TUUNNU ITNA

Shared By ~ B. K Suan

NU,  KA KIPAAK
{ Mother's Day Special, 12th May }

NA PIANMA IN
A lim, a-al ngawl in a suul ah hon paai a, nang a dia haksa a thuak lai in, Bangmah na theikei.

NA NGEKLAI IN 
Gilna sa a na kah lai in, lungkham tongkhong lua in hon kahpih a ; zankhang chilou a damdawi zong a a vial dian lai in, Bangmah na theikei.

KUM 4 NA HONG HI A
Na siam, na pil deih in haksa maituah in school hon kaisak a ; " KA UTKEI, NU..." chi a na kahlai in, Bangmah na theikei.

KUM 7 NA HONG HI A
A sepna apan leh koih hiam a akuankhakna apan in amah nektaangtang nang a di'n a hon puak tiipteep zel a; " Hiaite ka duhkei " chi a na kiphinlai in, Bangmah na thei kei.

PARENTS' DAY
" Nu, sep ding na hauh leh a loutheilou hilou ahi " chi in school na kuansan a ; School a hong mu nuamlua hinapi a sepna mun ah a hon kuansan lai in, Bangmah na theikei.

PAWL 10 NA HON PASS A
Kipah ziak a khitui luangkawm a, " bawi " chi a a hon pom tentan lai in ; College mantan leh utteng na genkhum lai in, Bangmah na theikei.

PAWL 12 NA HON PASS A
Kipaklua a na pu-le-pate a hilhlai in, state pua a om/kai ding thu na gen a ; " awle, bawi, I ngaihtuah ding uh aw " a chihlai in, Bangmah na theikei.

STATE PUA AH NA OM A
Guhtui kang zeen a pang a, puanhoih-niikten leng silh zoulou himahleh, " ka sum bei " na chih lai a sum a hunhun a hong tun zel lai in, Bangmah na theikei.

PICHING NA HONG HITA  A
Hon khongaihlua na Nu'n " bawi, chih simsim bang na neita hia ? " A hon chi a, " Ah ! huai khawng ana lungkham kei lechin " na chihlai in, Bangmah na theikei.

SEPNA NA HON NEI A
Midangte'n haksa a chihchih ziak un, " Nu, na buailua uhia ? " na chi a, " bawi, ka damlel ua hon lunghimoh hetken " na chihlai in, Bangmah na theikei.

KOPPIH NA HON NEI A
Deihsaklua leh itlua in a hon thuhilhnate ," ka nu zaw theisiam mai ni aw " chi in na kisuum ua, Bangmah na theikei.

TANU/TAPA NA HON NEI A
Hon khoi piching na NU'n, " tuute-naute aw, hichi-khachih ding " a chihlai in, "Nu, nou hun leh kou hun kibang nawnlou ei ve " na chi a, Bangmah na theikei. 

Huchi in, na Nu  itlua  kisa a na om hiuhiau lai in, na nu Nawlkhin na hong suak kha ta. Na nu leng hong hat nawnlou in, a tawp in a  hong dai zikzekta hi .  Zing leh nitak a nang a dia khitui naptui toh nang a dia hon thumsak ding leitung ah na nei nawn kei a, hiai hun apan  thil tengteng na hon theisiamta  hi.

Sanggam,  a kikhel naikei . Hon It gige na Nu kiang ah " NU KA KIPAAK "  chilou ding na hiam ?

Source : Poster of " Nuu, ka kipaak "

*********************************
By ~ B. K. Suan

Simlei tung hon musak ka tuun aw, itna tak tawh paibang hon pom a, azu ahaam thuak in non kem a. Tuunnu itna bangbang simlei ah a dang om diam?

Lungdamna thu gen zawh vual hilou . Tu ciang dong a non kep thupi lua sa ing. Na khan kumkhua sawt in Sian in hon huai hen aw. Tunnu kei non itna ngilh ngeikei ning .

Zankhosawt maimit siinglou in non kem a . Bawi aw , bawi aw , chi in laikhuntung ah non zaal sak zel. Neih man hilou in silh-ten non guan a. Lungdam lua ing .

Tuun aw kon itna lian semsem e. Ka hinkhua hon bawl hoihtu ka mailam hun ding hon geelsak ka tuun aw Vualzawl in om in.

HAPPY MOTHERS DAY.

©Siamsinna leh Vakiangbu