CHRISTY A DIN..
By ~ Pau Lian
Lalboi.. Lalboi... Lal.. ihmu maw chi in nitaklam class lazou hostel ka tunkik in ka room kiang ah ka lawmpa kongkhak ka kiu a, dawn in ka omkei, ken leng ihmu hinteh tuni dam ngellou sa a zingthou khia hiven chi in ka room ka hong a,ka vante suahkhia in ka vakisil hi.Ka kisil zawhnung sawtlou in ka chair ah tukawm in ka table a laibu leplouh a omte ka lemkhawm a, annek ding ka ngak hi. Nipilai chu hun a sawt tel chi a gilkial kisa a ka kingaihtuah laitak in thakhat in Lalboi room ah thawm ngaihtak, sik gin vong zezen ka za a ken leng a fan houh lengkhia a zezen maw chi in ka vapaiphei a,kong va kiu in va samsam mah leng hon dawng ding a omkei. Naktak in ka sam zel a, a kongkhak ka betging leng a ngaih huntawk tak man in kou vual a room omte apan hosteler te a hong pawt ua bangthu a chi in ka kikan ua, ka patauh dan ka gen zawh in amau leng hon sappih uhi. Samsam mah le ung dawnna omlouh man in ka chimawhta ua,hostel care-taker pa ka vasamta uhi. Caretaker pa hong tun in aman leng kou sap bang in sam mahleh dawnna a mukei, kongkhak tung a etguk theihna ding leng omlou ahihman in atawp in CT pa thupukna toh kongkhak sekpi lianpi mahmah khat in ka sekpuak domdomta ua,ka khenseta uhi.
Lalboi chi in aw pangngai loutak a kikou chiat in tuanglai ah Lalboi lum ngiungeu lam tuh ka kidelh huan ua,a lukhung a chair kisegawp leh a ceiling fan kawi gawp a omte hemkhia in Lalboi ka phongkang ua,a ngawng a kikhihna khaute sut in a taksa vottak lupna tung ah ka lumsak ua,a awm ah thahatna tengtoh sawn mah le ung Lalboi in huih a diklut thei nawnkei, akiang a diang leh patautak a omte'n a awm kineng huan mahle ung lawhtheih ding bangmah a om nawnkei,a khutte vukkhal bang in a vot a,bei ahi ta. Lalboi a beita chi in caretaker pa mangbang tak in a hong kikou kheta hi.
Lawhthei bangmah omkei mahleh mikhual gam a mite deihdan leh paidan zuihna in chi in Lalboi naakthak dia kuaman ka gintak louh uh luang District hospital ah ka pua ua, lampi a ambulance sung ah a khut len kawm in ka lungsim ah Lal,na pallai hun na pammaih sak telmai maw...Khovel nopna pal dek pan hilou i maw? Hai hi na telchia maw ! Na damtheihna kon eng-eng maizen toh ka chi a, lamdang sakna ziak kawm toh kei mahmah leng ka kimawhsa a, a chipih sapih khat omsun bangmah theilou a lawmpa khahsuah hi mawk, min nang a lawm na hi, asuk atou a kiton banghiam bek hon hilh lou a maw hon chih chiang ua ken bang gen ding ka hia ? Damtheihna lunggulh a damlouh zek chia sih khak ding lau a damdawi ne pahpah kei na lawmpa ngaihtuah bang ngaihtuah bek ve, ka chi a, himahleh Lalboi in ka lungsim a theikei, ngaihtak in a bilbuk ah gen lengleng a za nawnkei ding.
Minute 30 nung in damdawi inn ka tungta ua. Huai ah lawhtheih omkei mahleh post-mortem bawlna pindan ah ka koih ua, inpua ah doctor te mansiang ding ka ngak uhi. Lalboi luang zui kei leh ka lawmte uh mi 3 leh Caretaker pa innkong ah ka ding ua, lamdang sakdan ka kikuplai un Caretaker pa'n, Muan, Lal in gen neilou hia? Na kiang a . Lungkhamna chihte vel hon chi a ; ken leng gen nei zeksam mahleh mi mawhsak kaina ding phet chi in nei hetlou eivoi, mak salua ka hi ka chi hi. Hostel a a khohei dante bel miteng theih ahi. Amah bel mi serious tak, buaina himhim bawllou leh daitak a khosa ahi a, kei ngei leng apau kibatpih hikei leng hon houpih diam aw , chih theihphial hilai hi. Dakkal bangzah hiamtak ka kihou nung un Postmortem leng a zouta ua,a luang District Hospital administrator leh police deihna bang in morgue ah koih in kou leng hostel lam ka zuanta uhi.
Hostel ka tun un hosteler te patau tak in ana om ua. Police inle a room sung a etkhiak zawh uh hita. Bang chi di ? Bangthu a ? chi in kei hon dong pah kheukhou ua. Ken leng zaning ka hihman in ama kiah dong ve ua! Aman a genlouh kuan a thei mawk dia , ka chi phephu zezen hi. Lawmte kiang ah suicide note chih dan namu uh hia ? ka chih leh huchi di ka theikei uh. A table ah zaw paper khat om. Na tribal pau ua kigelh ahi , hon chi ua. Ken leng eh, chi in a room ah lawmte toh ka valut uhi. Huai table tung a laipuan kigelh bel bang thupi ana hikei. Zanhal a ka la sakkhop uh a chorus a gelhkhiak maimai ana hi a, lawmte kiang ah laa maimai ahi chikawm in dustbin ah ka paih dek leh, ka lak ua khat in, " khawl in, hiai police in a investigate thak ding ahi, Thil omdan khekkei un, " hon chi a . Ken leng , " aw ..eimah ngut ve "chi in a omna mun ngei ah koih in ka pawtsan a, ann vane in ka room ah ka kik nawnta hi.
