IT-NA ZIAK'N KA NA KHIAL TA

~Palemtheilou Papektawl

It'na om-zia ka thei siam kei, Nem' bang chi, hon dawng lou di mo? It-na zoh muh theihlouh ahi a, kon lt, kon ngai ka chih louh kan ka hon lt-na alat sak di dan tuan thei lou ka hi. Ka lt-na neaih tengteng na kon pia, hehpihtak in hon sang sak in aw!! Nag lou inzo lungmuan na leh ki pahna di dang ka nei kei. Ulal' kei bang lel na hon lt-na thupi ka sa, himahleh ka hon sang ngam kei, Nem' bang ziak'n mo? Ka hon it-na ching zou lou lua hia!!Ulal' na hon it-na ching zou lou ahi zenzen kei, kei mi genthei tan di'n phulou ka sa.Nem' kei lea bang ka hi tuan sam a.., Ulal' na it-na hon san sak leng, den chia ka genthei ki behalap na di lel ahi kha diing, huai ziak'n na kim pih siang ah laitual va lengzo mai'n. Nem' bang ziak a genthei ki chichi mawk na hia? Na tan chin tom kim bek n'on hilh thei diam? Ulal' bang ziak'n nuam sa kaki chi thei dia !!

Unau mi 3 (thum) ka pha ua, kei a 2 (nih) na ka hi a, U numei khat leh nau pasal khat ka nei hi, Nu-le-pa, pi-le-pu toh kho sa ka hi uh hi. Ka pa ahi leh ni tha aki loh anaa sem ahi hi. Ka nu ahi leh siamgan lel ahi hi. Pi-le-pu lah naa sem dia hatna nei nawn lou uh ahi man in, ka nu-le-pa sep sa kia aki vak ka hi uhi, ni teng pawi moh tuamtuam, nek leh tak ban ah skul fee, tuate tengteng ka nu-le-pa khut aki nga vek ahi a, mi bang a kaam/loh nei hi lou ka hi man un, lnn sung kho sakna lam ah mi englua hi kei mahle ung, kou khom in ka buai mahmah uhi. Huchi bang kom kal ah, vang siat huai tak'n ka nu neu leh ka pa neu in ahon onlouh san ziak un, pathian vual zawlna gil a goutan tapa 2 (nih) leh tanu 1(khat) anut siat uh, ka pa akem tu ding ahi ziak'n, lnn kuan mi 10 (sawm) pha ka hong suak uhi. Ka nu-le-pa sepsa aki daih zou nawn mahmah lou ahi man in, ka u numei skul kai a hong tawp a, sep theihtheih sem in, tu in kei leh ka nau te haksapi pi'n skul ahon kai sak hamham uhi. Silh leh ten, nek leh taak ki ning ching nei zou lou te ka hi man un, nag daihdaih neizou duhduh nea zou toh ki teh di vual ka hi kei, phulou vang ngai ka hi khak ka lauh mana hon dawng ngamlou ka hi zo, chi'n ka dawng hi.

Nem' lt-na in neaih leh lam a enkei, nag ka hon it nazo mit kho mulou toh ki bang ahi. Gentheih na te pau lapzo lou in na hehpihna toh ka hong thumna hong sukbuching sak in aw, nag lou inzo gamgua bang hing zou kei ning.Ka tanching leh bangkim ka gen khit nung aleng lung lel na nei lou himhim in ahon gen zom zel hi. Ahi kei leh panta vanglak nung tolh lou e.. Achih ziak maimai hia, lt na taktak mah ahon it hia, chih bel ka thei zoukei, mi hon it, hon ngai oma va nawl khin teitei ka sawm chiang inlah ka ki siam tan kei zel hi, a it na sang sak mai ka sawm chiang in lah hou chik a ahon it na abei sak mai mah di ka lau a, ka sang ngam kei zel hi. Atawp inzo Ulal' khovel a mi pil leh lai siampi pi om a, tua kia gentak louh neaih leh lam ki ning ching tattak nei mi atam tam mai zen toh kei....................

Kei bang lel n'on na it khak zenzen hampha kaki sa lua, ken leng nag itna ka neih tengteng konpia, tuni akipan nag aka hi ta a, nag le kai ana hi ta, chi'n ka dawng khong hi. Nem ka itna na hong sang sak a ka kipak lua chih kawm in hon kawi phei hi. Ken leng Ulal ka gen sa mah bang in genthei na hon tun tu lel hi lou in, kipah na lungmuan na hon pe tu hizo in aw? Chi'n ka ngen hi. Nem ka hih thei zahzah in nag di pan kon la dia lungnuam tak a omsak gige ka hon sawm di aw, bang teng hile zansawt tak toh kana pai phot dia, dam leh zing chia kon pawt nawn di aw, chih toh pai athuah a, gate tan ka va kha a, Ulal zing chia pawt hon sawm teitei in aw, ka chi a, mangpha ki khak in kong ki khenta uh hi. Ka Ulal pai tum matan ka en a, apai tum tak in inn sung ah ka lut kik pah hi sana ka et lah dak 12 ana pelh man ziak in, ka tut na te uh ka hem a, hu chi in ka lum pah ngal hi.

