NU ITNA
By ~ Nasri Jona Tawmbing TxNâ
{ *MOTHER'S DAY SPECIAL* }
[Post a omta dia aw? A omta ahih leh remove theih [[xatgood]] ]
Khophok louhtheih hemhem khop mai, tuni mothers day ahihlam himhim ka na thei kei a, zingthou ka online leh lawmte thugelhte apan in nute ni chih ka thei pan chouh hi. Thil tung gige hilou. Kum khat a khatvei tung ahihziak in, hiai ni a thu tamlou bek gelh ka ut a, himahleh Pathian-ni zing khong chu chindan pa-ngai bang a, zing dak 7 gingma kithou ngeilou ahih chiah, hun a bichilh sim mahmah a, siamlouh naklai a, hun cheeptak kar a gelh ahihziak in sim ahak in, theihsiam a haksa maithei.
Hiai ka thu gelh tlawmtak mai hi, tuni hun a nu nei nawnloute a di bik in ka laan ahi.
Thangpu ahih leh naupang melhoih mahmah ahia, a niteng sikul kai na ah leng siamthei mahmah mai a, heutute deihsak leng tang mahmah hi. Naupang lungsim mol chih mahtak in Thangpu in a Nu kiang ah paukam kilawmlou pipi zang in, anu lungkham tak in ana koih sek hi. A khenchiang bang in a lawmte toh kikholh le a Nu ziak in utlou hial zel hi. Thangpu nu'n ahih leh atapa apat a hiaibang paukam azak chiang in a lungsim naa thei petmah a, a guk in kapkap mai hi.
"Nu namel selua, namit tang lah langkhat omlou zawmah, ka lawmte nute kuamah hichi omlou uh, ka nu di'n le kon deih nawn kei, neu chik ka hih lai a, ka pa koi a om, chia kon dot leh, khualzin, hong tung dek dekta, chi'n nawn dawng a, tutan lah ka pa mel himhim ka mu kei a ! Nu zuaugenhat tak khat le na hi. Ka hon mudah gop", chi'n Thangpu'n a nu hangsan toihtoih hi.
Meithai genthei, enkawltu di neilou chu, Thangpu nu a natna in hoihlam manawh nak sang in, a gim deuhdeuh zawmah a, damdawi inn a ki-etkol nang sum le neilou ahihziak un insung ah haksa tak in ki-enkol hamham hi. Anu damlou Thangpu in ngaihsak nuam lou in, tui dawn di natawm pe nuamlou hi.
Thanpu nu gim deuhdeuh ahihman in nikhat, Thangpu kiang ah hiai bang in gen hi; Bawi, sawt kon dampih nawn kei di, kei khovel a na nu neihsun ka hi, kei lou nu dang kuamah nei theilou na hi, khovel dan in nu chia sap di na mu le himaithei, himahleh kei hon itna bangbang kumah lak a mulou di na hi, ka thugen hoihtak in ana ngai in aw, na naungek lai in, na pa toh i thum un, na pute inn ah ann nedi'n i kuan ua, huchia lampi a i tailai un, i motor tuangna uh chesual in, amun ah na pa'n a hon sihsan a, nang ahihleh, khophok lou in na om a, na mai tengteng ah sisan a luan in luang hi, ka hihtheih bangbang a thoukhia in nanglam ah kon vakphei a a, na mai a sisan luangte ka theih bang khamkham in ka nulhul hi.
Midangte panpihna ziak in damdawi inn a hon pawtung ua, doctor te na mittang sia ahihdan ahon hilh ua, kei leng beidong tak in ka om hi. Naungek kum 2 mi lel mit-tang neilou a khovel na hon zattouh di chih ka ngaihtuah chiang in ka ngaingam mahmah kei a, a tawp in doctor te kiang ah ka mittang lakhia a, nang mittang selam a vuah di'n ka gen hi. Tu-a na hon muhsit na ziakte khong ka ngaihtuah chiah ka hon dem kei, huai hunlai in bangmah na theikei a, na pa si ahi chih ka hon hilh nuamlouhna ziak le, na lawmte lak a pa neilou chia na ki kiltoih luatdi ka lauhziak ahi bawi, ka zuaugen ziak in hehpih tak in na hon ngaidam di aw.
Thangpu in huaithu a zak in lamdang sa in, a nu damlou lupna tung a om koi'kawm in, anu kiang ah ngaihdam ngen in kap hithit hi.
Quote from ZomiThuthangNewsGroup
Na pianma apat,
Na ngeklai a,
Kum 4 na hong hih a,
Kum 7 na hong hih a,
Pawl 10 na hon pass a,
Pawl 12 na hon pass a,
Na hong graduate a,
Piching na hong hih a,
Sepna na hon nei a,
Zi/Pasal na hon neih a,
Tanu/tapa na hon neih a......
Hon It gige na nu' kiang ah,
Khatvei bek
" NU KA KIPAAK "
Na chi khata hia ?
Na chih nai kei leh tuni in chi in.
