BHUL NAHI PAUNGA
By ~ Nasri Jona Tawmbing Douthuk
KHUH HAWNNA:-
Kum 5 kiveita hi'n ka thei, amah toh ka kimuh louhna uh, kimuhlouh genlouh, kihou le kihoukha ngeilou himhim ka hi uh. Chi zensam nihang, naupan lai khong in chu lawmta kingaitak ka hi ua, niteng hun teng in ka kithuah uh hipen in ka thei hial hi. Sande sikul heutute'n Bible sim busuah chiat di achih lai khong uh, sim busuah dia kisa Genesis muzolou a abeidot laikhong le ka thei renglai, aziak chu aman Jenesis chia zong ahih chia, "Genesis hiai ahi, amasapen a awm ahi", chi'n theihtop in ka hilh a, himahleh a gingta nuam kei a, vuai 10 val Bible a zong suak nung in leng Jenesis amuzou tuankei. A tawp a in chu a Bible zatpen diklou hidi'n a gingta ta, Bible dang ah a zong a, lah Jenesis chia kigelh amu zou tuan himhim kei.
KUM NGA (5) NUNGIN:-
Lai sinna ziak a ka kikhen na uh kum 5 bang kiveita, nikhat Guwahati lam paisuk nang, Ch. Chhunga bus terminal Thuampui Aizawl ah Bus ticket ladia ka kuan ka kimukha zenzen ua, ticket cut zou, "kimuhlouhna le sawt a, banghiam nektheih kon treat di,,,,,,,,,," chi'n restaurant khat ah ka lutpih a, hunluite gen in, sawtsim tak kihoulim in ka tu uhi. A mizia ahihleh naupanlai toh a kikheng lawmlawm kei hi'n ka thei, ahih ziak in bangmah huailam ka gen tuankei a, hih di teng hihzou in ka potkhia ua, a zingchiang a Guwahati lam zuan a motor khat a tuangkhawm di hithou chi'n ka kikhen uhi.
GUWAHAI LAM ZUAN IN:-
Zingkhua hong vak a, kei leng zin ding in ka kisa a, 3:00pm a kipankhe di ka hih ziak un, 2:30 in inn apat in ka pawtkhia hi. Amun ka tung in amah leng ana omkhin derta a, kipatkhiak hun dek ahihman in motor sunglam ah ka tu lutta uhi. Genkhaklouh ka nei kawn gen zual lai di,,,,,,,, ticket ka lak hak ziak un seat ka deihna uh ka tangkha kei ua, line khat a tutkhawm ut mah le ung ahitheih louh ziak in, ka ma seat chiah ah amah a tu hi.
Awl awl in midangte leng a hong lut zel ua, kou gel tutpih di chihlouh midang te a kimvekta uhi. Kou gel ahihleh "kuan i tutpih fuh zaw hiam aw,,,,,,,,"! chi'n ka na kichiamnuih den ua, a top in nungak melhoih sim mahmah mi nih ahong lut ua, "seat 2 kia awng ahihman in i tutpih dite fuhchi na e", chi'n ka ki en ua, ka kinuihsan siuseu uhi. A hong paiphei zel ua, a melhoih zawpen khah amah kiang ah hong tu chat mai hi. Khatpen kei kiang a hong tu di ka sak leh, amah kiang a tupen toh kichibai in a hon pawtkhiak san daih a, "a lawmnu hong kha eive", chi'n midang kua hong tu mahtak hiam? Chi'n beiseihna sangtak toh ka na en lailai hi. A top in putek lamdeuh, vai melpu, smart simtak khat a hong lut nawna, ka kiang seat awng ah hong tu geih hi.
Huchia aman nungak melhoih deuhmai, a mel et mai a le changkang chih theih ngoih ngoih a tutpih lai in, ken putek ka tutpih ahih chu, a hon en a, hon nuihsan a, vangpha kisak mel tak in, a vangkim in hon enzel hi. Amah le, zumna tasam lawm lawm lou te ahih ziak in, akianga nungak tangnel tak in a houpih zialzial a, nungak nu'n leng polite tak in a dawng zel hi. Ken a kihouna uh, aguk in ka na ngaikhe gu reng bok hi. A nungak tutpih pen ahihleh Delhi a laizil a om ahihdan a gen apat in ka na thei a, ka lawmpa'n leng Delhi a omsek ahihdan te, Kum 3 lam omta ahih dante gen in, innlam a ngaih theih dan te, bang bang hiam gen in a kihou zel uhi.
