SIAN LEMGEEL LOUH HINTE??
By ~ Pau Lian
K'on muhtung a ka hinkhua a hichi tel a na poimawh ding lam kana thei kei, kua nahia chih lel leng k'on theikei. Na tungthu theihtam ut a asuk atou a diang a kipapiak tak a ka hun tampi seng ding inleng kana kikoih ngeikei, namel kamu a, eh, hiainu le ka muh patna eive ka chi a, koi a kipan nahia chih ka theikei, kon nung et kik a, nang leng kon etlam tak nong kinunghei ziak in non mu a, ka zum man in enlou bang in ka om a, ka paimang ta hi. Himahleh nang a kipan ka lampial hang in ka lungtang in nang hon taisan takei a, ka tut leh kadin hun in na sakmel kamu a, ka zalmang natawm na tangta hi. Na paidan, na maimel, na mithah, na sam, na puanak silh tanpha ka lungsim ngaihtuah na ah TV ka et a, milim hong kilang bang in a suak dundun hi. Poisakna neitawm ka kisaklai in poisakna hiai ahi maw chih ka hon theita, poi kasak bel na sakmin leh omna bek kanchian lou a thakhat a huihnung bang a na hong kilat a na lengmang mai.
Namin ding ka ngaihtuah a himahleh ka theihna in a sutkhe zoukei, nang kon muhnop man in i kituahna mun leh a hun ngei in kava khodak zel a himahleh muhdin na omkei a, khenchiang in vansawltak mihing bang a hon kisiamtawm a hong kilaak nadiam aw ka chi a himahleh hiaibang suangtuahna kei mimawl pen inleng haihuai kasak man in ka nawlkhin a ka mangngilh hi. Na aw bek za hileng ka chi alah na aw kazak in na omna ah kei a hon pi keiding chih kathei. Na sakmel kamu a, ka exam na a ding a ka lehkha ka byheart sangmah inleng ka byeheart zaw a, himahleh huai natawm inleng nakiang ah hon pitung tuankei. Kua nahi a ahia ka chi a, na sakmel etlawm tak gelhlouh laipeek ah ka gelhkhia a, paisuk paitou kiang ah hiai mi kua ahia chin ka dong a, kuaman a hon theikei ua, hichi bang mihing ka mungei sam a a chi maimah uh.
K'on zong zel a himahleh ka k'on zongkhe zoukei, khatvei bek hon muleng zaw kei adia hinkhua kikhek lumlet zou ding khop hi a ka chi a, lungke mah leng thathak kala a, ka hon zong a, zumhuai nate kapal a, kouna leh nuihzatsan in ka om. Mihai in a khuak polah kisa in a vialdiang pih a, a suplawh bang in tua a sakmin ka theihlouh ka zonzon pen leh nang itna k'on piakmawk theihpen lamdang kasa a, ka lungsim ngaihtuah theihna leh ka khuak pilna tengteng toh polah tak in nang muhkal ngaklah in ka phe vilvel zezen hi. Itna ziak a haina lampi zuan in ka suplawh thamta chih leng ka theitham hi. Ahihhang in bangmah lou ngaihtuahna sang in banghiam ngaihtuah leh hinpih tham ching zong kahi ka chi a, ka lungtang ka hihkhauh a, deuleu lou hial in mailam ka nawt zel hi.
Ka hinkhua ah khatvei chauh non kilang tel dia hia chih tuh ka dotna thupi pen leng ahi a, mite'n khavei bek k'on ngai hon chilai ve a chih lai un kenbel khatvei chauh kon munuam ka chi hi, a khenchiang in kahon zonlam thei hi zenhouh leteh nang mahmah inleng hon leh zonkik nuam ding in kakoih a, a khenchiang inlah kimu zenzen lengle ka hihthei omtuan loudia maw ka chi a, lungke tak leh kinem kawmtak in ka om hi. Na duangbang duangnei kamu a, nang ding konsa a, kava naih a, kava etchiang in mituam ana hi maimah sek, na sambang samnei ka muh hun inleng enchian lou in ka paisan ngeikei hi. Nang ziak a hiaibang haina katuah mel in theile chinzaw maw? bang non lawh taphet dia?
