KHELHNATE KHELHNA A SIM NAWN LOU
By : Shyam Guite Fspa
Sunday special...
6th May, 2013
I lenna khovel uh khangtou mahmah tain, siamna leh pilnate sang mahmah ta hi. Huchi dungzuiin naungek hong piang khiate iet chiangin tomchik loukalin hong teipah ua ka kinawhlua chi hileuh kilomin pauthei nailoute bangin leng Pi leh Pute gentaklouh Nu leh Pate theihnate bang hon kheng khinpah uh hileh kilawmin, a theihtheih nate uh hatin etmaia leng kilawmlou khawpa lamdangin khovelin masawn ta hi.
Huchibang khantouhante kipahpih huai mahmahin, lametna lianpi tawh bang hongchi peumah diam aw chia ngaihtuahna tawh kidima om ahih laiin, khantouhna a hat mahmah dungjuiin khelhna leng ana hat mahmah teiin, chiklai maha leng Van Pathianin a deih ngeilouh khelhnate tuchiangin mihingte pilna zangin khelhna dan a leng sim nawn talou in, neih kibangte (bible in to-huk achihte) kiten theihna ding phutnate leh huchi bangte kiten theihna ding phalsak nate bang hong piang khe maimah ta hi.
Huan, nekguk takguk leh khamtheih guih theih ichihte tengteng bangleng a khovel khantouhna in ahon puak khiak dan a koihin, khelhna dana koihlouhna/ngaihlouhna in khovel luahsuak a bang ta hi.
Biblein ana gen khelhna ana koihte," A hihleh mi diktat louten Pathian Gam a luah kei ding uh chih nathei kei ua hia.? Khemin awm kei un, kingaihhatte hiam, milim bete hiam, angkawmte hiam, mi hukte hiam, to-hukte hiam, gutate hiam, mi huaihamte hiam, zukhamhatte hiam salhhatte hiam, lepgute/negute hiamin Pathian Gam aluah kei ding uh"(I kor 6:9-10) chia ana gente, tulai khovelin khelhna dan a leng a koih louhte Pathianin ahon koihpih/pawmpih na diam.? A khovel khantouhna jila khelhna a koih louh theih takpi mah ahi na diam? Ngaihtuah tham ching hiin na khoih ngei hiam.??
Hiai atunga Bible tang ki gelhin khelhna ana gente tuh Pathian Gam luahlouh nading khopa hoihlou khelhnate ahi chih itheih chian ding ua a deih huai hi. Huan, hiaipen jaw dau deuh e, hiaipen jaw thupi pen e, ichih theih ding om tuanlou khelhnate ahi uhi. Huan, Kristian sahkhua leh sahkho khenkhat in hiai neih kibng kiten theihna (to-huk) phalsakna pen kipom theilouin khelhna danin ki koih thei ciat hi. Huan hiai tuh mihingte kia hilouin Pathianin leng adeih hetlouhte laka khelhna khat ahi hi. Huah, hiai khelhna pen alian/thupi jaw hituan louin adngte toh kibang khelhna mah ana koih louhna a omta hi. Adiakin, nekguk, takguk leh jukhamhat, ichihte khelhna dan a koih louhna om tain. a negu thei thei/siamsiam leh a kham theita bang a chethei dana koihin khelhna hihdinga maingalna mite/Saptuamte lak ah chìi tuhin ana omta hi.
Himahleh, Biblein khelhna a ana koihte tuh a khovel changkan dungjuia ngaihdau theih himawk tuanlouin khelhna ana hi veve ahi ten hiaibang khelhnate hih khawmkhawmin thilpiak(10/1) apiak hoih nak uleh huaiin akhelhna uh maisak jawu ding sain ki siamtan sek uhi. Himahleh, lak leh piak toh kisaiin Bible/Pathian in diklou pi a muhnate ka kiangah hon tawi kei un, kihhuai ahi, (Deut. 23:18) ah ana chi ta hi.
