ROSE

~ChinZa Vualnam

Duat tak a kakep Rose paak aneu akipan, zingleh nitak in navul louh na di'n tui kon pe gige a.... Ganhing te leh mihing ten hon hihsiat louh na di'n dai hoihtak kon kaih khum hi..
Hunte honpai zel in, Nang zong non lianta a, Nidang in bangmah lou LOUPA HING bangbang lel himah le chin, tu in non lianta a, napaak kilawm tak te hon paak khia a, ka mit in na etlawm na te a muchim theikei hi.

Vanvuah tui te leh, Sun a nisa in zong nameel hoih na alamang kei ua, zankhomial leh ziing khovak in zong na hoihna leh etlawm na a ngeingei ahi hi..Ka Itpen Rose aw, khawvel ah paak chi tuamtuam om mahleh nang bang a etlawm leh meelhoih a omkei uh, sun leh zan in nameel etlawm tak mai ka lungsim ah amang thei kei hi.

Na pak namtui te diik gige ka ut a, na meelhoihtak kamit a et gige ka ut ziak in.napaak kilawm lou diing in huansung ah kalut ta hi..

Na omna daai sangtak a ki uum ahih man in ahaksa mahmah..Haksa samahleng kon deih na ziak in huai teng ka kaan khuup vek hi.. Midang ten honlou ut mah le uh, aki uum na asaang luat ziak a louzoulou a kiiksan maimah uh ahi di ee... Chihte ngaihtuah in, ka mit ten nang hon mitsuan kawm in naphung kon zuan ta hi.Na kiang ka tun in, na meel kilawm en dia ka dak touh leh... Oiii...! Amak tel maw, Nakung ah ling sautak apou seuhsouh kamu hi..

Kon deihluat ziak in, ka kal teitei ta a, Himah leh naling sautak, Zum mahmah ten kakhut leh khe te adawt keh ta hi.. Hawmthoh tak a kon kep na ka khut te leh, nameel kilawm endia ka kalsuan na, ka khe te akipan sisan hon pawt khia a,Napaak lou zou lou in naphung ah ka ke ta.....!!

kon etchim theih louh na kamit akipan Naa sak luat ziak in, ka mittui apawt hi..

"Itpen Rose aw, na pak na asaang a, na Ling atam luat ziak in hon lou zoulou kahi mai maw...!Na kiang a paak ling neilou atamtam maijen toh, huaite lou zaw kha maileng ka chi lua......

Chihte ngaihtuah kawm in innlam ah ka kileh kiik ta hi....Tu in ahih leh, na ling in hon dawt na ka taksa ah, hon sut na pawn te amang nawn kei diing....!

Midang te'n zong loh tum in, nakiang hon zuan ua, "Apaak zaw hoih mah ee, himah leh a ling tamlua..." chiin hon pai peel zeel uhi.

Itpen Rose aw, tu in na omna sang mahleh Nangzong nikhat ni chiang in, Nisa te'n na paak ahai vul diing a, vuah mal in a deng pulh ding hi.... Huaini chiang in nangzong leitual ah na om ta diing a...
Na kung a, Ling tam dan namu diing a, himah leh bangteng aki kheel ta huaini chiang in, naling in honsut lai a na kasak dan leh Na sak ziak a ka mittui pawt te ana ngaihtuah thak ve maw.....Nang zongNa paak na ngei a paak nawn ding ut mah le chin, ahithei nawn kei diing hi...

KA LOH ZOHLOUH ROSE AW, DAMSUNG A DI'N MANGPHA... MAI VE MAW....!

©SIAMSINNA LEH VAKIANGBU

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more