TEMTATPU

Shared  by ~  Vungza Muan

Temtatpu tukhial inchin,atemtat laitak a a chil tuisung a kaisak dengdong thahah.Kaikuang in enlah lawtel mahmah, tee kelkel zaw hiding hiven, a mukzum a vadawtsak khanglanghiveh aw.Temtatpu heh lawtel mahmah,a gei a umgui zaam ngeingoi omna maudawng thetthot khat bantan thahah.

Maudawng in akpa bubah opkhum lai khohkha chitchiat venchin, a tui (egg) teng khohzaksak vek. Akpa le  heh lawtel soisoi, a gei a Phaivang bu (miksi gunei) tuandarh ek. Phaivang te taikhe duamduam ua, a gal ua  om chia kikou kheukhou uhi.

Huchia a geilak ua ngalkaat (sa-ngal) gamta lai a chil va keisak nuainuai uh, kiluai deng deng kawm a. Huai ngalkhaat le heh chihtakpi a heh hiding hiven, a nawk theih teng baan nawk taget zel. Nahtang kung phupai suk zial.
Huai nahtang kung a baak (bat) omte lungkham leh chimohtak in lengkhe leuleu ua, kuak... kuak... kuak... chi kheukhou uhi. Baak tengteng heh kisa lawtel ua sialpi bilsung ah lut tazen uhi.

Sialpi zong mangbat chihtakpi in mangbang zenhouh venchin, aki, alu, aphei, amei a, pei theih teng pei maimah, kipingpapei ahi pen mai. A pam a meithainu inn phupai phei ziang, saipi lah heh, methainu lah heh, meithainu zong chimoh kisa in luinaak ah ek tha-ek zenzen hi.

Khosung mi aneu alian kisamkhawm kheukhou ua meithainu suang a denlup ut pawl om dektak man hial uhi.Meithainu a dot chiang un saipi in ka in hon phutpaihsak a ahi chi, kingohna gam hong suak ta, a tawp a kaikuang tung hong tungta.Mohpaihna diktak tangzaw ahi ngei di, i em/huan chiang un a san seksak aka.
Tuili thuk lam ah a tummang hiau a hiven.

Copy From ZogamOnline Post  on 13th May, 2013. Monday at 3:54pm

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more