A set of 2 stories : 1. HON NGAIDAM IN 2.LUNGSIM NA/GIM PUANKHIAK NA

By ~ Bte Langel

HON NGI DAM IN

A Lawmte tuh amah musit leh enghoutu te ka hi ua. Tu'n zaw bangkim a beita a, a kilamdang mahmahta hi. Sapkik theih di a om non kei. A lainat huaidan kia ahi a gengen uh. Numei thulimlou hinteh chi a ana en a tam ua. Pasal ngaihhat hinteh chih gingta lah a tam mahmah ngal ua. Himahleh khatvei bek le a lawmte'n itna a tung ah ka langsak bek tel kei ua eive. Zingkal a school kai dia kisa lai a awklum chih thu ka thei mai uh bang zaw gendi le theih huai lou lotel eive. Ngaihzawng a neih ziak a awklum ahi di chih gingta lou kua mah om lou hi. Hilele huai zaw hilou eive. A ngaihzawngpa toh tuh a kikhem mah ua ua ;  huailai inle alungsim naa salua in lungkham mahmah hi. A kihehnepna ding a zong zel a, himahleh a lawm hi a a ngaih te'n nepmalak in a etdan uh a lamdang tuan kei ana hi zaw.

A ngaihzawngpa toh kikhen nung un  amah panpihtu dia a lamet a classmate te'n bangmah a simlou in huchia lungsim naa tak leh lungkham tak a om a, nemtu ding neilou ana hi a, Inkuante lah hilh ngamlou, Kua hinna neite tung a lainatna leh zahngaihna le mu himhim lou hi. Sihna khutvot kiang lam manoh in, huai sihna nunsia takmai aangsung manoh in, piallei thuahgiat nuai ah a zal ta ngal a...Amah ka zahpih ziak hihetlou in, a lawm luite hisam ngal a ing a , a lungsim natna a kipat honkhe theilou ka hih ziak in ka kizahpih ngoihngoih a poi ka sa mahmah  mai hi.

"Nang a ding in ka chin kei lotel a eive". Hunte tawp ngei louhna mun zuan inla, luigal ah dawn bang i kituak nawn ngei di chih ka lamen.

"Na tung a ka hoihlouhnate ziak in Hon ngaidam in Aw, Lawm..".

-----------------------------------------------------

LUNGSIM NA/GIM PUANKHIAK NA

Ka innkuan uh mi guk kia ka hi ua, unau numei ngen li ka pha uhi. Ka nu leh ka pa tuh a tei mahmah mai ua, a ki-it mahmah uhi. A kikhelah thei petmah ua, kou unau bang le hon duat/ hawmthoh thei lua uhi. Huchi a nuamsa huntawk tak a ka omkhawm lai un, vangtah huai tak mai in 2006 kum in ka nu'n hon sih san a, ka thuak siam kei mahmah mai uhi. Ka it ua ka ngaih mahmah mai uhi. Kou unau sang in ka pa'n tuh a thuakda a  siam kei khol diak hi.

Ka nu'n hon sihsan a kipat in, nidang ale ahih ngei het louh zu dawn a hon chiing pan mawk hi. Lauhthawng kawmpi in ka sal/tai sam sek a, ka pa le a kisuanglah thei mahmah hi. A tuam a dot le ngailou in ka nu a ngaih theih luat ziak a hichia gamtang ( zu-dawn) ahi chih tuh theihsa ahi. Amah a di'n ka thumpih gige sek a, a khen chiang in zu ngol sek hun bang a nei zel hi. Huai hun chiang in Ka kipak thei mahmah mai ua, himahleh ka theih louh kal un ana dawn nawn zel hi.

Hichia hunte kon zat touh ningneng lai un ; Kipah ni chih a tawm mahmah mai hi. Ka pa'n le a hinkhua thawnhau tak a om tuh haksa a sa thei mahmah mai hi. Sih mai bang a ut thu a gen veu sek hi. Ken tuh ka theih tawp in ka khamuan tei sam sek hi. Kum 2013 a hong tung a, hichi tuk a vangtahna ka tuak di uh chih lam ka ngaihtuah pha kei himhim hi.

Sawi pai nailou thu ahi a, zanlam zek leng a chih thei lai mai thei. Zingkal khat ka pa  hong thoukhe hak sa sim a  a room ka valut leh.. Oh ! Maizenn .... !! ka pa tuh a  lupna gei ah tukawm in thousilen khuam ah ana kikhai kon mu maimah hi. Oh ! Pa , Pa, kon it un kon ngai ngei mai uh, a mulkim huai dan bang zaw.... a gen dingdan tuan ka thei kei ! Ka Thawmhau a, ka lau a, ka khasiat toh, om didan le ka thei siam zou kei hi. Ka pa'n hon sih san nung in ka hinkhua thawmhau tak a ka zat touh a ngai mai mah tahi. .

Nu aw, Pa aw, bang dia hon paisan mai mah na hi ua ? Non omlouh san uh thuak siam lou kei ve ua. Pa aw,  na  hinkhua thawmhau thei lua kon nep zohlouh ziak un, hon ngaidam in aw . " Nu aw, Pa aw, ka naute hoih tak in ka enkol  ding chih ka hon chiam hi."

Nu aw, Pa aw, Chiaugal non kaisan hang un, Nou ngilhni lah tuangtung ngeilou dia,  Thangvan ah dawnbang tuak din hai bang ana ngak uh.

Mangpha  :'( :'( :'(....

©Siamsinna leh Vakiangbu