Lupna tung ah kaki ngaih tuah a, ka Ulal itna sang sak mah leng ka lung anuam tuan taktak kei hi. It na taktak toh hon it ahi nadiam? Ahi kei leh ka paallai enlah maimai ahi diam? Ka paal lai en lah maimai ahih khak ding ka lau a, ki ten ma himhim a sex lam hon neihpih sawm leh ud lou himhim di,chi khawng in kaki ngaih tuahtuah hi. Alang khat a ka ngaih tuah chiang in lah ka Ulal bang saptuam lam ale ki zang mahmah ahih man in, ka paal lai enlah maimai di'n ka gingta kei zel hi. Itna ichih khatvei thu a kipiak vek theih louh, itna ki piaksa leng khatvei thu a mawk bei thei lou hi ven, bangteng hi leh ahun bang le hong sawt dia, hon it taktak hia? Chih ka thei mai ding chih kei leh kei kaki kha muan hi. Thil saupi ngaih tuah lungsim ka pau saksak sung in imu kha ka hi dia, ka nu'n zing kal in hong phong a, thou in ka ki hah suang a, zing na sep di tuamtuam omte ka nu ann huan kal in ka U toh ka sem mengmeng ua, sawtlou chik sung in ka zoupah uhi. Ka nu'n ann min nailou deuh ahi man in ken leng ann nek hunma ka lai ka sim hi. Zing ann kon ne ua limlou chik meh hi mah le ung kipak tak leh ki tuak tak ane kahi man un lim ka sa thei mahmah uhi.

Ann ne zou ka nau te toh school kai di'n ka kisa ua, hu chi in school lam ma nawh in kong kuanta uhi. School ka tun un ka Ulal in gate a hon na ngak a, amel ka muh leh ka zahtak a, ka zum tha bang hong suak mawkmawk hi. Akiang ka tun tak in, Nem hong kuan hak na chia, hong kai lou di na hi dia aw chi ing a kei ana dah lomah ka hi hon chipah hi. Ken leng Ulal tu zingkal ka manhak ua ahi, pai lut ni aw!! Chin ka lutpih ta hi. Lawm leh vual ten honna en nuam thei mahmah ua, ka lungsim a hon mu ngei lou uh mo? Mi hi vahi chi et ka chi pah ngal hi. Sawt lou nung in class kon pan ua ka Ulal toh 1,2,3, chi a ki en mah bang in kaki entuah khah geihgeih mawk uhi. Hunte hong pai zel in ka Ulal ka itna alian deuhdeuh a, amah hon itna leng lian deuhdeuh hi in ka thei hi. Ka nu leh pate'n lah hon daih sak mahmah ua, nuam kasa thei mahmah uhi. Aleh lamtak ah nu-le-pa'n hon daih sak ziak un ka zalen ua ahi lou lam a ka zalen khak ding uh ka lau mahmah hi. Ka Ulal lah tuailai makai khat ahi sam ziak in nitak hun awl anei tawm mahmah hi. Tuailai te meeting di'n achih louh kal in naupang lam te.. Chih ahi zel a, Amah adi'n nitak teng ahong pawt ahak sa mahmah hi. Ahi ziak in kei adia hoih zo kasak hun bang aom zel hi. Aziak chu nitak hun hau hen la hong pawtpawt mawk leh ka laisim na hon subuai ban di ahi man in, kei adi'n ka Ulal buai hoih zo abat na chiang om hi. Tua bang komkal ah laisim kuan suti honpia chih le hi lou, hile pathian nitak khong laisim na dia ki koih khol lou ahi man in, huai nitak bang hong pawt thei lou a om chiang in na meeting di mah uh le tamka sa, bang bang gen natel ua? Chih lungsim bang ka nei mawkmawk sek a, It luat ziak in thei siam louh hun omkha dekdek mawk hi. 