LAWMPA HONG CHEBUAI:-
Ka taizel ua, sairang ka pel uh chih in, vangsiat huai tak in ka motor tuanna uh a hong sia hi. Huai mun ah khua in hon mialkhum ahihman in a hong vot sim mahmah a, ka lawmpa'n ahihleh a hand bag ah jumper aakmai theih in a koih hi. Nungak nu'n ahihleh shawl liansim khat a bag apat in a phorh khia a, amah in asilh hi. Ka lawmpa'n leng nungak nu'n asilhkhawm pih lamen chu a hi ngei dia, "puanaklum tawilou maw,,,,,,? Chi a a dot chiang in leng, toilou chi'n dawng zel hi. Himahleh nungak nu'n lah silhpih sawm mahmah lou, ken a guk in ka en a ka nuihsan zel hi. Votsa kawm pipi in a kihoulim zel ua, ka lawmpa'n voksa a duhdan hong en khong hi. "kou ka omna lam uh voksa muh di le om mahmah lou, lampi a ann nek chiang in voksa ka ne di, nang bangmeh na duh pen a,,,,,"? Chih khong a dong zel hi. Ann nekna di mun ka tung ua, ka motor uh a siat ziak in ka kai sim mahmah ta uhi. Ka lawmpa'n voksa a kan leh, a khing chauh om chi'n hotel neite'n a dawng ua, aman nek sawm thouthou hi. "Hiai zaw a khing ahi nedah mai ve, meh dang om thou aka", a chih chiang un le ut mawngmawng lou hi. A tawp in voksa khing plate khat mahmah amah in hon negai a, a kiang a nungak tu in le munuam pet mah chu hi di, mundang en hetlou in, ka lawmpa ann nelai mittang ke phial in en en mai hi.
Ann ka nekham uh ka hong kipankhe nawn ua, khua lah vot, amah lah T-shirt toh chouh a om, ling kekeuh mai, khat in lah apuan silhpih sawmlou, ka en a, hehpih huai ka sa sim na a, bangmah ka gen ut tuankei. Ka Lawmpa lah nungaknu'n a shawl asilhpih beisei a hiaiteng thuakta lah hingal, a tawp in ana ihmu kha chu ka hi ngei dia, vairengte ka na tung ua, khua leng vakta hi. Huchih lai in, ka lawmpa bel a voksa khing nek in hoihtak a nasem chu ahi ngei dia, eksuak in buai in ana buai hi. Driver pa kiang ah vapai in khawlsak a sawm a, himahleh lampi neulua ahihman in driver pa khol nuam hetlou hi. Eksuak om ngaihna theilou in, aguk in tutna kikheng khong hon ngen a, kei lah ka ut tuan kei a. Amaa hon selh nate khong ka gen a, tut leng tu gina theilou in, siktut lenglang zawzen hi. Bhagha phaizang ka tun tak un, motor a hong ding a, kin deuh tak in motor apat in a kumkhia a, motor nunglam ah daileng di'n kin deutak in a taiphei hi. A khekor suah a tutsuk a sawm chiang in, phaizang vek, gamlapi kimuthei ahihman in, midang teng in kimu thei zel a, daileng ngamlou in, amai lam ah hong tai nawn a, huialam leng phaizang ngen mah ahih ziak in daileng ngam tuanlou hi. A tutpih nungak nu toh ka na en ua, ka na nuinui mai uhi. A tawp in chu suak tongkhong chu ahi ngei dia, vuai 4 vel motor a helhkual nung in, motor tire liah ah hong daileng topmai hi. A kikhen in tukverh ka khak ua, a khen in nak ka hum ua, ka ki en ua, ka nui trettruut mai uhi.
Assam gamsung neukhah a ana lumdeuh ahihman in a dan hong om deuh a, Shillong gam ka hong tung uh votsa in hong buai nawn hi. Puanlum silh di neilou ana chita ahihman in, khonung phorh di lah zumhuai sa, lah votsa ngal, nungaknu'n lah puanlum silhpih nuam mahmah lou, a tawp in hehpih lua ka hihman in, ahand bag kala a, kei a dandan a gen in, ajumper ka pia a, huai nungchu nungak a tutpih ziak in hon engbawl ngam nawn himhim kei hi. Guwahati ka tung ua, phone No. khong kipia in, mah ni zotna di lam chiat zuan di'n kong kikhenta uhi.
INNLAM A KIKNAWN NA:-
A vangkim in Ka ki phone zel sam ua, kumtop chiang a lawmte'n re-union neih asawm thu khong uh gen in ka phur khop mai ua, kum hong bei a, kou leng Guwahati a kimu di'n ka hong kichiam uhi. Ka kichiam ni uh ahong tung a, paitouh nang ticket khong la in, bang bang hiam lei in ka bazar uhi. Ka paidek un ka lawmpa'n "innlam kitung leh zu vang law mahmah di, lawmte'n le hong lamen law di hi ua", chi'n cast khat a hon lei a, hoih deuh a packing bol in ka pawtou uhi. Vairengte excise check gate ka tung un ana check ngei mai ua, ka lawmpa zupuak le a mu uhi. "A neitu kua a", a hon dong ua, ka lawmpa'n leng ama a ahihdan hoihtak in a gen a, office a asap tak un, kei kiang ah, "nang leng hong hohpih ve" chi'n a hon zawn hi. Ka nih un ka valut ua, officer pa'n, " hiai zahzah zu, bang dia na puak uh e,,,,,"? Chi'n a hon dong hi. Zu puak phallouh ahih dan lah kuamah hilh ngailou a theihsa ahih ziak in gen di theilou in sawt simtak ka ding ua, a tawp in ka lawmpa'n, "ka nu sahdah nuai nang ahi", chi'n hon dawng hi. Police pa le chih ngaihna theilou in a nui top hi. "sahdah nuai nang hiai zahzah puak chih om thei kei", chi'n bottle khat a hon pia a, a dangte ahon matsak daih hi. Aman le pammaih sa zaw ahi ngei dia, "ka nu sahdah nuaisa zuak sek ahia, hehpih tak in hon pekik mai ve ua", a chih leh Police pa le hai hetlou, bottle khat na zatbei chiang un, na hong la nawn mai di-uh", chi'n hon dawng hi. Gen di dang thei nawnlou in ka potkhia uhi.
