TAANG NGALLIAM' HANCHIAMNA: HAN LA

By ~ Vz Vualnam
Zolei aw laukha zu bang na sia hiam?
Lakmai luanli muantui bang a phuul hiam?
Pupa’ khan a singta’ gi bang nehlah
Tawisawn’ khan a tem bang dual ngawn aw e!
Zolei puan bang taanlouh tong a chiamte’n
Singta’ ang ah laan bang ngazou hi e.
Henkol khailai suut dia tong a chiamte’n
Ang ah henkol kip zaw’n puan bang thuap e.
Singta’ ang a tul ka nuamlou hi e
Pupa’ dung suun in kei bang gial zaw’ng e.
Henkol kipzaw khai ka nuamlou hi e
Daidam tangsa ka namtem zuun zaw’ng e.
Zaang lumsuang apha koi a om hiam aw
Ka namtem luunlai va nawl nuam ing e.
Zolei giit bang hong lah ami zata
Sivangkhua ah zin bang kha nuam ing e.
Ka namtem luun aw, dul kiukiau aw
Kua ta sai bang ka saat na’ng na chi hiam?
Leidou laltang lah sai bang saat ning e
Simthu lehluante’n ma bang pan ning e!
Teitui vontawi nang miim bang na bualna
Zaang a thambal sil bang paalna hi e.
Zolei vontawi ke’n khuam bang ka luahna
Tulleel vahkhuai’ haanna gamdawn hi e.
Teitui luun aw gi bang hon nehlou aw
Pupa’ khanzil kei bang giallai ve’ng e.
Teitui mang aw neen bang hon niillou aw
Pupa’ tual ah tem bang hiam lai ve’ng e.
Pupa’ khan a teitui’ sumlu khaina
Vangkhomual luunlai zong tul nailou e.
Pupa’ khan a teitui sang bang nohna
Pupa’ totsa tuanglam ngil nalai e.
Ka saumang hong veel ve aw miza aw
Sangchih sumlu beel bang suanna hi e.
Sangchih sumlu beel bang suan lai ah aw
Leidou nang’ sumlu zong suang nuam ing e.
Ka khuamual in sumlu na ngai na’m maw?
Khuamual alva’n aisa na ngai na’m maw?
Na maulou aw khuamual alva nu aw
Teitui’ sumlu a niang ding hita chia!
Zaang a teitui luun aw na muanglou aw
Tang ngalliam’ lungtup na sumlu hi e.
Khuamual a beel bang suan ding na sumlu
Tuun toh thausa’n gia bang na zuun ve aw.
Kisai ni e, kisai dih ve ni e
Kua zaw’n tuun’ min i lou masa hiam aw.
Nang na kangthal solkal sesum a lam
Ka laulou e na sumlu laa ning e.
Veng leh paam toh dialdial a tui bang luan
Taang ka sinlai ah sial bang lianbel e.
Hizong gi bang n’on nehleh lal aw e
Na sumlu khuamual a suang ding hi’ng e!
©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more