Ka Ulal toh khosung khat veng sungkhat a om khwm himah le ung, hun ka neih tam louh ziak un ka kithuah vang thei mahmah uhi. Hun ka neih sunsun chiang un ka amthei mahmah ua, itna thu lou thudang ka gen vang thei mahmah uhi. Hunte hongpai zel in kaki itna uh athupi in alian semsem a, itna thu kam agen mai hun salou in mobile tung tawn inle asun azah chih omlou in itna thu kia ka gengen ta mai uhi. Nikhat ka Ulal in hon call a, Nem tuni bang ni ana thei hia? Hon chi mawk hi. Lamdang kasa a Ulal bang ziak mo? Huai khong n'on kan zenzen ka chi hi. Nem tuni mo na tongdam ka san ni kha full moon di hizoh mah, nitak hun na nei leh pawt ni aw? Hon chi a, ken leng awle Ulal chi'n ka dawng a, ka ki houna uh tua teng in ka hun sakphot uhi. Kigin ni ahi man in tuni tak laisim kei leng le zing chiang hun omlai na ka chi a, Nitak in ka Ulal hong zawt bang in pawg di'n ka kisa hi.

Kha vak nuai ah itpen te tawh ki tuak tak a pawt khom helhel chu anuam tel mai, kholai ah awl awl in ka vial vakvak ua atawp in mun awngthol mun ah ka khawl ua ki ngon kawi in ka tu khawm helhal uh hi. Ka Ulal in Nem hi chia kua mah omlouh na mun ah kon paipih hang in lungmuang in mo? Bang mah hon loh lou ding kahi. Hon chi hi. Ken leng Ulal nagkiang aom bang di'n ka lungmuang lou zenzen dia? Khovel a ka it pen kiang om ka lung mun ken, kua kiang ah ka lungmuang thei dia!! Chi'n ka dwng hi. Nem en dih itung a khapi, munkhat aom hi mah le le hang pathian gamna seplou theih louh ahi ziak in daih bang in iom khawm thei kei a himahleh solkha atan lai teng ki ngilh kei ni mo? Melki mulou houlung ki kum thei louh hun aleng ka mel ana muh ding leh ka hon itna hiai in mong aneih louh bang a mong neilou ahi chih na thei gige na di'n hon na buh sak in aw chi'n zungbuh etlawm tak mai ahon hun sak hi.

Ulal na hon itna thupi ka sa, nah hon it bangbang a hon it a, nag adia gin om gige ka hi chih na thei na di'n nagleng hiai hon buh dak in chin ken leng zungbuh ka Ulal ka bun sak hi. Ngaihnou toh hou lung kup sung nuam mah leh hun in hon ngak lou ahih man in zansawt tak toh inn lam zuan in kong paikik nawn uhi. Ka Ulal in ka inn tan uh hong kha a, mangpha ki khak in kong ki khen nawn ta uh hi. Ka lup na tung ah ka Ulal in hon buh sak zungbuh ka en zel a ka pakta mahmah hi. Pahtak luat na lam in ka sukia kha zenzen a, zan sawt nung in lupna nuai teng zungbuh zong in buai in ka buai mai mai hi. Mu zou kei leng, ka Ulal in koi aom chih hong dawng peuh mah di hia, bang ka gen dia aw chin lung kham tak a sawtpi ka zawng zoh nung in hou chik ah ana om mai mah hi. Huai kal ana om khelkhel hi ve aw. Huai aom ahi lam thei leng zo sokkhe pah di hi ing a, hong sulung kham man mahmah chia chi khwm in ka bun thak a kalum nawn hi. Hun leh kumte ki dang mah leh ka Ulal ka it na ki dang lou, ama hon itna leng ki dang lou anuam tak in hing khua kong zanh tou zel ua, a khen chiang in nupa hin khua zat tak mai ka ud dan khawng uh ka gen zel uhi. Bang teng hi le tukum pawl 10 exam di ka hi ziak in, ka exam zoh hon ngak di'n ka Ulal kiang ah ka ngen a, aman leng ka chih tantan hon ngak di ahi dan hon gen hi.