Huan, Biblein hiai bangin a na gen hi."Huan, siahkhon mite leng baptisma tang dingin a hong ua, a kiang ah, sinsakpa bang ka hih ding ua? Achi ua, huan aman a kiang uah, honseksak val uh va khon kei un, achi a huan, sepaihten leng a kiang ah, kou leng bang ka hih ding ua.? a chi ua, a dong ua, Huan, aman a kiang uah, kuamah hiamgamin hih kei unla, dikloupiin kuamah hek kei unla, na loh uah lungkim un,"(Lk.3:12-14) chi hi. Hiai houlimna thu apan hon muhsak theih tuh Eiaidia sehsak val lakna, leh Loh a lungkim jouloua akan aval va lakna tuh-nekgukna/lepgukna ahi chih ahon musak hi. Huaimah tuh Pathianin a gam lut louna ding khop a khelhna in ana koih ta hi. Huaijiakin, eimah kisiamtan sakna in bangmah tan hontun lou ding a hi. Siamtangsak ding tupa lah Jesu Krist a hi ngal a, aman khelhna a ana koih/sim pen khovelin ahih jiakin, suakta ding kihi tuanlou ahi chih thei chian ni. Hiai nekgukna leh to-huk(neih kibang kitenna) leh Zukhamhatte ichite Pathian deihlouh khelhna ahi chia i gen banga a dang teng leng a kibang khelhna hivek ahi chih Bible hon kokmuh dan ahi hi.
Huaijiakin, khovel miten khovel khantouh dungjuiin hiaite danin sim/khoih kei mahle uh, Pathian in koih/sim thou thou ahi chih thei ni. Thil hoihlou khat iva hihkhak chiangin a tungin iki siamtan kei simmah lehang I hon hih zawngsat chiangin KHELHNATE KHELHNA A SIM NAWN LOU a om khak theih mok ahih jiakin, pilvang mahmah kul ahi chih i kichial na uh ahi.*
BEITA..
©Siamsinna leh Vakiangbu
Sunday special...
6th May, 2013
I lenna khovel uh khangtou mahmah tain, siamna leh pilnate sang mahmah ta hi. Huchi dungzuiin naungek hong piang khiate iet chiangin tomchik loukalin hong teipah ua ka kinawhlua chi hileuh kilomin pauthei nailoute bangin leng Pi leh Pute gentaklouh Nu leh Pate theihnate bang hon kheng khinpah uh hileh kilawmin, a theihtheih nate uh hatin etmaia leng kilawmlou khawpa lamdangin khovelin masawn ta hi.
Huchibang khantouhante kipahpih huai mahmahin, lametna lianpi tawh bang hongchi peumah diam aw chia ngaihtuahna tawh kidima om ahih laiin, khantouhna a hat mahmah dungjuiin khelhna leng ana hat mahmah teiin, chiklai maha leng Van Pathianin a deih ngeilouh khelhnate tuchiangin mihingte pilna zangin khelhna dan a leng sim nawn talou in, neih kibangte (bible in to-huk achihte) kiten theihna ding phutnate leh huchi bangte kiten theihna ding phalsak nate bang hong piang khe maimah ta hi.
Huan, nekguk takguk leh khamtheih guih theih ichihte tengteng bangleng a khovel khantouhna in ahon puak khiak dan a koihin, khelhna dana koihlouhna/ngaihlouhna in khovel luahsuak a bang ta hi.
Biblein ana gen khelhna ana koihte," A hihleh mi diktat louten Pathian Gam a luah kei ding uh chih nathei kei ua hia.? Khemin awm kei un, kingaihhatte hiam, milim bete hiam, angkawmte hiam, mi hukte hiam, to-hukte hiam, gutate hiam, mi huaihamte hiam, zukhamhatte hiam salhhatte hiam, lepgute/negute hiamin Pathian Gam aluah kei ding uh"(I kor 6:9-10) chia ana gente, tulai khovelin khelhna dan a leng a koih louhte Pathianin ahon koihpih/pawmpih na diam.? A khovel khantouhna jila khelhna a koih louh theih takpi mah ahi na diam? Ngaihtuah tham ching hiin na khoih ngei hiam.??
