SENCHIL VUALNGAIH
By ~ Bk Suan
"Helo, Uumung, ka Message mulou maw? Non thuk hetkei a? Damlou maw? Tulai na buaituak ngei e? Na hoihhoih na maw? Chi in Chingnu in a Umung fone hi.
Halo, Ching, Zingpha! Dam mah ing ei. Message leng en man nailou ka hi. Ofis tungphet hilai. Bang thu a hia le? Kon enzual ding hia le, fone ana lenzual in aw . Message a sim zoh in A fone bang a koih kha zawzen a, a om melmul mawk hi." :) :)
Chingnu leh Mungpi bel a neu ua pat khokhat leh Skul khat a ana khanglian khawm ahi ua, a kingaina un a kinel mahmah uhi. Vannuai a thu teng phial a theih bangbang un kikumtuah (share) zelzel uhi. Amau gel kingaihnatna bel lawmta kingaihnatna tan lel ahi a, kingaizawng chih leng ahi kei uhi. A skul kailai un leng ana ki-class tou den ua, hun tam kuamtak a neulai uleh a tuailai khangdawng hunte uh leng a na zangkhawmta uhi. Skul ah a pawl zah uh kibang a, a subject te bang uh leng kikum in haksa a sakte uleh a theih siamlouhte bang u leng kihilh tuah zelzel uhi.
Class 9 ahih lai un Chingnu in ngaihzawng nei a, Mungpi in bel neilou hi. Hiai thu leng kitheihpih tuak uhi. Chingnu ngaihzawngpa, Thangboi bel a pawlam et in mihoih chi mahmah a, a mel leng selou a, himahleh khodang apan akhua ua skul kai a va om ahìh ban ah, a skul uh leng tuam a, Class leng amau tung geih a te ahi zawmah hi. A kai na mun uleh a khua uh kibanglou ahih natak in Thangboi nungchang leh gamtatdante kichiantak a theiloupi in Chingnu in a uThangboi 'Try' na ana dawng kha mawk a, a lungsim tak piak hak a sak dan thu leng Mungpì'n theihpìh hi.
A Chil in bangmah kitheituah kei mah le uh, a kingaihna uh hong sawt dungzui in Chingnu in a uThangboi hinkhua a theih beh hiaihiai hi. Thangboi bel Nganja leh Kaani lou a om theilou khat ana hi a, huaite a hih kei leh om hiit-hiat theilou mawk ahih lam Chingnu in theihbeh hi. Himahleh ana dawng kha lakloh ahih ziak in khen tuanlou in kingai lah bang kingailou lah bang in hong om ta uhi.
Hun in ngak neilou a mualliam zungzung ahihman in, BA a zawh kum un Mungpi in Central Govt. sepna khat gelh ching a, a sepna mun, state dang ah om hi. Himahleh, amau bel a kal laklak in fone tungtawn khawng in kithuzak zel uhi.
Chingnu ahihleh a khua uah om in Private skul ah sem a, khotang vai leh saptuam khawng ah leng feltak leh hoìhtak in kihel a, a khosung weekly Local News ua "Kuate'n Bang gen" leh "Lateel" Column khawng ah bangbang hiam gensak in teelsak zel ua, a chang in a News sailam khangthakte bang in a uMungpi toh a kithuahtheih lamtak uh thei ahi ngei ding ua, amau gel a di bang in la peuh teelsak gopgawp sek uhi. Mungpi in leng a kho News uh ana simkha zel sam ahihman in a muh chiang in a kingai hilou napi in poi a na sa kei a, a na nui chemcham zel hi.
Chingnu leng BA lah a zohna kum 2 pai di hita chi in, a innkuante'n pasal a neih ding deih mahmah ta ua, a tanau lainate bang in leng gen pihpih sek uh ahihman un, Nikhat Pastor zouthak khat Khampu in a Ji ding in vadawp a, a Innkuante'n leng ana YES pah maimah uhi. Kiteng ding dinmun a hong om tak un, Chingnu in a Umung message hiai bang in khak hi :
"Umung, na damzel ka lam en a, tuni in kipak ding ka hia, dah ding chih le ka theizou kei. Ka innkuante'n pasal neih hun hon sak laitak un kei a dia, Pathian sehsa leng ahi kha diam, Pastor Khampu toh kiteng ding chi in ka innkuante tuak uh ana kihoulemta maimah ve uh aw. A ni ding bel chiang hinai kei mah leh, khovel a ka lawm ngaihpen leh thu teng kon share ngamna na hìh man in kon hilh pah kha a; Hiai bang thu hong om ziak leng hituanlou in, bang chidan a diam ah, mundang a non om san apan thawmhauna riau khat ka na nei gige a, hun hong sawt dungzui a beimai ding ka sak leh, kon Missed na a beithei kei mawk a, lamdang bang ka sa zezen a, na lungsim loulam ahih lelah lawmta i hi a, hon na theisiam le chin maw, uMung. uKhampu toh ka kitenni di uh a chian chìang in kon hilh thak di. Nang leng huai hun a hong tel theih teitei hon sawm aw. Tun lah zan leng a sawt simta a, ka balance le ana bei a hon call ut huai sim hinapi in kon SmS thoh mai ahi. Msg na muh hunhun in hon thuzak pah aw, uMung." chi in Ziltawp nitak in Chingnu in a uMung SmS khak hi.
Mungpi in a fone Sintawpni/Zirtawpni in a Ofis drawer ah mangngilh kha a, kuamah toh kithuzak theilou in ni 2 (Kiginni leh Pathianni) sung om hi. Huai ziak a Chingnu in le a uMung Seppatni/Thohtran ni in Call top a, thu omdan dong ana hi maimah.
Beita . . . .