Tua bang komkal ah ka pu damlou in ahong gim sim mahmah a, inn a theih dandan etkol ahi nung in leng hoih lam manawh lou ahi man in damdawi in ah ka admit uh hi. Nu-le- pa lah naa sem lou thei lou uh ahi man in, ka Unumei in sun chia ka pu aom pih zel a, nitak chia lah nu-le-pa naa sap na gim uh ahi man in ken ka pu nitak chiang in ka ompih zel hi. Ka Ulal in hun aneih chiang in hong ompih zel a lung anuam tuam mahmah hi. Sun chia school kai, zan chia imu khol lou a kal khat bang kong om chian in ka taksa in alel a ka mel put aki khek zou hial hi. Neih leh lam teng seng gentak louh mi a baa zen a ka pu ka etkol zoh nung un leng hoih lam manawn tuan lou in hiai lei tung genthei na nusia in pialgal hon na zawt san tahi. Ka pu ka it mahmah a ka neu akipan honna enkawl tu ahi ziak in ka sung kuanpih te'n asun kei uh chih na hi lou in ken suun diak hi in ka ki thei hi. Aguk in ka Ulal ka na etbawl zel a himahleh amel di himhim ka mukei a lamdang kasa mahmah hi, saptam kia aki zang hilou veng leder khat hisam a bang ziak ahon kilang lou ahi dia aw chi'n ka lung buai mahmah hi. Ka pu lung vuizoh ni in school ka kai kei a, sun in chim kisa in inn kim khawng ah vak maimai di'n ka pawt khiat leh Ka Ulal lawmpa siamlun toh ka ki mu kha zenzen ua, Nem pai chau va ne ni chi'n hon zawn a, hu chin chau ne di'n kong kuan ta uh.

Thu tuamtuam ka houlim ua, ka Ulal ka pu sih ni ahong ki lat louh aziak athei kha hiam chih ka dong hi. Kei dawt na hon dawng lou in, Nem na Ulal toh ki ngai lai uh mo? Chi'n hong dawng a lamdang ka sa mahmah hi. Usaim bang ziak mo huai khong n'on dawt zezen. Ki ngai lai mah ung e.... Nag kiang abang gen a? Chi'n ka dawng hi. Lungsim suang tuah a thu ngaih tuah bang mai in aki ngaih tuah a, Nem ken lah ki ngai nawn lou na hi diu ka chi a hon chi hi. Usaim bang ziak mo? Hon hilh in chi'n ka dawng nawn hi. Gen di lah haksa ka sa a, gen kai leng le thei thouthou di na hi man in kon hilh mai kei di, lung nop louh na inle ana la ken la. Zanitak na Ulal Muanching toh ki taipih uh ahi tuak a, koi lam a om uh a chih zo ken leng ka thei kei. Tua bang thil hih di hi na a kei alawm le bang mah hon hilh lou, zingkal a ainn uh ka va phak leh anu hon gen a ka theipat ahi. Chi'n hong dawng hi. Chih mah aza dia kaki lam en louh, za ngei dia le le kaki koih louh. Thu ka hon za hi. Ka zak phet in ka ginta thei kei a Usiam na taktak hia? Chi'n ka dawng tuantuan hi.

A taktak ahi dan ahon gen a, naa ka sa chih mai louh kan agen di dan tuan ka thei kei, ka omna apan ka ding khia a, inn lam zuan in ka tai vengveng hi. Inn tung lupna ka ki den na ngal a ka mitui ka nulnul ta mai hi. Ka Ulal hichi di himhim in ka koih thei kei, achang in ka manglam di bang kasa alah ataktak ahi zel hi. Tun leh zua in lah hal lou, sian in zo hal lou hi a mo, ziin hawm simthu hin teh mo? Bang hang hiam ka thei zou kei. Solkha tang len mual khum ta hiam? Ka Ulal ka ngaih man in hunlui a kei adia aki chiam lai te mikha in hong ki lang dunduun a, tua hunlai in kipah na hi mahleh tun kah na asuak ta mai hi. Ngai in kapkap mah len thil ki khel ta ahi man in ki lung nop sak ka sawm ta hi.

Asi pul leh ahing pul dou in ka hing khua kong zang tou a, ka mel lah ka omdan ki khek zou hial ahi man in school khong ah damdawi tang ne khong in ka min thang ta mai mah hi. Huchia school khong a ahilou lou ahong ki ngoh aka om tak in ka school kai lit tha hong suak a pawl 10 exam man lou in scool kai kong khawl kha maimah hi. Hunte hong pai zel in ka Ulal mang hilh sawm mah leng manghilh thei di vual ahi kei, hichi leulou a aom mawk lamdang ka sa a, thu omdan agu in ka na suigu gu sam hi. Munching in nau apai ziak aki taipih uh ahi dan ka thei tak in naa ka sakna alian mahmah hi. Kei kiang a hichi tuk a mihoih a, tua nungak agai ziak aki taipih chih kei adin ginta aha sa mahmah hi. Ka Ulal ka ngai a, manghilh zou mahmah lou ka hi man in ka lungsim anaa thei mahmah hi. It na ziak in thu chiam ka neih te uh zui lou a chiam louh simthu ka hon zui ta mai mah hi. Lungkham leh dah kisa in lungnop na ahi lou lamtak a kon zongkha a khamthei tuamtuam hih konpan ta maimah hi.ka kham chiang in ka Ulal ka manghilh thei a, huai nopsa in khamthei hih kong uang deuhdeuh ta mai hi. Lawm te khen khat in tangval dan nei di khong in hon sawl mah le uh ken zo kua mah ka ginta thei nawn kei, pasal teng huchi vek di'n ka ginta a ngaih sak in le ka koih kei himhim hi.

