KA AW NA ZAAK CHIA'N

By ~ Vz Vualnam

Innsung a ak luut bang in
Na kiginlouh kaal in
Na hinkhua ah k’ong luut a,
Hawl pawt zohlouh ak bang in
Na hinkhua ah ka tengden hi.
Na hon hawl, na hon hawl a
Khen chia’n lupna kawm ah,
Khen chia’n anhuan inn ah,
Loh leh chiang peuh ka tuankhe lemlum a,
Phaitam kongkhaak a hawlpawt n’on sawm a,
Kongkhaak ka tun kuan in,
Pawt khong ding sa a na kipah lai in
Thakhat in tuibeel lam ah ka kihei a
Tuibeel kawm ah ka kibu ta hi.
Huai apan n’on hawlkhia a,
Lupna pindan ah ka tailuut nawn a
Lupna nuai ah tawlkhat ka kibu leuleu hi.
Na hinkhua kei’ dia na phallouh a
Inn a ak luut bang a hawl ka hihleh
Hawlpawt zoh khong a om ak bang in
Innsung ka pawtsan khong dia
Kei a dia bawl akgil a luut in
Zingkal phalvaak in ka hong khuang dia
Ka aw na zaak chia’n na khanglou ding hi!

©Siamsinna Leh Vakiangbu