RE-UNION NEIDIA KISAK KHOLHNA:-
Inn ka tung ua, re-union neih sawm in a buai in ka buai vengvung mai uhi. Re-union neih nang a van poimoh kou khua-a kimu kimlou ahihman in, khodang ah zawng ding in, koute gel mah a hon sawl nawn u ahih chu. Ka nih un ka hong kuankhe nawn ua, lampi ah muangchang in zu khong dawn in ka khol zel ua, kei bel motor khalh tu ka hih ziak in ka dawn tamnuam chiah kei hi. Ka zu dawn uh hoih lawtel lou chu ahi ngei dia, ka lawmpa sunglam ah na a hon sem nawnta ngei mai a. Lampi ah le a vangkim in hong daileng zel hi. "I zudawn hoihlou ahi, dawn nawn dah mai ni", ka chih chia'n lah pammaih sa in, a ut bilbel kei a, ka hoh nang khua tan uh, tunthum ka paw tung uhi.
Ka thil deih uh ka vakan ua leh, "tuni a ala dia kuan hong tung di-uh, na ut ua leh ana ngak le-uchin", a hon chih ziak un kou leng, "nidang a vahoh thapaih nawn sang in,,,,," chi'n ka ngak ua, huai dawr neite inn mah ah ka kinga ngal uhi. Vangphat huai hia vangsiat huai chih ka thei zoukei. Nungak nou melhoih simsim nih ana nei nawn ta get uhi. Ka lawmpa hong phur law nawn hi veh aw, "fuhlua, ni 2 bek cham mai ni maw,,,,,,," khong chi'n om mulmal theilou in phe tingteng mai hi.
A upa zawpen hi'n ka thei, ahong pai a, ka room di-uh ahong hilh a, ki hahsiang a, tawldam dia hon hilh nung in, hon potkhiak san nawn hi. A potnung sawtlou in, hon theisiam hileh kilawm tak a tui dawn di bottle lian pe dia, room ahonglut laitak toh, kou ka zupuak uh dawn dia ka na kisak laitak uh hong kituak zawmah a, room kongkhak hong hawng phut leh ka lawmpa kiguih naklua in, azu toi hon khahsuah a, suallai teng ah hong bua hi. A gim lah hat, a dawn ngeiloute adia chu namse mahmah ahih ziak in, nungak nu le bangmah genlou in, nak hum kawm in potkhe ngal hi. Bang chi chi hiam in ka hah ua, atawp in chu a gim le hong reh deuhta a, zum kawm pi in kisil di'n bathroom lam ah ka paiphei uhi.
Tunnate'n nungak 2 tak nei mahle uh, nungak dang hel, lawmpa'n hon sawm nawn tlat a, athu nial vual hilou chih ka theih man in, thumang tak in ka zui hi. Bang chik kal a ana theihman ahi dia aw,,,,,,,? Zu zuakna in ah hon lutpih nawn a, tamlou dawn a, dakkal khat vel ka tut nung un, "lup dek chia dawn di", chi'n tun nih ahon pia a, ka tunna lam uh zuan in ka hong paikik nawn uhi. Dak 9 le ging nailoui a himahleh ana lumvekta ua, nungak dang hel di chileng lah meltheih kineilou, ka kihisap dantak un paithei hile ung, paipah a, tunnate nungak hel di,,,, chih ahia, himahleh ka pai ua ana lumkhinta uh ahihman in, ki entuah in, ka nui maimah uhi.
Lawmpa'n azu puak hon phawrh a, "ameh pih di ka va zawng di,,,,,", chi kawm in chouka lam ah lut suak ngal hi, mehbel teng va hong ahi ngei di chu, "sathu di" chia voksa a thau ngenta ahuan uh a vamukha a, akhut a sungsok in, beu lian sim sim nih ahong toilut hi, voksathau toh zu meh in, ka neih teng uh ka dawn gaih ua, lum di'n kong kisata ua, lupna tung a kihoulim in, nungak heldi chia ka hawi uh, ka chan khak ziak ua poi ka sak thu khong uh gen in kong ihmut san uhi.
VOKSATHAU KA GU-K UH HON MANKHIA UH:-
Zingkar in a nungak nu un, tuang ana zuut a, azuut laitak in, kei leng ka vathoukhia hi. Ka room ua ka potkhiak leh zantak a lawmpa Vok sathau lak guk(mombati a kidet chiang a atui kitak khe zel dandan te ka) ka lupna gei ua pat in zan nitak a ka sulnung uh, iim vuallouh in ana lang hi. Huai nungak nu'n lah nawtsiang gina nuamlou, ken kon nawt di,,,, vachihmok dan lah omlou, midangte'n hon muhman khak uh lau in ka buai mahmah mai hi. Ka room kongkhak bul ua pat nawtphei zel in, chouka ah a lut a, chouka a, sabel bul ah a top ahih chu, iim ngaihna om nawnlou, nungak nu'n le hon en a, hon nuihsan top hi.
