SISANPHA

By : Silvasang Tonxing

Tuni in thu tam lou hou chik a kigel mah ni theih dandan a sut ka hon kum nuam tei ahi .

Kumzabi 21 na chiang ah i ding ta ua i khua lamka khopi i et chiang in hun dang toh ki bang nawn het kei mai ahi. Nidang a awm dan kilawmlou a i kawihte tu ni chiang in i deih leh i lak tam pen ahi mok hi.

Gimgenthei lelliang mi hingte leitung ah nasem in gimtak in khoul tui luang puappuap in nek i zong uha .. Honsiampa bang a chang in i mohsa sek uh hi. Hiaibel thildik a hi kei hi. Aman ahon hehpihziak in eite a di liauliau Jesu leitung ah ei lei mihingte bang in ahon sawla, mihing asiam mihing sung ngei a pai a awm in atapa lei tung ah hon sawl aa Bethlehem ah Mari leh Joseph ta ding in ahong piang hing.

Pathian in ata pa Jesu ama deihna bang in amatheihpitu muanhuai atapa hawmthoh pen leitung a honsawl mihing ngeina bang a khanglian in hiai khovel haksa tak nuai ah hon khang khesakin ama thu tak tangkou pih ding asawl in padeihlam sem in alei tung nuntakna hon pan hi.

Dawininte, damloute, khalam bahleh tawlte a ding in dam na tuisiang amah a om ahih bang in a mah Toupa Jesu in a sudam jel hi. A chang in mipite kiang ah hun hon jangjel a Pathian thutak agen jelai hi.Haksa bang kim hon phu tou hi.

Hun honpai jel in, leitung gambup pi ading a vualzoua khopi alut masak na ding in Jerusalem ah hon lut hi tua mun ah hosana chi in mipite a kikouzuazua ua Ipa David gam a hongpai ahampha hi, tungnungpen ah HOSANNA chi in tua kumpilian Jesu napah tawi uh hia.

Hunleh nite honzang zom zel in aleitung nuntak na in beikuan honma nohta hi. HUCHI in ama sihna ding thu gen kholh a omsa tuh tangtun ding in ahon om ta Gethsemane huanah athum lai un Pharisai saptuam heutu liante thuneihna in Juda in twa i Toupa jesu vazuak hi tua pen leng Bible ah akim leh chiang zaw in Marka sung ah a om ding. DANGKA 30 A zuak in a om ahu chi in pharisai ukil leh Rome Sepaih galvan tawite khut ah mat sak in hong om hi.

Hunte tuibang a muanliam ahih man in Jesu leng gawtna sepaih zaheutu liante nuai ah piak in om hi .Tua hun in sisan naisan toh kidim in I hondampa eng bawlna linlukhu khuksak in a om ahi. Tuah khiat ahun beikuanlam in Jesu leh barabba kumpi mai a dinsak in hong om kumpi in thukhenna abawl thei kei aziak bel i Toupa Jesu zaw mi dik tat khelhna neilou Pathiantapa ahih ziak in. Hu chihlai in paidia phalna mipite kiangah kua paithei ding hiam chih dawt na hon bawl in i Toupa hongvual lel in baraba khah ding in thupia ahi JESU BEL TUA HUN IN KHROS AH KILHDEN DING IN THU TAN KHUM IN A OM.

NANGLEH KEI ADING IN SINGKROST PUA IN TANGSANG TAK GOLGOTHA TUA HUN LAI A MITE AKHAILUP NA MUNUH AHON ZOT PIH UA I TOUPA JESU PANPIH TU BEI IN AWM HI.

Haksatak in tualam pi ken- suk leh Tou ah asinglamteh pua in i khelna sawpsiang na ding in ahonpua a amah kilh denna di tekrek a pua ahi lai hi. Tua tang ahon tun un .. mohna neilou eite mohna te tatna ding in tua a singkros ah kilh bel in a om ta a, sih dong in eite a ding in I Pa Pathian hehpihna a mihing eite adin ahon nget sak lai ahi.

Unausang tampi te'n sihna han mual honliamsan ua, eite adam laite'n tua sisan luang a i Hondampa thuak na ei hang a thuak ahihlam ginglou lai ding maw? Kivelthak ni tua sisanluang a mawkna a luangsak ding i hi diam? Ei ut dandan ahinglai ding maw hilou e ipa Pathian leh Hontanpa deihna bang in hingni tua sisan luang te ei adia sisan pha ahì hi. Lunggel ni a zekai naikei tu ahun ahi amasiang lam zuan ni kipe khethak ni aw kagam lei, ka chi uleh naute sanggam khang gui zop pih te aw.Jesu melsiat na eite a bang hi lou hi a maw, ama a zaw tei adawt a om a sing a khut leh khe kilh a awm a linglukhu khuk sak a om a sihtan dong a tua Kalvari Kros a ei hontatna ding a i khelh ngaihdam na ding a hon thuaksak pa hi a maw kivel thak ahun ta, sing kros a a hontat na, ei a dia i khelh, mohna dia sisan naisan luang a kros puaksak a awn a, ei te tat na ding a Kalvari Kros a khailup a awm na ni theih gige na dia tua ni Good Friday chia i min loh ahi . Hontat na sisante sinsanpha hithei ding in Toupa'n michih lungsung ah na hon sem a, kikhekna thupi tak mimal hita hen aw saptuam leh khotang, society tuangte tung ah lemna muan na tunna ni hong hileh chih ka thum na a hi. 

~~~Kakipak zatnuam.

GOODFIDAY IN I LAK UAH lemna, muanna,kithutuahna, halhthakna leh adangdangte i innsung, khotang leh sociaety leh adangdangte kiang ah hong tunta hen.
©Siamsinna leh Vakiangbu