ITNA DIK BANG HI HIAM..??
By-Nekkhothang
(Shared by Shyam Guite Fspa)
Itna kichi a thupi mahmah a, Itna jiakin lungsim sungnung/tawng pen dengpha in tangthu tampite khawvel ah gelhin ana omta hi. Huaite kia len hilouin,hiai Itna jiak tuailai (Nungak/Tangval) hawmthoh huai tampi ten a hinna uh len ana chan/tan ta uhi. Huan, hiai ITNA thupi mahmah tuh khawvel thil kia ah hilouin, sahkhua chihin leng thugin kibul phuhnain ana nei chiat uhi. Huaikia leng hilouin thil bangkim siampa Pathianin leng hiai Itna tuh a poimawh penin akawiha, thil tengteng leh Leitung leh Van tana om ding, abei thei ngeilou ding leh thupipen hiin ana gen hi. "Huchiin hiai thumte, ginna, lametna, itna, a omgige ding; huan, hiaite laka thupipen tuh ITNA ahi "(I Kor 13:13) anachi hi. Huan, Kumpi Solomon in itn thupi dan hiai bangin ana gen hi. "Itna lah sihna bangin ahat ngala, han bangin a giloua, huaia kuangte mei kuangte bang ahi uh. Tui tampiin itna a phelh thei keia, tui khangten a tum thei sam kei ding hi. Itna jiakin min a ina van tengteng peding hi taleh, nakpitaka muhsitin aomding hi. "(Solomon la 8:6-7) chin itna thupidan leh gu aneih dan gen ta hi. Itna a hoihin athupi mahmah hi. Himahleh, itna pen I zatkhelh leh gu nei ahi achih dungjuiin, manthatna hawn tuntu hithei a, ahiding bangtaka izat dìk khak leh Pathian kiang hontun tu hi thei hi. Huaijiakin Itna dik bang hi hiam.? Chih Bible pansanin I en ding uh.
Hiai itheih siamna dingin, Pathian hing belou, milim pathian beten a sakhua uh ait jiak bang ua atate uh ana pejel uh ahìhdan leh sahkho tuamtuamte biakna dan anahi ahi chih atheih jiakin, Jawlnei Mika in hiai bangin ana gen hi. "Bangtawh ahia Toupa maa kahong pai dinga, Pathian tungnung maa kakun ding, haltum thillatte, Bawngnou kumkhata upate toh ama ah kahong pai dia hia? Toupa belamtal sang tampi hiam, sathau lui singte hiamah a lungkim sin ahia? Ka tatlekna jiakin ka tachil ka pianin, ka kha khelhna jiakin ka pumpi gah ka pe dia hia?"(Mika 6:6-7) chiin sahkho itna jiaka miten itna ajat khelh sekna uapan itna zatkhelh alauh huai dan sinsakna hoihtak I mu thei hi.
Huan, Paulin itna dik neih theihna ding tawh kisaiin hiai bangin ana gen hi. "Itna in adawhzoua,amigia,itna in na haja keia, a kisathei sam kei, itna a kiuangsak keia, a huham sam kei, itna in amah thulou thu asalou keia, a mah angsuang a khual sam kei, a hehbaih keia, hehsain aomden sam kei, itnain gilou a kipahpih keia, a dik akipahpih jaw. Itnain bangkim a thuak teiteia, bangkim a gingta a, bangkim alamena, bangkim a thuak khe jel hi" (IKor 13:4-7) chiin itna dik neimite neih dingte chiangtakin ana gen hi. Huan, itna I chihpen"Kon it lua" chìhleldan himawk loua thilhih leh chìhtak tak a zuih ngai ahìh dan te hiai bangin ana gen hi. "Ki it tuahna loungal kuamah bangmah ba kei un, amau mihinpih itpan dan ajui kim ta ngala,...,Nangmah na ki it bangin navengte nait ding ahi, chihin a khaikhawm vek ngala,....itna jaw dan zuih kimna ahi"(Rome 13:8-10) achih ban ah, "Naute aw,thu kiain it keini, leikiain leng it sam keini, thilhih leh chih taktakin hi jaw hen"(I John 3:18) ana chi nawn hi. Huchi ahih jiakin,Itna dik ineih theihna dingin I sepsuah ngeingei ding leh I zuih ding tampi om ahìh dan ahon theisak hi. "A man a hon it masak jiakin, I it uhi" (John 4:19) ana chi hi. Pathian hon itna hiai bangin I mu thei hi.