Ka hinkhu a se lam ngen in kong zang tou a, sum leh pai ka neih louh ni in leng nungak melhoih mahmah ka na hi sam ziak in tangval khamthei hih pih di tam kamu thei mahmah hi. Huchia tangval khamthei kahi pih sak te lak ah ka veng ua pastol pa tapa leng ana tel kah a lamdang sa in nikhat nag pastol ta khat hisam chin a, bang ziak akham thei a hichi ki bual mawk na hiam? Chi'n ka dawng hi. Pastol ta chih man a hih louh di chih na lah hi lou a, en ve ka nu lah pa pathian adia ahun neih teng uh zang vek ua, ata te uh thuhilh na di hun aneih chiang uale khamthei hih louh ding, chih teng kia khong ahon hilh uh, ahoih louh dan lah hon genpih tuan lou uh. Biak inn ki khop na mun khong achu ahoih louh dan khong gen uh hile eikiang a bang mah agen loub chiang ua bang achi himhim diam chih theih ud na lungtang ki nei, vaki chiam kha nak.

Thih louh kal aki zong sang man. Nou pastol ta chih man a mi hoih mahmah dia hong ginta mawk. Huchi hi zenzen lou. Ken nou khong lamdang hon sa zoh ka hi. Nu leh pa thuhilh na di hun ahau ahau uh. Kei chu ka chih sa mah bang a ka nu leh pan le amau mi hoih ziak a ata te uh le hoih dia ginta kha nak uh. Nu leh pa hoih ziak a ta te hoih di hi zenzen lou. Amoh puak uh ta te etkawl azoh kei uh leh tate chu lamkhang sikkhial di sa, ka nu leh pa hoih na koppih ka hi louh pi uh. Amua vangam akai di ziak ua, kou le kai di chih na hi loupi. Chi'n hou chik, thu athupi tak in ahon gen hi. Hi thei mah e mo? Chih teng chou in ka dawng hi. Ni teng in pastol pa tapa, ken chu Umung ka chi a, amah toh hun kong zang khawm ua, kham thei hih lam ah ka ung tat deuhdeuh ta mai uh.

Ka Ulal in hon thei leh zo amah ka it ziak a nopsak na zong a, ka hinkhua tanpha siat loh hial hial ta hia !! Bang ding a atang tung lou ding it na hong tang sak se ahi dia aw? Bang dia a itna ana sang sak se ka hi dia aw!! Chin kei leh kei bang ka ki moh sa zel hi. Nitak khat kha avak hoih mahmah a, milung leng thei te di'n lung len louh na di vual ahi kei. Kei leng ka lung aleng mahmah sam a, huai nitak chu khamthei hih lou in. Ka Ulal toh kana ki chiam na mun ua ka va hoh hi. Kei kia in ka va tu a, ni dang a ki tuak tak aka tut khawm laite uh ngaih tuah in khitui ka nul maimah hi. Itna abei thei lou itna ka Ulal in kei hon pia ahi chih ka theih na dia zungbuh hon piak ka en a, among di himhim aom kei, azung buh in lah mong nei lou, A itna in lah mong neita chih phet louh singdang siang zal ta. Ken hiai ka kepkep aphat tuam na om kei chi'n ka pai mang hi.

Ka vak ka en a, en dih Nem itung a khapi lung tuak hou lung ikup louh zong solkha atan lai teng ki ngilh kei ni aw, ahon chih lai te lungsim ah hong ki lang in khapi bang ka kahpih hilal hi. Amang thei lou khapi sial aki chiam kahi man un, ka ngaih tuh na ah hun dang ale khapi hong tang zel dia ka Ulal ka ngaih na hong ki lang zel di hia chih bang ka ngaih tuah a, atang tung zou lou di ahi leh zoh khapi sial aki chiam pen ahoih ana hi khol lou di ahi ve chih lungsim bang ka nei mawkmawk hi. Hun leh ni te mual liam zel mah leh ka hin khua a ka omdan tai san lou in siatlam kon ma nawn deuhdeuh a, ka hih tung inbel kuamah in hon thei lou hi mah leh ahoih lou thil himhim ki sel zoulou ahi man in vengsung khosung teng ah, nungak gina lou khamthei hih chi'n ka thang suak ta hi. Ka hih pih sek mah ka Umung toh ka ki thuah touzel ua ngaihna chiang bang ka nei mawkmawk hi. Aman leng hon ngai ahi dan khong hon gen zel a, himahleh kua mah ginta thei lou ka hih dan ka hilh hi. Kham theih hih a nuamsa tak a omkhawm zel hi mah le ung sex lam himhim ka hi kha kei vanglak uhi. Kham thei hih a ud dandan aki pawl thei ka hih man un mi'n bel sex lam ah leng ki pawl mahmah din hong ginta uhi.