Ka room sung ah dimteek in ka kikhum ua, kei thah bang phial in kei apan zaknop ahau mahmah uhi.Thuching bangmah theilou ka hihman in Kol leh Vaite lak a gintak thu bangmah ka gen sawmkei a, police te hon investigate thak hun ding uh ka na ngak uhi. Nitak dak 9 a gin nung zek in police te a hong tung ua, kei hon sam tuam ua, ka dawng theih hetlouh teng mah hon dong uhi. Dawng ding hi lengle theilou ka hihman in a room sung a vante ka vel ua, huchih lai in police khat in , "hiai en dih uh, tuzing tan ale gelhlai dan eive" chi in a personal diary a hon lak a , hon simsak ua, ken leng tu zingkal a a gelh te ka sim a, thil omdan ka theisiam ta hi. Police te thu omdan ka hilh nung in amau leng , "hiai nang mawhpuak ahi. A sung / innkuan te kiang a kipiakkhiak matan hiai a na lawmte muh in na simthei, apek na bohkhiak phal ahi kei dia, rub leng na rub theikei ding " hon chi hi. Ken leng awle chi in ka simzel a, lawmte'n theinuam lua uh ahih na toh denciah hiai misisa personal diary va huchi kep mawk,dencia awkna a pangthei khaleh chi in ka lawmte xerox apan in ka teikhia ua,huai a copy tuh lawmte theih dingdan in ka simta hi.
Lalboi in a sihni zing a a thugelh in mulkim huai sakna hon pia a, ka khasiat peuh asuak hi. Mihing khawng hichi maimai a ngaihtuahna paisau thei ana hi maw ka chi phet hi. Hiai nizing a thu kigelh bel..
"mihing in ka piang a ka mihing hihna tuh kei a din sihna sang in leng a mantawm zaw. Ka dah chiang in ka mit ah khitui luang ding leng a om nawnkei. Mihing hi ngal a kipahna neilou tuh si leh leng a manpha zaw ding. Mihing ka hi, nang na thei, ka taksa dam mahleh ka lungsim in dam ni anei kei. Kei ngai in khatvei bek na kap ngei hia, Christy? Kei zaw khawl manlou a kap ka hi. Khitui a pawt chiang in zaw dahna khitui malte toh a luangbei a, kei bel ka khitui a pawt theikei a,ka lungtang tawng ah a kikholkhawm a, ka sapum a zel a,ka nuih ni in leng ka kap ahi. Ka dahna non puakpih sam hia , Christy? Kon muhtung apan tuni tan kum 14 vingveng na itna hon ngen mah leng na phalkei. Tu ka sihni bek in na itna non peta samkei dia maw? Lunggim tak in ka om a, ittu ding neilou in ka om a , poi non sakpih kei. Himahleh hiai ka luang votsa mutu tamtak te'n ka sih nung bek in poi asak ua leh kei a din a manpha zaw. Ka it Christy, leitung a ka omkhak poi na sak bang in, ka om nawnlouh hun chiang in ana kipakta in aw. Kei ziak a na ihmut mawhnate tua kei ihmut na in beisakta hen. Christy a din ka bangkim ka laanta. Na itna tangzou kei mahleng ken kon itna zaw hankhuk na tun dong na mangngilh nawn din ka gingta kei . Mangpha ka ngaih Christy " chih ana kigelh ka sim a, ka kiim ka pam a lawmte ka en a, pasal toupi ngen khase tak in ka kinuai vengvung uhi.Sim ut nawnlou chi a ka khup leh lawmte'n ki-ihmu ngam tuanlou ding , Simsuak ni, chi in hon ngetnget man un ken leng a bullam ka phen a ka sim nawnta hi.
Pek 1 na apan 5 na :
Hiai Christy a ding ahi, amah ka ngaih nung a kum 13 na leh ni 7 ni a hiai diary ka gelh ahi. Abul a ka pat a tawptan ka tun ma nang apan itna ka tankei leh zaw a tang zoulou ka hi tamai ding. Eh! pasal..ka pa tapa..tangzou buang e.. Kum 13 vingveng suan ding neilou in na itna ana ngen mah leng ka na mukei. Tua kipan in zaw pilna siamna namkim suang in ka pang dia..officer liantak ka hong hi dia, huai chiah zaw kon tangzouta ding. Sum leh pai chi leng bel kei sang a a hauzaw tam in teh. Mel leh puam gen dek leng eikhawng in genphak bang mah neilou hang a, maibei bangmai. Himahleh nang kon itna zaw khovel a melhoih penpen mi nih ki it petmahte a sang in leng a thuk zaw ding. A tasam bel sum leh pai, neih leh lam ahi hetkei. Na itna omna ah kipahna, pilna, siamna, hauhna tanpha om din ka gingta a, huai itna hauhsakna nei leng mi hausa pen, mi kipak pen hi dia kilametna nei a, a tawpkhawk a hon it a ka taksap lianpen na itthukna na kiang a hon ngenngen ka hi zaw. Na theihsiam hun ka na ngak a, Laisiangthou thute bang a kibulphuh in, a ngakzou tungtuante thupha ngah ding kilamen kawm in banglou teng ka sawk a, himahleh lungke din hun tam zaw ah non sawl. Sih tanpha a ginom din ki it kingai hinailoupi peuh ka kichiam a, chiamnuih in na la maimah. Bang a na buaina, Venglou na maw? Na bilbing amaw, non chih lawmlawmte khawng kon itna ziak keleu in bangmah natna tham a chingkei. Itna mitsuan anuam. ahaksa pal dia ka kipumpiak ahi. Nang nopsak na ding hih chi kei mah leng, na nopsak na dia na sikha bang a om natawm leng kiman lua ka hi. Christy, nanglou a si bangmai ka hi chih mangngilh maimai ken aw.