"Pathianin ahon itna a langsakta Mikhialte ihihlaia Krist I sika asihna ah"(Rome 5:8) "Hiai ah Pathian itna I tung uah a hong langta, amah vanga ihin theihna dingin Pathianin a tapa neihsun khovela ahon sawlna ah"(I John 4:9) "Pathianin khawvel a it mahmaha huciin a tapa tang neihsun apia hi.Huchia kuapeuh amah gingta tuh a manthat louhna, khantwna hinna a neihjawkna dingin"(John 3:16). Hiaiteng lelah leng Pathianin hon itna jiaka ana sep/piak khiakte I muchian thei hi. Hiaiteng banah Pathianin ahon it dan híai bangin ana gen lai hi."Nidanga kakianga Toupa hong kilakin huchiin achi, It tawplouin kon ita, lainatnain kon kai"(Jere 31:3) a na chi hi. Hichitela ami siamta tunga ahoihna jiakin, Kumpi Davidin hiai ana chi hi. "Ka tunga athil hih hoih tengteng jiakin, Toupa kiangah bang ahia kapiak thuk sam ding? Hotdamna nou kala dinga, Toupa min ka lou ding"(Sam 116:12) ana chi hi.
Huan, it tawploua hon ita hon ita lainatna a honkai pan bangchi ding a hondeih hiam? Ichih chiangin "Mangthang loua, khantawn hinna nei ding"(John 3:16) leh amaha hinna I neih theihna ding ua, a thupiakte jui dingin hon deih/kai hi. "Nou non it uleh ka thupiakte na jui ding uh" (John 14:15). "Kuapeuh ka thupiakte neia, zuituh kei hon it ahi. Min hon it leh ka thupiakte a jui dinga. ka pan amah a it ding" (John 14:21,23). "Kuapeuh a thu zui peuhmah,amah ah Pathian itna a kim petmah ahi."(I John 2:5) achih ban ah, Unaute it ding leh kha mangthang dingte it dingin hondeih/kai hi. "Hiaih itna bang ahia chih ithei hi,aman tuh ei a dinga ahinna apiak tak jiakin, en leng unaute a dinga ihinna ipiak sam ding ahi"(I John 3:16) "mihingin a lawm adia ahinna apiak vala itna thupi jaw kuamahin anei kei"(John 15:3) ana chi hi. Huaite ban ah, unaute I it ziaka isepsuah ding;leh ipiakp khiak dingte ien suk lai ding uh.Bible in itna tuh thupiakte juihna ahi a chìh dungjuiin, itna dik ineihna jiaka isepsuah dingdan hiai bangin ana gen hi. "Kuapeuhin khovel sum neiin,a unau tasamin mu taleh, amah tuh lainat tuan kei leh, Pathian itna amahah bangchin a om ding?(I John 3:17) "Unaupa hiam unaunu hiam vuak tanga omin a niteng annek tasam leuh,Huchiin nalakua kuahiamin akianguah, khamuang takin pai unla, lumtak leh vahtakin omun, chi unla, sa a dinga thil kiphamawh pe tuan kei leuhcin bang a phatuam dia.?"(Jak 2:15-16) ah ana chi hi. Hiaìte apanin unaute adia phatuam iki sepsak tuahna un Pathian itna eia om ahi chih alangsak hi.