''Ni teng hun teng aki thuah ka hi man un gen kei mah le ung ka kal uah itna om hi in ka thei hi. Kua mah ginta thei lou hi mah leng ka ki thuah tam luat ziak un agu tak in ka ngai mahmah sam hi. Ut na ki bang, duh leh daih ki bang ka hi man un atawp in ki ngai din mun in kong om khong uhi. Za mah lea ung aza lou mah bang in thil hoih ki chi himhim ka ngaih sak kei ua, hih di inleng ka koih kei himhim uhi. Khamthei hi a, ud dandan a om a, nu leh pa mit tui lung sak leng poisa lou in niteng in ka Umung toh ka ki thuah ua khamtheih hi in nuam ka sa thei mahmah uh hi. Tun chu nidang bang nawn lou nungak tangval aki neita ka hi man un khamthei hih a, ka kham chiang un sa ud na supi chin leng poi sa lou in ka nuam tal mahmah uhi. Niteng phial in ka sa ud na uh kong supi ching tou zel ua, atawp in nau bang kon pai mai mah hi.

Ka nau pai ka Umung kiang ah ka gen a, ki teng mai ka sawm leh lamdang tak in ka Umung aud kei a, nau sukkiat pih ahon sawm hi. Ken leng poi sak na himhim neilou in ka Umung kipah na di ahi nak leh chi in ka sung a nau ka hon sukia hi. Hi chi tan hial tungta ka hi man un kaki ngai mahmah ua nupa hi loupi nupa hinkhua zat ka tawp san tuan kei ua, ni dang aka om dan mah un kapai pih lailai uh hi. Achang in ka ki siamtan kei a, ki sik in ka kah hun bang leng aom sam hi. Himahleh ka sa udna, ka khamthei duh in hon pha zel ahi man in poisak neilou bang mai in ka omzel hi. Ka nu-le-pa lah ni teng in kikhop na bang hon neipih zel ua, kei adi'n khitui luang zungzung kawm a thu hong nget sak chiang un bel ka lungsim asu kha mahmah a, ka hih nawn mahmah kei di chih lungsim ka nei thei sam hi hile ka chih sa mah bang in ka duh hun in honphak chiang in ki dek zou lou in kava puk kha nak hi. Hichia ka hinkhua a pathian pahtawi lou a, amel liahkhuh aom nuamsa ka hi man in kei honsiam pathian na tawm manghilh in, khovel nopsak na ah ka thuk lut deuhdeuh ta mai hi. Tua bang komkal ah ithei mahmah ding a tuma lam a pata ki that te, poi a sak thu, naa asak thu laa in, laa phuak siam in ahon phuak khia a( amin zo gen dah ni aw) hoih leng isa a, asaa te leng siam isa mahmah hi. Nikhat inn aom lupna aka lup leh ka U nu'n amobile tung tawn apan hon khah khia a, awl in a zui namnam hi.

Ka zak in ken leng nalh kana sa mahmah a abei tak in ka U kiang ah play thak di'n ka ngen a, aman leng hon play thak sak a, ka bilbul mahmah ka ngai hi. Alaa thu in ka mit tui alung sak zou hial hi. Ki sa thei a, toupa mel liahkhuh ka hi dan te kong ki muh suah a, ki siik a sulhei leng ngaihdam na tang di ka hi dan leng kon muh suah thak hi. Ka lungsim abuai pet mah a, ka Unu bang ka sam a, hina lampi hon hilh di'n ka ngen hi. Aman leng ahon hilh theih dandan in ahon hilh sam hi. Khovel nopsak na aki bual a nuamsa tak a ka omlai aleng akiang ahong kik dia hon sam lailai ahi dan leng ka hon thei hi. Ki siik na taktak ka nei a pathian kiang ah ki piak khiat na hi chi in ka nei hi. Aw toupa na mi iit na lian hina tel e mo!! Na thupiak leh na dan palsan a, na melliah khuh ka hi lai aleng nata hidia na hon sap lailai ziak in kakipak. Ka hun lui aka thil chin hoih loute nagmah min in ka khawl san ta ding. Ka hih na bangbang toh tuni aki pan na cross pua in ka hon zuita ding, ahoih hi in, ahoih lou hi leh nag akipan ka muh bangbang kipah dan siam hon sin sak inla, khovel khelna te ah ka lut kik louh na di in ka hinna pumpi, ka lungsim ngaih tuah na khempeuh nag hon kepsak a, hon makaih tawn tung ta in, chin kitui luang zungzung kawm in ka omdan lui te tawp san a, himkho thak pan di in ka kipe khai hi..