Pek 6 apan 18 tan :
Neulai hun a ka na ngaihtuah gige haihuai sim bang mah leh kei a din zaw meaning neitak ahi.Tangval khat ka hihsam hun ciah kua toh ka kingai dia ? ka na chi a, dau en in ka khutmalte ka kuai a, hoih ka sakte min ka ban ngaihtuah a . " A B C " ka sim a, hiai laimalte lak ah ka ngaihpen min di bang in a kipan diam aw ! ka chi a, laimal A apan Z tan ka simsuak mun mahmah hi. Ka hong khanglian a, atawp in zaw huai minbul kipatna ka zonzon pen laimal C ah ana tu a, hiai laimal C in ka hinkhua ah a genpen zaw Christy chih ana hiden hi. Ka itna thu na kiang a ka gen tampite haitaai (haizaan) thoh ding hi leh leng haitaai ngap huailou khop a tam ahi. Ka thei, genlou ding chichi mah leng gengen kha ka hihna ah na ngaihdamna kon ngen. Vokpi mai ah suangmantam pai ken , non chih ni a nang kei a dia suangmantam hi zaw na hi. Suangmantam mai a vokpi kipai ngeilou ahi ka chih a, na heh ni bang leng ka mitkha in ka mu. Vokpi toh kitehkak mah le teh kei vokpi bang in ka na kitehkak zaw a, mumal neilou kei vokpi bang a vakthaap khat suangmantam a dia zatna bei ding mah kei mah voi maw!! Suangmantam vokpi mai ah pai leng zaw a vok in manna di a theihlouh tawp ale a neitupa kipak lotel di hia! Nang a vokpi, na nu-le-pa vokpi neitu hileh hehehe. Na heh ding lau a ka genzom louh hang in hiah ka diary a gelhkhe thouthou ka hi chih khatvei tei na mu ding. I kingaihkhak a i kitenkhak zenzen leh i nih a i nuihkhop na dia thu gelh ka hi. I kingaihkhak kei leh bel na simkhak ni in khovel a nang vuak om bang in mittui daitak in na sim ding.
Ka hatna tengtoh kon zong a,ka hihtheihna teng suah in ka pang a, kumkhat lungkiatna in ka hinkhua ah kiamna neilou bang a ngai in a kumnawn tanpha in leng ka pang a, hiai itna kichi kei a ding hilou dan hia chi vungvung kawm a ka om ni in ka lungke kha dek nak. Ahi, ngaihtuah mah dih,lungke dia non sawlni in leng a theisiamlou ka hi hetkei,himahleh hiai ka lungkiat a ka tawpkik sawm na in nang kon itna thathou sak deuhdeuh mawk ahi. Kon mangngilh sawm a,zanmang a kon mangmat hun in leng ka thou a nang kon ngaihtuah louh theihna ding ka hih sawm hun in leng nang kon theihtheihna munteng a va tuakkha mah bang in nang kon itna kha in munteng ah hon zui. Sun a ka suunmang natawm in leng nang kon mu,na nuihmai kilawmtak mukei mah leng kei ning chitak a na omdan te ka mitkha ah a hong kilang a, mangngilh ka sawm a ka mit ka siing a himah leh na lim kilatna zaw ka mit a ka muh ahikei-lungtang tawng a mit -chikmah a mial theilou a hon mu ka hih man in ka hon nuse theikei.
Nang a din zaw bangmah a simtaak ka hikei, ka hehpina na tung a ka sunbuak ni in leng nang a din dongkholh maimai ka na hi zaw. Kon ngaih sawm a hilehleng kon ngai theikei. "Na kituahpih ding zong mai ve aw," non chih ngutngutte khawng zaw a lamdang hikei. Huai non ngetna kamdam awnem te'n kei hon su nguai zou ding ahi ke. Kkhatvei bek hon ngai hi leteh chi a kon ngetna in ka hinkhua ah gen a nei zaw. Na ngaihtheih louh zaw na ngaithei ngeikei ding, himahleh kei lampang en hi leteh, nang hon ngaitu diktak khatvei bek ngaihthuk sam kilawm na e, na chi ding. Christy ka lung ke ngeilou ding ahi aw. Kei apan na suahtak ni ding zaw kon theihpih zoukei....
Khovel ah lawm kichi ka neihsun zaw nang na hi. Na taksa mahmah in hon pawl nuam din hon thunun zoukei mah leng nang zaw ka kiang a om neive-itna ziak a a haipen ka hih leh leng ka pom mai a ngaita. Hiai itna a gu a hat dantel nangmah kamsuak apa'n leng ka zata. Lamdang non sa leng ahi kha maithei, lawm leh vual lak ah leng non zumpih tuntun tham mah. Lawm leh vual lak ah leng ka min a kigenkhak ni in na om noplouh lawhna ahi na chih leng ka theilai. Ka hih khelh ahi diam, Nang ka hinkhua a dia hichi tel a kon poimawh? Bangchi ka tel a ka kichi a, bukimlouhna nei a piangsual a beidongte tansik tang a ka kimuh man in vangsia ka kisa. Ka hoihlouhna, ka chitlahna na gente leng ahi theitan in ka bawllem a, ka bawltheihlouh omsun zaw ka taksapum leh ka sakmelte ahi.
Hon ngaite ngai a, hon ngailoute nawlkhin dia hon siamtu in hon bawl hileh ka chi mahmah mai hi. Na itna tang zoulou ding a ka kingaihtuah chiang in leng ka thukhitna zaw tangzou e, pasal, theihsiam louhna apan a theihsiam sakna,huatna apan a itna lampi a paipih di ing a, a tawp chiang a zaw vualzou na ding ka hi ka chi a. Tu in ka lampi zuihte ka en a, diklou hi in ka thei a, nidang apan kon awlmawh nasat luatnate nang a dia ninhuai ahih khak leh chi in ka kidaangkoih a ; nikhat lel leng kumtampi kivei a bat lai in, nang zaw non gamlat san daih zel hi. Huih nung delh bang a hinkhua ka zat kei a din a manna a om nawnlouh hun a hong tun ding zaw ,,, ka ngainam kei. Huaini a tun ngeilouh na ding in kei leng ka pang ahi.