LAWMPA SUNG HOIHLO:-
Bathroom a ka omlai, naktak a kongkhak kik in, "kin ou, ka ek suaklua, chi'n" midang zak di lah lau, ken ka zak theih louh di lah lau, chi'n hon-gen sasaih a. Ken leng theisiam in, ka potkhe pah hi. Sawtlou nung in hong pawt a, a sung hoihlouh ziak a daileng gina ngamlou ahihdan hon gen a, ken lah ka ngaihsak nuamkei hi. Aziak bel, "Zu hoih lou ahi dawn nawn ken,,,, " ka chih lai a, ka thu manglou a, adawn teitei ziak ahi.
Zing aan nek hong hun a, nungakte'n an hon thuuk ua, kou leng paikik ni di hita thou chi'n kitangnel sak tak in ka va umpah uhi. Ann nek limlai tak in ka lawmpa eksuak in hon nawh chu ahi ngei dia, nidang a kei sang a tam nezaw, khamhak zaw gige in hon khamkhalh ahih chu, a khamnung sawtlou in ken leng ka kham tei ngal hi. Amah ahihleh ann khamphet bathroom a lutngal ana hidan ahi. (bathroom khah, ann nekna kiang, innsung mah a kibawl ahi) Kei ann nekham katut maimai leh, bathroom apat hong pawtkhia in, ka kiang ah, "hon dailengpih zual mah", ahon chi hi. Thil omdan ka theisiam mai, aziak chu tuzingkal ale a sung ginnat louh ziak a daileng gina ngamlou kha hi a, huaidan a om ahi, chih ka thei a, bathroom ah ka nih un ka kizuilut ua, amau bel kuama'n an a kham naikei uhi.
A khekawr hon phelh a, daileng dia hong kisata, ken leng bang hiam chia thawm neih hoih ahi, thawm neilou in, hong dailleng hen la, (sung hoihlou daileng ging chu i theih chiat uh ka ging) ka zin tunnate'n zale uh zumhuai law mahmah di, ann a nek lai uh hizawmah,,, chi a, ka dak kualkual leh, bathroom ah, telchin koih nang tau abawl tung uah, plastik galon ka mu hi, kintak in ka lakhia a, a bilbul a hilh in, "1,2,3 ka sim dia, a 3 na geih in hiai buk kon khong-ging dia, ka khetging toh kituak in nasang ek dia, gingkhe lele kizalou di ahi" chi'n hoihtak in ka kihilh uhi. 1,2,3, ka sim a, amah leng kiging tak in, a 3 na geih ah kihing ding in ana kisata hi. A kiging luat sung in, a eksuak ana phaman chu ahi ngei dia, plastik buk ka khet leh bangmah thawm hong awm kei hi. Aman le khen sunzawm zel di hon sa chu ahi ngei dia, theih phatawp a hong kisang leh phur...phurr...phurrrhhhh............. chi in hon gingkhe hemhem mai hi. Ken lah plastik buk ana tumging nawnlou ka hih chiah, a ging ngaih in, ka tunna te'n leng a zachiang khop di un ka ging, apawt khe masa di ka kizong ua, atawp in, bang vang apat a ka et guk leh, ana dingkhe sauh sauh uhi. Bangmah theilou dandan in ka pawt ua, hindan pa-ngai a om chu a haksa khop mai.
Mundang a vakisuan dia lah paikik hun di hita, inn a om om di lah zumhuai, "bangteng hileh dawr lam ah, i van deih hong tung hun ngak in, huailam ah ana om mai ni,,,," chi a dawr am ka paitouh ua leh, nungak nu toh a nu ana om ua, hon muhphet un, a nu kisum zoulou in ana nui ek zawmah lai, kou le anuihna ziak theilou dandan in ka om ua, sunnung lam in ka van deih uh hong tung a, akin thei lam a hih mengmeng in, huai khua ka pawtsanta uhi.
INN LAM AH LAWMTE TAWH:-
Lawmte'n ana muh chiang ua, ana kipahpih law di ka sak lai un, kuma'n ana houpih nuam kei ua, huchih lai in, ka thil deih teng uh mukimlou zawmah ka hih chiang un, lawmte nuihmel muh di himhim a om kei hi. Kou le zan ka giah ziak khong uh ka gen ua, himahleh amau bel, ka ler ziak u leh, nungak hel ka ut ziak uh chi'n hon ngawh thouthou uhi. A tawp in, ken leng ka thiltuah tengteng uh ka gen a, heh a, kumah nui gen tak louh, hou le hon hou nuamlou te chu huai ka chet siatna uh kon gen tak in kuamah kisum zou omlou in hong nui khia ua, neuchik in kou a di'n leng nuamtuam mahmah hi.
Writer's Note : Hiaithu ka gelh dek in, ka lawmpa kiang ah ka gen a, a thupi di le amah hon tel ahih ziak in, amah gen bang bang in a thupi ka hon koih mai ahi.
