PHAMNA

By : Vz Vualnam Ospa

Poet's note : Lawmte’ nu’n hon beisan phutna tung a phuah
Phamna aw huihkhi lang hi e
Khua achih ah tahpuan bang baang
Sausuan achih gamthei bang vil
Senleh vuaileh adeih peellou
Gua bang hingte’ luankhi khuallou
Kulsin daidam ah tumpih e
A nuachiang luanli phuulna e
Singta’n lawkta tau zilna e

Nichin vangkhua a lai hong leng
Ka saulim dai bang peellai e
Sausak ah luut e vonsen la
Saukhang ah luut e tuunnu la
Gawl bang khaammoh dawngkot kaanpih
Bangzal khaakmoh kulsin tumpih
A nuachiang luanli phuulna e
Singta’n lawkta tau zilna e

Ki-awilua sa’ng, ki-awilua sa’ng
Vonsen alaak senlua sa’ng e
A tuun’ dia khamkha ding aw e
Tuunnu alaak tuunnu hi e
Vonsen kua’n ahuaita diam aw
Nuachiang siangsung the bang hawm dia
Tongdam saanni suak nawnlou dia
Sakmin loh baangta ding aw e

A sinlai khang lumsuang bang taak
Vaimang’ sesum in bezoulou e
Maimit a luankhi’n bezoulou e
Vonsen’ khankhua ding khuallou e
Tuunnu’ khamkha ding khuallou e
Lung atup adeihbel deih e
Lamkhuang bang khouhmoh biakmoh a
Adeihbel tui bang la hi e

Tu a singta’ sausuan sungtum
Nikhat kei siang hong laileng dia
Tangliang kei hon lata zaw maw
Tuunzua-laizom lata zaw maw
Sau daidam luankhi’n zeelta dia
Paam toh tan bang kimta ding aw
Pelhmoh hi e na ngak ni e
Kumsawt dai bang pelh sinlai hi e

---------------------------------------

Sihna zaw huihnung bang ahi. Khoteng ah a baang a, innteng aveh hi. Ngeek in teek taleh, adeih ala a, a omlaite’ lungkhamna khitui khuallou in haan ah atumpih hi. A paina nung kahna-mauna in a dimhi.

NIteng in khua ahong veh a, ka inn bel ahon peel tadihlai hi. Innsakte’ inn ah aluut a, a ta ngeek uh ala a, innkhangteh aluut a, a nu uh ala hi. Khaam theihlouh in kongkhak a kaanpih a, khut khaak theihlouh haan ah atumpih hi.

Ki-awilua ka sa, a tangeek laak ngeeklaw deuhlai a, a nu’ a ding a khakham hi ding a, mi’ nu alak nu hi a, ta naupang chikchikte kuan enkolta ding ahia? Apaina nung innsung hawm ding a, a laakte aw zaakni om nawnlou dia, amin uh sap tawpta mai tel ding.

A lungtang akhauh mahmah a, sum-le-pai in a biak theihkei a, mittui in abiak theihkei hi. Naungeek maban ding a khualsakkei a, nu’ lungkham-sinkham ding akhualkei hi. Adeih, laak atup, huai mahmah adeih a, khouh theihlouh in adeihpen ala zel hi.

Tu a mite’ inn a luut, nikhat kei inn ah ahong luutsam ding a, kei ahon la zaw hiam, nu-le-pa, u-le-nau ala zaw hiam. Innsung tuh kahna in ahong dimta dia, veng-le-paam toh tan kikim in ka omta ding hi. I pelh theihlouh ahi a, ana ngakmai ni. Kum tampi ahon pelhzel i utpen ahi.

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more