ALVA KOPGEEL

By ~ Vz Vualnam Ospa
Lungtuak alva kop a hei aw
Ka sau leel ah sau n’ong suang ua
Lungtuak sunkim sang bang kinou
Taang liang in laam bang eeng na’ng e
Kei lah sunkim sang bang nouh bei
Khattang sausuan khuam bang luah hi’ng

Saumang phazaw zatam lai a
Liangthei taang kei’ saumaang na teel
Lunglai ah bang na geel hiam chi’ng
Khattang kei siang a sau n’ong suan
Lumlou ding ka lumloh a aw
Lungngaih sunsawt a tomsak e

Selung khuam bang ka geelgeel chia'n
Sian’ son sang na hiam chi’ng e
Kei siang’ n’ong hei taang bang pha e
Nuachiang melmak khankhua zatam
Tang in meel ka muh na’ng hi e
Zillouh teng ka zil na’ng hi e

Lungtuak in nihgel hong hei aw
Kop in vondeih hon tawi ve aw
Tang in hon na dondon ning e
Kei zong lungtuak toh ka hei chia’n
Tang bang pha na nun hon zil in
Nunnuam siangsung lam nuam ing e

--------------------------------------------

Ki-it mahmah vasa nupate aw, ka inntung ah buu na hong sep ua, sunkam lai khawng in na kithoh ging kalkal ua, ka hon eeng mahmah hi. Kei lah thoh di neilou a keikia a tolten ka hi.

Inn hoihzaw hiaizah lai a kei inn na hong teel uh bang na ngaihsun himhim ua hiam ka chi. Kei khatkia a om kiang a buu na hong bawl zenzen uh gamlum lou ding lai ka gamlum loh a, sunsawt chimhuai tak tuh adan a om hi.

Ka ngaihsutsut leh ka kiang a bu na hong bawl uh Pathian’ hon sawl houh ahi ding e ka chi hi. Ka kiang a na hong om uh thil manphapi ahi. Denchiang a mailam hinkhua ding hong lak a hong sinsak na hi uhi.

Ki-it tak in hong khosa khawm unla, tate hon enkol khawm unla, ka honna en nilouhlouh ding a, kei leng ka iit toh ka om chiang in na omdan nopchitakte uh bang in ka ompih dia, innsung nuamtak ka bawl ding hi.
©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more