HEHPIHNA KA HAUH LUATZIAK A NGAIHZAWNG NEILOU KA HI ZAW!!!

By ~ Lyian Tonsing

(Laigelh kizilna leh chimthoina)

Mihing a piangkhe photphot itna neilou om di’n ka gingta kei. Huchimah bang in kei achin loupen, asiamloupen inle azawng-ahau in i tan kibang (i neih kibang) a i na neih uh iitna ka na nei lotel thamtham.
Nungak melhoihsak leh deihguuk le ka nei lo thamtham. Himahleh kei mimal hinkhua ka ki-etchiang in nungak ka deihte kiang a iitna thu gen dia chitna neilou ka hih man in, Tamveipi mahmah ka lungsim a om iitna kichi genkhe lou in hinkhua ka na zangliam khinta.

Mihausa pipi leh ana niam zaw deuhte tanu neih uleh aduat mahmahte uh Kei ziak a lungkham a om di uh. Dahna mittuite a sakmel etlawm tak ua pan kei ziak a, apiandang siktui luang mai di ka gel chiang in ka kisiamtan theikei. Himahleh iitna neilou ka hi zenzen kei. Ittna zaw a lamdanglua maw???? Theihsiam ka sawm chiang in ka gammang deuhdeuh zel.

Khovel a iitna tampi om mahleh a kibang khat leng a omkei. Nu-le-pa iitna a tuam a, sanggamte iitna a tuam a, tanau-lainate iitna a tuam. Lawm-leh-vual iitna a tuam. Himahleh “IITNA SIAMPA’N” bangziak a numei-pasal (nungak tangval) kikal a iitna ana siampen huchi lawmlawm a lamdang ahi di. Kei mimawl pilna in a theizou kei.

Ka iit, ka ngaih rose paak bang a etlawm leh deihhuai nungaknou,ka iit mahmah hang in, keiziak a dah-leh-ngui a om di ka geel chiang in kisiamtan theilou ka hi. Kei ziak in nu-le-pate tai leh salh a tuah di ka geel chiang in, ahithei kei. (iitna i chih dahna, lungkhamna leh kipahna kigawm khom ahihziak in, kipahna lam ka hon focus louh deuh ahi)

“Hiai laimal tawmchik gawmkhom ziak in “HEHPIHNA KA HAUH LUAKZIAK A NGAIHZAWNG NEILOU KA HI ZAW” chih hong piang ahi.

Beita

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more