Thu zuihna panglou itna tuh itna dik hilou ahìhdan Paulin hiaibngin ana gen hi.Mihing paute leh Angel pautein thu gen mahleng, itna ka neih keihleh dakging lel hiam dakkhutbet ging lel hiam kahi ding hi. Huan thugen theihna neiin, thuguk tengteng leh theina tengteng theivekin, mualsuan theina khawp hial ginnakim nehmah leng, itna kaneih kei leh, bangmah kahi kei hi. Huan,migentheite vaknadingin ka sum tengten pevek mah leng, ka pumpi leng kang dingin kipe mahleng, itna kaneih kei leh, keidingin bangmah aphatuam kei"(IKor 13:1-3) ana chi hi. Hiai Bible tang pen mihing etnaa i-et chiangin hichibang kang a thupi itna aom nawn dia hia chih dingin awm hi. Himahleh, Biblea Pathianin itna dik agenpen ahtuh hiai atunga kigente poimawh masa pen hiloua"A gam leh adiktatna" poimawh masa pen ana hi ahi..(Mtt 6:33) chih mang ngilh kei ni.
Huaijiakin Bible in Itna diak chia agen tuh-Pathian thupiakte bang a juihna ahi chih a hon musak hi. "Hiaiah Pathian tate I it chìh I thei, Pathian I ita athupiakte I juihna in, Pathian I itna tuh hiai ahi a thupiakte ijuih na"(I John 5:2-3).Huan, Biblein Itna dik chia ana gen tuh "Ginna in thilh tawh a semkhawm itna" tuh ITNA DIK ahi.(Jak 2:22)
......,.......BEITA...........
NB:- A tung a ka thugelh kua mah kok tuam a ka gelh a hikei...
Pathian thulam kuaman ì gelh khol kei ua,simtute leh admin te na deih lou lam dan uh a hih leh ngaih dam kon gen...Huai joh na remove thei di uh na deih dan uh a hih keih leh...kipak..
March 24, Sunday at 10:12pm
@Siamsinna leh Vakiangbu
(Shared by Shyam Guite Fspa)
Itna kichi a thupi mahmah a, Itna jiakin lungsim sungnung/tawng pen dengpha in tangthu tampite khawvel ah gelhin ana omta hi. Huaite kia len hilouin,hiai Itna jiak tuailai (Nungak/Tangval) hawmthoh huai tampi ten a hinna uh len ana chan/tan ta uhi. Huan, hiai ITNA thupi mahmah tuh khawvel thil kia ah hilouin, sahkhua chihin leng thugin kibul phuhnain ana nei chiat uhi. Huaikia leng hilouin thil bangkim siampa Pathianin leng hiai Itna tuh a poimawh penin akawiha, thil tengteng leh Leitung leh Van tana om ding, abei thei ngeilou ding leh thupipen hiin ana gen hi. "Huchiin hiai thumte, ginna, lametna, itna, a omgige ding; huan, hiaite laka thupipen tuh ITNA ahi "(I Kor 13:13) anachi hi. Huan, Kumpi Solomon in itn thupi dan hiai bangin ana gen hi. "Itna lah sihna bangin ahat ngala, han bangin a giloua, huaia kuangte mei kuangte bang ahi uh. Tui tampiin itna a phelh thei keia, tui khangten a tum thei sam kei ding hi. Itna jiakin min a ina van tengteng peding hi taleh, nakpitaka muhsitin aomding hi. "(Solomon la 8:6-7) chin itna thupidan leh gu aneih dan gen ta hi. Itna a hoihin athupi mahmah hi. Himahleh, itna pen I zatkhelh leh gu nei ahi achih dungjuiin, manthatna hawn tuntu hithei a, ahiding bangtaka izat dìk khak leh Pathian kiang hontun tu hi thei hi. Huaijiakin Itna dik bang hi hiam.? Chih Bible pansanin I en ding uh.
