BAWNGNAWI NOU KHAT

By Rex Peapy Tangpua Racer

Nikhat pasal naupang 1 in vannen tuamtuam zuak in nisa nuai ah inn tuamtuam a kawm a, a gim toh, nisatoh a dang hong tak mahmah a, kuamah a theih lah omlou, mi peuh kiang ah lah ngen ngamlou in a thuak nilouh hi. Innkhat ah a vanzuak sunzom in kongkhak a vakiu a, numei naupang khat in kongkhak a vahong hi. Aman leng a khanvualpih hiven chi in kisuanglah simkawmpi in tuidawn di a ngen a, naupangnu leng innsung a vatai lut in bawngnawi noukhat hon tawi a, "Na gil le a kial law di, hiai bawngnawi dawn in" chi'n a pia hi.Gentheitak a ana khosa a gim-le-tawl tak a nektawm zong maimai in hichibang deihsakna a tan a kipak mahmah a, lungkimtak in a bawngnawi a hon dawn kitkit a, a dawnkhit in, "Bangzah man di a?" chi'n a dong hi. "Bangmah piak a ngaikei, a thawn a kon piak ahi" chi a naupangnu'n a dawn takin kipaklua in, "Hichituk a deihsakna ka tan ka mangngilh kei ding, ka kipak lotel" chi in a paisan hi.

Kum 15 nung in nikhat Doctor Raj in a sepna Hospital ah numei khat natna thupi mahmah nei hong kipawlut a, a gim mahmah ziakin ICU ah puaklut in a om ngal hi. Dr. Raj leh a lawmte leng huai damlou numei hehpihhuai takmai buaipih in a phebuai pah tingteng uhi. Dr. Raj in damlounu a hon muhtak in a meltheih ahi chih a thei a, a lawmte kiang ah a case amah khut a koih di'n a ngen hi. Dr. Raj in a hihtheih tawp suah in damlounu a hon enkol a, lohchin ngei kilamen tinten kawm in pan a la nak mahmah hi. A lamet bang in a damlou etkol in leng ma a sawn hiaihiai a, Dr. Raj tuh a kipak mahmah hi. Khathum sung vingveng hong ki-etkol nung un damlounu leng damsiangta, damdawi inn pawtsan theita din hong om a, a ki-etkol sung a kisengzah tengteng bill hon bawl ua, damlounu kiang ah a vapia uhi.

Damlou nu'n a bill a muh in a lungkham mahmah mai a, sum huai zahzah koi a lading hiam chih theizou lou ahihman in a biang ah lungkhamna mittui hong luang zungzung a, "Ana si hizaw maileng maw! Damsung bat kiguan a ka hin sang a manphazaw di hiven!" chi'n a kidawm kun nilouh hi. Dr. Raj in huchia a om a theih takin a seppihte kiang ah a bill et a ngen a, a ditkikna tan a mawh a puak di thu a hilh hi.

Huchi'n a bill Dr. Raj kiang ah a pia ua, aman leng a tung a laithem a thu tamlou gelh in nurse te kiang ah bill pen damlounu va pekik di'n a sawl hi.Damlounu'n a bill toh kikilh khawm laithem a thu kigelh hon simtak in kipahna leh lamdang sakna in a dim a, kipahluat ziakin a kap khe kouhkouh zezen hi.

Huai laithem ah tuh Dr. Raj in hiai thu a gelh hi:
 "hiai bill a senna tengteng bawngnawi nou khat man dia piak khit ahita"

Dated ;25-03-2013

@Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more