KANA THILTUAH KHAK TEI
By ~ Lkpau Tombing
Ka pu khabemul zut hanhan kawm in, "pu, ka pi sih asawt ta na a na ngaihni atam thei sam di maw?" Ka chih leh, om sam mah e, Chi in hon dawng a kenle, ka pilou ngaihzawng dang na nei hia ka chih kik leh. Thum bang ka na neisam. Himahleh ka ngaih masak pen ka neih khaklou ka ponaa lua. I nop i dah ni'n phok khak masak in a om nak uh. Ngaih masak toh tenglou, lungzuang a khitui nul khalou om din ka ngaihtuah kei. Lamdang ka sa a, akhiakna di ka thei zou kei.
Meithai gai thei zet ka hita. Lawmte'n ngaihzawng anei souhsouh uh. Nikhat kei a dile hon na zonsak ua, numeinu'n le ahon deih lua, ken bel ka pi bawl lawmlawm kei hi. Kum khat bang hong kivei chiang in zaw a ngai law lam ka na hi ta di.
Lawmte'n ngaihzawng zah khawng khut mal kuai zen a hon sim chiang un ei khat kia neipante kizumpih huai mok hi. Ken zong ka khanvual phalah lah hi tuanlou inga.. chi in aguk in ka ngaih masa tuh singdang siang kon zotsanta. Himahleh, huai nu khawng ahoih louhlouh toh vadeihtel, chia kihoute ka hon zak chiang in mi' hon theihma a sakmel hoih zaw siang zot utna ka neita hi.
Ngaih aw, lianu duangkuai zatam laiah na tel hi,
Nang a din zaw ka phu kei lua maw...?
Hizong singdang tan din kon phal kei lua.
Ngaihlianu houlung hong kum leng,
Zinmang tan bang niingzu non lup hi,
Huihkhi'n hon sem leh zinbang na ling veng,
Gam tuaigua phung bang nakip in aw.
Zou huihkhin sawnban hon kaih chiang in,
Tangbang nial mai ve...
Pasal toupi nungak khat thum leh li kikop lou e, chi in leng dang kon sai nonta hi.
Ngaihnou, kei a din na chinlua, namel le ase kei, na nu leh pa'n le kei ahon deihsak uh, kei zong angtang kisa in ka hong maingal lua, nang le itna toh non maingal hi. Ka gente bang chiamnuih himahleh na hon nial ngam a, ka pu' thugen na hon theih sak dekta. Na pau nuam a himahleh, na aw suak in ka ngaih masa atuk kei lua. Na singpi uh alim a, na helkhawm pih in tehkak di ahon pe khanak. Ngaih bang nih leh thum neisa na hi na a kon sit tuan kei. Mangpha khakna chia na hon kiss zel in non itna hon lak. Na muk nem ngiingei adeih thoh huai, ka ngaih masa in Mangpha aw uu hon chih zel pen khum ka sa zaw ka sa kha dek nak.
Lawmte'n Christmas khawnga a it leh ngaihte u toh hun nuam azat dan hon gen a chiang un a englam ka hi di. Nikhat tuh ken le kon sawm teita. Neih leh lam omlou, inn leh lou di nasan khual manlou in, khasawm nung in tuh phutluih in PAPI khat ka hong hita mai hi.
Pa hihna tuh ka khut ah ahong kingata. Zum leh zah khual theih ahi ta kei. Ka gim ka tawl chih hun om man nonlou hi. Ka nunlui zulhzau sanlou hi leng ka hi chi de aw ?? Aman le tutan a hon itlai di hia.. Vai i hong tung hak a i gimsim toh i tate'n hon na su buailai, ka zi le zaw abuai lingling chih thei mah veng aw.. Ka fist love hileh bang achi de aw ! Hon theisiam di hia.. Kei lah gim, ka zi lah inn nna teng toh buai, tate lah akhel hun geih uh, kitheisiam tuah hetlou in kou nupa tuh AKTA MANGKUAN ka kitutu mai ua, ka zi zong haksa sa in hon taisanta. Ka fist love ka vachialbawl nonta. Himahleh a kikhelta mai ve.
Writer's Note : Puahtawm maimai eive ..