Hiai itheih siamna dingin, Pathian hing belou, milim pathian beten a sakhua uh ait jiak bang ua atate uh ana pejel uh ahìhdan leh sahkho tuamtuamte biakna dan anahi ahi chih atheih jiakin, Jawlnei Mika in hiai bangin ana gen hi. "Bangtawh ahia Toupa maa kahong pai dinga, Pathian tungnung maa kakun ding, haltum thillatte, Bawngnou kumkhata upate toh ama ah kahong pai dia hia? Toupa belamtal sang tampi hiam, sathau lui singte hiamah a lungkim sin ahia? Ka tatlekna jiakin ka tachil ka pianin, ka kha khelhna jiakin ka pumpi gah ka pe dia hia?"(Mika 6:6-7) chiin sahkho itna jiaka miten itna ajat khelh sekna uapan itna zatkhelh alauh huai dan sinsakna hoihtak I mu thei hi.
Huan, Paulin itna dik neih theihna ding tawh kisaiin hiai bangin ana gen hi. "Itna in adawhzoua,amigia,itna in na haja keia, a kisathei sam kei, itna a kiuangsak keia, a huham sam kei, itna in amah thulou thu asalou keia, a mah angsuang a khual sam kei, a hehbaih keia, hehsain aomden sam kei, itnain gilou a kipahpih keia, a dik akipahpih jaw. Itnain bangkim a thuak teiteia, bangkim a gingta a, bangkim alamena, bangkim a thuak khe jel hi" (IKor 13:4-7) chiin itna dik neimite neih dingte chiangtakin ana gen hi. Huan, itna I chihpen"Kon it lua" chìhleldan himawk loua thilhih leh chìhtak tak a zuih ngai ahìh dan te hiai bangin ana gen hi. "Ki it tuahna loungal kuamah bangmah ba kei un, amau mihinpih itpan dan ajui kim ta ngala,...,Nangmah na ki it bangin navengte nait ding ahi, chihin a khaikhawm vek ngala,....itna jaw dan zuih kimna ahi"(Rome 13:8-10) achih ban ah, "Naute aw,thu kiain it keini, leikiain leng it sam keini, thilhih leh chih taktakin hi jaw hen"(I John 3:18) ana chi nawn hi. Huchi ahih jiakin,Itna dik ineih theihna dingin I sepsuah ngeingei ding leh I zuih ding tampi om ahìh dan ahon theisak hi. "A man a hon it masak jiakin, I it uhi" (John 4:19) ana chi hi. Pathian hon itna hiai bangin I mu thei hi.
"Pathianin ahon itna a langsakta Mikhialte ihihlaia Krist I sika asihna ah"(Rome 5:8) "Hiai ah Pathian itna I tung uah a hong langta, amah vanga ihin theihna dingin Pathianin a tapa neihsun khovela ahon sawlna ah"(I John 4:9) "Pathianin khawvel a it mahmaha huciin a tapa tang neihsun apia hi.Huchia kuapeuh amah gingta tuh a manthat louhna, khantwna hinna a neihjawkna dingin"(John 3:16). Hiaiteng lelah leng Pathianin hon itna jiaka ana sep/piak khiakte I muchian thei hi. Hiaiteng banah Pathianin ahon it dan híai bangin ana gen lai hi."Nidanga kakianga Toupa hong kilakin huchiin achi, It tawplouin kon ita, lainatnain kon kai"(Jere 31:3) a na chi hi. Hichitela ami siamta tunga ahoihna jiakin, Kumpi Davidin hiai ana chi hi. "Ka tunga athil hih hoih tengteng jiakin, Toupa kiangah bang ahia kapiak thuk sam ding? Hotdamna nou kala dinga, Toupa min ka lou ding"(Sam 116:12) ana chi hi.