Lawm leh vualte hon thuhilhna mang thei hileng kei a ding in leng hoih khamawh ken teh. Himahleh huai a thu uh ka manna in kei a ding a suplawhna tampi hon pia hi a ka theih man in ka mang kei ding. Amau toh tu in ka kisiat lawhta. Lawm leh vual kal ah leng ka valta. Ka khattang na a khep a khep in a pungta a, huai hihdamna ding in nang a khepkhep in ka kiphamawhta hi. Ut thu hileh kua lungmuang leh khamuang tak in a omlou dia? Hon mangngilh mai inla , na kituahpih ding na zong dia nuamsa tak in na om mai ding non chih laini te niteng hunteng in ka sutkik a, nopsak ka utman in nangmah kon chih teitei dan, tu in hiai laipek ah gelhkhiak ahihmah bang in ka lungtang ah leng namkipna a kipthei pen in ka bawlta hi. Hon it thei mahmah lou na hih leh zaw,,, hon ngaidam inla na nopsakna ding zuan in lampi tuam ah paita in , chi in kon khakhia a, huai zaw nang kon hehpihna ziak lel a ka gen ahi. Ka gen mah bang in na pai a, kon nung delh kik a, na hinkhua ka sim-et a ,nuamsa a na om hun in kei a ding in kipahna gensenglouh neihlawhna ana hi. Himahleh huai kipahna zaw khovel langkhatlam a khua a vak lai in, khovel langkhat lam ah mialna bangmai ahi. Na kipahni in hon kipahpih tei ka ut a, himahleh dahna tellou in ka kipak theikei. Na dahni in zaw gense louh in leng kei a ding in suangtum puak mah a bang. Nang zaw non theihpih ka lamen kei hial hi.
En in ka hinna nang din aw Christy....ki it kingai i hi kei. Lawm bang in hon pawl zaw in chi a simsenglouh ding zah na gen, tu in na thu ka mangta. Na lawm ka hita. Na lawmte lak ah leng a maineu pen,a suantham lou pen leh na lungkhamna pen, kei na lawm thulimlou in nang a dia a tawpna a ka hihtheih sun zaw ka hihna bangbang toh nang a dia kilatkhiak ahita. Lawm in a hinna a lawm a ding a apiak kan a itna thupi zaw a omkei. Hiai itna thupina mite'n gen uh henla, sa uh henla, nang a ngaikhetu in ana pang in.kon paisan ding ni a tung dekta. Kisikna neilou ding in ka thuchiam tuh ka zui ding. Kum 14 vingveng kei ziak a na thuak gimna na kiang a gen banlou ka hih man in hiai lehkha pek a ka hihna tengteng toh suah in nang ka ngaih Christy a ding a ka na gelh bang in ka itna ngei leng hiai lehkha bu (diary) sung ah seel in om henla, ka sisan hinna leh kha natawm seel in om hen..Hinkhua nuam a na zat ding deihna ahi..Kipak in om zaw in Christy ka lawm hoihpen mangpha chi a kigelh ka simzawh un dai sipsip in ka om ua, kuamah kamka ngam leng ka omkei uhi.
Ka room sung a omte lak a a taltak deuhpen in huai a pek tawpna leng hon sim ngalngal in hon chi a ken leng ka sim khin,na thei uh hilou maw ka chi a, a dangte'n leng hon nget teitei ziak un ka simthak hi..
A pek tawpna :
" Mihing in ka piang a ka mihing hihna tuh kei a din sihna sang in leng a mantawm zaw. Ka dah chiang in ka mit ah khitui luang ding leng a om nawnkei. Mihing hi ngal a kipahna neilou tuh si leh leng a manpha zaw ding. Mihing ka hi, nang na thei, ka taksa dam mahleh ka lungsim in dam ni anei kei. Kei ngai in khatvei bek na kap ngei hia , Christy? Kei zaw khawl manlou a kap ka hi. Khitui a pawt chiang in zaw dahna khitui malte toh a luangbei a, kei bel ka khitui a pawt theikei a,ka lungtang tawng ah a kikholkhawm a, ka sapum a zel a,ka nuih ni in leng ka kap ahi. Ka dahna non puakpih sam hia , Christy? Kon muhtung apan tuni tan kum 14 vingveng na itna hon ngen mah leng na phalkei. Tu ka sihni bek in na itna non peta samkei dia maw? Lunggim tak in ka om a, ittu ding neilou in ka om a , poi non sakpih kei. Himahleh hiai ka luang votsa mutu tamtak te'n ka sih nung bek in poi asak ua leh kei a din a manpha zaw. Ka it Christy, leitung a ka omkhak poi na sak bang in, ka om nawnlouh hun chiang in ana kipakta in aw. Kei ziak a na ihmut mawhnate tua kei ihmut na in beisakta hen. Christy a din ka bangkim ka laanta. Na itna tangzou kei mahleng ken kon itna zaw hankhuk na tun dong na mangngilh nawn din ka gingta kei. Mangpha ka ngaih Christy "
chih ka simzawh in ka khup a, ka mai a tupa gennop nei hileh kilawm khat ka enphei a, heh simtak in bang e? ka chih leh aman leng, " huai Christy nang thei maw? " hon chi a, ken leng thei khang, a ki phone zellam uh zaw theimah ing e. Bangmah hon hilhlou a maw , ka chi hi. Huchih lai in ka lakmah ua khat in a itna zaw a thupi tel. Hiai ze-etna thuak mualsuah hileh Lalboi hinkhua a dia vualzawlna tampi kiselgukna hi ding ahi. Amah a kipiakzawh ziak a chaan. A nungak chan hizaw eive , a hon chih leh lawm dangte'n leng, " nang le nungak hon ngai theilou kum 14 lam try ve na puulsih kei dia " chi'n a dawng souhsouh ua , huai tuh zankhovak a ka kihoulimna uh a suak a, zingkhua hong vak in Lalboi sunna tuh ka nei ua. A luang hospital lam a a delhthei liai in delh in a amah it a ngaina khempeuh te'n anu leh pate puakkhiak tan ka va ompih ua, huchi in Lalboi luang tuh innlam a puak ahih zawh in misite dan bangtak in haanmual ah vui in a omta hi.