Hiai atunga Bible tang ki gelhin khelhna ana gente tuh Pathian Gam luahlouh nading khopa hoihlou khelhnate ahi chih itheih chian ding ua a deih huai hi. Huan, hiaipen jaw dau deuh e, hiaipen jaw thupi pen e, ichih theih ding om tuanlou khelhnate ahi uhi. Huan, Kristian sahkhua leh sahkho khenkhat in hiai neih kibng kiten theihna (to-huk) phalsakna pen kipom theilouin khelhna danin ki koih thei ciat hi. Huan hiai tuh mihingte kia hilouin Pathianin leng adeih hetlouhte laka khelhna khat ahi hi. Huah, hiai khelhna pen alian/thupi jaw hituan louin adngte toh kibang khelhna mah ana koih louhna a omta hi. Adiakin, nekguk, takguk leh jukhamhat, ichihte khelhna dan a koih louhna om tain. a negu thei thei/siamsiam leh a kham theita bang a chethei dana koihin khelhna hihdinga maingalna mite/Saptuamte lak ah chìi tuhin ana omta hi.
Himahleh, Biblein khelhna a ana koihte tuh a khovel changkan dungjuia ngaihdau theih himawk tuanlouin khelhna ana hi veve ahi ten hiaibang khelhnate hih khawmkhawmin thilpiak(10/1) apiak hoih nak uleh huaiin akhelhna uh maisak jawu ding sain ki siamtan sek uhi. Himahleh, lak leh piak toh kisaiin Bible/Pathian in diklou pi a muhnate ka kiangah hon tawi kei un, kihhuai ahi, (Deut. 23:18) ah ana chi ta hi.
Huan, Biblein hiai bangin a na gen hi."Huan, siahkhon mite leng baptisma tang dingin a hong ua, a kiang ah, sinsakpa bang ka hih ding ua? Achi ua, huan aman a kiang uah, honseksak val uh va khon kei un, achi a huan, sepaihten leng a kiang ah, kou leng bang ka hih ding ua.? a chi ua, a dong ua, Huan, aman a kiang uah, kuamah hiamgamin hih kei unla, dikloupiin kuamah hek kei unla, na loh uah lungkim un,"(Lk.3:12-14) chi hi. Hiai houlimna thu apan hon muhsak theih tuh Eiaidia sehsak val lakna, leh Loh a lungkim jouloua akan aval va lakna tuh-nekgukna/lepgukna ahi chih ahon musak hi. Huaimah tuh Pathianin a gam lut louna ding khop a khelhna in ana koih ta hi. Huaijiakin, eimah kisiamtan sakna in bangmah tan hontun lou ding a hi. Siamtangsak ding tupa lah Jesu Krist a hi ngal a, aman khelhna a ana koih/sim pen khovelin ahih jiakin, suakta ding kihi tuanlou ahi chih thei chian ni. Hiai nekgukna leh to-huk(neih kibang kitenna) leh Zukhamhatte ichite Pathian deihlouh khelhna ahi chia i gen banga a dang teng leng a kibang khelhna hivek ahi chih Bible hon kokmuh dan ahi hi.
Huaijiakin, khovel miten khovel khantouh dungjuiin hiaite danin sim/khoih kei mahle uh, Pathian in koih/sim thou thou ahi chih thei ni. Thil hoihlou khat iva hihkhak chiangin a tungin iki siamtan kei simmah lehang I hon hih zawngsat chiangin KHELHNATE KHELHNA A SIM NAWN LOU a om khak theih mok ahih jiakin, pilvang mahmah kul ahi chih i kichial na uh ahi.*
BEITA..
©Siamsinna leh Vakiangbu
Comments
Post a Comment