Huan, it tawploua hon ita hon ita lainatna a honkai pan bangchi ding a hondeih hiam? Ichih chiangin "Mangthang loua, khantawn hinna nei ding"(John 3:16) leh amaha hinna I neih theihna ding ua, a thupiakte jui dingin hon deih/kai hi. "Nou non it uleh ka thupiakte na jui ding uh" (John 14:15). "Kuapeuh ka thupiakte neia, zuituh kei hon it ahi. Min hon it leh ka thupiakte a jui dinga. ka pan amah a it ding" (John 14:21,23). "Kuapeuh a thu zui peuhmah,amah ah Pathian itna a kim petmah ahi."(I John 2:5) achih ban ah, Unaute it ding leh kha mangthang dingte it dingin hondeih/kai hi. "Hiaih itna bang ahia chih ithei hi,aman tuh ei a dinga ahinna apiak tak jiakin, en leng unaute a dinga ihinna ipiak sam ding ahi"(I John 3:16) "mihingin a lawm adia ahinna apiak vala itna thupi jaw kuamahin anei kei"(John 15:3) ana chi hi. Huaite ban ah, unaute I it ziaka isepsuah ding;leh ipiakp khiak dingte ien suk lai ding uh.Bible in itna tuh thupiakte juihna ahi a chìh dungjuiin, itna dik ineihna jiaka isepsuah dingdan hiai bangin ana gen hi. "Kuapeuhin khovel sum neiin,a unau tasamin mu taleh, amah tuh lainat tuan kei leh, Pathian itna amahah bangchin a om ding?(I John 3:17) "Unaupa hiam unaunu hiam vuak tanga omin a niteng annek tasam leuh,Huchiin nalakua kuahiamin akianguah, khamuang takin pai unla, lumtak leh vahtakin omun, chi unla, sa a dinga thil kiphamawh pe tuan kei leuhcin bang a phatuam dia.?"(Jak 2:15-16) ah ana chi hi. Hiaìte apanin unaute adia phatuam iki sepsak tuahna un Pathian itna eia om ahi chih alangsak hi.
Thu zuihna panglou itna tuh itna dik hilou ahìhdan Paulin hiaibngin ana gen hi.Mihing paute leh Angel pautein thu gen mahleng, itna ka neih keihleh dakging lel hiam dakkhutbet ging lel hiam kahi ding hi. Huan thugen theihna neiin, thuguk tengteng leh theina tengteng theivekin, mualsuan theina khawp hial ginnakim nehmah leng, itna kaneih kei leh, bangmah kahi kei hi. Huan,migentheite vaknadingin ka sum tengten pevek mah leng, ka pumpi leng kang dingin kipe mahleng, itna kaneih kei leh, keidingin bangmah aphatuam kei"(IKor 13:1-3) ana chi hi. Hiai Bible tang pen mihing etnaa i-et chiangin hichibang kang a thupi itna aom nawn dia hia chih dingin awm hi. Himahleh, Biblea Pathianin itna dik agenpen ahtuh hiai atunga kigente poimawh masa pen hiloua"A gam leh adiktatna" poimawh masa pen ana hi ahi..(Mtt 6:33) chih mang ngilh kei ni.
Huaijiakin Bible in Itna diak chia agen tuh-Pathian thupiakte bang a juihna ahi chih a hon musak hi. "Hiaiah Pathian tate I it chìh I thei, Pathian I ita athupiakte I juihna in, Pathian I itna tuh hiai ahi a thupiakte ijuih na"(I John 5:2-3).Huan, Biblein Itna dik chia ana gen tuh "Ginna in thilh tawh a semkhawm itna" tuh ITNA DIK ahi.(Jak 2:22)
......,.......BEITA...........
NB:- A tung a ka thugelh kua mah kok tuam a ka gelh a hikei...
Pathian thulam kuaman ì gelh khol kei ua,simtute leh admin te na deih lou lam dan uh a hih leh ngaih dam kon gen...Huai joh na remove thei di uh na deih dan uh a hih keih leh...kipak..
March 24, Sunday at 10:12pm
@Siamsinna leh Vakiangbu
Comments
Post a Comment