Beita
©Siamsinna leh Vakiangbu
KHUH HAWNNA:-
Kum 5 kiveita hi'n ka thei, amah toh ka kimuh louhna uh, kimuhlouh genlouh, kihou le kihoukha ngeilou himhim ka hi uh. Chi zensam nihang, naupan lai khong in chu lawmta kingaitak ka hi ua, niteng hun teng in ka kithuah uh hipen in ka thei hial hi. Sande sikul heutute'n Bible sim busuah chiat di achih lai khong uh, sim busuah dia kisa Genesis muzolou a abeidot laikhong le ka thei renglai, aziak chu aman Jenesis chia zong ahih chia, "Genesis hiai ahi, amasapen a awm ahi", chi'n theihtop in ka hilh a, himahleh a gingta nuam kei a, vuai 10 val Bible a zong suak nung in leng Jenesis amuzou tuankei. A tawp a in chu a Bible zatpen diklou hidi'n a gingta ta, Bible dang ah a zong a, lah Jenesis chia kigelh amu zou tuan himhim kei.
KUM NGA (5) NUNGIN:-
Lai sinna ziak a ka kikhen na uh kum 5 bang kiveita, nikhat Guwahati lam paisuk nang, Ch. Chhunga bus terminal Thuampui Aizawl ah Bus ticket ladia ka kuan ka kimukha zenzen ua, ticket cut zou, "kimuhlouhna le sawt a, banghiam nektheih kon treat di,,,,,,,,,," chi'n restaurant khat ah ka lutpih a, hunluite gen in, sawtsim tak kihoulim in ka tu uhi. A mizia ahihleh naupanlai toh a kikheng lawmlawm kei hi'n ka thei, ahih ziak in bangmah huailam ka gen tuankei a, hih di teng hihzou in ka potkhia ua, a zingchiang a Guwahati lam zuan a motor khat a tuangkhawm di hithou chi'n ka kikhen uhi.
GUWAHAI LAM ZUAN IN:-
Zingkhua hong vak a, kei leng zin ding in ka kisa a, 3:00pm a kipankhe di ka hih ziak un, 2:30 in inn apat in ka pawtkhia hi. Amun ka tung in amah leng ana omkhin derta a, kipatkhiak hun dek ahihman in motor sunglam ah ka tu lutta uhi. Genkhaklouh ka nei kawn gen zual lai di,,,,,,,, ticket ka lak hak ziak un seat ka deihna uh ka tangkha kei ua, line khat a tutkhawm ut mah le ung ahitheih louh ziak in, ka ma seat chiah ah amah a tu hi.
Awl awl in midangte leng a hong lut zel ua, kou gel tutpih di chihlouh midang te a kimvekta uhi. Kou gel ahihleh "kuan i tutpih fuh zaw hiam aw,,,,,,,,"! chi'n ka na kichiamnuih den ua, a top in nungak melhoih sim mahmah mi nih ahong lut ua, "seat 2 kia awng ahihman in i tutpih dite fuhchi na e", chi'n ka ki en ua, ka kinuihsan siuseu uhi. A hong paiphei zel ua, a melhoih zawpen khah amah kiang ah hong tu chat mai hi. Khatpen kei kiang a hong tu di ka sak leh, amah kiang a tupen toh kichibai in a hon pawtkhiak san daih a, "a lawmnu hong kha eive", chi'n midang kua hong tu mahtak hiam? Chi'n beiseihna sangtak toh ka na en lailai hi. A top in putek lamdeuh, vai melpu, smart simtak khat a hong lut nawna, ka kiang seat awng ah hong tu geih hi.
Huchia aman nungak melhoih deuhmai, a mel et mai a le changkang chih theih ngoih ngoih a tutpih lai in, ken putek ka tutpih ahih chu, a hon en a, hon nuihsan a, vangpha kisak mel tak in, a vangkim in hon enzel hi. Amah le, zumna tasam lawm lawm lou te ahih ziak in, akianga nungak tangnel tak in a houpih zialzial a, nungak nu'n leng polite tak in a dawng zel hi. Ken a kihouna uh, aguk in ka na ngaikhe gu reng bok hi. A nungak tutpih pen ahihleh Delhi a laizil a om ahihdan a gen apat in ka na thei a, ka lawmpa'n leng Delhi a omsek ahihdan te, Kum 3 lam omta ahih dante gen in, innlam a ngaih theih dan te, bang bang hiam gen in a kihou zel uhi.
