HINKHUA A LAMPI NIH TOTNA

By ~ Nunthuk Joe

Leitung ah i pian khiak in sia leh pha theihna toh piang khawm lou in sia leh pha khen theihma teng  nu leh pa’n lampi khat ah hon pitou uh hi. I hong khang lian a, kholak khong ah lawm leh vualte kipawl in khotang hinkhuate kizang tou  in i sia leh pha theina hong bukim in i hinkhua ah zuih ding  lampi nih hong om a lampi khat zuih a hong ngai hi. I tunung hinkhua ding huai ah kinga ahihman in i deihna nguntak a tel ding poimawh hi. Kei hinkhua a ka na zuih khak lampi khat hilou in lampi nih kawm tuahna a hong hi maimah hi.

Naupang hinkhua ka  hon zatkhit nung sawtlou in  lawmte toh hong kipawl tou in nopsakna, kholai utna toh nu-le-pate mitmei venna in hun ka hong zang tou a, hinkhua a lampi khat in siatna lam hon tun in khat pen in hoihna lampi hong tun thei hi. Huai hun lai in  lampi tel ding theilou ka hihman in lampi nih ka hon kawmtuah a, haksatna hong kipanta hi. A lampi khat ka hon tawn a himahleh kei utna ziak hilou in innkuanpihte thuhilhna ziak ahi a, ka lungkim thei kei. Kholak leh leitung nopnate lampi dang ka hon lunggulh a, lampi dang khat kawmtuah sawm in haksatna gammang ka hon phu hi.

Lampi dang ah ka hong tung a, leitung nopsaknate hon zang in, himahleh ka kipahna a buching thei kei . Innkuan pihte itna in lugsim hon buk den hi. Lampi khat ah ka kik non na di’n ahaksa gammang phut ngai in lampi khat ka tung theih na’ng in leitung thilte ka koih khiak a hong ngai zel hi. Huai ahi gammang phut ngai ka chih na. Lungkimna bei in lampi tot louh nana lunggulh in  ka hong om hi. Haksatna i tuah hun ciang in lampi hoih tot lunggulh in, lampi dang zotsan in ka om zel hi. Haksa sa mahmah in tutan ka buai kholoh den hi.

Lampi ninte a hihhleh :1. Jesu Krist nungzuihna leh 2. Khovel thilte lunggulh na ahi. 
Lampi masa pen i zuih in haksatna tampi i tuak tou a, lampi dang ah pialsan abaih mahmah hi. Himahleh a topna zaw kipahna thuguk ahi. Lampi nihna pen nuamtak in kipan a mithiptak in maban a i tuah ding thilte ah i lungtang hih mial in  a lampi tot nuam in lampi dang a pialsan a hakkol puak toh hong kibang hi. Gentheihna ,lungkhamna ah hon pi lut a, atawp in sihna hon tuntu lampi a hong hi hi..

Na lampi ding in bang na tel dia??? Lampi nih kawmtuah mi hilou ding leh a tawpna kisik vungvung a hinkhua zanglou mi na hong hihna din ”NA LAMPI ZUIH EN PHA KIK IN” na thupukna na Tunung Hinkhua ding chih mangngilh ken.

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more