Beita
©Siamsinna leh Vakiangbu
Lalboi.. Lalboi... Lal.. ihmu maw chi in nitaklam class lazou hostel ka tunkik in ka room kiang ah ka lawmpa kongkhak ka kiu a, dawn in ka omkei, ken leng ihmu hinteh tuni dam ngellou sa a zingthou khia hiven chi in ka room ka hong a,ka vante suahkhia in ka vakisil hi.Ka kisil zawhnung sawtlou in ka chair ah tukawm in ka table a laibu leplouh a omte ka lemkhawm a, annek ding ka ngak hi. Nipilai chu hun a sawt tel chi a gilkial kisa a ka kingaihtuah laitak in thakhat in Lalboi room ah thawm ngaihtak, sik gin vong zezen ka za a ken leng a fan houh lengkhia a zezen maw chi in ka vapaiphei a,kong va kiu in va samsam mah leng hon dawng ding a omkei. Naktak in ka sam zel a, a kongkhak ka betging leng a ngaih huntawk tak man in kou vual a room omte apan hosteler te a hong pawt ua bangthu a chi in ka kikan ua, ka patauh dan ka gen zawh in amau leng hon sappih uhi. Samsam mah le ung dawnna omlouh man in ka chimawhta ua,hostel care-taker pa ka vasamta uhi. Caretaker pa hong tun in aman leng kou sap bang in sam mahleh dawnna a mukei, kongkhak tung a etguk theihna ding leng omlou ahihman in atawp in CT pa thupukna toh kongkhak sekpi lianpi mahmah khat in ka sekpuak domdomta ua,ka khenseta uhi.
Lalboi chi in aw pangngai loutak a kikou chiat in tuanglai ah Lalboi lum ngiungeu lam tuh ka kidelh huan ua,a lukhung a chair kisegawp leh a ceiling fan kawi gawp a omte hemkhia in Lalboi ka phongkang ua,a ngawng a kikhihna khaute sut in a taksa vottak lupna tung ah ka lumsak ua,a awm ah thahatna tengtoh sawn mah le ung Lalboi in huih a diklut thei nawnkei, akiang a diang leh patautak a omte'n a awm kineng huan mahle ung lawhtheih ding bangmah a om nawnkei,a khutte vukkhal bang in a vot a,bei ahi ta. Lalboi a beita chi in caretaker pa mangbang tak in a hong kikou kheta hi.
Lawhthei bangmah omkei mahleh mikhual gam a mite deihdan leh paidan zuihna in chi in Lalboi naakthak dia kuaman ka gintak louh uh luang District hospital ah ka pua ua, lampi a ambulance sung ah a khut len kawm in ka lungsim ah Lal,na pallai hun na pammaih sak telmai maw...Khovel nopna pal dek pan hilou i maw? Hai hi na telchia maw ! Na damtheihna kon eng-eng maizen toh ka chi a, lamdang sakna ziak kawm toh kei mahmah leng ka kimawhsa a, a chipih sapih khat omsun bangmah theilou a lawmpa khahsuah hi mawk, min nang a lawm na hi, asuk atou a kiton banghiam bek hon hilh lou a maw hon chih chiang ua ken bang gen ding ka hia ? Damtheihna lunggulh a damlouh zek chia sih khak ding lau a damdawi ne pahpah kei na lawmpa ngaihtuah bang ngaihtuah bek ve, ka chi a, himahleh Lalboi in ka lungsim a theikei, ngaihtak in a bilbuk ah gen lengleng a za nawnkei ding.
Minute 30 nung in damdawi inn ka tungta ua. Huai ah lawhtheih omkei mahleh post-mortem bawlna pindan ah ka koih ua, inpua ah doctor te mansiang ding ka ngak uhi. Lalboi luang zui kei leh ka lawmte uh mi 3 leh Caretaker pa innkong ah ka ding ua, lamdang sakdan ka kikuplai un Caretaker pa'n, Muan, Lal in gen neilou hia? Na kiang a . Lungkhamna chihte vel hon chi a ; ken leng gen nei zeksam mahleh mi mawhsak kaina ding phet chi in nei hetlou eivoi, mak salua ka hi ka chi hi. Hostel a a khohei dante bel miteng theih ahi. Amah bel mi serious tak, buaina himhim bawllou leh daitak a khosa ahi a, kei ngei leng apau kibatpih hikei leng hon houpih diam aw , chih theihphial hilai hi. Dakkal bangzah hiamtak ka kihou nung un Postmortem leng a zouta ua,a luang District Hospital administrator leh police deihna bang in morgue ah koih in kou leng hostel lam ka zuanta uhi.
Hostel ka tun un hosteler te patau tak in ana om ua. Police inle a room sung a etkhiak zawh uh hita. Bang chi di ? Bangthu a ? chi in kei hon dong pah kheukhou ua. Ken leng zaning ka hihman in ama kiah dong ve ua! Aman a genlouh kuan a thei mawk dia , ka chi phephu zezen hi. Lawmte kiang ah suicide note chih dan namu uh hia ? ka chih leh huchi di ka theikei uh. A table ah zaw paper khat om. Na tribal pau ua kigelh ahi , hon chi ua. Ken leng eh, chi in a room ah lawmte toh ka valut uhi. Huai table tung a laipuan kigelh bel bang thupi ana hikei. Zanhal a ka la sakkhop uh a chorus a gelhkhiak maimai ana hi a, lawmte kiang ah laa maimai ahi chikawm in dustbin ah ka paih dek leh, ka lak ua khat in, " khawl in, hiai police in a investigate thak ding ahi, Thil omdan khekkei un, " hon chi a . Ken leng , " aw ..eimah ngut ve "chi in a omna mun ngei ah koih in ka pawtsan a, ann vane in ka room ah ka kik nawnta hi.