LAWMPA HONG CHEBUAI:-
Ka taizel ua, sairang ka pel uh chih in, vangsiat huai tak in ka motor tuanna uh a hong sia hi. Huai mun ah khua in hon mialkhum ahihman in a hong vot sim mahmah a, ka lawmpa'n ahihleh a hand bag ah jumper aakmai theih in a koih hi. Nungak nu'n ahihleh shawl liansim khat a bag apat in a phorh khia a, amah in asilh hi. Ka lawmpa'n leng nungak nu'n asilhkhawm pih lamen chu a hi ngei dia, "puanaklum tawilou maw,,,,,,? Chi a a dot chiang in leng, toilou chi'n dawng zel hi. Himahleh nungak nu'n lah silhpih sawm mahmah lou, ken a guk in ka en a ka nuihsan zel hi. Votsa kawm pipi in a kihoulim zel ua, ka lawmpa'n voksa a duhdan hong en khong hi. "kou ka omna lam uh voksa muh di le om mahmah lou, lampi a ann nek chiang in voksa ka ne di, nang bangmeh na duh pen a,,,,,"? Chih khong a dong zel hi. Ann nekna di mun ka tung ua, ka motor uh a siat ziak in ka kai sim mahmah ta uhi. Ka lawmpa'n voksa a kan leh, a khing chauh om chi'n hotel neite'n a dawng ua, aman nek sawm thouthou hi. "Hiai zaw a khing ahi nedah mai ve, meh dang om thou aka", a chih chiang un le ut mawngmawng lou hi. A tawp in voksa khing plate khat mahmah amah in hon negai a, a kiang a nungak tu in le munuam pet mah chu hi di, mundang en hetlou in, ka lawmpa ann nelai mittang ke phial in en en mai hi.
Ann ka nekham uh ka hong kipankhe nawn ua, khua lah vot, amah lah T-shirt toh chouh a om, ling kekeuh mai, khat in lah apuan silhpih sawmlou, ka en a, hehpih huai ka sa sim na a, bangmah ka gen ut tuankei. Ka Lawmpa lah nungaknu'n a shawl asilhpih beisei a hiaiteng thuakta lah hingal, a tawp in ana ihmu kha chu ka hi ngei dia, vairengte ka na tung ua, khua leng vakta hi. Huchih lai in, ka lawmpa bel a voksa khing nek in hoihtak a nasem chu ahi ngei dia, eksuak in buai in ana buai hi. Driver pa kiang ah vapai in khawlsak a sawm a, himahleh lampi neulua ahihman in driver pa khol nuam hetlou hi. Eksuak om ngaihna theilou in, aguk in tutna kikheng khong hon ngen a, kei lah ka ut tuan kei a. Amaa hon selh nate khong ka gen a, tut leng tu gina theilou in, siktut lenglang zawzen hi. Bhagha phaizang ka tun tak un, motor a hong ding a, kin deuh tak in motor apat in a kumkhia a, motor nunglam ah daileng di'n kin deutak in a taiphei hi. A khekor suah a tutsuk a sawm chiang in, phaizang vek, gamlapi kimuthei ahihman in, midang teng in kimu thei zel a, daileng ngamlou in, amai lam ah hong tai nawn a, huialam leng phaizang ngen mah ahih ziak in daileng ngam tuanlou hi. A tutpih nungak nu toh ka na en ua, ka na nuinui mai uhi. A tawp in chu suak tongkhong chu ahi ngei dia, vuai 4 vel motor a helhkual nung in, motor tire liah ah hong daileng topmai hi. A kikhen in tukverh ka khak ua, a khen in nak ka hum ua, ka ki en ua, ka nui trettruut mai uhi.
Assam gamsung neukhah a ana lumdeuh ahihman in a dan hong om deuh a, Shillong gam ka hong tung uh votsa in hong buai nawn hi. Puanlum silh di neilou ana chita ahihman in, khonung phorh di lah zumhuai sa, lah votsa ngal, nungaknu'n lah puanlum silhpih nuam mahmah lou, a tawp in hehpih lua ka hihman in, ahand bag kala a, kei a dandan a gen in, ajumper ka pia a, huai nungchu nungak a tutpih ziak in hon engbawl ngam nawn himhim kei hi. Guwahati ka tung ua, phone No. khong kipia in, mah ni zotna di lam chiat zuan di'n kong kikhenta uhi.
INNLAM A KIKNAWN NA:-
A vangkim in Ka ki phone zel sam ua, kumtop chiang a lawmte'n re-union neih asawm thu khong uh gen in ka phur khop mai ua, kum hong bei a, kou leng Guwahati a kimu di'n ka hong kichiam uhi. Ka kichiam ni uh ahong tung a, paitouh nang ticket khong la in, bang bang hiam lei in ka bazar uhi. Ka paidek un ka lawmpa'n "innlam kitung leh zu vang law mahmah di, lawmte'n le hong lamen law di hi ua", chi'n cast khat a hon lei a, hoih deuh a packing bol in ka pawtou uhi. Vairengte excise check gate ka tung un ana check ngei mai ua, ka lawmpa zupuak le a mu uhi. "A neitu kua a", a hon dong ua, ka lawmpa'n leng ama a ahihdan hoihtak in a gen a, office a asap tak un, kei kiang ah, "nang leng hong hohpih ve" chi'n a hon zawn hi. Ka nih un ka valut ua, officer pa'n, " hiai zahzah zu, bang dia na puak uh e,,,,,"? Chi'n a hon dong hi. Zu puak phallouh ahih dan lah kuamah hilh ngailou a theihsa ahih ziak in gen di theilou in sawt simtak ka ding ua, a tawp in ka lawmpa'n, "ka nu sahdah nuai nang ahi", chi'n hon dawng hi. Police pa le chih ngaihna theilou in a nui top hi. "sahdah nuai nang hiai zahzah puak chih om thei kei", chi'n bottle khat a hon pia a, a dangte ahon matsak daih hi. Aman le pammaih sa zaw ahi ngei dia, "ka nu sahdah nuaisa zuak sek ahia, hehpih tak in hon pekik mai ve ua", a chih leh Police pa le hai hetlou, bottle khat na zatbei chiang un, na hong la nawn mai di-uh", chi'n hon dawng hi. Gen di dang thei nawnlou in ka potkhia uhi.