©Siamsinna leh Vakiangbu
Ka pu khabemul zut hanhan kawm in, "pu, ka pi sih asawt ta na a na ngaihni atam thei sam di maw?" Ka chih leh, om sam mah e, Chi in hon dawng a kenle, ka pilou ngaihzawng dang na nei hia ka chih kik leh. Thum bang ka na neisam. Himahleh ka ngaih masak pen ka neih khaklou ka ponaa lua. I nop i dah ni'n phok khak masak in a om nak uh. Ngaih masak toh tenglou, lungzuang a khitui nul khalou om din ka ngaihtuah kei. Lamdang ka sa a, akhiakna di ka thei zou kei.
Meithai gai thei zet ka hita. Lawmte'n ngaihzawng anei souhsouh uh. Nikhat kei a dile hon na zonsak ua, numeinu'n le ahon deih lua, ken bel ka pi bawl lawmlawm kei hi. Kum khat bang hong kivei chiang in zaw a ngai law lam ka na hi ta di.
Lawmte'n ngaihzawng zah khawng khut mal kuai zen a hon sim chiang un ei khat kia neipante kizumpih huai mok hi. Ken zong ka khanvual phalah lah hi tuanlou inga.. chi in aguk in ka ngaih masa tuh singdang siang kon zotsanta. Himahleh, huai nu khawng ahoih louhlouh toh vadeihtel, chia kihoute ka hon zak chiang in mi' hon theihma a sakmel hoih zaw siang zot utna ka neita hi.
Ngaih aw, lianu duangkuai zatam laiah na tel hi,
Nang a din zaw ka phu kei lua maw...?
Hizong singdang tan din kon phal kei lua.
Ngaihlianu houlung hong kum leng,
Zinmang tan bang niingzu non lup hi,
Huihkhi'n hon sem leh zinbang na ling veng,
Gam tuaigua phung bang nakip in aw.
Zou huihkhin sawnban hon kaih chiang in,
Tangbang nial mai ve...
Pasal toupi nungak khat thum leh li kikop lou e, chi in leng dang kon sai nonta hi.
Ngaihnou, kei a din na chinlua, namel le ase kei, na nu leh pa'n le kei ahon deihsak uh, kei zong angtang kisa in ka hong maingal lua, nang le itna toh non maingal hi. Ka gente bang chiamnuih himahleh na hon nial ngam a, ka pu' thugen na hon theih sak dekta. Na pau nuam a himahleh, na aw suak in ka ngaih masa atuk kei lua. Na singpi uh alim a, na helkhawm pih in tehkak di ahon pe khanak. Ngaih bang nih leh thum neisa na hi na a kon sit tuan kei. Mangpha khakna chia na hon kiss zel in non itna hon lak. Na muk nem ngiingei adeih thoh huai, ka ngaih masa in Mangpha aw uu hon chih zel pen khum ka sa zaw ka sa kha dek nak.
Lawmte'n Christmas khawnga a it leh ngaihte u toh hun nuam azat dan hon gen a chiang un a englam ka hi di. Nikhat tuh ken le kon sawm teita. Neih leh lam omlou, inn leh lou di nasan khual manlou in, khasawm nung in tuh phutluih in PAPI khat ka hong hita mai hi.
Pa hihna tuh ka khut ah ahong kingata. Zum leh zah khual theih ahi ta kei. Ka gim ka tawl chih hun om man nonlou hi. Ka nunlui zulhzau sanlou hi leng ka hi chi de aw ?? Aman le tutan a hon itlai di hia.. Vai i hong tung hak a i gimsim toh i tate'n hon na su buailai, ka zi le zaw abuai lingling chih thei mah veng aw.. Ka fist love hileh bang achi de aw ! Hon theisiam di hia.. Kei lah gim, ka zi lah inn nna teng toh buai, tate lah akhel hun geih uh, kitheisiam tuah hetlou in kou nupa tuh AKTA MANGKUAN ka kitutu mai ua, ka zi zong haksa sa in hon taisanta. Ka fist love ka vachialbawl nonta. Himahleh a kikhelta mai ve.
Writer's Note : Puahtawm maimai eive ..
©Siamsinna leh Vakiangbu
Comments
Post a Comment