©Siamsinna leh Vakiangbu
"Helo, Uumung, ka Message mulou maw? Non thuk hetkei a? Damlou maw? Tulai na buaituak ngei e? Na hoihhoih na maw? Chi in Chingnu in a Umung fone hi.
Halo, Ching, Zingpha! Dam mah ing ei. Message leng en man nailou ka hi. Ofis tungphet hilai. Bang thu a hia le? Kon enzual ding hia le, fone ana lenzual in aw . Message a sim zoh in A fone bang a koih kha zawzen a, a om melmul mawk hi." :) :)
Chingnu leh Mungpi bel a neu ua pat khokhat leh Skul khat a ana khanglian khawm ahi ua, a kingaina un a kinel mahmah uhi. Vannuai a thu teng phial a theih bangbang un kikumtuah (share) zelzel uhi. Amau gel kingaihnatna bel lawmta kingaihnatna tan lel ahi a, kingaizawng chih leng ahi kei uhi. A skul kailai un leng ana ki-class tou den ua, hun tam kuamtak a neulai uleh a tuailai khangdawng hunte uh leng a na zangkhawmta uhi. Skul ah a pawl zah uh kibang a, a subject te bang uh leng kikum in haksa a sakte uleh a theih siamlouhte bang u leng kihilh tuah zelzel uhi.
Class 9 ahih lai un Chingnu in ngaihzawng nei a, Mungpi in bel neilou hi. Hiai thu leng kitheihpih tuak uhi. Chingnu ngaihzawngpa, Thangboi bel a pawlam et in mihoih chi mahmah a, a mel leng selou a, himahleh khodang apan akhua ua skul kai a va om ahìh ban ah, a skul uh leng tuam a, Class leng amau tung geih a te ahi zawmah hi. A kai na mun uleh a khua uh kibanglou ahih natak in Thangboi nungchang leh gamtatdante kichiantak a theiloupi in Chingnu in a uThangboi 'Try' na ana dawng kha mawk a, a lungsim tak piak hak a sak dan thu leng Mungpì'n theihpìh hi.
A Chil in bangmah kitheituah kei mah le uh, a kingaihna uh hong sawt dungzui in Chingnu in a uThangboi hinkhua a theih beh hiaihiai hi. Thangboi bel Nganja leh Kaani lou a om theilou khat ana hi a, huaite a hih kei leh om hiit-hiat theilou mawk ahih lam Chingnu in theihbeh hi. Himahleh ana dawng kha lakloh ahih ziak in khen tuanlou in kingai lah bang kingailou lah bang in hong om ta uhi.
Hun in ngak neilou a mualliam zungzung ahihman in, BA a zawh kum un Mungpi in Central Govt. sepna khat gelh ching a, a sepna mun, state dang ah om hi. Himahleh, amau bel a kal laklak in fone tungtawn khawng in kithuzak zel uhi.
Chingnu ahihleh a khua uah om in Private skul ah sem a, khotang vai leh saptuam khawng ah leng feltak leh hoìhtak in kihel a, a khosung weekly Local News ua "Kuate'n Bang gen" leh "Lateel" Column khawng ah bangbang hiam gensak in teelsak zel ua, a chang in a News sailam khangthakte bang in a uMungpi toh a kithuahtheih lamtak uh thei ahi ngei ding ua, amau gel a di bang in la peuh teelsak gopgawp sek uhi. Mungpi in leng a kho News uh ana simkha zel sam ahihman in a muh chiang in a kingai hilou napi in poi a na sa kei a, a na nui chemcham zel hi.
Chingnu leng BA lah a zohna kum 2 pai di hita chi in, a innkuante'n pasal a neih ding deih mahmah ta ua, a tanau lainate bang in leng gen pihpih sek uh ahihman un, Nikhat Pastor zouthak khat Khampu in a Ji ding in vadawp a, a Innkuante'n leng ana YES pah maimah uhi. Kiteng ding dinmun a hong om tak un, Chingnu in a Umung message hiai bang in khak hi :
"Umung, na damzel ka lam en a, tuni in kipak ding ka hia, dah ding chih le ka theizou kei. Ka innkuante'n pasal neih hun hon sak laitak un kei a dia, Pathian sehsa leng ahi kha diam, Pastor Khampu toh kiteng ding chi in ka innkuante tuak uh ana kihoulemta maimah ve uh aw. A ni ding bel chiang hinai kei mah leh, khovel a ka lawm ngaihpen leh thu teng kon share ngamna na hìh man in kon hilh pah kha a; Hiai bang thu hong om ziak leng hituanlou in, bang chidan a diam ah, mundang a non om san apan thawmhauna riau khat ka na nei gige a, hun hong sawt dungzui a beimai ding ka sak leh, kon Missed na a beithei kei mawk a, lamdang bang ka sa zezen a, na lungsim loulam ahih lelah lawmta i hi a, hon na theisiam le chin maw, uMung. uKhampu toh ka kitenni di uh a chian chìang in kon hilh thak di. Nang leng huai hun a hong tel theih teitei hon sawm aw. Tun lah zan leng a sawt simta a, ka balance le ana bei a hon call ut huai sim hinapi in kon SmS thoh mai ahi. Msg na muh hunhun in hon thuzak pah aw, uMung." chi in Ziltawp nitak in Chingnu in a uMung SmS khak hi.
Mungpi in a fone Sintawpni/Zirtawpni in a Ofis drawer ah mangngilh kha a, kuamah toh kithuzak theilou in ni 2 (Kiginni leh Pathianni) sung om hi. Huai ziak a Chingnu in le a uMung Seppatni/Thohtran ni in Call top a, thu omdan dong ana hi maimah.
Beita . . . .
©Siamsinna leh Vakiangbu
Comments
Post a Comment