TUMGING SIAMTE KOI A OMTA HIAM!!
By ~ Lian Khuptong
Vuahzu nisa daikai nuai a vainiliap toh kuva lei dia kuan nuamkeilua buannawi zomah khokthou poikha tel e. .
Nikhat selung zuanluat man'n nidang a ka vang ngaih toh nunkhonuam a laitual ngabang ka lenlai nite uh. Hon ngaisak a nuam telmai zuanlouh damtui ah buantheih mai leh ut nang e . . ! Tu'n lah khattang tangzuang sawlbang ka heina hun leh ni, kha'te kidang ta hi. Sap mualiam kiktheih louh in gal in dawn chim louh solkha vak nuai'a donzel mah leng lungzuan thelbang thousak lel ngaih laukha' bang hong leng ding sa' haibang ka ngak zel a, tuate lungsim mitkha' lel hi. Tungsi-al leh solkha tang nuai ah lamkhuang kungnuai pan in khuang mah leng mihing lungsung ngaihtuahna limlang zuan zatam sialna lel hi.
Kuamah theih louh in aw! Ka luankhi chik chiang daibang theu zen tah maw! Hiai lavui lamlam bang hong suak mawk hi . '' Sing cih pakna gam a vasa hong haam chiang in dawn chimlouh saan chimlouh na vangngaih tam ka sialna'n lungzuan luankhin tuibang hon tum zel hi.'' Ka gel zel a gamsate bang a ka lung gel neilouh mah bang in ka om dek mawk! Tulsing liim nuai mun khoh nisat luatman'n lungelzen kinepna thawn ding peuh khong ka sialkha zel hi.
Akoi abang ahita zong in zailaa awih siamte hong kisingsa non maile uh henlan khatvei mawngmöng i vangkhopi uh. Hong tawk ling zek non le uh ut huaina e . . . Tua bangte vanglawta hilou hiam! 90's hunlai bang hong phokthak sak nuam ana kisa theilaw sam hi. Live music ngaina tute a lungzuang theilaw di u hiven Zaila siamtakte koikuam solbang a heita dua! Lemgel thak dih ni a tulsate music tumgingte zalkhunpan i zakmai leh zong cihmul thousak hi amo? Kha (moon) vak nuamlua tel eingal. Mipite zaw kiphur lawtel mah hiven. Huchidan music lam saithei ding le om non manglou buaihuaisa mawk tel hang a, mite dangtak theilaw telsam di uhia? Koi a tumging peksiamte omta hong tokh zek le uh ut huai nonlua e I gam a hong tam leh khantouhna khat leh himailou hiam? Imi-isate tulel dinmun'n bang dinmun ah dingta thei ut huai lawta hi. Bangtan dai dide lai ding Rockk zek non leh bang a eiteng kholkhom non zaihzaih nuam hilou maw!
Lam chituam chiat a talent kiselgu hoihtakte phoulakna din hun mulou uh hizaw hiale...I musician te ding in, hunlem bawlsak ni hang. Lambang sai ni etlawm sakmin thangsakni. Zuansiam Pengpelep i lenna vangkhua zoulei nibang lunsak in hong thawn hen aw! Na siamna, na pilna, kuhkal nate uh. Munuam zatam lai'a noute ning zu-le-sa te'n na sakmin thangna teng hong neksan ma'n pheiphung hong suankhia un'. Na Talent te uh hong lak lai un tangpaal zatamte lungtai sak aw...Koute'n munuam lai, ngaklah simthu kilel zoulou ka lel chimmoh uhi.
Mundang gamdangte sang in nou tumging siam zaila awihte mah ngainuam ung. Na daihna uh kumkhua sawtlota hi. Takheh! Chih in hong lum zungzung nawn un'I vang khopi sung uh sing leh louhingte'n aphawn zoh nawnlouh, noute'n hong suhing lou ding na hi uhiam! Imi-isate music lam a khakhan loh hun lawta. Tumging kaihgingte a zaklouhna uh sawt nonta, ngui zouta uhi.
Live concert om vangta e, ngaihtuahna lungsim suangtuahna hong lutte gen louh saktheilouh omte genlou theilouh sakziak in, simthu tamlou hong kum hizaw ingh. A selam hia, hoihlam chih ding mel zong thei peuhmah keng nang in bangsim thu na nei diam! Noplainite ka gel chiang, ka bilkha'n zaza ve aw! Tang lungleng
Beita
©Siamsinna leh Vakiangbu
Vuahzu nisa daikai nuai a vainiliap toh kuva lei dia kuan nuamkeilua buannawi zomah khokthou poikha tel e. .