RE-UNION NEIDIA KISAK KHOLHNA:-
Inn ka tung ua, re-union neih sawm in a buai in ka buai vengvung mai uhi. Re-union neih nang a van poimoh kou khua-a kimu kimlou ahihman in, khodang ah zawng ding in, koute gel mah a hon sawl nawn u ahih chu. Ka nih un ka hong kuankhe nawn ua, lampi ah muangchang in zu khong dawn in ka khol zel ua, kei bel motor khalh tu ka hih ziak in ka dawn tamnuam chiah kei hi. Ka zu dawn uh hoih lawtel lou chu ahi ngei dia, ka lawmpa sunglam ah na a hon sem nawnta ngei mai a. Lampi ah le a vangkim in hong daileng zel hi. "I zudawn hoihlou ahi, dawn nawn dah mai ni", ka chih chia'n lah pammaih sa in, a ut bilbel kei a, ka hoh nang khua tan uh, tunthum ka paw tung uhi.
Ka thil deih uh ka vakan ua leh, "tuni a ala dia kuan hong tung di-uh, na ut ua leh ana ngak le-uchin", a hon chih ziak un kou leng, "nidang a vahoh thapaih nawn sang in,,,,," chi'n ka ngak ua, huai dawr neite inn mah ah ka kinga ngal uhi. Vangphat huai hia vangsiat huai chih ka thei zoukei. Nungak nou melhoih simsim nih ana nei nawn ta get uhi. Ka lawmpa hong phur law nawn hi veh aw, "fuhlua, ni 2 bek cham mai ni maw,,,,,,," khong chi'n om mulmal theilou in phe tingteng mai hi.
A upa zawpen hi'n ka thei, ahong pai a, ka room di-uh ahong hilh a, ki hahsiang a, tawldam dia hon hilh nung in, hon potkhiak san nawn hi. A potnung sawtlou in, hon theisiam hileh kilawm tak a tui dawn di bottle lian pe dia, room ahonglut laitak toh, kou ka zupuak uh dawn dia ka na kisak laitak uh hong kituak zawmah a, room kongkhak hong hawng phut leh ka lawmpa kiguih naklua in, azu toi hon khahsuah a, suallai teng ah hong bua hi. A gim lah hat, a dawn ngeiloute adia chu namse mahmah ahih ziak in, nungak nu le bangmah genlou in, nak hum kawm in potkhe ngal hi. Bang chi chi hiam in ka hah ua, atawp in chu a gim le hong reh deuhta a, zum kawm pi in kisil di'n bathroom lam ah ka paiphei uhi.
Tunnate'n nungak 2 tak nei mahle uh, nungak dang hel, lawmpa'n hon sawm nawn tlat a, athu nial vual hilou chih ka theih man in, thumang tak in ka zui hi. Bang chik kal a ana theihman ahi dia aw,,,,,,,? Zu zuakna in ah hon lutpih nawn a, tamlou dawn a, dakkal khat vel ka tut nung un, "lup dek chia dawn di", chi'n tun nih ahon pia a, ka tunna lam uh zuan in ka hong paikik nawn uhi. Dak 9 le ging nailoui a himahleh ana lumvekta ua, nungak dang hel di chileng lah meltheih kineilou, ka kihisap dantak un paithei hile ung, paipah a, tunnate nungak hel di,,,, chih ahia, himahleh ka pai ua ana lumkhinta uh ahihman in, ki entuah in, ka nui maimah uhi.
Lawmpa'n azu puak hon phawrh a, "ameh pih di ka va zawng di,,,,,", chi kawm in chouka lam ah lut suak ngal hi, mehbel teng va hong ahi ngei di chu, "sathu di" chia voksa a thau ngenta ahuan uh a vamukha a, akhut a sungsok in, beu lian sim sim nih ahong toilut hi, voksathau toh zu meh in, ka neih teng uh ka dawn gaih ua, lum di'n kong kisata ua, lupna tung a kihoulim in, nungak heldi chia ka hawi uh, ka chan khak ziak ua poi ka sak thu khong uh gen in kong ihmut san uhi.
VOKSATHAU KA GU-K UH HON MANKHIA UH:-
Zingkar in a nungak nu un, tuang ana zuut a, azuut laitak in, kei leng ka vathoukhia hi. Ka room ua ka potkhiak leh zantak a lawmpa Vok sathau lak guk(mombati a kidet chiang a atui kitak khe zel dandan te ka) ka lupna gei ua pat in zan nitak a ka sulnung uh, iim vuallouh in ana lang hi. Huai nungak nu'n lah nawtsiang gina nuamlou, ken kon nawt di,,,, vachihmok dan lah omlou, midangte'n hon muhman khak uh lau in ka buai mahmah mai hi. Ka room kongkhak bul ua pat nawtphei zel in, chouka ah a lut a, chouka a, sabel bul ah a top ahih chu, iim ngaihna om nawnlou, nungak nu'n le hon en a, hon nuihsan top hi.
