HAKSATNA KHOVEL

Elshy Tunglut

Hiai leitung ah,nopsak na'ng leh kipah na'ng tampi omna khovel ahihlai in haksatna leh gentheihna leng gen di chileng ana bei tuandek lou mawk hi. Huchih lai in,huai leitung a khualzinna a zin tei sam ding in ka hong piang khia hi.Hunte hong pai in ka hong khanglian a,nopna leh haksatna te omna khovel a piangkhia ka hihlam haih di vual ahikei hi.

Huchih lai in mitam pite lungkham na himhim neilou bang mai in om ua,bangziak a kei amau te bang a om lou ka hi de aw? chih khong ngaihtuah in nitak khat chu ngaihtuahna apai sau tel mai.Huchih lai in,hiai laa in ka lungsim hon zou mahmah hi."Sawt adaih lou lua e,lei pahnate...A tawpna sihna leh lungngaih na lelVan pahna bukim sih khamuanna thugukJesu kiang ah om, Zuan ni".Bang ziak a mitam pite kipah lai a,tampi te dah a lungkham a om hiam? Chia ka ngaihtuahtuah lai in,Khovel a hauhsak na leh a etlawmna te iva deih luat chiang in JESU lamlam leng ki phawk pha lou in tua huntak in zaw lungkham kichi te thuak ana kihi maimah hi.Bangteng hihleh atung alaa in agen bang in JESU adi'n i lungsim teng ihon hong zaw maw!!Hiai kan a kipahna bukim om nonlou mah ana hi maw?chih vungvung in om hi.

Mite bang in,Jesu ziak in lungkhamna himhim neilou bang in ka hong om theita a.Lawm khenkhat te'n bang lungkham na leh haksatna himhim thuaklou ding bang honsa un,akal in hong dong ding bei lou hi.Tua te bang ziak hon dong thei uh a ichih leh kei leng amaute bang in lungkham luat hun ana neisam kei ve. Himahleh JESU kon neitak in tua bang in ka om thei pan hi. Lawm te,nou leng tua bang leitung haksatna leh gentheihna gen di beilou leitung ah i om lai in,haksatna te hon lakmangsak thei tu Jesu kiang zuan mah dih na kisik kei hial di.
Huchi'n na lungkhamnate kipah na hong suak dia,nang ziak in mitampi te'n Jesu Khrist hon neih loh ding hi.Tua ahih ziak in sum-le-pai sen ngai hetlou Jesu kiang zuan mai ni.

Hiai thusim kha tengteng,Jesu'n haksatna khovel pen nang adin kipahna khovel hongsuak sak leh chi'n a vualzawl na i ngen ahi.

©SIAMSINNA LEH VAKIANGBU

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more