PIL MASA HAMTANG!

~Vz Vualnam

Mi na nuaisiah ut leh Nang tungtuang masa in. 

Mi na simmoh ut leh Nang zahtaakhuai masa in. 

Mi na dem ut leh Nang dembei hi masa in. 

Mi na kou ut leh Na kou vuallouh hi masa in. 

Mi na thuzoh ut leh Nang kithuzoh masa in. 

Mi na zebawl ut leh Nang chiim masa in. 

Mi na vuak ut leh Nang haat masa in. 

Gaal na bawl ut leh Na tem taathiam masa in. 

Mi na thuhilh ut leh Nang theisiam masa in. 

Mi hai na sak ut leh Nang pil masa in. 

Na hong pil chiang in 

Leitung ah a kua mahmah 

Nuaisiah ding,simmoh ding, 

Dem ding, kou ding, 

Zebawl ding, vuak ding, 

Gaalbawl ding a om nawnkei dia, 

It ding, theihsiam ding, 

Huh ding, lawmbawl ding, 

Dopsang ding khawng a hizaw ding. 

Huaiziak in hiai leitung ah Pil masa hamtang in!

©SIAMSINNA LEH VAKIANGBU