Ka room sung ah dimteek in ka kikhum ua, kei thah bang phial in kei apan zaknop ahau mahmah uhi.Thuching bangmah theilou ka hihman in Kol leh Vaite lak a gintak thu bangmah ka gen sawmkei a, police te hon investigate thak hun ding uh ka na ngak uhi. Nitak dak 9 a gin nung zek in police te a hong tung ua, kei hon sam tuam ua, ka dawng theih hetlouh teng mah hon dong uhi. Dawng ding hi lengle theilou ka hihman in a room sung a vante ka vel ua, huchih lai in police khat in , "hiai en dih uh, tuzing tan ale gelhlai dan eive" chi in a personal diary a hon lak a , hon simsak ua, ken leng tu zingkal a a gelh te ka sim a, thil omdan ka theisiam ta hi. Police te thu omdan ka hilh nung in amau leng , "hiai nang mawhpuak ahi. A sung / innkuan te kiang a kipiakkhiak matan hiai a na lawmte muh in na simthei, apek na bohkhiak phal ahi kei dia, rub leng na rub theikei ding " hon chi hi. Ken leng awle chi in ka simzel a, lawmte'n theinuam lua uh ahih na toh denciah hiai misisa personal diary va huchi kep mawk,dencia awkna a pangthei khaleh chi in ka lawmte xerox apan in ka teikhia ua,huai a copy tuh lawmte theih dingdan in ka simta hi.
Lalboi in a sihni zing a a thugelh in mulkim huai sakna hon pia a, ka khasiat peuh asuak hi. Mihing khawng hichi maimai a ngaihtuahna paisau thei ana hi maw ka chi phet hi. Hiai nizing a thu kigelh bel..
"mihing in ka piang a ka mihing hihna tuh kei a din sihna sang in leng a mantawm zaw. Ka dah chiang in ka mit ah khitui luang ding leng a om nawnkei. Mihing hi ngal a kipahna neilou tuh si leh leng a manpha zaw ding. Mihing ka hi, nang na thei, ka taksa dam mahleh ka lungsim in dam ni anei kei. Kei ngai in khatvei bek na kap ngei hia, Christy? Kei zaw khawl manlou a kap ka hi. Khitui a pawt chiang in zaw dahna khitui malte toh a luangbei a, kei bel ka khitui a pawt theikei a,ka lungtang tawng ah a kikholkhawm a, ka sapum a zel a,ka nuih ni in leng ka kap ahi. Ka dahna non puakpih sam hia , Christy? Kon muhtung apan tuni tan kum 14 vingveng na itna hon ngen mah leng na phalkei. Tu ka sihni bek in na itna non peta samkei dia maw? Lunggim tak in ka om a, ittu ding neilou in ka om a , poi non sakpih kei. Himahleh hiai ka luang votsa mutu tamtak te'n ka sih nung bek in poi asak ua leh kei a din a manpha zaw. Ka it Christy, leitung a ka omkhak poi na sak bang in, ka om nawnlouh hun chiang in ana kipakta in aw. Kei ziak a na ihmut mawhnate tua kei ihmut na in beisakta hen. Christy a din ka bangkim ka laanta. Na itna tangzou kei mahleng ken kon itna zaw hankhuk na tun dong na mangngilh nawn din ka gingta kei . Mangpha ka ngaih Christy " chih ana kigelh ka sim a, ka kiim ka pam a lawmte ka en a, pasal toupi ngen khase tak in ka kinuai vengvung uhi.Sim ut nawnlou chi a ka khup leh lawmte'n ki-ihmu ngam tuanlou ding , Simsuak ni, chi in hon ngetnget man un ken leng a bullam ka phen a ka sim nawnta hi.
Pek 1 na apan 5 na :
Hiai Christy a ding ahi, amah ka ngaih nung a kum 13 na leh ni 7 ni a hiai diary ka gelh ahi. Abul a ka pat a tawptan ka tun ma nang apan itna ka tankei leh zaw a tang zoulou ka hi tamai ding. Eh! pasal..ka pa tapa..tangzou buang e.. Kum 13 vingveng suan ding neilou in na itna ana ngen mah leng ka na mukei. Tua kipan in zaw pilna siamna namkim suang in ka pang dia..officer liantak ka hong hi dia, huai chiah zaw kon tangzouta ding. Sum leh pai chi leng bel kei sang a a hauzaw tam in teh. Mel leh puam gen dek leng eikhawng in genphak bang mah neilou hang a, maibei bangmai. Himahleh nang kon itna zaw khovel a melhoih penpen mi nih ki it petmahte a sang in leng a thuk zaw ding. A tasam bel sum leh pai, neih leh lam ahi hetkei. Na itna omna ah kipahna, pilna, siamna, hauhna tanpha om din ka gingta a, huai itna hauhsakna nei leng mi hausa pen, mi kipak pen hi dia kilametna nei a, a tawpkhawk a hon it a ka taksap lianpen na itthukna na kiang a hon ngenngen ka hi zaw. Na theihsiam hun ka na ngak a, Laisiangthou thute bang a kibulphuh in, a ngakzou tungtuante thupha ngah ding kilamen kawm in banglou teng ka sawk a, himahleh lungke din hun tam zaw ah non sawl. Sih tanpha a ginom din ki it kingai hinailoupi peuh ka kichiam a, chiamnuih in na la maimah. Bang a na buaina, Venglou na maw? Na bilbing amaw, non chih lawmlawmte khawng kon itna ziak keleu in bangmah natna tham a chingkei. Itna mitsuan anuam. ahaksa pal dia ka kipumpiak ahi. Nang nopsak na ding hih chi kei mah leng, na nopsak na dia na sikha bang a om natawm leng kiman lua ka hi. Christy, nanglou a si bangmai ka hi chih mangngilh maimai ken aw.
