LAMPI OM AHI, LUNGKE KEN

By ~ AchillesLal Yatze Fdgg 

Paunaak khat ah, "Tupna a omleh, lampi a om" chih ana om hi. Mi tamtakte'n atup uh a taangtung sak zohlouh ziak uh tuh lungkiatna ziak ahi. Na tupte na taangtung na di hiam, na ut te na hih na diing ah mi tuamtuam apan a lampi di a om kei kichi sakken. Na tup a taangtung na di lampi muhkhiat haksa lua ahikei, na tup a lohching di na hi chih na kimuanngam nak leh. Bang chituk in thil haksa hong tung leh leng na tupguhna a muanhuai diing ahi.

Na tup taangtun na di'n lampi diklou 999 lam a om kha maithei. Huchih hun hiam ahihkei leh huai ma hiam a na lungkiat leh, na tup taangtung na dia lampi sangkhat lam om ahi chih naphawk khakei di. Lampi dik namuh khiakma kuhkal tak in pangzel in. Lampi diklou na tot khakte inle thil tampi hon theihbeh sak lai di ahi.
 
Edison, light bulb bawlkhe tupa'n lohsapna a neikei achi - light bulb bawlkhiat theihlou didan sangkhat lam a mukhia! Thil a etdan a thupi mahmah. A hoihlam a thil a ngaihtuahna in kuhkalna a pia a, atawp in light bulb bawl didan a hon theikhia .

 Lungkiatna hiam thil tampi na hihnung a le na lohsapna na hinkhua a thil na tup ah a omta hia? Lungkelou a ana pang teitei hilechin a lampi di mukhe khinta leng hithei na hi. Hiai in tulel a na hinkhua bangchi'n ahon khek lamdang zou a?
 
Hitamahleh, aki khel ahi naikei. Natup a lohching zou ngeingei di'n panthak la in. Khatvei hiam sawmnga vei na hih tan a lohching di'n kikoih pah samken.
Tup tamtak leh tup gol taktak te'n hun a la a, lungkelou a pan laak thakthak a ngai. Hiaiziak a mi tamtakte lohsam uh ahi. A lohsam taktak ahikei ua, lungkia ahi zaw uh.Thil ahihchiang ua a lohching pahkei ua leh,a lohsam hi'n a kingaihtuah pah uh.

Hinkhua a thil i tup nakleh a lampi om ahi chih ken le ka muangngam. Eimah deihdan a thil pai ziahziah thei bel ahikei. I lungsim leh taksa mahmah a leng i tupte muh na dia kisak kholhna poimoh mahmah. Thil na utte hoihtak a na theihchiang leh a lampi di mukhe teitei di na hi. Na tup a tangtung zoungei di'n kigingta inla, lungke lou in kuhkal tak in na lohchin ma pangzel in.

Na lungkiat mahmah hun in leng khatvei lai awle chi in panthak la in. Nikhat tei, 'khatvei lai awle' na chih in na lohchinna dia a lampi hong hidiing hi.
 
Nangmah a na kigintak a, na kimuanngam a, na lungkiat kei leh, lohchinna nang a di himai ahi !!

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more