GAMLEI KI-IT KHEMBAWLTE' KIANG AH: THUKHAH NANUNG

By ~ Vz Vualnam
Laukha maimit in zolei galdot ve’ng
Al bang mangkuan bang e khimzing in bawm
Khimzing nuai ah zotui mangpa’ sausuan
Kangtui mang’ sausuan bang e ngou bang lang
Lamtui tualnuam a saupha zaam ziilzial
Sanggahte’n liimsawl bang a beel ngam na’m!
Vang i khua lai a saupha ngou bang lang
Lelliangte’ kahtam lohna hiam aw chi’ng!
Zotui mang na sausuan etlawm na ve’n
Sakna gamlei al bang mang ding hi e
Sau sakna gamlei al bang a man chia’n
A sung ah nunnuam in na hei na’m maw!
Zata suihlung muanna na hi hiam aw
Zata lungngaih khuisatna na hi hiam
Zata nunnop nau bang nuihna na hiam
Luanli nulna kahtam lohna na hiam 
Zolei sil bang paalna na hi hiam aw
Sil bang paal ding pal bang nang na hiam aw
Khakia kulsin daidam na zaal chia’n aw
Miza’n suunnau bang hon awi diam chi’ng e
Kuang na liailiai, kuang na liailiai sa’ng e
Zomi-zota bilh bang thohni zaan in
Zolei al bang zuakte saumang etlawm
Zata’n lou bang haal e kuang na liailiai
A khuzaam in gamchin zelsuak henla
Simlei miza’n laam bang na veel hen aw
Gamchin zelsuak lengvan dong zaam henla
Phamsa teng siang simthu va hil hen aw
Zolei huang bang hum a haam bang huai di’n
Ami zata’n deih in chi bang teel ve’n
Teitui mangpa’n doh-ai a khim hiam aw
Zuun ding zolei zuak bang khawng mai aw
Zolei tual tuan nawn di’n na lawmlou e
Zou siktui dawn nawn di’n na lawmlou e
Sawl bang na belh teitui mangpa’ liim ah
Nunnuam in lenkum hong muanden ta’n aw
Khapham kulsin daidam na zaal chia’n zong
Teitui mangpa’ huang ah hong zaal ve aw
Nang di’n zolei tongkhat zong paam sa’ng e
Khaleinu’n zong sungneek lungsit ding aw
Zangleng dumpuan in zong kihuilou aw
Teitui kaihdial toh na zaalzaw ve aw
Pupa’ lenkhuang’ oih di’n na lawmlou e
Teitui lenkhuang in hon awi dih hen aw
Tuunnu zolei an bang it khem ngawn a
Sesum lamtam mu bang ngaizawte aw
Khuahun kihei sunni hong dang ding a
Ngaihtam na sial ni hong tung ding hi e
Zolei sal bang suahna sansi luangte
Na siangsung ah khuai bang tu ding a aw
Sansi lou bang lel ngaihtam na sial chia’n
Lungsiik in khua na ngai lim ding hi e
Simthu mualhem a kai nu’a lungsiik sa’n
Tu in lungsiik sul hong heizaw ve aw
Hawmkhelh lung a ngilh in ma suankhawm le’ng
Lungtup zolei sil bang paal ding hi e
©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more