KUM 10 KALUNGSET

By ~ ChinZa Vualnam


Skulkai kakuan teng leh nitaklam katawp teng a,ainnkong uh ka totkhak gige asakmin theikei mah leng amel ka en chim theikei, a innkong uh katun chiang bang in amah kamuh ut ziak in ka awlpai deuh a, honmuh khak dinglah ut chiah lou in kamelh gusek hi. Zingkal a tomchik ameel kamuh in sunnitum in kalungsim ah a om den a, Nitaklam a mitphiat kaal lel ameel kamuh himah leh, zanhun sung ka lungsim ah amangthei kei hi. Bangtan hiam huchia ka om nung in alawmte sap kazak khak dan in amin zong avek in theikei mah leng "Kim" chih teng ka thei leuhlauh hi. A omdan leh agamtat dan teng nalh kasa top, va uanggen deuh leng aveih bang zong perfume gimnamtui tak2 te sangmah in zong namtui zoleh kilawm in ka theihial hi.

Hichi mai a try jensam di lah, ka zum deuh jel, Nitak khat a kamsiam thu a va ngah ding hi leh zong huaisang in Jacob bang in kum 7 ka thaloh ut zaw hial hi. Kholak a lauh neilou, innsung a lah kipasal sak a sawt pipi lum pa himah leng huai minu mai ah bel bangmah kahi kei, ameelhoih na in hon sawi liing sek hi.

Kumtawp exam zouta school khawl hon ngaita ahih man in ameel zong kamu vaang mahmah ta hi. Himahleh pawtna dingkhat kaneih chiang in amau innlam bang kualsim mah leh kava tawnkual thepthup sek hi.

Nitakkhat, ka lawmpa Muamuan toh kholak pawt din ka ki jui khia ua, Vuahmal phin nilh2 nuai a, Lampi kawchiik sim khat tawn in ka paisuk uhi. Buanlah nawi pet mah, kei amasa a kapai suk leh Lampi kawina bul ah gintaklouh pi in ka ki tuakkha guih ua, gending pentak zong thei zawzen lou in "Koi a hoh dek?" kachih leh, "Koi ah hoh dek khang pawt maimai" chiin hon dawng hi. Ihoh na di kibang eive chia va zuih mai bang ka ut gusim hi.

Kalawmpa muamuan toh bel hoih taktak in hon kihou ua, ken a gei uah maksa kawm sim in, dinsa in agen teng uh kana ngai khia hi. Ka kikhen zoh un muamuan kiang ah "Hiainu eive ka gengen, Nou kitheih kha ngei u maw" ka chih leh aman 'Iki thei mahke, kei a dia kani eivoi' hon chi a, huai ka jaak in ka om heeihuai jawjen hi.

Kumnawn chiang a delhi a sepna jiak a paisawm ahih dan hon gen zom pah ngal hi. Muamuan inbel bangmah a serious ngaih khollouh ziak in ka lungsim ah a ni kia ka ngaihtuah den a, Muamuan Enkawm in ka lungsim ah "Bangchik chiang hiam a na Gang ding hon hi di kei ve" chikhawng in ka ki pe fuh sek hi. Bangchidan a thuzak thei ding, Bang chileng a inn ua pawt na di chance om thei diing a hia, Delhi khopi a hon paimang san ma a khatvei beek va hoh khak ka ut himhim ngaal a. Sun leh zan in ka lungsim mitkha ah amang thei kei a, Lehkha kasim chiang in zong amah meel kia kamu sek hi.
Hichikhop a ka itt lam lah hon theih pih kei a, mi guuk ngaih kichi hichi tuk a haksa ahi maw, chih te ka phawksuah thakthak hi.

Huchia Duhthusam maimai leh Ngaihtuah na maimai khawng suangtuah a ka ngiim2 lai in theihlouh kaal in hon na leenmangsan petmah a, Lamka akipan Delhi ana boh hiau tave.

Delhi a zin ahih dan katheih ni ngial in houh kuamah theih pih louh in ka vei mahmah mai a, Ingaihtuah sau zek chiang in lah hehtha khawng hon mawk suah thepthup in, Innsung a Mehbel leh Buh beel te tanpha in hon eengbawl bang sakkhak in om a, etna lamlam hehhuai kisa mai hi.

Hunte hon pailiam zung2 a, ameel kamuh louh na zong kumtamkhop hon pailiam ta hi, ahun sawt toh kiton in ka lungsim ah zong ka ngaihtuah tawm deuh ta in ka thei hi. Himahleh achaang in bel hon kilang thei zeel a, A inn kiang khawng ua kapai khak chiang in, Nidang a vokann pia a ana tut nasek khawng kamuh chiang in ameel kilawm tak ka lungsim ah hon kilang veu hi.

Tu in ameel kamuh louh na zong kum tamkhop apai liamta, ka lungsim in zong ka ngaihtuah pha nawn kholkei hi. Zan deuh lam in Nikhat lawmte khat in bajar pawt di'n hon zawn zenzen a ken zong Bajar muhlouh na zong sawt gawp chi'n kava zuui sam hi. Sunnitum a bajar pawt in Nitaklam dak 3 lak in inn lam zuan in Tedim Road dung ah ka ki jui tou nalhnalh uhi.

Gil zong kialta ahih man in vaite Hotel khat a singpi dawn dia kalut ua leh Gintak louh pi in, Meelhoih nu ana om jen houh hi. Amahzong nidang a kamuh tuunglai sang in ana piching mahmah ta hi.Ameel zong a etlawm deuh2, a jeans khekor ten toh tshirt black a silh in a jem hoih tuan mahmah a ka lungsim in thildang a omthei nawn kei. Ngaihtuahna apaikin petmah mai a, nidang a kamuhtunglai toh ka hisap touh chiang in kum10 bang vaal ding hita mah leh ahoihdan akiam nai tuankei himah leh ana man simta ahi dia, apawt khe pah ngaal hi. Anung a bag liansim khat leh akhut a vantun lian huntawk atawi te ziak in khualzin tung ahi chih haihvual ahi kei hi. Avan te khawng dawn touh a Zarda beek haipih kawm a, KUM 10 vaal bang ana lungseet kahih dan khawng bang a kiang a gen himhim ka ut pet mah mai a, himahleh ka ngaihtuah thak chiang in "mi theihpih louh a lungsim kasen ekek haihuai na ee...Hiaimihing nu mitmei kaven bang in ka insungmite mitmei veng leng ka innkuante pahtak kaloh zaw di" chihte ngaihtuah kawm in ka enliam maita a, Kalungsim in KUM 10 KA LUNGSET nu mangpha.... Kachi ta hi…

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more