KA TA AW

By ~ Vz Vualnam

Ka ta aw, ka ta deihthoh aw
Na khangnou na thahaat lai in
Na tung-et ding mi teelsiam in
Na zuih ding mi teelsiam in
Na gup ding thu teelsiam in
Na zuih ding lampi teelsiam in.
Na paina lamka thuam teng ah
Mite’n na haatna enlah in
A angmasialna uh pichinna ding in
A honna buk ding uh.
Naphungthu-nataangthu heikawi in
Nathugin-nalagin heikawi in
Sum-le-pai deihtaakna hon lak in
Khaukhihna in a hon nei ding uh.
A utna lamlam ua a hon kaihtheih na’ng un
Dik hi a kilawm thute in a hon khem ding uh,
Na haatna zang a punna a muh theih na’ng un.
Na tha in a tai ding ua,
Na guhtui in a niang ding uh.
A thaang ua na puuklouhna ding in
Hiai thute na lungtang ah vom in-
Naphungthu-nakhangthu thei kichian in.
Na kipatna theiloupi in bangchi’n
Na zotna dinglam na thei mahmah dia!
Na thugin-lagin thei kichian in.
Bangthu-bangla na ging ta zong in
Na mit a delsaklou ding in pilvang in.
Sahkhua nei a huai in mit a delsak sa’n
Sahkhua neilou a mitvaak ahoihzaw.
Naveng-napaam’ siatna ding thu ah kigolh ke’n.
Nakiim-nakiang toh kilem ding thupipen in nei in.
Gitlouhna a suak sum-le-pai enlah ke’n.
Hiai thute keem a na vom leh
Nalawm-napaai khemzoh in a om ding ua
Nang bel na bit ding hi.
Huai hun chiang in a puuk leh a bitte’ kaal
A gamlaatdan na thei phiing ding hi!

©Siamsinna Leh Vakiangbu