Ka hina bangbang toh pathian adia ka ki pia na ahon san sak a, ata ahon pomta ahi man in ka puak azang tuan mahmah hi. Hunte hong paizel in ka khamtheih hi hun/ duh hun in honphak chian in om maimai thei lou, lungsim ah bangdan omthei lou khamtheih chou om, huchih chiang in kidek ahak sa mahmah hi. Anop dan theisa aki hih man in ki dek zou nawn mahmah lou in hih di'n kong kisa hi, ka damtawi nek di ka khut sung a ka tawi a ka kamsung tung mai hi hi ta, huchih lai in ka lungsim ah pathian houpoh na za in, hih nawn mahmah ken honphal nawn lou ka hi chi'n hon houpih hi. Ka ki ngaih tuah a, tomchih ka samsung nopsak na lel hi a, sawt lou nung a si di ing a, tang tawn a ahaksa ka thuak di hitel chih ka ngaih tuah chiang in tomchih ka dam sung a, ka duh, ka daih, ka ngaih, ka muh ud te apan ki hem a haksa tak mai a hihkho zat a, ka sih nung chiang anuam ka sak tawn tung na di ahi ahi nak leh chi'n ka nekdek damdawi ka paih thak hi.

Ahih hang in ka duh in hon phu tuntun a ka paihsa bang ka va tawmkik zel a ne di'n ka kisa zelhi. Pathian adia kipe ta hi ngal ing a, hiai tel lawmlawm ka ngolh zoh ken bang chin niteng cross pua in anung ka zui zou dia? Chin kei leh kei ka ki sal a, pathian kiang ah thumna ka nei a, hon panpih di'n ka ngen hi. Ka thumzoh sawt lou in ka lungsim ah khamthei hih di himhim aom nawn kei, Pathian omtak tak ahi. Amite haksat na atuah hun ua panpih dia mansa ahi chih kon thei thakthak hi. Ka Umung toh ka hinkhua uh ki bang nawn lou ahi man in, ka ki mu vang mahmah ua ka ngai thei mahmah hi. Hikho thak akhosa ta ka hih man in,pathian gamna septhei na omsun abiak buk kai, leh thumna lel hih thei ka hi man in biak inn kai in ka kuan zel hi. Biak inn kai chiang in Bible tawi ki ud sam, lah ki zumgu mahmah, ka zum na di tengteng Jesu cross ah sihpih khin, ken zumna di nei nawn lou chi'n ki maingal sak in biak inn kai chiang in ka tawi zel hi.

Ei hih thei zahzah apathian adia ki piak iki sak lai a hon gen nuam tamtam mahmah lai, huai nu le Bible tawi zen in bang ki khawm ta bang tan mah adaih diam mo? Chih kampau ka za mun mahmah hi. Saa lam angaih tuah in bel anaa mahmah hi. Hile saa lam enlou in khalam en in malam apai zel ka sawm zo hi. Mihing hih na ah hunlui ki ngaih tuah kha sek a, ka Umung toh khamthei hih a nupa bang a kaki pawl laite bang uh khat veivei lungsim ahong suak zel a, khalam ginna a bahsak hun omkha zel hi. Ka Umung ka itna bei tuan lou ahi man in ka ki muh sunsun chiang un, kei bangbang ahin khua ahon khen theih lam en in ka thei dandan in pathian thu ka genpih zel hi. A khen chian bang in khamthei na tawp san kei leh kikhen di chi khong in ka vau sak hi. Ka khamthei hih ziak a n'on daih nawn kei leh poilou chia ahon dawng chian in kei adi'n gen di abei mahmah hi. Kel leh belaam omkhom thei lou ahi chiang in ki khen mai kul ahi chin khauh taktak in ka dawng zel hi. Hile hon khen taktak di bel ka gu lauh mahmah hi. A thil chin te lah tawpsan ngam lou, kei lah hon ngaizel ahi man in alungsim buai thei mahmah di'n ka ginta hi.