Pek 6 apan 18 tan :
Neulai hun a ka na ngaihtuah gige haihuai sim bang mah leh kei a din zaw meaning neitak ahi.Tangval khat ka hihsam hun ciah kua toh ka kingai dia ? ka na chi a, dau en in ka khutmalte ka kuai a, hoih ka sakte min ka ban ngaihtuah a . " A B C " ka sim a, hiai laimalte lak ah ka ngaihpen min di bang in a kipan diam aw ! ka chi a, laimal A apan Z tan ka simsuak mun mahmah hi. Ka hong khanglian a, atawp in zaw huai minbul kipatna ka zonzon pen laimal C ah ana tu a, hiai laimal C in ka hinkhua ah a genpen zaw Christy chih ana hiden hi. Ka itna thu na kiang a ka gen tampite haitaai (haizaan) thoh ding hi leh leng haitaai ngap huailou khop a tam ahi. Ka thei, genlou ding chichi mah leng gengen kha ka hihna ah na ngaihdamna kon ngen. Vokpi mai ah suangmantam pai ken , non chih ni a nang kei a dia suangmantam hi zaw na hi. Suangmantam mai a vokpi kipai ngeilou ahi ka chih a, na heh ni bang leng ka mitkha in ka mu. Vokpi toh kitehkak mah le teh kei vokpi bang in ka na kitehkak zaw a, mumal neilou kei vokpi bang a vakthaap khat suangmantam a dia zatna bei ding mah kei mah voi maw!! Suangmantam vokpi mai ah pai leng zaw a vok in manna di a theihlouh tawp ale a neitupa kipak lotel di hia! Nang a vokpi, na nu-le-pa vokpi neitu hileh hehehe. Na heh ding lau a ka genzom louh hang in hiah ka diary a gelhkhe thouthou ka hi chih khatvei tei na mu ding. I kingaihkhak a i kitenkhak zenzen leh i nih a i nuihkhop na dia thu gelh ka hi. I kingaihkhak kei leh bel na simkhak ni in khovel a nang vuak om bang in mittui daitak in na sim ding.
Ka hatna tengtoh kon zong a,ka hihtheihna teng suah in ka pang a, kumkhat lungkiatna in ka hinkhua ah kiamna neilou bang a ngai in a kumnawn tanpha in leng ka pang a, hiai itna kichi kei a ding hilou dan hia chi vungvung kawm a ka om ni in ka lungke kha dek nak. Ahi, ngaihtuah mah dih,lungke dia non sawlni in leng a theisiamlou ka hi hetkei,himahleh hiai ka lungkiat a ka tawpkik sawm na in nang kon itna thathou sak deuhdeuh mawk ahi. Kon mangngilh sawm a,zanmang a kon mangmat hun in leng ka thou a nang kon ngaihtuah louh theihna ding ka hih sawm hun in leng nang kon theihtheihna munteng a va tuakkha mah bang in nang kon itna kha in munteng ah hon zui. Sun a ka suunmang natawm in leng nang kon mu,na nuihmai kilawmtak mukei mah leng kei ning chitak a na omdan te ka mitkha ah a hong kilang a, mangngilh ka sawm a ka mit ka siing a himah leh na lim kilatna zaw ka mit a ka muh ahikei-lungtang tawng a mit -chikmah a mial theilou a hon mu ka hih man in ka hon nuse theikei.
Nang a din zaw bangmah a simtaak ka hikei, ka hehpina na tung a ka sunbuak ni in leng nang a din dongkholh maimai ka na hi zaw. Kon ngaih sawm a hilehleng kon ngai theikei. "Na kituahpih ding zong mai ve aw," non chih ngutngutte khawng zaw a lamdang hikei. Huai non ngetna kamdam awnem te'n kei hon su nguai zou ding ahi ke. Kkhatvei bek hon ngai hi leteh chi a kon ngetna in ka hinkhua ah gen a nei zaw. Na ngaihtheih louh zaw na ngaithei ngeikei ding, himahleh kei lampang en hi leteh, nang hon ngaitu diktak khatvei bek ngaihthuk sam kilawm na e, na chi ding. Christy ka lung ke ngeilou ding ahi aw. Kei apan na suahtak ni ding zaw kon theihpih zoukei....
Khovel ah lawm kichi ka neihsun zaw nang na hi. Na taksa mahmah in hon pawl nuam din hon thunun zoukei mah leng nang zaw ka kiang a om neive-itna ziak a a haipen ka hih leh leng ka pom mai a ngaita. Hiai itna a gu a hat dantel nangmah kamsuak apa'n leng ka zata. Lamdang non sa leng ahi kha maithei, lawm leh vual lak ah leng non zumpih tuntun tham mah. Lawm leh vual lak ah leng ka min a kigenkhak ni in na om noplouh lawhna ahi na chih leng ka theilai. Ka hih khelh ahi diam, Nang ka hinkhua a dia hichi tel a kon poimawh? Bangchi ka tel a ka kichi a, bukimlouhna nei a piangsual a beidongte tansik tang a ka kimuh man in vangsia ka kisa. Ka hoihlouhna, ka chitlahna na gente leng ahi theitan in ka bawllem a, ka bawltheihlouh omsun zaw ka taksapum leh ka sakmelte ahi.
Hon ngaite ngai a, hon ngailoute nawlkhin dia hon siamtu in hon bawl hileh ka chi mahmah mai hi. Na itna tang zoulou ding a ka kingaihtuah chiang in leng ka thukhitna zaw tangzou e, pasal, theihsiam louhna apan a theihsiam sakna,huatna apan a itna lampi a paipih di ing a, a tawp chiang a zaw vualzou na ding ka hi ka chi a. Tu in ka lampi zuihte ka en a, diklou hi in ka thei a, nidang apan kon awlmawh nasat luatnate nang a dia ninhuai ahih khak leh chi in ka kidaangkoih a ; nikhat lel leng kumtampi kivei a bat lai in, nang zaw non gamlat san daih zel hi. Huih nung delh bang a hinkhua ka zat kei a din a manna a om nawnlouh hun a hong tun ding zaw ,,, ka ngainam kei. Huaini a tun ngeilouh na ding in kei leng ka pang ahi.