Nikhat selung zuanluat man'n nidang a ka vang ngaih toh nunkhonuam a laitual ngabang ka lenlai nite uh. Hon ngaisak a nuam telmai zuanlouh damtui ah buantheih mai leh ut nang e . . ! Tu'n lah khattang tangzuang sawlbang ka heina hun leh ni, kha'te kidang ta hi. Sap mualiam kiktheih louh in gal in dawn chim louh solkha vak nuai'a donzel mah leng lungzuan thelbang thousak lel ngaih laukha' bang hong leng ding sa' haibang ka ngak zel a, tuate lungsim mitkha' lel hi. Tungsi-al leh solkha tang nuai ah lamkhuang kungnuai pan in khuang mah leng mihing lungsung ngaihtuahna limlang zuan zatam sialna lel hi.
Kuamah theih louh in aw! Ka luankhi chik chiang daibang theu zen tah maw! Hiai lavui lamlam bang hong suak mawk hi . '' Sing cih pakna gam a vasa hong haam chiang in dawn chimlouh saan chimlouh na vangngaih tam ka sialna'n lungzuan luankhin tuibang hon tum zel hi.'' Ka gel zel a gamsate bang a ka lung gel neilouh mah bang in ka om dek mawk! Tulsing liim nuai mun khoh nisat luatman'n lungelzen kinepna thawn ding peuh khong ka sialkha zel hi.
Akoi abang ahita zong in zailaa awih siamte hong kisingsa non maile uh henlan khatvei mawngmöng i vangkhopi uh. Hong tawk ling zek non le uh ut huaina e . . . Tua bangte vanglawta hilou hiam! 90's hunlai bang hong phokthak sak nuam ana kisa theilaw sam hi. Live music ngaina tute a lungzuang theilaw di u hiven Zaila siamtakte koikuam solbang a heita dua! Lemgel thak dih ni a tulsate music tumgingte zalkhunpan i zakmai leh zong cihmul thousak hi amo? Kha (moon) vak nuamlua tel eingal. Mipite zaw kiphur lawtel mah hiven. Huchidan music lam saithei ding le om non manglou buaihuaisa mawk tel hang a, mite dangtak theilaw telsam di uhia? Koi a tumging peksiamte omta hong tokh zek le uh ut huai nonlua e I gam a hong tam leh khantouhna khat leh himailou hiam? Imi-isate tulel dinmun'n bang dinmun ah dingta thei ut huai lawta hi. Bangtan dai dide lai ding Rockk zek non leh bang a eiteng kholkhom non zaihzaih nuam hilou maw!
Lam chituam chiat a talent kiselgu hoihtakte phoulakna din hun mulou uh hizaw hiale...I musician te ding in, hunlem bawlsak ni hang. Lambang sai ni etlawm sakmin thangsakni. Zuansiam Pengpelep i lenna vangkhua zoulei nibang lunsak in hong thawn hen aw! Na siamna, na pilna, kuhkal nate uh. Munuam zatam lai'a noute ning zu-le-sa te'n na sakmin thangna teng hong neksan ma'n pheiphung hong suankhia un'. Na Talent te uh hong lak lai un tangpaal zatamte lungtai sak aw...Koute'n munuam lai, ngaklah simthu kilel zoulou ka lel chimmoh uhi.
Mundang gamdangte sang in nou tumging siam zaila awihte mah ngainuam ung. Na daihna uh kumkhua sawtlota hi. Takheh! Chih in hong lum zungzung nawn un'I vang khopi sung uh sing leh louhingte'n aphawn zoh nawnlouh, noute'n hong suhing lou ding na hi uhiam! Imi-isate music lam a khakhan loh hun lawta. Tumging kaihgingte a zaklouhna uh sawt nonta, ngui zouta uhi.
Live concert om vangta e, ngaihtuahna lungsim suangtuahna hong lutte gen louh saktheilouh omte genlou theilouh sakziak in, simthu tamlou hong kum hizaw ingh. A selam hia, hoihlam chih ding mel zong thei peuhmah keng nang in bangsim thu na nei diam! Noplainite ka gel chiang, ka bilkha'n zaza ve aw! Tang lungleng
Beita
©Siamsinna leh Vakiangbu
Comments
Post a Comment