Nikhat khit nikhat, kalkhat khit kaldang a ka hun manpha tamzaw nang zonna in ka hun zang tuh kahi ta. Ni leh khate hong liam zungzung a, nang melmuh kal tuikang ngak a kana ngaklah tuh a tung ngei takei. Kumte hong thak hun inleng kinepna thak toh ka kidim a, himahleh huai kinepna zaw kinepna muih a suak maimah ta. Nang kahon lunggulh na in tawpni neilou dia ka pomkip himahleh tunzaw kisuanglah tak in na theihlouh kal a itna k'on piak na theihlouh kal mah in kana lakik ta, kimu a nuamtak a houlung kum ding himah leng iki muh ngeilouh man in sian lemgeel louh mah hinteh chi in laidang kana leensan tamai ve, nangleng koihiam a na omna ah nuamtak leh kipak tak a omding in kon koihmai hi. Damtak in aw mangpha :)
©Siamsinna leh Vakiangbu
K'on muhtung a ka hinkhua a hichi tel a na poimawh ding lam kana thei kei, kua nahia chih lel leng k'on theikei. Na tungthu theihtam ut a asuk atou a diang a kipapiak tak a ka hun tampi seng ding inleng kana kikoih ngeikei, namel kamu a, eh, hiainu le ka muh patna eive ka chi a, koi a kipan nahia chih ka theikei, kon nung et kik a, nang leng kon etlam tak nong kinunghei ziak in non mu a, ka zum man in enlou bang in ka om a, ka paimang ta hi. Himahleh nang a kipan ka lampial hang in ka lungtang in nang hon taisan takei a, ka tut leh kadin hun in na sakmel kamu a, ka zalmang natawm na tangta hi. Na paidan, na maimel, na mithah, na sam, na puanak silh tanpha ka lungsim ngaihtuah na ah TV ka et a, milim hong kilang bang in a suak dundun hi. Poisakna neitawm ka kisaklai in poisakna hiai ahi maw chih ka hon theita, poi kasak bel na sakmin leh omna bek kanchian lou a thakhat a huihnung bang a na hong kilat a na lengmang mai.
Namin ding ka ngaihtuah a himahleh ka theihna in a sutkhe zoukei, nang kon muhnop man in i kituahna mun leh a hun ngei in kava khodak zel a himahleh muhdin na omkei a, khenchiang in vansawltak mihing bang a hon kisiamtawm a hong kilaak nadiam aw ka chi a himahleh hiaibang suangtuahna kei mimawl pen inleng haihuai kasak man in ka nawlkhin a ka mangngilh hi. Na aw bek za hileng ka chi alah na aw kazak in na omna ah kei a hon pi keiding chih kathei. Na sakmel kamu a, ka exam na a ding a ka lehkha ka byheart sangmah inleng ka byeheart zaw a, himahleh huai natawm inleng nakiang ah hon pitung tuankei. Kua nahi a ahia ka chi a, na sakmel etlawm tak gelhlouh laipeek ah ka gelhkhia a, paisuk paitou kiang ah hiai mi kua ahia chin ka dong a, kuaman a hon theikei ua, hichi bang mihing ka mungei sam a a chi maimah uh.
K'on zong zel a himahleh ka k'on zongkhe zoukei, khatvei bek hon muleng zaw kei adia hinkhua kikhek lumlet zou ding khop hi a ka chi a, lungke mah leng thathak kala a, ka hon zong a, zumhuai nate kapal a, kouna leh nuihzatsan in ka om. Mihai in a khuak polah kisa in a vialdiang pih a, a suplawh bang in tua a sakmin ka theihlouh ka zonzon pen leh nang itna k'on piakmawk theihpen lamdang kasa a, ka lungsim ngaihtuah theihna leh ka khuak pilna tengteng toh polah tak in nang muhkal ngaklah in ka phe vilvel zezen hi. Itna ziak a haina lampi zuan in ka suplawh thamta chih leng ka theitham hi. Ahihhang in bangmah lou ngaihtuahna sang in banghiam ngaihtuah leh hinpih tham ching zong kahi ka chi a, ka lungtang ka hihkhauh a, deuleu lou hial in mailam ka nawt zel hi.
Ka hinkhua ah khatvei chauh non kilang tel dia hia chih tuh ka dotna thupi pen leng ahi a, mite'n khavei bek k'on ngai hon chilai ve a chih lai un kenbel khatvei chauh kon munuam ka chi hi, a khenchiang in kahon zonlam thei hi zenhouh leteh nang mahmah inleng hon leh zonkik nuam ding in kakoih a, a khenchiang inlah kimu zenzen lengle ka hihthei omtuan loudia maw ka chi a, lungke tak leh kinem kawmtak in ka om hi. Na duangbang duangnei kamu a, nang ding konsa a, kava naih a, kava etchiang in mituam ana hi maimah sek, na sambang samnei ka muh hun inleng enchian lou in ka paisan ngeikei hi. Nang ziak a hiaibang haina katuah mel in theile chinzaw maw? bang non lawh taphet dia?
Nikhat khit nikhat, kalkhat khit kaldang a ka hun manpha tamzaw nang zonna in ka hun zang tuh kahi ta. Ni leh khate hong liam zungzung a, nang melmuh kal tuikang ngak a kana ngaklah tuh a tung ngei takei. Kumte hong thak hun inleng kinepna thak toh ka kidim a, himahleh huai kinepna zaw kinepna muih a suak maimah ta. Nang kahon lunggulh na in tawpni neilou dia ka pomkip himahleh tunzaw kisuanglah tak in na theihlouh kal a itna k'on piak na theihlouh kal mah in kana lakik ta, kimu a nuamtak a houlung kum ding himah leng iki muh ngeilouh man in sian lemgeel louh mah hinteh chi in laidang kana leensan tamai ve, nangleng koihiam a na omna ah nuamtak leh kipak tak a omding in kon koihmai hi. Damtak in aw mangpha :)
©Siamsinna leh Vakiangbu
Comments
Post a Comment