Lawm leh vualte hon thuhilhna mang thei hileng kei a ding in leng hoih khamawh ken teh. Himahleh huai a thu uh ka manna in kei a ding a suplawhna tampi hon pia hi a ka theih man in ka mang kei ding. Amau toh tu in ka kisiat lawhta. Lawm leh vual kal ah leng ka valta. Ka khattang na a khep a khep in a pungta a, huai hihdamna ding in nang a khepkhep in ka kiphamawhta hi. Ut thu hileh kua lungmuang leh khamuang tak in a omlou dia? Hon mangngilh mai inla , na kituahpih ding na zong dia nuamsa tak in na om mai ding non chih laini te niteng hunteng in ka sutkik a, nopsak ka utman in nangmah kon chih teitei dan, tu in hiai laipek ah gelhkhiak ahihmah bang in ka lungtang ah leng namkipna a kipthei pen in ka bawlta hi. Hon it thei mahmah lou na hih leh zaw,,, hon ngaidam inla na nopsakna ding zuan in lampi tuam ah paita in , chi in kon khakhia a, huai zaw nang kon hehpihna ziak lel a ka gen ahi. Ka gen mah bang in na pai a, kon nung delh kik a, na hinkhua ka sim-et a ,nuamsa a na om hun in kei a ding in kipahna gensenglouh neihlawhna ana hi. Himahleh huai kipahna zaw khovel langkhatlam a khua a vak lai in, khovel langkhat lam ah mialna bangmai ahi. Na kipahni in hon kipahpih tei ka ut a, himahleh dahna tellou in ka kipak theikei. Na dahni in zaw gense louh in leng kei a ding in suangtum puak mah a bang. Nang zaw non theihpih ka lamen kei hial hi.
En in ka hinna nang din aw Christy....ki it kingai i hi kei. Lawm bang in hon pawl zaw in chi a simsenglouh ding zah na gen, tu in na thu ka mangta. Na lawm ka hita. Na lawmte lak ah leng a maineu pen,a suantham lou pen leh na lungkhamna pen, kei na lawm thulimlou in nang a dia a tawpna a ka hihtheih sun zaw ka hihna bangbang toh nang a dia kilatkhiak ahita. Lawm in a hinna a lawm a ding a apiak kan a itna thupi zaw a omkei. Hiai itna thupina mite'n gen uh henla, sa uh henla, nang a ngaikhetu in ana pang in.kon paisan ding ni a tung dekta. Kisikna neilou ding in ka thuchiam tuh ka zui ding. Kum 14 vingveng kei ziak a na thuak gimna na kiang a gen banlou ka hih man in hiai lehkha pek a ka hihna tengteng toh suah in nang ka ngaih Christy a ding a ka na gelh bang in ka itna ngei leng hiai lehkha bu (diary) sung ah seel in om henla, ka sisan hinna leh kha natawm seel in om hen..Hinkhua nuam a na zat ding deihna ahi..Kipak in om zaw in Christy ka lawm hoihpen mangpha chi a kigelh ka simzawh un dai sipsip in ka om ua, kuamah kamka ngam leng ka omkei uhi.
Ka room sung a omte lak a a taltak deuhpen in huai a pek tawpna leng hon sim ngalngal in hon chi a ken leng ka sim khin,na thei uh hilou maw ka chi a, a dangte'n leng hon nget teitei ziak un ka simthak hi..
A pek tawpna :
" Mihing in ka piang a ka mihing hihna tuh kei a din sihna sang in leng a mantawm zaw. Ka dah chiang in ka mit ah khitui luang ding leng a om nawnkei. Mihing hi ngal a kipahna neilou tuh si leh leng a manpha zaw ding. Mihing ka hi, nang na thei, ka taksa dam mahleh ka lungsim in dam ni anei kei. Kei ngai in khatvei bek na kap ngei hia , Christy? Kei zaw khawl manlou a kap ka hi. Khitui a pawt chiang in zaw dahna khitui malte toh a luangbei a, kei bel ka khitui a pawt theikei a,ka lungtang tawng ah a kikholkhawm a, ka sapum a zel a,ka nuih ni in leng ka kap ahi. Ka dahna non puakpih sam hia , Christy? Kon muhtung apan tuni tan kum 14 vingveng na itna hon ngen mah leng na phalkei. Tu ka sihni bek in na itna non peta samkei dia maw? Lunggim tak in ka om a, ittu ding neilou in ka om a , poi non sakpih kei. Himahleh hiai ka luang votsa mutu tamtak te'n ka sih nung bek in poi asak ua leh kei a din a manpha zaw. Ka it Christy, leitung a ka omkhak poi na sak bang in, ka om nawnlouh hun chiang in ana kipakta in aw. Kei ziak a na ihmut mawhnate tua kei ihmut na in beisakta hen. Christy a din ka bangkim ka laanta. Na itna tangzou kei mahleng ken kon itna zaw hankhuk na tun dong na mangngilh nawn din ka gingta kei. Mangpha ka ngaih Christy "
chih ka simzawh in ka khup a, ka mai a tupa gennop nei hileh kilawm khat ka enphei a, heh simtak in bang e? ka chih leh aman leng, " huai Christy nang thei maw? " hon chi a, ken leng thei khang, a ki phone zellam uh zaw theimah ing e. Bangmah hon hilhlou a maw , ka chi hi. Huchih lai in ka lakmah ua khat in a itna zaw a thupi tel. Hiai ze-etna thuak mualsuah hileh Lalboi hinkhua a dia vualzawlna tampi kiselgukna hi ding ahi. Amah a kipiakzawh ziak a chaan. A nungak chan hizaw eive , a hon chih leh lawm dangte'n leng, " nang le nungak hon ngai theilou kum 14 lam try ve na puulsih kei dia " chi'n a dawng souhsouh ua , huai tuh zankhovak a ka kihoulimna uh a suak a, zingkhua hong vak in Lalboi sunna tuh ka nei ua. A luang hospital lam a a delhthei liai in delh in a amah it a ngaina khempeuh te'n anu leh pate puakkhiak tan ka va ompih ua, huchi in Lalboi luang tuh innlam a puak ahih zawh in misite dan bangtak in haanmual ah vui in a omta hi.
Beita
©Siamsinna leh Vakiangbu
Comments
Post a Comment