LAWMPA SUNG HOIHLO:-
Bathroom a ka omlai, naktak a kongkhak kik in, "kin ou, ka ek suaklua, chi'n" midang zak di lah lau, ken ka zak theih louh di lah lau, chi'n hon-gen sasaih a. Ken leng theisiam in, ka potkhe pah hi. Sawtlou nung in hong pawt a, a sung hoihlouh ziak a daileng gina ngamlou ahihdan hon gen a, ken lah ka ngaihsak nuamkei hi. Aziak bel, "Zu hoih lou ahi dawn nawn ken,,,, " ka chih lai a, ka thu manglou a, adawn teitei ziak ahi.
Zing aan nek hong hun a, nungakte'n an hon thuuk ua, kou leng paikik ni di hita thou chi'n kitangnel sak tak in ka va umpah uhi. Ann nek limlai tak in ka lawmpa eksuak in hon nawh chu ahi ngei dia, nidang a kei sang a tam nezaw, khamhak zaw gige in hon khamkhalh ahih chu, a khamnung sawtlou in ken leng ka kham tei ngal hi. Amah ahihleh ann khamphet bathroom a lutngal ana hidan ahi. (bathroom khah, ann nekna kiang, innsung mah a kibawl ahi) Kei ann nekham katut maimai leh, bathroom apat hong pawtkhia in, ka kiang ah, "hon dailengpih zual mah", ahon chi hi. Thil omdan ka theisiam mai, aziak chu tuzingkal ale a sung ginnat louh ziak a daileng gina ngamlou kha hi a, huaidan a om ahi, chih ka thei a, bathroom ah ka nih un ka kizuilut ua, amau bel kuama'n an a kham naikei uhi.
A khekawr hon phelh a, daileng dia hong kisata, ken leng bang hiam chia thawm neih hoih ahi, thawm neilou in, hong dailleng hen la, (sung hoihlou daileng ging chu i theih chiat uh ka ging) ka zin tunnate'n zale uh zumhuai law mahmah di, ann a nek lai uh hizawmah,,, chi a, ka dak kualkual leh, bathroom ah, telchin koih nang tau abawl tung uah, plastik galon ka mu hi, kintak in ka lakhia a, a bilbul a hilh in, "1,2,3 ka sim dia, a 3 na geih in hiai buk kon khong-ging dia, ka khetging toh kituak in nasang ek dia, gingkhe lele kizalou di ahi" chi'n hoihtak in ka kihilh uhi. 1,2,3, ka sim a, amah leng kiging tak in, a 3 na geih ah kihing ding in ana kisata hi. A kiging luat sung in, a eksuak ana phaman chu ahi ngei dia, plastik buk ka khet leh bangmah thawm hong awm kei hi. Aman le khen sunzawm zel di hon sa chu ahi ngei dia, theih phatawp a hong kisang leh phur...phurr...phurrrhhhh............. chi in hon gingkhe hemhem mai hi. Ken lah plastik buk ana tumging nawnlou ka hih chiah, a ging ngaih in, ka tunna te'n leng a zachiang khop di un ka ging, apawt khe masa di ka kizong ua, atawp in, bang vang apat a ka et guk leh, ana dingkhe sauh sauh uhi. Bangmah theilou dandan in ka pawt ua, hindan pa-ngai a om chu a haksa khop mai.
Mundang a vakisuan dia lah paikik hun di hita, inn a om om di lah zumhuai, "bangteng hileh dawr lam ah, i van deih hong tung hun ngak in, huailam ah ana om mai ni,,,," chi a dawr am ka paitouh ua leh, nungak nu toh a nu ana om ua, hon muhphet un, a nu kisum zoulou in ana nui ek zawmah lai, kou le anuihna ziak theilou dandan in ka om ua, sunnung lam in ka van deih uh hong tung a, akin thei lam a hih mengmeng in, huai khua ka pawtsanta uhi.
INN LAM AH LAWMTE TAWH:-
Lawmte'n ana muh chiang ua, ana kipahpih law di ka sak lai un, kuma'n ana houpih nuam kei ua, huchih lai in, ka thil deih teng uh mukimlou zawmah ka hih chiang un, lawmte nuihmel muh di himhim a om kei hi. Kou le zan ka giah ziak khong uh ka gen ua, himahleh amau bel, ka ler ziak u leh, nungak hel ka ut ziak uh chi'n hon ngawh thouthou uhi. A tawp in, ken leng ka thiltuah tengteng uh ka gen a, heh a, kumah nui gen tak louh, hou le hon hou nuamlou te chu huai ka chet siatna uh kon gen tak in kuamah kisum zou omlou in hong nui khia ua, neuchik in kou a di'n leng nuamtuam mahmah hi.
Writer's Note : Hiaithu ka gelh dek in, ka lawmpa kiang ah ka gen a, a thupi di le amah hon tel ahih ziak in, amah gen bang bang in a thupi ka hon koih mai ahi.
Beita
©Siamsinna leh Vakiangbu
Comments
Post a Comment