Lunglel lou in ka Umung ka hi theih dandan in pathian thu ka ki kuppih zelzel hi. Thumna ka neih chiang bang in amin mahmah lou in ka thum sak zel hi. Ka thumna te awlawl in lohching touzel hi inka thei a ka Umung leng kipiak khiatna taktak nei kei mah leh alungsim buaina tak nei ahi sam ding a, khat veivei pathian thu gen di in hong sawl zel hi, huchi hial dia chin kaki sak louh man in saptuam a heutu te kiang khong ah ka paipih zel hi. Huchi bang kawm kal ah inn sung khosak na lam ah mi eng pawl kahi man un neuchih hon nuam tuamkha hiam!! Chih lam en in gamdang a zin di thupuk na ka la hi. Hunte hongpai zel in febuary kha in lndia adia khopi minthang mahmah mumbai zuan in kong zinkhe ta hi.

Ka zin di kuan in ka Umung tohki houna leng kanei ua, gin om tak a omtuak a di'n leng kaki chiam uhi. Ani asim bang kong pai zoh nung un ka omna di mun kong tung khong sam hi. Thupi kasa mahmah a, lampai lai bang paina di enman lou zen in sak leh khang ah ka dak velvel mai hi. Ka inn omna di mun uh ka tun tak un neu ka sa gu mahmah a, mi hiai zah omna di'n neu lua chin kana sit gu mahmah hi. Sawtlou ka tawldam ua, huai zoh ki hah siang kawm in puankhong ka sawp uhi. Ka tun ni, ani nawn in sepna joine ngal di'n ka kisa a, kha 3 traning di ahon chi uhi. Ka sep na di ahi leh beautyparlou ahi hi. Lamzang tak in naa kong semtou zel ua, kha khat bang ching theita ahi man in loh bang konla uhi. Tamkei mah leh asang asim ka muh/ loh khiat patna ahi man in nuam/ ka kipak mahmah sam hi. Ka Umung toh phone tung tawn in kaki thuzak zel ua, Nem hong pai ta ve, kon ngai gop ahon chih chian bang in inn lam ka ngaithei mahmah hi.

Damtak in naa sepna lam le fuh touzel in ka traning huchiam honbei a, Ni dang sang in nuam kasa zo deuh ta hi. Nikhat ka off ni in inn lam aka nute ka houpih leh na Umung in le zanitak zi nei hong chi khum mawk a lamdang ka sa mahmah hi. Ka nu toh ki houhi mah le ung pauthei di vuap kahi nawn kei, khophok lou bang mai in ka tu belbul mai hi. Ka Ulal in lah zi hong neih san, tua ka Umung in hon neihsan zel chih ka ngaih tuah chian in kaki ngaise vungvung mai hi. Thanuam na leh lungsim mumal himhim nei thei nawnlou kahi man in lupna ah ka lum a lungsim ngaihtuah na ziak in khitui ka nulnul mai hi. Tuabang kawmkal ah ka sepna ''Beautyparlour'' ahi man in kizuak bang mai athang tat a, huai ziak a inn lamte sum tampi pi khak zou, anu leh pa ten lah bang mah thei lou, kipah pih mahmah lai uh, chih thu khong konsa zomah hi.

Ei lah kihu chi mahmah lou ahi chia puakna din chu ka koih khol kei himah leh ahah gen luat chiang un, hi sa nawn mahmah lou in vaki pau kha nak hi. Lei tung a tangval nih kinei ta damtak aki khen chih omlou ahi man in kei adi'n tang val neih ngam di vual ahi nawm kei.........

BEITA...........

Note- Hiai story phuah tawm omzek.mah leh, mikhat amin zo kon gen kai di, numai mah ahi a, ama tanchin pansan a gel ahi hi.(ama lem sakna ziak in) houchih abang mo? Hile sinlai tampi laak thei hi vo. It tu di leh hehpih tu bei kisa a ma om hum in leng hon it den khat om ahi chih manghilh ken, huai chu pathian ahi.... Nem'' hong ki muhsuah dan hou nasa mai thei hile agen nop tak ahi leh, pathian hon sapdan tuam chiat came, chialpi leh adang dang khelkhel a piangthak di chih na hi tuanlou. Mi kua hiam ki muh suah na testemone hon gen chian in hiai pa/nu zo ahou lua piangthak taktak kente chih theih mawk louh ahi. Khen khat te''laa'' tung tawn bang asam, khen khat ''thu'' tung tawn bang asam, ahi man in kuamah a simmoh kei ni. Mumbai khopi kong zang mawk a, mumbai laam aom te chih na hi tuan lou ahi aw.................... Aki gelh sa ahi a tampi va behlap hoih kasak louh ziak a, agelh tu gelh bangbang phial akon post ahi Lawl..@ T G lal Zomi.

©Siamsinna leh Vakiangbu