkham mangbatna teng bei deuhdeuh a,
Upau in zong kiten kal a ngaklah dan thu khong hong gen a, ngaklah kawm
sim tak in ka ngakta ua, khakhat in hong sam petmahta a, nai panpan cih
leh Upau in hong houpihlo deuhdeuh mai a, lamdang bang ka sa top hi.
Lungnuam khollo tak in om himah leng Upau aw ka zak nak leh kipahna in
dim gige ka hi a, Upau in hong phone kha chet a, kipaktak a ka houpih
leh nuinui. . . . . . ! Kahna di thu ka za ta mai hi. Amah kam a pot
di’n cu ka um ngei het kei hi. Numei ginalo hangsan na pu na pa ua pat a
mite theih a gilo cia ki gengen te na hi lel uh. Ken nang hong deih
nawnlo, khanawn cia zinei ding ka hi. Hong subuai se ken. Kong mu peih
kei. Na aw le ka luak a suak mangpha ci’n hong koih khum vat a, Upau
apat hi bang thu za di’n ka pian, ka khan in ka kikoih ngei kei.
Himahleh hi bang kong zak in ka kahtha suak petmah a, kah cih tak in ka
kap mai hi. Hua ni cu ka mittui kholkhom hi leng, bel bangzah hiam dim
zou din a gintak huai hi. Kapkap mai in ka om a, ka mittui cu kham
vualloh tak in luang zungzung mai hi. Ka gingta thei kei. Himahleh ka
Upau aw lah ahi ngal a, amah No. leng hi zomah. Ka amhai zou dek zezen
hi. Ka Upau msg. ka khak a, aw Upau hong ngailo na hi sam leh zong
kamdam a kigen theih thou sam hia maw ! A tung apat a kei hong pat zaw
hilo hia ! Nang mah in nòng géngen ciang a aw ka na cih khak hia maw. Ka
selung mawl ziak in angkoi loh ding tongdam kong na sansak khata ve
maw. Kou zong mibang in na khosa thei deuh hi le ung na angkoi dia
phungcing ding hi ing a, a maw lelliang keimah na vangngai in luankhi
nul ding mah hing cih ka khak hi. Ka lawmnu’n a thuak lai a ka thusim
utloh aman leng hong thusim ut kei a, ka kapkap mai ta hi. Zankhua in ka
mittui daibang thenglo in a kiata mai hi.
Zan khuavak in kap leh mau in ka om
a, zankhau cu a sot khop mai. Khattang maimit singlo luankhi nul na din,
ka hun luite ka phok vungvung mai a, ka kingaih tung lai vua ka nu hong
thuhilh nate lungsim mitkha in alang hi. Hi ci ding na sa leng zaw maw
nu aw na thumang in na om mai ding hi ing a, na thumanglo a ka Upau ka
cih tentan lai ngai nang e nu aw ci’n lupna tung khong beng in ka om
vutvut mai ta a, ka kiang a lum ka lawmnu cu hong na ning khopmai hi.
Selung mawl luat ziak in mi thugen teng ka na up cu, kei dia kahna ahi
maimah ta ve maw . . . ? Tun leh zua hong itna cu ka thei ciang khopta
hi. Zingkhua hong vak a mittui lah a thengthei mahmah kei, ei lunggim
ziak a mikhut nuai a kiloh suti mulo a mawk kai louh lah hi thei samlo.
Mit pawm teltul san gialgual in ka sepna hospital lam ka manoh a, miteng
muh a mittui nul teitei dan ömlo lah ka kikham zou mahmah kei a, aguk
in lam paina bus sung vel ah mittui nul in ka om den a ka sepna mun ka
tun in ka seppih ka lawmte’n hong muh phet un lamdang hong sa petmah ua,
hong na kan siausiau uhi. Gen dia ka kisak cia gen thei mahmah lo in ka
kapkhiasuk kha zel a, ka madam nu un hon muh phet in hong sam ngal a,
ka tancin ka gen leh aman leng na tuak kha ahi a, hong hehpih mahmah in
kal 1 leave hong pia ngal a, ka loh cu full payment di’n hon gen sak a,
innlam ah sawlkik in ka om ta hi. Inn ka tun in ka sungkuante ka phone
ngal a, a taktak hina ding hiam cia ka dot leh a taktak mah ahihdan hong
gen vua, ka thu na mang louh ziak ahi bawi topta in. Pasian in nang a
dia a lemgel louh ziak hi lel ding hi. Damtak in nong om dia, Pasian in
nang toh kituak midang hong guan na ding hi. Kingaisia lua ken. Khovel
ah apatna na hi kei hi. I pi i pu Khupching leh Ngambom tanciin na
theihsa hilo ahi hiam ? Min vai teng suveng khin vek ta hi. Na Upau in
hong itlou hong ngailo hi hetlo hi. A sungkuante a thuak zohloh ciang in
paulo a, a om leh hih bang vai hong sai khiat uh ahi ci’n ka nu’n hong
gen a, ken zong nu kong ngailua ci’n ka kap lualua a, ka balance na bei
man ahi dia, ka kahsung in ka phone na mitman hi.
Hauci bang a kap leh mauna in ka
hinkhua ka zang a hualai in bel la deih mahmah khat ka nei a “ka tan
tawk” cih laa cu ka ngai cim thei kei hi. Hih la ngai in zankhua sunkhua
in ka om a thusia zaw thang hat mah hi ven, thusia ngen ka za mai hi.
Cih nang theilo dah leh ngui tak a ka omlai in moupoi ding ni 3 bek in
samta a, Upau in hong phone a, houpihlo ding tum mah leng kidek zounonlo
in ka houpih sam a, amah thu a hong khen ahihloh dan leh hong ngaih
luat dan hon gen a, himahleh ken cu hong ngaih saksak nawn ta kèn.
Moupoi ding naita hi ka ci a, aman le moupoi cia hoh din hon cial a,
nuam moh sa kha in teh ci’n aw ka na ci sam hi. A hih vang in moulopna a
va kihel leng buaina pian kha in teh ci’n ka kihel kei a, inn lampai hi
leng ka thu zak ding teng thei khol ka hihman in innlam zong ka phata
kei hi. Moupoi zouta a Upau in zong nei taktak ahihman in ka hinkhua
kisikna in dim mahleh, na piang ding om nawnlo a, “SE LUNG MAWL VANG
HIAM LEL LIANGLUAT VANG ” ka ci nasan cu a inkuante’n hon deihsak lohna
ziak uh; hua ziak di’n ka um.
Lungdam.
Beita
Note: Sukkhial a om khak leh ngaihdam.
©Siamsinna leh Vakiangbu
Comments
Post a Comment