©Siamsinna leh Vakiangbu
{ *MOTHER'S DAY SPECIAL* }
[Post a omta dia aw? A omta ahih leh remove theih [[xatgood]] ]
Khophok louhtheih hemhem khop mai, tuni mothers day ahihlam himhim ka na thei kei a, zingthou ka online leh lawmte thugelhte apan in nute ni chih ka thei pan chouh hi. Thil tung gige hilou. Kum khat a khatvei tung ahihziak in, hiai ni a thu tamlou bek gelh ka ut a, himahleh Pathian-ni zing khong chu chindan pa-ngai bang a, zing dak 7 gingma kithou ngeilou ahih chiah, hun a bichilh sim mahmah a, siamlouh naklai a, hun cheeptak kar a gelh ahihziak in sim ahak in, theihsiam a haksa maithei.
Hiai ka thu gelh tlawmtak mai hi, tuni hun a nu nei nawnloute a di bik in ka laan ahi.
Thangpu ahih leh naupang melhoih mahmah ahia, a niteng sikul kai na ah leng siamthei mahmah mai a, heutute deihsak leng tang mahmah hi. Naupang lungsim mol chih mahtak in Thangpu in a Nu kiang ah paukam kilawmlou pipi zang in, anu lungkham tak in ana koih sek hi. A khenchiang bang in a lawmte toh kikholh le a Nu ziak in utlou hial zel hi. Thangpu nu'n ahih leh atapa apat a hiaibang paukam azak chiang in a lungsim naa thei petmah a, a guk in kapkap mai hi.
"Nu namel selua, namit tang lah langkhat omlou zawmah, ka lawmte nute kuamah hichi omlou uh, ka nu di'n le kon deih nawn kei, neu chik ka hih lai a, ka pa koi a om, chia kon dot leh, khualzin, hong tung dek dekta, chi'n nawn dawng a, tutan lah ka pa mel himhim ka mu kei a ! Nu zuaugenhat tak khat le na hi. Ka hon mudah gop", chi'n Thangpu'n a nu hangsan toihtoih hi.
Meithai genthei, enkawltu di neilou chu, Thangpu nu a natna in hoihlam manawh nak sang in, a gim deuhdeuh zawmah a, damdawi inn a ki-etkol nang sum le neilou ahihziak un insung ah haksa tak in ki-enkol hamham hi. Anu damlou Thangpu in ngaihsak nuam lou in, tui dawn di natawm pe nuamlou hi.
Thanpu nu gim deuhdeuh ahihman in nikhat, Thangpu kiang ah hiai bang in gen hi; Bawi, sawt kon dampih nawn kei di, kei khovel a na nu neihsun ka hi, kei lou nu dang kuamah nei theilou na hi, khovel dan in nu chia sap di na mu le himaithei, himahleh kei hon itna bangbang kumah lak a mulou di na hi, ka thugen hoihtak in ana ngai in aw, na naungek lai in, na pa toh i thum un, na pute inn ah ann nedi'n i kuan ua, huchia lampi a i tailai un, i motor tuangna uh chesual in, amun ah na pa'n a hon sihsan a, nang ahihleh, khophok lou in na om a, na mai tengteng ah sisan a luan in luang hi, ka hihtheih bangbang a thoukhia in nanglam ah kon vakphei a a, na mai a sisan luangte ka theih bang khamkham in ka nulhul hi.
Midangte panpihna ziak in damdawi inn a hon pawtung ua, doctor te na mittang sia ahihdan ahon hilh ua, kei leng beidong tak in ka om hi. Naungek kum 2 mi lel mit-tang neilou a khovel na hon zattouh di chih ka ngaihtuah chiang in ka ngaingam mahmah kei a, a tawp in doctor te kiang ah ka mittang lakhia a, nang mittang selam a vuah di'n ka gen hi. Tu-a na hon muhsit na ziakte khong ka ngaihtuah chiah ka hon dem kei, huai hunlai in bangmah na theikei a, na pa si ahi chih ka hon hilh nuamlouhna ziak le, na lawmte lak a pa neilou chia na ki kiltoih luatdi ka lauhziak ahi bawi, ka zuaugen ziak in hehpih tak in na hon ngaidam di aw.
Thangpu in huaithu a zak in lamdang sa in, a nu damlou lupna tung a om koi'kawm in, anu kiang ah ngaihdam ngen in kap hithit hi.
Quote from ZomiThuthangNewsGroup
Na pianma apat,
Na ngeklai a,
Kum 4 na hong hih a,
Kum 7 na hong hih a,
Pawl 10 na hon pass a,
Pawl 12 na hon pass a,
Na hong graduate a,
Piching na hong hih a,
Sepna na hon nei a,
Zi/Pasal na hon neih a,
Tanu/tapa na hon neih a......
Hon It gige na nu' kiang ah,
Khatvei bek
" NU KA KIPAAK "
Na chi khata hia ?
Na chih nai kei leh tuni in chi in.
©Siamsinna leh Vakiangbu
Comments
Post a Comment