KHEMHAT FACEBOOK PROFILE PICTURE!!!

By ~ Thanuam Dahpa
Nitaklam khat ka hihdingteng hih khin inn ah ka paibaih deuh hi. Hihding teng hihkhin kahihman in hihding kaneihlouh ziak in FB ah ka log-in hi. People You May Know te lak ah Numei melhoih mahmah, ka muhkhak lam katheih hilou hilele ka theihsa bangsim khat a hong kilang a kenle friend request ka khak hi. Sawt kihal hetlou in a hon confirm pah a amel hoih kasak sim ziak in a wall ah "THANKS" chih tengkia kava post keuhkauh hi... Ka notification hongpai a ka et leh "Chingnou commented on your post" hong kichi a kenle ka en a man le "Most wellcome" chihteng in a honthuk hi. Comment nawnlou in ka like a Group khawng ah timepass na in ka lutsan hi.
Fb a nungak melhoih kasak mahmah khat ahihman in kisunglah sim in ka poke a aman le hon poke back a,hucin kaki poke na uh chat in kon khek uhi. Hun hong paizel a mahziak in hun kaneih leh fb ka online deuh gige hi.Ka online hun uh a kituahchiang in group chihte a le lutman zezen lou in amah toh ka ki chat den uhi. Fb a ka log-in phet leh Chingnou a online hiam chi in ka monitor taklam kil ka en masa pen a haichil kahi mai hi.Huchi in thutuamtuam houlim in a khenchiang in kichiam nuih in nuam konsa tuak ua ka houlim ut te uh akibang mahmah a ka hobby te ule akituak atam mahmah hi.Huchibang a utna kibang in hinkhua kizangkhawm leh nuamlaw ding chi in atak a kimulou pi in zawlthu te gen in kingai kahong hi uhi.
Innlam paichiang a atak a kimuding in kakigen ua kangak lahtuak mahmah uhi.
Hun awlchik a pailiam in xmas zangding in innlam kahong pai a ka ngaihzawngnu mukha ding kahih ziak in kaki lawp petmah hi. Inn katung a azing nitak dak guk a lanva lei a kingak ahuai apan vak khiatding in inthu kakipia ua, amahkiang ah Hanky ngou akhut anatawi ding leh kei ka bike a vapai a kakam a rosepak san petkawm ding chi in ka identity ding uh ka kipia uhi.

Nitak khomial dingkuan in kanau nu'n "u na romol ka sawppen ken kazang ding" chi in hon ngen a kenle "hiai ale atam mai nadeih laileh" chi a et le enlou zezen in kamai a limlang a ki en in kamailak a ka hoihlouh na omteng seltheihdan teng in ka sel hi.
Dak 6 gingdek mahmah in kapawt a khuamial kuan sanggam melhaih hun ahihman in ka rose pak toi muhhak mahmah ding ana hi a aloh dingdan omtuan lou chu kakam a pet in kahong taikhia hi.Kadip kisai a kinoh a gen masak dingkhawng ngaihtuah a katai leh Lanvalei kahong tung dek a kakhut veilam a kasam zutman thak zezen in leitung kagal et hi. Leitung ah nungak duangching tak samsau ngihngiah feet 5 1/2ding khawng kagal muh a ka chi alingphial hi. Ka ngaih tuahsang a ka ngaihzawng nu hoihzaw ding anabang a kipahna in kadim hi. Amel hoihkia leng hilou a duangchingtak ngaihzawng nei kana hih chu kalung a nuam mahmah mai a...FB a na omlouh khak ding kalau zezen hi.Awl a ka Bike a taiphei in kahon naih dedeuh a..ka dip kisai naklua in ka awmguh phukhe phialleh a kilawm zezen a...Kilawp mahmah ngal,nervous tak in leitung kalut phei hi.
Khuamial kuan ahihziak in a meltak ding kamutheikei a himahleh kakigen namun ua ana om ahihman in ka ngaihzawngnu Chingnou a hihbel kachiang mahmah hi.Kamailam a gari hongtai in honsalh vakleh ka kam a rose paksan mu ahi ngeiding a a Hanky ngoutawi kamuh ngeingei ding in hon khut van a,"Ukhual...Ukhual..." chi in hon nasam a keileng zumsim in etleng en hoih ngamlou zezen in akiang ah kavakhawl hi... En hoihpah zezen lou in "Ching, anatungta maw?" chihtoh et kathuah a.....Oh my God..!!!!!!! kamai ah khovel a kipahna tengteng hong kikhawm a nuitawp theilou in kingawng kawizen in kanui uhi.Banghiam gending kasawm zel ua agenthei zaw sam omlou in milak chilou hial in ka nui ek ek ua,ki it ki ngai nana chu midang omleh omlouh leng khual lou in ki ngawngkawi in ka nui tawp theikei uhi...
Sawt kuam huchia kanuih uleh mihongpaite khawng in hon hoih et theih mahmah ua nuam salou sim in Chingnou in ka nung a hongtu a hon kawi zezen in "Ukhual,paita ni!" ahon chi a kipak a nuikawm in ka inn uah kapaipih a..mundang a leeng tutpih tuanlou in ka room ah kalutpih a "Na pro pic kualim eita" chi in kadong a "keilim mah eivele,photo shop thahatna katamzat lokha a" chi in Chingnou a nui ek ek hi, Nuihmai tak in "Nangle bang achia nalim tak nazat louh eita" ahon chi a "nang,kanau in photoshop nazat theihleh kei huaizil a om in kazangthei mahmah ding chih theilou maw" chi in kadawng hi...Khatvei kanui ek ek nawn ua..kanu hon sap gingle zalou in ka room kong ah kanu hongdak a "Na unau ua bang nekha na hi ua kipakna uchia.. Ann hong thuk ta ua," chin hon a sam a Chingnou Ann thukdia a paikhiat kawm in, "Hi, na Hanky" chi in ka Hanky ngou ahon lawn phei a anthuk ding in hon pawt san hi...… hehe


Monday, 09 April 2012 17:48

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more